وەرزش
ئەگەرچی کۆمەڵەی یەکەم بە سودی پۆبلیک و بە ئەنجامی ٦-٤ کۆتایی ھات، بەڵام چیلچ لەو پەڕی بەھێزیدا گەڕایەوە و توانی دوو کۆمەڵەی لەسەر یەک بە ئاسانی بە سودی خۆی تێپەڕێنێت. پاشان ڕێگەی بە پۆبلیک نەدا ھیچ ئاستەنگێکی بۆ دروست بکات و یارییەکەی بە ٢ کۆمەڵە بەرامبەر بە کۆمەڵەیەک بردەوە و خاڵی کۆمەڵەکانی چیلچ ٦-٢ و ٦-٣ بوون.
بەم سەرکەوتنە کۆی خاڵەکانی مۆناکۆ لە ریزبەندی خولی فەڕەنسی بۆ ٧٤ خاڵ بەرز بووەوەو پلەی سێیەمیان لە یانەی لیۆن وەرگرتەوە ، ھاوکات تەنیا دوو خاڵ لە دوای پاریس سان جێرمانی دووەمەوەن
لە کۆنفرانسێکی ڕۆژنامەوانیدا دوای کۆتایی ھاتنی یارییەکە ، زیدان ئەوەی خستەڕوو کە ئەگەر ئەو تۆپەی بەردەستی میلتاو کەوتووە لێدانی سزا بێت ئەوا ئەوەی لەسەرەتای یارییەکەشەوە بەر یاریزانێکی سیڤییا کەوتووە دەبوو لێدانی سزا بێت بۆ تیپەکەی ، لەبەر ئەمەیە توڕەیە لە داوەری یارییەکە .
زیدان وتیشی کە ناتوانن ھیچ شتێک بگۆڕن و ئەوەی ڕویداوە ڕۆشتووە و پێویستە لە یادی بکەن .
لە بەشێکی تری وتەکانیدا ڕاھێنەرەکەی ریاڵ باسی ئاستی تیپەکەی کرد لەو یارییەدا و وتی ، کە جگە لە ٢٠ بۆ ٢٥ دەقەی سەرەتا ،بەدرێژایی یارییەکە ئاستێکی ناوازەیان پێشکەش کردووەو شایستەی ئەوە بوون سێ خاڵ بەدەست بێنن و بەگشتی بە شێوەیەکی ئەرێنی لە یارییەکە دەڕوانێت .
لە لێدوانێکیدا بۆ میدیاکانی ئیتاڵیا ، پێرلۆ وتی کە ھەفتەی ڕابردوو وتویەتی کە بەشێوەیەکی باش راھێنەریان کردووە و یاریزانەکانیش سەرنجیان لەسەر تیپەکە بووە بۆیە پێی وابوە دەتوانن بەرامبەر میلان ئاستێکی نایاب پێشکەش بکەن ، بەڵام ئەوەی پێشبینی کردوە ڕووی نەداوە سەرەڕای ئەوەی لە سەرەتاوە بەشێوەیەکی باش یارییان کردووەو دواتر ڕێگەیان ونکردووە .
پێرلۆ وتیشی کە ناتوانێت ئێستا ھۆکاری ئەم شکستە ڕوونبکاتەوە ، چونکە کاتێک لە یارییەکی وا گرنگدا بە ئەنجامی ٣-٠ تووشی شکست دەبیت مانای ئەوەیە زۆر شت بە ھەڵە رۆشتووە ، بەڵام پێویستی بەوەیە ھەڵسەنگاندن بۆ دۆخەکە بکات و دواتر ھەوڵدەدات بە شێوەیەکی ھێمنانە گفتوگۆ لەگەڵ یاریزانەکانی بکات .
بەر لە چوار ھەفتە لە کۆتایی خولی پلە دووی ئیسپانیا ئیسپانیۆل بووە میوانی یانەی ریاڵ زاراگۆزا و یارییەکەش بە یەکسانبوون بەبێ گۆڵ کۆتایی ھات.
ئیسپانیۆل بەر لە چوار ھەفتە لە کۆتایی خولەکە خاوەنی ٧٨ خاڵە و بەجیاوازی ١٢ خاڵ لە پێش یانەی ئەلمێریای سێیەمی ریزبەندییەوە دێت، بەمەش بە رەسمی سەرکەوت بۆ خولی پلەیەک.
بەم سەرکەوتنەش ئیسپانیۆل پارێزگاری لە نەریتەکەی کرد کە ھەمیشە دوای وەرزێک لە دابەزین بۆ خولی پلە دوو دەگەڕێتەوە بۆ پلەیەک و ئەمە پێنجەم جارە ئەو کارە دەکات.
لە ئیسپانیا دوو یانەی پێشەنگ بە شێوەیەکی راستەوخۆ دەگەنە خولی پلەیەک و ئێستاش مایۆرکا بە ٧٢ خاڵ پلەی دووەمی گرتووە و ٦ خاڵ لە پیش ئەلمێریای سێیەم دێت و ئەویش نزیکە دوای وەرزێک دابڕان بگەڕێتەوە خولی پلەیەک.
لە یاری لووتکەی ھەفتەی ٣٥ی پریمەرلیگ یانەی مانچستەر سیتی میوانداری یانەی چێڵسی کردو یاریەکەش بە ٢ گۆڵ بەرامبەر بە گۆڵێک بەسودی چێڵسی کۆتایی ھات.
مان سیتی لە یارییەکە بە پێکھاتەیەکی نیمچە یەدەک یاری کرد کە پیپ گواردیۆلا پشووی بە ٨ یاریزانی پێکھاتەکەی دابوو، سەرەڕای ئەوەش مان سیتی لە یارییەکە دەستپێشخەری کرد لە گۆڵکردن و لە دەقیقەی ٤٤ بە گۆڵێکی ستیرلینگ پێشکەوتن.
لەدوا ساتەکانی گێمی یەکەم داوەر فیکەی پەنالتی بۆ مان سیتی لێدا و سێرجیۆ ئەگوێرۆ ھەوڵی دا بە پانینکا گۆڵی پێ بکات بەڵام گۆڵپارێزبووە ڕێگر و ڕێگەی نەدا گۆڵ بکات.
لە گێمی دووەم چیڵسی باشتر بوو کە توانیان لە دەقیقەی ٦٣ ئەنجامەکە لە ڕێگەی حەکیم زیاش یەکسان بکەنەوە.
لە میانی یارییەکانی پریمەرلیگ لیڤەرپوڵ میوانداری ساوسھامبتۆن کردو یارییەکەشی بە ٢ گۆڵی بێ بەرامبەر لێ بردەوە.
لیڤەرپوڵ لە گێمی یەکەم باشتر دەرکەوت و لەدوای دەستدانی چەندین ھەل لە دەقیقەی ٣١ سادیۆ مانی گۆڵی پێشکەوتنی یانەکەی کرد.
لە گێمی دووەم ھەردوو یانە چەندین ھەلیان بۆ ڕەخسا بەڵام نەیانتونی گۆڵی پێ بکەن بەتایبەت ساوسھامبتۆن کە چەند جارێک نزیک بوون لە یەکسانکردنەوەی ئەنجامەکە بەڵام ئاست بەرزی گۆڵپارێز بووە ڕێگر لەبەردەمیان.
دواجاریش لە دەقیقەی کۆتایی یارییەکە تیاگۆ ئەلکانتارا توانی گۆڵی دووەم و دڵنیایی بۆ لیڤەرپوڵ بکات و سەرکەوتنی تیپەکەی یەکلایی بکاتەوە کە بە ٦ خاڵ لە لیستەر سیتی چوارەم دوورن و یارییەکی دواخراویشیان ھەیە.
تاقیکردنەوەکان لەسەر داوای حکومەتی ژاپۆن کە دەیەوێت لە ئێستاوە ئامادەکاری بۆ ھەموو پێشھاتێک بکات کە ئەگەری ڕوودانیان لە کاتی ئۆڵۆمپیاد ھەیە.
لە تاقیکردنەوەکانیش کە چەندین پێشبڕکێی لەخۆگرتبوو ھیچ ھاندەرێک ئامادە نەبوو، ئەمەش لە کاتێکدایە یەکێک لە بژاردەن ئەوەیە ڕێگە نەدرێت ھاندەران ئامادە بن بەتایبەت کە جارێکی تر حکومەتی ئەو وڵاتە دۆخی مەترسیداری وڵاتەکەی بەھۆی کۆرۆنا تازە کردەوە.
سەرجەم تاقیکردنەوەکانیش بە پابەند بوون بەتەواوی ڕێنماییە تەندروستیەکان بەڕێوەچوون کە لیژنەی ڕێکخەر دەیەوێت وەرزشکاران پابەند بکات بە ڕێنماییە خۆپارێزییەکان بۆ ئەوەی دووچاری ھیچ مەترسیەک نەبن.
ئم تاقیکردنەوانەش لە کاتێکدایە تادێت دەنگۆی ناڕەزایی خەڵکی ئەو وڵاتە دژی بەڕێوەچوونی ئۆڵۆمپیاد زیاتر دەبێت و بە پێی نوێترین ڕاپرسی نزیکەی لەسەدا ٨٠ی خەڵک دژی بەڕێوەچوونی ئۆڵۆمپیادن.
لەبارەی ئیدین ھازاردەوە زیدان وتی، ئەو گرێبەستی لەگەڵ ئێمە ھەیە و بردنەوەی لێرە دەوێت، برواشمان پێیەتی و ئومێدیشمان وایە کە لەنزیکترین کاتدا بگەڕێتەوە ئاستی بەرزی خۆی.
لەبارەی داھاتوی خۆشییەوە راھێنەرەکەی مێرەنگی وتی، پێویستە سەرەتا وەرزەکە تەواو بێت، بەڵام ئەوەی کە دەتوانم بیڵێم ئەوەیە کە شتەکمان بۆ یانەکە ئاسان دەکەم، ئەم یانەیە ھەموشتێکی بەمن داوە و بۆیە منیش ئاسانکاری بۆ دەکەم، بەڵام کارێکی دروست نییە کە لە ئێستاوە باس لە داھاتووم بکەم گرنگ ئەوەیە سەرنج لەسەر یارییەکان بدەین بزانین چی روو دەدات.
لەبارەی سێرجۆ رامۆسیشەوە زیزۆ وتیشی، بەداخەوە ئێستا خەمی سەرەکی ئێمە یاریەکەی سیڤییای بەڵام ئەو ناتوانێت بەھۆی پێکانەوە بەشدار بێت، بەڵام تەنھا شتێک کە گرنگ بێت ئەوەیە کە زوو چاک ببێتەوە.
ئەنجامی یاری چونی نێوانیان کە لە لاسیرامیکا کرابوو بە ٢ گۆڵ بەرامبەر بە گۆڵێک بەسودی تیپەکەی ئیمیری کۆتایی ھاتبوو.
ئەگەرچی نوێنەرەکەی ئینگلیز پێویستی بە بردنەوە ھەبوو بۆ ئەوەی خۆی بگەیەنێتە یاری کۆتایی ، بەڵام تەنھا گۆڵێکی بەس بوو بۆ ئەوەی بەو ئامانجە گەورە و زێرینە بگات .
سەرباری ئەوەی کە پێشبینی دەکرا ئیمیری تارادەیەک بەشێوازی بەرگری یاری بکات بۆ ئەوەی پارێزگاری لە ئەنجامی چونی بکات ، بەڵام بە پێچەوانەوە یاریییکی کراوە و ھێرشبردنیشیان ئەنجام دەدا .
یارییەکە بە فشاری بەردەوامی ھەردولا دەستی پێکرد و یاریزانان چەندین جار دەگەیشتنە سەر گۆڵ و گۆڵپارێزانیش سەرکەوتوو دەبوون لە خاوێن ھێشتنەوەی تۆڕی گۆڵەکەیان و دوای ئەوەی بەشی یەکەم بە سپێتی کۆتایی ھات .
بۆ گێمی دووەم پێشبینی ئەوە دەکرا کە گەنەرز بتوانێت مێزەکە بەروی ئارتیتا و تیپەکەیدا ھەڵبگەڕێنێتەوە ، بەڵام ئەو گێمەش وێرای ھێرشی بەردەوام و لەدەستدانی چەندین ھەلی گۆڵ کردن ، ھەمان سیناریۆی بەشی یەکەم دوبارە بۆوە و یارییەکە بە یەکسانی و بە بێ گۆڵ کۆتایی ھات و ژێر دەریاییە زەردەکان توانیان خۆیان بگەیەننە یاری کۆتایی و ئارسناڵیش لە گەیشتن بە یاری کۆتایی و ھەروەھا چانسی گەرانەوەشی بۆ ریزی گەورەکان بێ ھیوا بوو.
بۆ کۆمەڵەی دووەم ئەگەرچی ھەلێکی باش ھاتە بەردەم ئیڤانز بۆ ئەوەی ئەنجامەکە ھاوتا بکاتەوە .
بەڵام زڤیریڤ ململانێیەکی بەھێزی کرد و توانی لەڕێی تای برێک و بە ئەنجامی ٧-٦ ئەو کۆمەڵەیەشی بگرێت و یارییەکەی بە ٢ کۆمەڵەی بێ بەرامبەر بردەوە و گەیشتە قۆناغی چارەکی کۆتایی کە لەوێ رووبەڕوی رافائیل نادال دەوەستێتەوە .
زیدان دوای یارییەکە وتی، دەتوانین بڵێین چێڵسی شایەنی سەرکەوتن بوو، ھەوڵی زۆرماندا بەڵام لە کۆتایی ئەوان شایەنی سەرکەوتن و گەیشتن بوون بە یاری کۆتایی.
وتیشی، لە قۆناغی پێش کۆتایی یاریمان کرد، یاریزانان ئامادەبوون بۆیە دەبێت شانازیان پێوە بکەین چونکە ھەوڵماندا و تەنھا ھەنگاوێک لە یاری کۆتایی دوور بوین، چێڵسی بە ئاستی زۆر بەرز دەرکەوت بۆیە پێویستە پیرۆزباییان لێ بکەین.
سەبارەت بە ھۆکاری شکستەکەش رایگەیاند، لەم یارییە لە رووی ھێرشبەرییەوە باش نەبووین و ھەلی گۆڵکردنمان بۆ نەرەخسا، بە پێچەوانەی چێڵسی ھەلی زۆری ھەبوو، ئێستا پێویستە پشوو بدەین و بیر لە خولی ئیسپانیا بکەینەوە.
سەبارەت بە داھاتوشی وتی، دڵنیام ریاڵ مەدرید جارێکی تر رکابەری لەسەر چامپیۆنس لیگ دەکاتەوە، نامەوێت ئێستا باسی داھاتووم بکەم چونکە تەنھا چوار یاریمان ماوە و دوای ئەوە سەیر دەکەین چی رودەدات.
لە کۆتایشدا وتی، ئێمە ئێستا دڵتەنگین، چونکە لە پێش کۆتایی دەدۆڕێین ناکرێت دڵخۆش بیت، ئەمە ساتێکی قورسە بەڵام بە بەھێزی دەگەڕێینەوە.
ھازارد بە ١٧٠ ملیۆن یۆرۆ ھاتە ریاڵ مەدرید بۆ ئەوەی شوێنی کریستیانۆ رۆناڵدۆ بگرێتەوە ئەو یاریزانەی چوار چامپیۆنس لیگی بۆ ریاڵ مەدرید بردەوە، بەڵام سەرەڕای دەرکەوتن بە ئاستی خراپ، بەڵام بە رەفتارێک ھەمووانی توڕە کرد.
لە دوو وەرز یاریکردن بۆ ریاڵ مەدرید ھازارد دووچاری چەندین پێکان بووە بەھۆی ئەمەش نەیتوانیوە بە ئاستی بەرز دەربکەوێت و ھاندەرانیش ئارامیان گرتووە بەو ھیوایەی کە بگەڕێتەوە سەر ئاستی راستەقینەی خۆی.
بەڵام دوای یاری بەرامبەر بە چێڵسی بڵاوبوونەوەی وێنەی ھازارد کە گاڵتەو گەپ دەکات لەگەڵ یاریزانانی یانەی چێڵسی بووەتە توڕەبوونی ھاندەرانی ریاڵ مەدرید و داوادەکەن بیفرۆشن.
توڕەییەکە تەنھا لای ھاندەرانی ریاڵ مەدرید نەبووە بەڵکو گەیشتووەتە راگەیاندنەکانیش کە بە گرنگی زۆرەوە باسیان لێوەکردوەو بووەتە بابەتی یەکەمی ئەو راگەیەندنانە و ھەمووان داوا دەکەن دوای ئەو رەفتارەی ریاڵ مەدرید بیفرۆشێت.
جۆزیپ پیدریۆلی راگەیەندکاری بەناوبانگی شاری مەدرید رایگەیاندوە، ریاڵ مەدرید گاڵتە بە ریاڵ دەکات و پێویستە دوای ئەو وێنەیە بۆ یەک ساتیش رێگە بە مانەوەی نەدرێت، تۆماس رۆنسیرۆی بەناوبانگیش ئاماژەی بەوە داوە ئەگەر سانتیاگۆ بیرنابیۆ سەرۆکی ریاڵ بووە دەبوو ھازارد رۆژێک دوای یارییەکە بەدوای تیپێکی نوێدا بگەڕێت.
لە یاریی گەڕانەوەی قۆناغی پێش کۆتایی چامپیۆنز لیگ و لە نێو یاریگای ئیتحاد ، یانەی مانچستەر سیتی ئینگلیزی میوانداری یانەی پاریس سان جێرمانی فەڕەنسی کرد .
سیتیزن کە لە یاریی یەکەمدا بە ئەنجامی ٢-١ سەرکەوتنی بەسەر پاریسییەکاندا نوسیبووەوە ، لەم یارییەشدا سەرکەوتنی دوبارە کردەوە و بە ئەنجامی دوو گۆڵی بێ وەڵام لە میوانەکەیان بردەوە .
یارییەکە کە لە کەشوھەوایەکی تەرزەو باراناویدا بەڕێوەچوو ، یاریزانانی مان سیتی تەنیا ١١ دەقەیان پێویست بوو بۆ ئەوەی پاریس لە ھەر گەڕانەوەیەک بێ ھیوا بکەن ، ئەوەی دوای ئەوەی ریاز مەحرەزی جەزائیری گۆڵی یەکەمی تیپەکەی تۆمارکرد و نیوەی یەکەم بەو شێوەیە کۆتایی ھات .
لە نیوەی دووەمیشدا و لە دەقەی ٦٣ ئەستێرە جەزائیرییەکە جارێکیتر گەڕایەوە بۆ ھەژاندنی تۆڕی پی ئێس جی و گۆڵی دووەمی خۆی و مان سیتی تۆمارکرد و شینە ئاسمانییەکانی گەیاندە یاریی کۆتایی چامپیۆنز لیگ .
جێی ئاماژەیە ئەم جاری یەکەم بوو مان سیتی لە مێژووی خۆیدا بۆ یاریی کۆتایی چامپیۆنز لیگ سەرکەوێت .
لە کۆنفرانسێکی ڕۆژنامەوانیدا ، ڕاھێنەرەکەی مان سیتی سەرەتا باسی لەوەکرد کە سەرکەوتنیان بۆ یاریی کۆتایی بەڵگەی ئەوەیە لە ماوەی چوار ساڵی ڕابردوودا کارێکی گەورەیان کردووە و جگە لەوەش جامی کاراباو کەپیشیان بەدەست ھێناوەو لە نازناوی پرێمەرلیگیش نزیکن .
لەبەشێکی تری وتەکانیدا گواردیۆلا باسی ئاستی یاریزانەکانی کرد لە یارییەکەی پاریس سان جێرماندا و ئەوەی خستەڕوو کە لە نیوەی یەکەمدا نەیان توانی بەشێوەیەکی باش یاریی بکەن ،بەڵام لە نیوەی دووەمدا ئاستێکی سەرسوڕھێنەریان پێشکەشکردووە .
گواردیۆلا لەبارەی ئاستی ڕیاز مەحرەزیشەوە کە ھەردوو گۆڵەکەی سیتی تۆمارکردبوو لە یارییەکەدا ، ئاماژەی بەوەدا کە ئەو یاریزانە کوالێتی و بەھرەیەکی سەرسوڕھێنەری ھەیەو ھەمیشە لە یارییە گەورەکاندا خۆی دەسەلمێنێت .
لەیکەرز کە ئەو یارییەی بە بێ بەشداری چەندین یاریزانی ئەنجامدا ئەمەش بەھۆی ئەوەی کە پێکان ڕێگر بوو بەڵام توانی لە چارەکی چوارەمدا بە جیاوازی ١٤ خاڵ لە پێشەوە بێت، ئەگەرچی ھەر لەو چارەکەدا یاریزانەکانی دێنڤەر سات لە دوای سات نزیک دەبوونەوە لە یەکسان کردنەوەی ئەنجامەکە. بەڵام جیاوازی ٤ خاڵ بووە ناونیشانی کۆتایی ئەویش لە بەرژەوەندی تیپی لۆس ئەنجلس لەیکەرز و یارییەکەیان بە ٩٣ خاڵ بەرامبەر بە ٨٩ بردەوە.
ئەوەی جێی باسە لەو یارییەدا ئەنتۆنی دەیڤز بە تەنھا ٢٥ خاڵی تۆمار کرد و لە دوا چرکە ساتەکانیشدا ڕێگەی نەدا یاریزانێکی تیپی دێنڤەر ھەڵدانێکی سێ خاڵی بە سەرکەوتوویی جێبەجێ بکات و ھاریکارێکی باشی تیپەکەی کرد.