وەرزش
ھەفتەی ڕابردوو یانەی ڕیاڵ مەدرید بەشێوەیەکی رەسمی رایگەیاند ، کە گرێبەستی رامۆس درێژ ناکەنەوەو ئەو یاریزانەش دەتوانێت بەبێ بەرامبەر پەیوەندی بە ھەر یانەکەوە بکات کە دەیەوێت .
سایتی کالچیۆ میرکاتۆی ئیتاڵی لە ھەواڵێکیدا ئەوەی ئاشکراکردووە کە ئیدارەی رۆما ئامادەیە داواکارییە داراییەکانی رامۆس جێبەجێ بکات بۆ ئەوەی بیگوازنەوە بۆ ئۆڵۆمپیکۆ .
پێشتر ھەردوو یانەی سیڤییا و پاریس سان جێرمان گفتوگۆیان لەگەڵ ڕامۆس کردووەو مووچەی ساڵانەی ١٠ ملیۆن یۆرۆیان پێشکەش کردووە ، بەڵام تا ئێستا ئەستێرە ئیسپانییەکە خۆی یەکلانەکردووتەوە .
سایتە ئیتاڵییەکە ئەوەشی خستووەتەڕوو کە رامۆس متمانەیەکی زۆری بە مۆرینھۆ ھەیە و بیر لەوە دەکاتەوە ئۆفەرەکەی رۆما قبوڵ بکات .
رامۆس و مۆرینھۆ پێشتر لە یانەی ریاڵ مەدرید لە نێوان ساڵانی ٢٠١٠ بۆ ٢٠١٣ بەیەکەوە کاریان کردووە .
کەناڵی ئاڕ ئێم سی فەڕەنسا لە ھەواڵێکیدا ئەوەی ئاشکراکردووە ، کە ئەمڕۆ دووشەممە دیمبیلی بەھۆی ئەو پێکانەی تووشی بووە لە ئەژنۆیدا لە یارییەکەی ھەنگاریا بۆماوەی سێ ھەفتە لە یاریگاکان دوردەکەوێتەوە.
ئەستێرەکەی بارسێلۆنا لە کۆتا یاریی کەڵەشێرەکاندا بەرامبەر ھەنگاریا بۆ ماوەی ٣٠ دەقە یاریی کرد و توانی ئاستێکی باشیش لەو ماوەیەدا پێشکەش بکات ، بەڵام ھەر لەو یارییەدا تووشی پێکانەکەی بووە .
پێشتر دیدی دیشامپی راھێنەریان ئەوەی ئاشکراکردبوو کە دیمبیلی تووشی پێکان بووە لە ئەژنۆیدا بەڵام ماوەی دوکەوتنەوەکەی باس نەکردبوو .
لە قۆناغی کۆمەڵەکانی یۆرۆی ٢٠٢٠ ھەڵبژاردەی فەڕەنسا یەک یاریی ماوەو تیایدا رووبەڕووی ھەڵبژاردەی پورتوگال دەبێتەوە .
ناداڵ بە یەکێک لە باشترین ئەستێرەکانی تێنسی سەرزەوی لە جیھان دادەنرێت و خاوەنی ٢٠ نازناوی گراندسلامە و بە پاشای سەر یاریگا گڵەکان ناودەبرێت و باشترین وەرزشکاریشە لە مێژووی ئیسپانیا.
بۆ ئەو مەبەستەش یەکێتی تێنسی سەرزەوی ئیسپانیا بڕیاری دا رۆژی لەدایکبوونی ئەو یاریزانە کە ٣ی شەشە بکات بە رۆژی نیشتمانی و ناوی رۆژی تێنسی سەرزەوی لێ بنێت و ھەموو ساڵێک بە چەندین چالاکی یادی بکرێتەوە.
سەبارەت بەمەش میگێل دیاز رۆمان سەرۆکی یەکێتی تێنسی سەرزەوی ئیسپانیا وتی: ھەر زوو درکم بەوە کرد ئەمە بیرۆکەیەکی مەزنە، تێنسی ئیسپانیا زۆری ھەیە بۆ ئەوەی ئاھەنگی بۆ بگێڕێت چونکە باشترین وەرزشکار لە مێژووی ئیسپانیا یاریزانی تێنسە.
بڕیاریشە لەو رۆژە سەرجەم یانەکانی تێنسی سەرزەوی و یەکێتییەکان چالاکی تایبەت بە تێنسی سەرزەوی بەڕێوەببەن و سەرەتاش ساڵی داھاتوو بەڕێوەدەچێت.
ئەندامێکی وەفدی ئۆگەندا کە مەبەستی بەشداری کردن لە ئۆڵۆمپیاد رویان لە ژاپۆن کردوە پشکنینی پێش رۆیشتنە ناو خاکی ژاپۆن بۆ کراوە و پشکنینەکەشی پۆزەتیڤ بووە بۆیە رێگەی پێنەدرا بچێتە خاکی ژاپۆن.
٨ ئەندامی تری ھەڵبژاردەکە کە پشکنینەکەیان نێگەتیڤ بوو بە پاسی تایبەت گواسترانەوە بۆ شاری ئۆساکای ناوەڕاستی ژاپۆن کە لەوێوە ئامادەکاری دەکەن بۆ ئۆڵۆمپیاد.
بەرپرسی لیژنەی رێکخەری ئۆڵۆمپیادی رایگەیاند کە وڵاتەکەی ئامادەکاری باشی کردوە بۆ ئەوەی بەباشی لەگەڵ دۆخی لەو شێوەیە مامەڵە بکات.
ئەوەی جێگەی سەرنجیشە سەرجەم ئەو وەرزشکارانەی ئۆگەندا ڤاکسینان بەکارھێناوەو پێش ئەوەی گەشتیش بکەن بۆ ژاپۆن پکشنینیان بۆ کراوەو ئەنجامەکەی نێگەتیڤ بووە.
لە میانی یارییەکانی جەولەی دووەمی یۆرۆی ٢٠٢٠ ئیسپانیا لە یاریگای لا کارتوخا رووبەڕووی پۆڵەندا بۆوەو یارییەکەش بەیەکسانبوون بە گۆڵێک کۆتایی ھات.
ئیسپانیا لە یارییەکە باشتر دەرکەوتن و چەند ھەلێکیان بۆ رەخسا بۆ ئەوەی گۆڵی پێشکەوتن بکەن تا دواجار لە دەقیقەی ٢٥ ئەلڤارۆ مۆراتا یەکەم گۆڵی ھەڵبژاردەکەی لە یۆرۆی ٢٠٢٠ تۆمارکرد.
لەدوای ئەو گۆڵە چەند ھەلێکی تر بۆ ھەردوو تیپ رەخسا بەڵام سودیان لێوەرنەگرت.
لە گێمی دووەمیش ھەرچەندە ئیسپانیا باشتر بوو بەڵام لە دەقیقەی ٥٤ رۆبەرت لیڤاندۆڤسکی توانی ئەنجامەکە یەکسان بکاتەوە.
دوای ٣ دەقیقە لەو گۆڵەش داوەر بەسود وەرگرتن لە ڤار فیکەی پەنالتی بۆ ئیسپانیا لێدا بەڵام جێرارد مۆرینیۆ نەیتوانی گۆڵی پێ بکات.
ھەرچەندە ئیسپانیا چەندین ھەلی تری بۆ رەخسا بۆ ئەوەی یارییەکە بەسودی خۆی کۆتایی پێ بھێنێت بەڵام سەرکەوتوو نەبوون.
یەکێتی تۆپی پێی دانیمارک بەیانێکی لەو بارەیەوە بڵاوکردووەتەوە و تیایدا نوسیوویەتی ئیریکسن دوای ئەنجامدانی نەشتەگەرییەکی سەرکەوتوو دۆخی بەرەو باشتر چووە و لەسەر ڕێنمایی پزیشکەکان نەخۆشخانەی جێھێشتووە.
لای خۆشییەوە لە پەرەی تایبەتی خۆی لە تۆڕی کۆمەڵایەتی تویتەر ئیریکسن نوسیوویەتی نەشتەرگەرییەکە بەسەرکەوتوویی ئەنجامدرا و ئێستا لە دۆخێکی باشدایە.
ھەروەھا سوپاسی خۆشی ئاڕاستەی ھەموو ئەو کەسانە کردووە کە ھاوسۆز بوون بۆی و وتووشیەتی کارێکی زۆر نایاب بوو کاتێک ئەو ھەموو خۆشەویستییەم پێگەیشت.
ئەوەی جێی باسیشە لە دوای ئەوەی ئەو یاریزانە نەخۆشخانەی جێھێشت، سەردانی کەمپی ڕاھێنانەکانی ھەڵبژاردەکەی کرد لە ناوچەی ھیلسینگۆر بۆ ئەوەی ھانی ھاوڕێکانی بدات و دواتریش گەرایەوە ماڵەکەی بۆ ئەوەی لە پاڵ خێزانەکەی پشوو بدات.
سوید لە کۆمەڵەی پێنجەم لە جەولەی دووەمدا بەرامبەر بە سلۆڤاکیا یاری کرد و دوای ئەوەی لە گێمی یەکەمدا ھیچ لایەکیان گۆڵیان بۆ نەکرا، بۆ گێمی دووەم یاریزانانی سوید باشتر دەرکەوتن و ھێرشەکانیان زیاتر بوو بۆ تۆماری گۆڵ، پاشان لە دەقیقەی ٧٧ داوەر فیکەی پەناڵتییەکی بە سودی سوید لێدا کە دوای ئەوەی لەلایەن ڤارەوە پشت ڕاستیش کرایەوە، ئیمیل فۆرسبێرگ توانی زیرەکانە گۆڵی پێ تۆمار بکات و سوید بکاتە خاوەنی گۆڵی یەکەم.
ئەگەرچی یاریزانانی سلۆڤاکمیا ھەوڵی زۆریاندا کە ئەنجامەکە ھەر ھیچ نەبێت یەکسان بکەنەوە کە لە ساتەکانی کۆتاییدا تەواوی فشاری خۆیان کردبووە سەر گۆڵی سود، بەڵام سەرجەم ھەوڵەکانیان بێ ئاکام مانەوە و یارییەکەش بە سەرکەوتنی سوید کۆتایی ھات کە کۆی خاڵەکانی کردە ٤ خاڵ و سلۆڤاکیاش بە ٣ خاڵی بردنەوەی یاریی یەکەمی مایەوە.
دوای ئەوەی ھەردوولا بە ھێرشبردن دەستیان بە یارییەکەیان کرد و ھەوڵی خۆیان خستەگەڕ لە پێناو بردنەوە، چیک توانی لە بەشی یەکەمدا دەستی خۆی بوەشێنێت، ئەویش لە ڕێی پەناڵتییەکەوە کە پاتریم سچیک جێبەجێی کرد و چیکی کردە خاوەنی گۆڵی یەکەم.
ئەو دواکەوتنە بووە دۆخێکی دژوار بۆ دووەمی مۆندیالی ڕابردوو، کە مۆدریچ و ھاوڕێکانی ھەوڵیاندا ھەر لە بەشی یەکەم جیاوازیەکە ھاوتا بکەنەوە، بەڵام یەکسانکردنەوەی ئەنجامەکە کەوتە سەرەتای گێمی دووەم و ئیڤان پیرسیچ توانی گۆڵی بەرامبەر بوونەوە تۆمار بکات.
وێڕای ئاڵوگۆڕی چەندین ھێرش بۆ سەر گۆڵی یەکتر، بەڵام تەواوی ھەوڵەکان بێ ئاکام مانەوە و یارییەکەش بە یەکسانی و بە گۆڵێک بۆ ھەر لایەک کۆتایھات.
بەو ئەنجامە چیک کۆی خاڵەکانی کردە ٤ خاڵ و کرواتیاش تەنھا خاڵێکی ھەیە کە ئەگەری سەرکەوتنی بۆ قۆناغی دووەم زۆر کەمە.
گاتۆسۆ دوای کۆتایی ھاتنی یارییەکانی ئەم وەرزە یانەی ناپۆلی جێھێشت و پەیوەندی بە فیۆرێنتیناوە کرد .
فیۆرێنتینا لە بەیاننامەیەکدا ئەوەی خستووەتەڕوو کە ئەو گرێبەستەی ئیمزا کراوە بە رەزامەندی ھەردوولا ھەڵوەشێنراوەتەوەو وەرزی داھاتوو گاتۆسۆ ڕاھێنەری یانەکەیان نابێت و بە دوای راھێنەرێکی نوێدا دەگەڕێن بۆ ئەوەی سەرکردایەتی ڤیۆلا بکات .
بە پێی راپۆرتە ھەواڵییەکان ناکۆکی نێوان گاتۆسۆ و ئیدارەی فیۆرێنتینالەسەر بازاڕی گواستنەوە بووەو راهێنەرەكە داوای كردووە سێرجیۆ ئۆلیڤێرای یاریزانی هێڵی ناوەندی پۆرتۆی بۆ بكڕن , بەڵام فیۆرێنتینا لەسەر نرخی یاریزانەكە رێكنەكەوتووە كە 20 ملیۆن یۆرۆ بووە .
ھەروەھا گاتۆسۆ داوای کردووە یاریزانی ئامادەی بۆ بکڕن کە پێویستی بەکات نەبێت بۆ خۆ گونجاندن بەڵام ئیدارەی یانەکە بەوەش رازی نەبوون و دواتر گاتۆسۆ داوای کردووە گرێبەستەکەی ھەڵبوەشێنرێتەوە .
لە کۆنفرانسێکی رۆژنامەوانیدا کە بۆ ماڵئاوایی کردن لەو یاریزانە رێکخرابوو ، رامۆس رایگەیاند کە یەکەم شت بیەوێت بیڵێت ئەوەیە ھەرگیز نەیویستووە ریاڵ جێ بھێڵێت و ویستویەتی بمێنێتەوە , یانەکەش ئۆفەرێکیان پێشکەش کردووە بۆ ئەوەی بمێنێتەوە , بەڵام کاتێک بە ئۆفەرەکە رازی بووە پێیان وتووە کاتت نەماوە .
رامۆس ئەوەشی ئاشکراکرد کە دواتر ئۆفەرێکی تریان پێشکەش کردووە بەڵام تیایدا مووچەکەی کەم کراوەتەوە ، ھەرچەندە ئەو کێشەی پارەی نەبووە بەڵام داوای کردووە لە جیاتی ساڵێک بۆ ماوەی دوو ساڵ گرێبەستەکەی درێژ بکەنەوە و ئیدارەی یانەکە بەوەش رازی نەبووە .
کاپتنەکەی ریاڵ جەختی لەوەش کردەوە کە دواتر بە ئۆفەری یەک ساڵەکەش رازی بووە بەڵام ئیدارەی یانەکە پێیان وتووە ئەو ئۆفەرەش کاتەکەی بەسەر چووە .
رامۆس رونیشی کردەوە کە ئیدارەی ریاڵ مەدرید ھەرگیز پێیان نەوتووە ئەو ئۆفەرانەی پێشکەشی دەکەن ماوەی بەسەرچوونی لەسەرە و کاتێک پێیان وتووە کاتی نەماوە شتێکی چاوەڕوان نەکراو بووە بۆ ئەو .
بۆفۆن لەگەڵ کۆتایی ھاتنی یارییەکانی ئەم وەرزەدا گرێبەستەکەی لەگەڵ یوڤی کۆتایی ھات و بڕیاریدا گرێبەستەکەی درێژ نەکاتەوە .
پارما ئەوەی ڕاگەیاندووە کە بۆفۆن گرێبەستێکی یەک ساڵەی لەگەڵ یانەکەدا ئیمزا کردووە و ئەگەر گۆڵپارێزەکە ئارەزوی مانەوە بکات ئەوا بۆ ساڵی دواتریش دەمێنێتەوە .
بۆفۆن دوای جێھێشتنی یوڤانتۆس ڕایگەیاند ،ھێشتا ھەست دەکات باشەو دەتوانێت بەردەوام بێت لە یاریکردن و خەنەنشین بوونی خۆی بۆ کاتێکی تر دواخست .
ئەو ئەستێرە لە ھاوینی ساڵی ٢٠٠١ لە یانەی پارماوە پەیوەندی بە یوڤانتۆسەوە کردو لە دوو سەردەمی جیاوازدا لە ٦٥٦ یاریدا پارێزگاری لەگۆڵی بیانکۆنێری کردووەو لەو ماوەیەدا ٩ نازناوی خولی ئیتاڵی بەدەست ھێناوە و سێ جاریش گەیشتووە بە یاریی کۆتایی چامپیۆنز لیگ . تەنیا ئەلیساندرۆ دێل پێرۆیش یاریی زیاتری کردووە بۆ یوڤانتۆس .
ئەرکی داھاتووی بۆفۆن گێڕانەوەی یانەی پارما دەبێت بۆ خولی پلە یەکی ئیتاڵیا .
تیتی یەکەم راھێنەرە بۆندەکەی لەگەڵ ھەڵبژاردەی بەرازیل بۆ ماوەیەکی دوورو درێژ نوێ کردۆتەوە و لە کۆنگرەی رۆژنامەوانی بەر لە یاری بەرامبەر بەپیرۆش رێزی زۆری بۆ ئەو ھەڵبژاردەیە دوپات کردەوە.
تیتی وتی: پێش مۆندیالی روسیا بە ھاوسەرەکەمم وت ئەگەر بەرازیل نازناوەکە بباتەوە ئەوا راستەوخۆ وازھێنان رادەگەیەنم، چونکە مۆندیال لوتکەی پاڵەوانێتییەکانە و ھەموو راھێنەرێک دەیەوێت بیباتەوە، بۆیە دوای بردنەوەی مۆندیال وازم دەھێنا چوونکە دەبومە خاوەن ھەمو نازناوەکان، ئەویش سەیری کردم و وتی کەواتە ئەمە ھۆکاری مانەوەتە لەگەڵ ھەڵبژاردەکە.
سەبارەت بە یارییەکەش وتی: چەندین جار رووبەڕووی ریکاردۆ گاریکا بوومەتەوە، پێم وایە ماوەی بەردەوامبوونی ئەو لەگەڵ پیرۆ لەماوەی مانەوەی من لەگەڵ بەرازیل زیاترە، ئەو ئەزمونی زۆری ھەیە، بۆیە ئەگەر پێکھاتەی یارییەکە ئاشکرا بکەم ئەوا ھەلی ئەوەی پێدەبەخشم پلان و ستراتیژی ئێمە بزانێت، بۆیە نامەوێت پێکھاتەکەم ئاشکرا بکەم.
کۆڵۆمبیا لە یەکەم یاری بە بەھێزی دەرکەوت و توانی بەربەستی ھەڵبژاردەی ئیکوادۆر تێپەڕێنێت و یەکەم سێ خاڵ بەدەست بھێنێت و لەم یارییەش چاوەڕێ ناکرێت ئەرکی قورس بێت.
ڤێنزوێلا بە یەکێک لە خراپترین ھەڵبژاردەکانی ئەمریکای باشوور دادەنرێت کە پیشتر نەیتوانیوە نازناوەکە بباتەوەو لەیەکەم یاریش دووچاری شکست بوو، بۆیە دەیەوێت لەم پاڵەوانێتیە سەرکەوتنێک تۆماربکات، ئەمەش بۆ ئەوەی بگاتە قۆناغی ١٦ بەتایبەت کە لەکۆی پێنج تیپی کۆمەڵەی دووەم چوار تیپ سەردەکەون بۆ قۆناغی داھاتوو.
سەعات ٣ی بەرەبەیانیش ھەڵبژاردەی بەرازیلی رێکخەر و پاڵەوانی پێشوو رووبەڕووی ھەڵبژاردەی پیرۆ دەبێتەوە کە ئەمەی دوایی یەکەم یاری لە پاڵەوانێتییەکە دەکات.
بەرازیل لە یاری دەستپێک بە بەھێزی دەرکەوت و توانی سی گۆڵ لە ڤێنزوێلا بکات و ھەر لەسەرەتاوە دوپاتی کردەوە پاڵێوراوی یەکەمە بۆ بردنەوەی نازناوەکە.
پیرۆ دواین یاری کە ئەنجامی داوە سەرکەوتن بووە بەرامبەر بە ئیکوادۆر لە پاڵاوتنی مۆندیال و دەیەوێت بە سود بینین لەم یارییەش ئەنجامێکی باش بەرامبەر بەرازیل بنووسێتەوە.
تەنیا گۆڵی یارییەکەی سەردار ئەمزون یاریزانی یانەی زینیت سانت پترسبرۆگی رووسی لە دەقەی ٣٥ی گێمی یەکەم تۆماریکرد و سەرکەوتنی بە وڵاتەکەی بەخشی .
بەمەش ئێران بە کۆکردنەوەی ١٨ خاڵ وەکو پێشەنگی کۆمەڵەکە بۆ قۆناغی داھاتوو سەرکەوت و عێراقیش ١٧ خاڵی ھەیەو بە دووەم سەرکەوت .
ئەگەرچی ھەردوو ھەڵبژاردە بە بەھێزی و ھێرشبردنەوە دەستیان بە یارییەکە کرد ، بەڵام تارادەیەک ئاستی یاریزانانی لاروخا باشتر بوو کە لە گێمی یەکەمدا و تەنانەت بۆ ساتەکانی گێمی دووەمیش زۆرترین ھەلی گۆڵکردنیان بۆ رەخسا.
بەڵام سودیان لە ھیچ کام لە ھەلەکانی بەردەمیان نەبینی .
وێرای ئەوەی ئەنریکی پلانی یاریکردنیشی گۆڕی و ھەروەھا ئاڵوگۆڕی بە یاریزانانی پێکھاتەکەشی کرد ، بەڵام بەدرێژایی زیاتر لە ٩٠ دەقیقە یاریکردن ھیچ کام لە ھەردوو ھەڵبژاردە گۆڵیان بۆ نەکرا و یارییەکەیان بە بێ گۆڵ و بە یەکسانی کۆتایی ھات .
یەکەم خاڵی وەرچەرخان لە یارییەکەدا کەوتە دەقیقەی ٣٣ کاتێک لیۆنێل مێسی بە لێدانتێکی راستەوخۆی جوان گۆڵی پێشکەوتنی بە تانگۆ بەخشی .
ئەگەرچی بەشی یەکەم بەسودی کورانی تانگۆ کۆتایی ھات ، بەڵام یاریزانەکانی چیلی رێگەیان نەدا ئەو سیناریۆیە بۆ بەشی دووەمی بەردەوام بێت ، کاتێک لە دەقیقەی ٥٧ داوەر بە پشت بەستن بە ڤار فیکەی پەناڵتی بەسودی لاروخا لێدا و ئەگەرچی ئارتورۆ ڤیداڵ نەیتوانی سەرکەوتوو بێت بەڵام ئیدواردۆ ڤارگاس زیرەکانە تۆپەکەی خستە ناو خانەی گۆڵ و گۆڵی بەرامبەر بونەوەی کردەوە و یارییەکە بە یەکسانی و بە گۆڵێک بۆ ھەرلایەک کۆتایی ھات و ھەردولا بە خاڵێکەوە یاریگایان جێھێشت .