دوای ئەوەی مافی میوانداریکردنی یارییەکانی کۆپا ئەمریکا کە ١٣ی ئەم مانگە دەست پێدەکات لە ئەرژەنتین و کۆڵۆمبیا سەندرایەوە کۆنمیبۆڵ بڕیاری دا یاریەکان لە بەرازیل رێکبخات و دوای چەند نەڕازییەکیش دواجار حکومەتی بەرازیل رازی بوو میوانداری یارییەکان بکات.
راگەیاندنی ناوی ئەو شارانەشی میوانداری کۆپا ئەمریکا دەکەن دوای ئەوە ھات بەرپرسانی ناوخۆی ریۆ دی جانیرۆ و برازیلیا و دوو شارەکەی تر رازی بوون میوانداری یارییەکان بکەن.
ئەم ھەواڵەش بووە مایەی خۆشحاڵی سەرۆکی بەرازیل کە رایگەیاند بە بەڕێوەچوونی کۆپا ئەمریکا ژیان بەردەوام بێت سەرەڕای مەترسیەکانی کۆرۆنا.
بە راگەیاندنی ناوی شارەکانیش دوپات بۆوە کە پاڵەوانێتییەکە لە بەرازیل بەڕێوەدەچێت کۆنمیبۆڵیش رایگەیاند گۆڕانکاری بچوک لە خشتەی یارییەکان دەکرێت کە یاری دەستپێک رۆژی ١٣ی مانگ لە یاریگای مانی گارنیشیا لەنێوان بەرازیل و ڤێنزوێلا دەبێت ئەمەش لە کاتێکدایە دەبوو یاری دەستپێک لە نێوان ئەرژەنتین و چیلی بێت.
لۆف دوای یارییەکە وتی: بۆ ماوەیەکی زۆر بەشێوەی کۆمەڵ بە باشی بەرگریمان کرد کە پێم وایە لەو رووەوە باشتر بووین لە یارییەکانی پێشووتر.
وتیشی: لەلایەکی ترەوە ژمارەیەکی زۆری ھەلی گۆڵمان رەخساند بەتایبەت لە گێمی دووەم، بەڵام خۆمان ئەرکی خۆمان قورس کرد ئەویش بەھۆی ئەوەی گۆڵی دووەممان نەکرد.
سەبارەت بە یەکسانبوونەکەش لۆف وتی: سەرەڕای ھەموو شتێک ئەم یەکسانبوونە شکست نییە و دەکرێت باشتر بین، پێویستە بۆ یاری داھاتوو چەند لایەنێک لە بەرگری و ھێرشبردن باشتر بکەین.
لۆف ئاماژەی بەوەشدا مانشافت کێشەی ھەیە کە ناتوانێت بۆ ماوەی ٩٠ دەقیقە پارێزگاری لە ئاست و ریتمی یاریکردن بکات بەڵام کاتی پێویستیان لەبەردەمە بۆ ئەوەی گۆڕانکاری بکەن.
لە کۆتایشدا سەبارەت بە ئاستی ھۆمێڵز و تۆماس مۆلەر وتی: ئەوان پێویستیان بەوەیە زیاتر یاری بکەن بۆ ئەوەی باشترینی خۆیان پێشکەش بکەن، بەڵام لە رووی گونجاندن لەگەڵ ھاوڕێکانیان زۆر باش بوون.
پیپ دوای یارییەکە وتی: باشترین پێکھاتەم دیاری کرد ھاوشێوەی وەرزی رابردوو بەرامبەر بە لیۆن و ئەم وەرزە بەرامبەر بەرامبەر پاریس و دۆرتمۆند، پێموابوو ئەمە باشترین پێکھاتەیە بۆ سەرکەوتن لەم یارییە و یاریزانانیش باش ئەوە دەزانن.
وتیشی: یارییەکی باشمان کرد بەڵام شکستمان ھێنا لەوەی ھێڵەکانیان ببڕێن بەتایبەت لە گێمی دووەم، لە گێمی دووەم ئاستمان بەباشی بەرەو پێشەوە چوو، چەندین ھەلمان بۆ رەخسا بەڵام ھێڵی بەرگری چێڵسی ئەرکیان قورس کردین، ئەوانیش ھەلی کەمیان ھەبوو بەڵام سودیان لێوەرگرت.
سەبارەت بە یانەکەشی وتی: ئەم وەرزە بۆ ئێمە زۆر باش بوو، خەونی گەیشتنمان بە یاری کۆتایی بەدی ھێنا بەڵام لە یاری کۆتایی بەخت یاوەرمان نەبوو، بەجدی کار دەکەین بۆ ئەوەی جارێکی تر بگەینەوە یاری کۆتایی.
سەبارەت بە یاری نەکردن بە یاریزانی ئیرتیکازیش لەسەرەتاوە پیپ وتی: بڕیارمدا پشت بە یاریزانی بەھرەمەند ببەستم، گۆندۆگان ماوەیەکی زۆر لەو شوێنە یاری کردوە، ئەو دەتوانین بەرگریش باش بکات و بە پاسەکانی کێشە بۆ تیپی بەرامبەر دروست بکات بۆیە پێم باش بوو ئەو لەو شوێنە یاری بکات.
بەپێی ھەواڵێکی سایتی سپۆرتی نزیک لە یانە کەتەلۆنییەکە، گرێبەستە نوێیەکەی مێسی لەگەڵ بارسێلۆنا تا وەرزی ٢٠٢٢-٢٠٢٣ بەردەوام دەبێت .
سایتەکە ئەوەشی ئاشکرا کردووە، مێسی لە ساڵی یەکەمی گرێبەستەکەیدا بڕی ٦٠ ملیۆن یۆرۆ وەردەگرێت، ئەمەش لە کاتێکدایە مووچەی ساڵانەی پێشووی نزیکەی ١٤٠ ملیۆن یۆرۆ بووە .
سپۆرت ئاماژە بەوەش دەکات، بەپێی بەندێکی گرێبەستە نوێیەکە بۆ ماوەی دوو ساڵ دەبێت، مێسی دەتوانێت دوای ئەو ماوەیە بە ھەمان مووچەوە پەیوەندی بە یانەی ئینتەر مەیامییەوە بکات و وەکو نوێنەری بارسێلۆنا لە خولی ئەمریکی یاریی دەکات .
ھەمان سەرچاوە ئەوەشی ئاشکرا کردووە، ھۆکاری دواخستنی گرێبەستەکەش بۆ ئەوە دەگەڕێتەوە مێسی بڕیارە دوای کۆتایی ھاتنی ئەو چوار ساڵە گرێبەستێکی تر لەگەڵ بارسێلۆنا ئیمزا بکات کە تیایدا دەبێت بە ھاوبەشی یانەکە تا ساڵی ٢٠٣١.
کۆمپانیای نایک لە مانگی ٨ی ساڵی رابردوو گرێبەستەکەیان لەگەڵ نەیمار ھەڵوەشاندبووەوە، بۆ میدیاکانیان ئاشکرایکرد نەیمار دەستدرێژی کردووەتە سەر کچە کارمەندێکیان و ھۆکاری ھەڵوەشاندنەوەی گرێبەستەکەشی ھەر لەبەر ئەوە بووە .
نایک بە رۆژنامەی وال ستریت جۆرناڵی راگەیاندووە، رووداوەکە ساڵی ٢٠١٦ روویداوەو لە ساڵی ٢٠١٨ لێکۆڵینەوەکانیان دەست پێکردووە تا راستییەکانیان بۆ دەرکەوێت و نەیمار رەتیکردووەتەوە ھاوکاریان بکات لە لێکۆڵینەوەکاندا، بەڵام دواتر لە کاتی ھەڵوەشاندنەوەی گرێبەستەکەیدا لە ساڵی ٢٠٢٠ ھیچ شتێکیان بۆ میدیاکان ئاشکرا نەکرد .
ھەر زوو نەیمار لەسەر ئەو تۆمەتانە ھاتە دەنگ و رایگەیاند، کۆمپانیای نایک راستییەکانی شێواندووە و سەرجەم تۆمەتەکانیان دورن لە راستییەوە و درۆی ھەڵبەستراون .
نەیمار لە ئینستاگرامی رەسمی خۆیەوە دەشڵێت، راستییەکان دەکرێت بشێوێنرێت چونکە خەڵکی لە سوچی جیاوازەوە دەیان بینێت و ئەوەش بەشێکە لە ژیان .
ئەستێرە بەرازیلییەکە جەختیشی کردووەتەوە، تووشی سەرسوڕمان بووە کۆمپانیایەکی وەکو نایک راستی بشێوێنێت ئەوەی دەیڵێن سەبارەت بە ھاریکاری نەکردنیان لەبارەی ئەو تۆمەتەی خراوەتە پاڵی درۆیەکی گەورەیە .
ئەوەشی خستووەتەڕوو، ئەو رووداوەی باس دەکرێت لە ٢٠١٦ روویدا بێت دوای ئەوە لە ساڵەکانی ٢٠١٧ تا ٢٠١٩یش کاری لەگەڵ ھەمان ئەو کەسانەدا کردووە بێ ئەوەی ھیچ شتێکی پێ بڵێن .
کۆپا ئەمریکا بڕیار بوو ساڵی رابردوو بەڕێوە بچێت بەھۆی ڤایرۆسی کۆرۆناوە دوا خرا بۆ ھاوینی ئەمساڵ، بەڵام ھەفتەی رابردوو کۆڵۆمبیا کە یەکێک بوو لەو دوو وڵاتەی میوانداری پاڵەوانێتییەکەیان دەکرد لە لایەن یەکێتی تۆپی پێی ئەمریکا باشوورەوە مافەکەی لێ وەرگریرایەوە .
بەوەش ئەرژەنتین بە تەنیا ماوەتەوە بۆ میوانداری کردنی کۆپا ئەمریکا، بەڵام بەپێی راپرسییەک لە رێکخراوی بۆلیارکیا ئەنجامیداوە، لە سەدا ٧٠ی بەشدار بووەکان داوایان کردووە وڵاتەکەیان لە میوانداری کردنی ئەو پاڵەوانێتییە بکشێتەوە .
تەنیا لە سەدا ٢٠ی دەنگدەرەکانیش پێیان وایە پێویستە ئەرژەنتین میوانداری پاڵەوانێتییەکە بکات و لە سەدا دەیش خۆیان یەکلا نەکردووەتەوە .
ئەمەش لە کاتێکدایە چەند رۆژێک لەمەوبەر بەرپرسانی کۆنمیبۆل سەردانی یاریگاکانی ئەرژەنتنیان کرد بۆ ئەوەی بۆیان روون بێتەوە کە ئایا ئەو وڵاتە دەتوانێت میوانداری ئەو ١٥ یارییە بکات کە بڕیار بوو لە کۆڵۆمبیا بکرێت و لە نێوانیاندا یاریی کۆتایی پاڵەوانێتییەکە لە لە رۆژی ١٠ی مانگی ٧.
وەرزی ٢٠١٥-٢٠١٦ مۆرگانی تەمەن ٣٧ ساڵ سەرکردایەتی لیستەر سیتی کرد و بەدەستھێنانی نازناوی پرێمەر لیگ و مێژوویەکی نوێیان لە تۆپی پێی ئینگلتەرادا نوسییەوە .
ھەژماری لیستەر لە تویتەر لە توتێکدا ئاشکرایکردووە کە کاپتنەکەیان و براوەی پرێمەر لیگ کە ماوەی ٩ ساڵە لە کینگ پاوەر ستادیۆم یاریی دەکات دوای کاروانێکی سەرکەوتوو لە تۆپی پێدا و ئەنجامدانی ٧٥٠ یاریی پیشەگرانە لە کۆتایی ئەم وەرزەدا کۆتایی بە کاروانەکەی دەھێنێت .
لیستەر ئەوەشی ئاشکراکردووە کە کریستیان فۆکسی تەمەن ٣٥ ساڵیش کە ئەویش یەکێک بوو لە براوەکانی پرێمەر لیگ لەگەڵ گورگەکان لە کۆتایی ئەم وەرزەدا یانەکە جێدەھێڵێت .
شین پۆشەکان لە کۆتا جەولەی پرێمەر لیگدا رووبەڕووی یانەی تۆتنھام دەبنەوەو پێویستیان بە سەرکەوتنە بۆ ئەوەی ھیوای گەیشتنیان بە چامپیۆنز لیگی وەرزی داھاتوو بمێنێت .