وەرزش
ئاستە بەرزەکەی وێستبرۆک وایکرد ببێتە دووەم یاریزان لە مێژووی باسکەی ئەمریکا کە کۆنترۆڵی ٢٠ تۆپ یان زیاتر و ٢٠ ھەلی خاڵ تۆمارکردنیش یان زیاتری ھەبێت.
وێستبرۆک بەوەشەوە نەوەستا و توانی بۆ جاری ٣٢ھەمین لە مێژوویدا ٣ ژمارەی دووانی بنوسێتەوە و تۆماری خۆشی بگەیەنێتە ١٧٨ سیانەی دووانی کە خۆی لە ژمارەی پێوانەیی نزیک بکاتەوە کە بە ناوی ئۆسکار "ڕۆبرتسن"ەوەیە و بە ١٨١ ژمارەی دووانی لە پێشەنگە.
تیپی واشنتن نمایشێکی جوانتر و سەرکەوتوو تریان کرد و توانیان بە ئەنجامی ١٥٤ خاڵ بەرامبەر بە ١٤١ یارییەکە بەسودی خۆیان کۆتایی پێ بھێنن.
بەو بردنەوەیەش واشنتن خۆی گەیاندە پلەی دەیەمی بەشی خۆرھەڵات کە دواین پێگەی گەیشتنە بە قۆناغی پلەی ئۆف و ئیندیانا پەیسزیش لە پلەی نۆیەم دێت.
نێیمار لە لێدوانێکی بۆ پێگەی رەسمی یانەکەی وتی، پێویستە پێش ئەم یارییە گرنگە پشوویەکی باش بدەین و دواتر ھەموو سەرنج بخەینە سەر شێوازی سەرکەوتن لە یاریەکە.
وتیشی، لە یاری چون یارییەکی قورسمان بەرامبەر بە مان سیتی کرد، بەڵام پێویستە باوەڕمان بەخۆمان بێت، ئەمەش ھەرچەندە ھەموو ژمارەکان دژی ئێمەن.
سەبارەت بە ھیوای تیپەکەشی وتی، پێویستە ھەموو پاریسیەکان باوەڕیان پێمان ھەبێت، من لە ھێڵی پێشەوەو یەکەم جەنگاوەر دەبم بۆ ئەوەی لەو یارییە بجەنگم بۆ تیپەکە.
راشیگەیاند، ھەموو توانایەکم لەم یارییە دەخەمە گەڕ بۆ ئەوەی ئەنجامە بگۆڕین تەنانەت ئەگەر پێویست بکات لە ناو یاریگا بمرین.
پیپ لە کۆنگرەی رۆژنامەوانی پێش یارییەکە وتی، ھەشت بە شانازی دەکەم، بۆ زۆرێک لە ئێمە یەکەم جارە لەم قۆناغە بین، بۆیە ھەوڵ دەدەین ئاستێکی بەرز پێشکەش بکەین بۆ ئەوەی براوەبین.
سەبارەت بە شکستەکانیشی لەگەڵ بایرن مونشن لە قۆناغی پێش کۆتایی پیپ وتی: ھەموو یارییەکانی قۆناغی پێش کۆتایی جیاوازن، بەرامبەر بە بارسا و ریاڵ شایەنی ئەوە نەبووین سەربکەوین، بەڵام بەرامبەر بە ئەتلەتیکۆ زۆر نزیک بووین، ئەمساڵیش لە دۆخێکی باشداین.
سەبارەت بەوەی ئەو یارییە گەورەترین یارییەتی لەگەڵ مان سیتی پیپ رایگەیاند: نازانم، بەڵام ئەمە یەکەم جارە دەگەینە ئەم قۆناغە، لەم جۆرە یارییانە پێویستت بەوەیە ئارام بین و بزانیت چی دەکەیت، ھەمووان گرنگی یارییەکە دەزانن و چەند ساڵێکە چاوەڕێی ئەم ساتە دەکەین.
سەبارەت بە رکابەرەکەشیان گواردیۆلا وتی: پاریس ھاوشێوەی یاری چون مەتریسدارە، دەتوانن بەباشی بگەڕێنەوەو راھێنەرێکی زیرەکیان ھەیە، نازانم چی دەکەن، بەڵام ویستی گەورەیان بۆ گەیشتن بە یاری کۆتایی ھەیە، ئێمە سەرنجمان لەسەر خۆمانە، پێویستە بەباشی بەرگری بکەین و گۆڵیش بکەین، دەزانین پێویستە چی بکەین بۆ ئەوەی براوەبین.
سەبارەت بە شکستیان لە وەرزی رابردوو پیپ وتیشی: ژیان ھەمیشە ھەلێکی ترت پێدەبەخشێت، بۆیە ئێمە لێرەین، ھەمیشە ئارەزوم لەوەیە لە رابردووەوە فێربم، رەنگە ئەم یارییەش بدۆڕێین بەڵام دوای ئەوە ھەوڵ دەدەینەوە.
لە ھەواڵیکدا ئاماژەی بەوەکراوە ، ھەڵبژاردەی تازە پێگەیشتوانی خوار١٥ساڵی عێراق کە سەرجەم کچە یاریزانەکان و ڕاھێنەرەکەیان لە شاری سلێمانییەوە بوون پێکھاتبوون لە "ئەکادیمیای خەونی وەرزشی و ژیمان " لە بەرامبەرھەڵبژاردەکانی نیوزلەندا و گوام یارییان کرد .
دوای تێپەڕبوونی تەنیا ١٤ دەقە بەسەر یارییەکەدا، داوەر لێدانێکی سزای بۆ ئیستقلال ھەژمار کرد و لە ڕێگەیەوە شێخ دیاباتی گۆڵی سەرکەوتنی تیپەکەی تۆمارکرد.
سەرەڕای ھەوڵەکانی یانە عێراقییەکە بۆ یەکسان کردنەوەی ئەنجامەکە لە گێمی دووەمدا، بەڵام ھەوڵەکانیان بێ ئاکام بوو و بە دەستی بەتاڵەوە گەڕانەوە بۆ عێراق.
یانەی شورتە لە ٦ یاریی قۆناغی کۆمەڵەکان پێنج جار تووشی شکست ھاتووە و تەنیا یەک سەرکەوتنیشی بەدەستھێناوە و بە پلەی چوارەمی کۆمەڵەی سێیەمەوە ماڵئاوایی لە چامپیۆنز لیگ کرد.
لە دەقەی ١٠ یارییەکەوە ساوھامپتۆن بە ١٠ یاریزانەوە یاریی دەکرد، ئەوەش دوای ئەوەی یانیک ڤیستیڤاردی بەرگریکاریان بە کارتی سور کرایە دەرەوە .
بەڵام لیستەر سودی لەو بڕیارە وەرنەگرت و لە دەقەی ٦١ وورد پراوس بە لێدانێکی سزا ساوھامپتۆنی پێشخست .
دوای ئەو گۆڵە لیستەر ھێرشەکانی بۆ سەر تیپی خاوەن یاریگا چڕتر کردەوە و لە دەقەی ٦٨ جۆنی ئیڤانز بە لێدانێکی سەر بووە فریاد ڕەسی تیپەکەی و ئەنجامەکەی یەکسان کردەوە .
سەرەڕای ئەم یەکسان بوونە بەڵام لیستەر سیتی بە کۆکردنەوەی ٦٣ خاڵەوە لە پلەی سێیەمدا مانەوە و بە جیاوازی پێنج خاڵ کەوتنە پێش چێڵسی چوارەم.
دوای ئەوەی نیوەی یەکەم بەبێ گۆڵ کۆتایی ھات، لە نیوەی دووەمدا سێلتا شەش دەقەی پێویست بوو بۆ ئەوەی گۆڵی یەکەم لە ڕێگەی پرایس میندێزەوە تۆمار بکەن .
لە دەقەی ٧٤یش ئۆگۆستۆ سۆلاری بە تۆمارکردنی گۆڵی دووەم سەرکەوتن و سێ خاڵی یارییەکەی بۆ سێلتا بەدەستھێنا .
بەم سەرکەوتنە کۆی خاڵەکانی سێلتا ڤیگۆ بۆ ٤٤ خاڵ بەرزبووەوە و بە شێوەیەکی کاتی پلەی نۆیەمی ڕیزبەندی لالیگایان گرت، لیڤانتیش بە ٣٨ خاڵەوە لە پلەی ١٢یەمدایە.
لە کۆنفرانسێکی رۆژنامەوانیدا دوای کۆتایی ھاتنی یارییەکە، کۆمان راھێنەری بەرسێلۆنا روونی کردەوە، لە ھۆکاری دەرکردنی بە کارتی سور تێناگات و ھیچ وشەیەکی نەشیاوی بەرامبەر داوەری چوارەم بەکار نەھێناوە و تەنیا قسەی ئاسایی لەگەڵدا کردووە و ئەویش سوکەیاتی پێکردووە.
لەبارەی ئاستی تیپەکەشییەوە لەو یارییەدا، کۆمان ئەوەی خستەڕوو پێویستە شکستەکە قبوڵ بکەن سەرەڕای ئەوەی شکستێکی قورس بووە چانسی ئەوەیان لەدەستداوە لوتکەی لالیگا بگرن.
کۆمان وتشی، بێ ئاگایی بەرگریکارەکان ھۆکاری ھەردوو گۆڵەکەی گرانادا بووە و زۆر نیگەرانن بە ئەنجامی یارییەکە چونکە چارەنوسیان لەدەستی خۆیاندا بوە، بەڵام ئەمە کۆتایی نییە و ھێشتا پێنج یاریی ماوە ئەنجام بدرێت .
لە ھاوینی رابردوودا کاتێک مێسی داوای کرد بارسێلۆنا جێبھێڵێت، میدیاکان باسیان لەوەکرد کە مانچستەر سیتی یانەی داھاتووی دەبێت و گواردیۆلا دەیەوێت جارێکیتر راھێنەرایەتی کاپتەکەی بارسێلۆنا بکات.
بەڵام لە نوێترین لێدوانیدا، گواردیۆلا بە کەناڵی تیڤی ٣ی ئیسپانیا راگەیاندووە، ھیوادارە مێسی لەگەڵ بارسێلۆنا کۆتایی بە کاروانی وەرزشی خۆی بێنێت. چونکە ئەوێ ماڵی مێسییەوە ھەرگیز ماڵێک نادۆزێتەوە لە بارسا باشتر بێت بۆیە.
گواردیۆلا دەشڵێت، تەنیا شت بتوانن بیکەن ئەوەیە وەکو یۆھان کرۆیفی باوکی رۆحیان دەڵێت پێویستە بگەڕێینەوە سەر بنەما سەرەکییەکان، بەو شێوەیە دەتوانن قەیرانەکان تێپەڕێنن، ئەمەش وایکردووە بارسێلۆنا ھەمیشە یانەیەکی تایبەت بێت و ئێستاش شتەکان گەڕاونەتەوە سەر رێڕەوی سەرەکی خۆیان و نزیکن لەوەی ھەڵەکانیش راست بکەنەوە، بۆیە مێسی ھیچ شوێنکی دەست ناکەوێت لە بارسێلۆنا باشتر بێت.
ڕاھێنەرەکەی مان یونایتد لەبارەی داھاتووی کاڤانییەوە ئەوەی خستەڕوو کە دەیەوێت ئەو یاریزانە بۆ وەرزێکی تر لە یانەکەیان بمێنێت ، چونکە ھێشتا لەبەردەم ھاندەرانی مان یوناتیددا یاریی نەکردووە و پێویستە ئەو ھەستە تایبەتەش تاقی بکاتەوە ، چونکە یاریکردن لە ئۆڵد ترافۆرد بە ئامادەبوونی ھاندەران چێژێکی تایبەت تری ھەیە .
بەم ئەنجامە ھەردوو تیپی واشنتۆن کاپیتۆلز و پیترسبۆرۆ پەنگوین پلەی یەکەم و دووەمی کۆمەڵەی ناوچەی رۆژئاوایان بۆ خۆیان مسۆگەر کرد و بۆ پلەی ئۆف سەرکەوتن .
لە پرێس کۆنفرانسەکەیدا زیدان سەرەتا ئاماژەی بەوەدا ، کە ئەم وەرزە لە ھەموو ڕوویەکەوە نامۆ بووە بۆ تیپەکەی و ناشزانێت ھەڵەی کێ بووە و نایەوێت ھۆکارەکەشی بزانێت .
زیدان وتیشی ، کە گرنگترین شت ئامادەکارییە بۆ وەرزی نوێ و ئەوانیش لەم وەرزەدا ئامادەکاریان نەکردووە ئەمەش شتەکانی ھێندەی تر ئاڵۆز کردووە .
لەبارەی ئەوەی ئایا شکستەکەی بارسێلۆنا بەرامبەر گرانادا گۆڕانکاری لە کێبڕکێی بەدەستھێنانی لالیگادا دروست دەکات ، زیدان رایگەیاند کە ھیچ شتێک نەگۆڕاوە و ناتوانن کۆنترۆڵی ئەو شتانە بکەن کە لە دەوریان روو دەدات .
ڕاھێنەرەکەی مێرێنگی جەختیشی کردەوە ، کە بە باشترین پێکھاتەوە دەچنە یارییەکەی ئۆساسۆناوە و ھەوڵدەدەن سەرکەوتن بەدەست بێنن
لە پرێس کۆنفرانسێکدا پێش یارییەکەی فۆلھام لە ھەفتەی ٣٤ی پرێمەر لیگ تۆخێل سەرەتا باسی ماتیۆ کۆڤاچیچی کرد و ڕایگەیاند ، کە ئەو یاریزانە بەشداری راھێنانەکانی کردووە بەڵام ھێشتا متمانەی تەواوی بە خۆی نییە و ھەست بە ئازار دەکات بۆیە لە یارییەکەی فۆلھام دوری خستووەتەوە .
لەبارەی پێکانەکەی ڕۆدیگێریشەوە ، ڕاھێنەرە ئەڵمانییەکە ئاماژەی بەوەدا کە ئەو یاریزانە لە دوا دەقەکانی یارییەکەی ریاڵ مەدرید لە چامپیۆنز لیگ تووشی پێکان بووە بۆ یارییەکەی فۆلھام ناتوانێت یاریی بکات ، بەڵام دڵنیایە لەوەی ئەو یاریزانە بۆ یاریی دووەمی چێڵسی بەرامبەر ڕیاڵ دەگەڕێتەوە کە بڕیارە ڕۆژی چوارشەممەی داھاتوو ئەنجام بدرێت .
تۆخێل وتیشی کە یارییەکەی فۆلھام چانسێکی باشە بۆ ئەوەی پێگەی خۆیان لە پلەی چوارەمدا بەھێزتر بکەن بۆیە ھەموو ھەوڵێکیان بۆ بەدەستھێنانی سێ خاڵی یارییەکە دەبێت .
پۆچیتینۆ دوای یارییەکە وتی: ئەو دوو گۆڵە ھەموو شتێکی گۆڕی، پێم وایە یارییەکە پڕ رکابەری بوو کە ھەردوو تیپ دەیانتوانی براوەبن، لە گێمی یەکەم بەرامبەر بە تیپێکی وەکو مان سیتی زۆر باش یاریمان کرد، لە ١٥ دەقیقەی گێمی دووەمیش باش بووین، بەڵام لە کۆتایی دۆڕاین و ھەست بە دڵتەنگی زۆر دەکەین، پێویستە بچین بۆ مانچستەر بۆ ئەوەی براوەبین.
وتیشی: بەدڵنیاییەوە قورس دەبێت بە جیاوازی دوو گۆڵ براوەبین، بەڵام پێویستە باوەڕمان بەوە ھەبێت، کە دەتوانین ھەموو شتێک بکەین، مان سیتی تیپێکی زۆر باشە بەڵام ئێمەش یاریزانی بەھرەمەندمان ھەیە، ئەم یارییە بۆ ئێمە بە ئازار بوو بەتایبەت بەو شێوەیەی گۆڵەکانمان لێکرا، پێویستە گەشبین بین و پێم وایە دەتوانین بگەینە یاری کۆتایی.
سەبارەت بە دوو گۆڵەکەی مان سیتی پۆچیتینۆ وتی: ھەردوو گۆڵەکە بە رێککەوت بوو، راستە ھەلی زیاتریان لە ئێمە ھەبوو بەڵام نەدەبوو بەو شێوەیە گۆڵمان لێبکرێت، بەتایبەت لە یارییەکە ھەر تیپە و گێمێک باشتر بوو، بەڵام ئەوان لە رووی جەستەیی زۆر باشتر بوون.
پیپ دوای یارییەکە وتی، پێم وایە بە باشی دەستمان پێکرد تا گۆلەکەمان لێکرا، بەشێوەیەکی گشتی شەرمن بوو و نەمانتوانی لە جێگەی بەرپرسیاریەتی ئەم قۆناغە بین و ھەمووان بە ترسەوە یارییان دەکرد، بەڵام لە چارەکی کۆتایی گێمی دووەم زۆر باشتر بووین.
وتیشی، لە گێمی دووەم زۆر باش بووین و زووتر تۆپمان وەردەگرتەوە، ئەمە ئاسان نییە چونکە ئەوان زۆر باشن، ھێڵی ناوەندیان زۆر باشە و لە پێشەوەش یاریزانی مەترسیداریان ھەیە، بەڵام ئێمە چارەسەرمان دۆزیەوەو توانیمان دوو گۆڵ بکەین و دەکرا زیاتریش بکەین.
سەبارەت بە ھیوای تیپەکەشی رایگەیاند، نیوەی ئەرکەکە سەرکەوتوو بووین، ئەگەر یاری گەڕانەوەش ئەوا بە شەرمنی یاریی بکەین ئەوا ھەموو ئەگەرێک کراوەیە و پاریسیش توانای ئەوەی ھەیە ئەنجام بگۆڕێت، بەڵام ئەگەر بەشێوەی گێمی دووەم یاری بکەین ئەوا ھیوای گەیشتنمان بە یاری کۆتایی زیاتر دەبێت.
سەبارەت بە ھۆکاری شەرمنی تیپەکەشی وتی، ئەمە جاری دووەمە لە قۆناغی پێش کۆتایی یاریی دەکەین و یەکەم جاریشە لە دوای ساڵی ٢٠١٦ بۆیە زۆرینەی یاریزانانی مان سیتی لەم قۆناغە یارییان نەکردوە، بۆیە ناکرێت وەکو یاریزانی ئەو تیپانە بن کە بە یاریکردن لەو قۆناغە راھاتون.
لە کۆنفرانسێکی ڕۆژنامەوانیدا تۆخێل وتی، کە ڤێرنەر لە یاریی پێشوودا بەرامبەر وێستھام ھەلێکی ئاسانی گۆڵ نەکردووە و لەم یارییەشدا ھەمان شتی دوبارە کردووەتەوە ، بەڵام پێویست ناکات زۆر بۆ ئەمە بگرین و نیگەران بین ، چونکە لە جیھاندا ملیۆنان خەڵک ھەیە کە کێشەی زۆر گەورەتریان ھەیە لە لەدەستدانی ھەلی گۆڵکردن و پێویست ناکات زۆر بیری لێ بکەینەوە .
تۆخێل وتیشی ، کە دوای یارییەکە لە ڤێرنەر توڕە بووە و ئەو یاریزانەش لە ئاستی خۆی توڕەیە ، بەڵام ئەوەی جێگەی دڵخۆشییە لە تۆپی پێدا ئەگەر لە یاریی داھاتوودا گۆڵێک بکات ئەوا ھەموو شتێک لە یاد دەکرێت و ڤێرنەریش یاریزانێکی بەتوانایەو دەیەوێت بە ھەموو شێوەیەک یارمەتی تیپەکەی بدات .
لەبارەی ئاستی تیپەکەشییەوە تۆخێل ڕایگەیاند ، کە لە نیوەی یەکەمدا زۆر بەبەھێزی یارییان کردووە و بەخت یاوەریان نەبووە بۆ ئەوەی لە پێشەوە بن ، و ھەفتەی داھاتوویش لە بەردەم تەحەدایەکی قورس دا دەبن لە یاریی دووەمدا بەرامبەر ڕیاڵ مەدرید و پێویستە لە پێناو سەرکەوتندا بجەنگن .