سەرۆککۆمار
د. لەتیف رەشید سەرۆک کۆماری عیراق پێشوازیکرد لە وەفدێکی دەستەی راوێژکاری عیراق بۆ ئاوەدانکردنەوە و گەشەپێدان لە لەندەن بە سەرۆکایەتی د. رەئوف ئەنساری.
لە کۆبوونەوەکەدا کە ئەمڕۆ سێشەممە 25-2-2025 لە کۆشکی بەغداد بەڕێوەچوو، باس لە پێشهاتەکانی گشتی وڵات کرا، بە گرنگیدان بەو دەستکەوتانەی لە ماوەی رابردوودا بەدەست هاتوون، بەتایبەتی لە دۆسییەی ئەمنیدا بەو پێیەی بەردی بناغەی گەشەپێدان و خۆشگوزەرانییە.
سەرۆک کۆمار ئاماژەیکرد بە گرنگی گەیاندنی وێنەی راستەقینەی عیراق بە جیهان، بە تایبەتی سەبارەت بەو پێشهاتانەی کە لە بوارەکانی ئەمنی و بنیاتنانەوە و ئاوەدانکردنەوەدا بەدیهاتووە، جەختیکردەوە لەسەر چڕکردنەوەی هەوڵەکان بۆ پەرەپێدانی ئەو لایەنانە و گرنگی پێدانیان لە ئاستی نێودەوڵەتیدا.
سەرۆک کۆمار جەختیکردەوە لە دابینکردنی کەشێکی گونجاو بۆ بەرقەرارکردنی دادپەروەری و دەستەبەرکردنی مافی یاسایی هاووڵاتیان و ئاماژەی بەوەشدا، کە سەرۆکایەتی کۆمار بەشداریی کردووە لە ئازادکردنی زیاتر لە ١٥ هەزار دەستبەسەرکراو کە سزاکانیان کۆتایی هاتووە، وەک پابەندبوون بە جێبەجێکردنی یاسای کارپێکراو و بەدیهێنانی دادپەروەری.
سەرۆک کۆمار داوای لە رێکخراوە زانستی و رۆشنبیرییەکان کرد هاریکاری لەگەڵ دامەزراوەکانی دەوڵەت بکەن، هەروەها کار لەسەر رەخساندنی کەشێکی گونجاو بکەن تا بەشدار بێت لە راکێشانی لێهاتوویی نیشتمانی و سودمەندبوون لە شارەزاییەکانیان بۆ پاڵپشتیکردنی پڕۆژەکانی ئاوەدانکردنەوە و پەرەپێدان، هەروەها پەرەپێدانی هاوبەشی نێوان دامەزراوەکان و کەسانی لێهاتوو لە ناو خاکی عیراقدا بۆ بەدیهێنانی شۆڕشێکی هەمەلایەنە لە کەرتە گرنگەکاندا.
لای خۆیانەوە ئەندامانی وەفدەکە ئامادەیی خۆیان نیشاندا بۆ پێشکەشکردنی راوێژکاری ئەندازیاری و تەکنیکی بۆ پاڵپشتیکردنی هەوڵەکانی ئاوەدانکردنەوە و گەشەپێدان، جەختیانکردەوە لەسەر پابەندبوونیان بە بەشداریکردن لە بنیاتنان و سوودوەرگرتن لە ئەزموونەکانیان کە لە وڵاتانی پێشکەوتوودا بەدەستیان هێناوە.
د. لەتیف رەشید، سەرۆک کۆماری عیراق ئەمڕۆ سێشەممە (25ی شوباتی 2025) لە کۆشکی بەغدا پێشوازی لە خاتوو رۆلا دەشتی، جێگری سکرتێری گشتی نەتەوە یەکگرتووەکان و سکرتێری جێبەجێکاری کۆمیسیۆنی ئابووری و کۆمەڵایەتی نەتەوە یەکگرتووەکان بۆ ڕۆژئاوای ئاسیا (ESCWA) کرد.
لە میانی دیدارەکەدا باس لە دەرفەتەکانی ئاڵوگۆڕی شارەزایی لە بواری سیاسەتەکانی گەشەپێدان لە کەرتە جیاجیاکان کرا و سەرۆک کۆمار جەختی لەسەر گرنگی ئەو ڕاوێژکارییە تەکنیکییانە کردەوە کە لەلایەن ESCWA-وە پێشکەش کراون.
سەرۆک کۆمار لە دیدارەکەدا دووپاتی کردەوە کە "عیراق هەوڵی بەدەستهێنانی پشکێکی دادپەروەرانە لە ئاو دەدات" و ئاماژەی بە کەمبوونەوەی بەردانەوەی ئاو لە ڕووبارەکانی دیجلە و فورات کرد کە بووەتە هۆی کەمی ئاو لە زۆربەی شارەکانی عیراق.
د. لەتیف رەشید گرنگی کاری هاوبەش و هەماهەنگی ئیقلیمی بۆ پاڵپشتیکردنی پڕۆژەکانی ئاودێری و پەیڕەوکردنی شێوازە سەردەمییەکان لە بەڕێوەبردنی ئاو و پلان و پڕۆژەکانی وڵاتانی سەرەوەی روبارەکان خستەڕوو.
هەروەها سەرۆک کۆمار ئاماژەی بە پێویستی فراوانکردنی ئاسۆی هاریکاری نێوان عیراق و ESCWA لە بوارەکانی ئابووری، کۆمەڵایەتی و ژینگەیی کرد، جگە لە راهێنان و پەرەپێدانی تواناکان لە بەڕێوەبردنی سامانە سروشتییەکان.
لە بەرامبەردا، خاتوو رۆلا دەشتی پابەندبوونی نەتەوە یەکگرتووەکانی وەک هاوبەشێکی سەرەکی دووپاتکردەوە لە پاڵپشتیکردنی عیراق لە هەوڵەکانی بەرەو داهاتوویەکی خۆشگوزەرانتر و بەردەوامتر، هەروەها ئاماژەی بە ئامادەیی رێکخراوەکە بۆ دابینکردنی هەموو شارەزایی و زانیارییە پێویستەکان لە بوارە جیاوازەکاندا کرد.
د.لەتیف رەشیدسەرۆک کۆماری عیراق، ئەمڕۆ پێنجشەممە 20-2-2025 لە کۆشکی سەلام لە بەغداد پێشوازیکرد لە ستیڤن چارڵز هیتچن باڵیۆزی شانشینی یەکگرتوو لە عیراق بە بۆنەی کۆتایی هاتنی ئەرکەکانی.
لە میانی دیدارەکەدا سەرۆک کۆمار جەختیکردەوە لە پەرۆشی عیراق بۆ پتەوکردنی پەیوەندیی لەگەڵ شانشینی یەکگرتوو و ویستی وڵات بۆ فراوانکردنی ئاسۆی هاریکاریی بنیاتنەر بە شێوەیەک کە خزمەت بە بەرژەوەندی هاوبەشی گەلانی عیراق و بریتانیا بکات.
هەروەها سەرۆک کۆمار رۆڵی باڵیۆز هیچن لە پەرەپێدانی پەیوەندیی دووقۆڵیی بەرز نرخاند و هیوای سەرکەوتنی بۆ خواست لە ئەرکەکانی داهاتوودا.
لە بەرامبەردا باڵیۆزی بریتانیا خۆشحاڵی خۆی بە کارکردنی لە عیراق دەربڕی و ستایشی سەقامگیری و گەشەسەندنی ئەمنی عیراقی کرد لە بوارەکانی خزمەتگوزاری و گەشەسەندن و هەوڵەکانی لەسەر ئاستی ناوچەیی و نێودەوڵەتی بۆ چەسپاندنی ئاشتی لە ناوچەکەدا.
د. لەتیف رەشید سەرۆک کۆماری عیراق رۆژی پێنجشەممە 20 ی شوباتی 2025 لە کۆشکی سەلام لە بەغداد پێشوازیکرد لە ژمارەیەک مەسیحی کلدانی و ئاشووری جالیەی عیراقی دانیشتووی ویلایەتە یەکگرتووەکانی ئەمریکا.
سەرۆک کۆمار جەختی لەوە کردەوە کە فرەئایینی سەرچاوەی بەرزکردنەوەی ڕێزی هاوبەشە لە نێوان هەموو پێکهاتەکاندا، ئاماژەی بەوەدا کە خاڵە هاوبەشەکانی نێوان عیراقییەکان ڕەنگدانەوەی پێکەوەژیانی ئاشتیانەیە لە عیراقدا بە درێژایی هەزاران ساڵ.
سەرۆک کۆمار ستایشی مەسیحییەکانی عیراق و رۆڵیانی کرد لەبنیاتنانی عیراق و یەکخستنی پێکهاتەی کۆمەلایەتی و ئاماژەی بەوەشکرد کە گرنگیدان بەبەرژەوەندییەکانی ئەو عیراقیانەی لەدەرەوەی وڵات دەژین یەکێکە لەئەولەویەتەکانی سەرۆکایەتی کۆمار لەپێناو پێشکەشکردنی باشترین خزمەتگوزاری بۆیان .
لای خۆیانەوە ئەندامانی وەفدەکە خۆشحاڵی خۆیان دەربڕی بە دیدار لەگەڵ سەرۆک کۆمار و سوپاسگوزاری خۆیان دەربڕی بۆ بایەخدان بە بارودۆخی عیراقییەکانی دانیشتووی ئەمەریکا و تەئکیدیان لەسەر پەرۆشییان کردەوە بۆ بەهێزکردنی پەیوەندییەکان لەگەڵ دامودەزگا حکومییەکان پەیوەست بە لێهاتوویەکانیان لە بوارەکانی ئابووری و کەلتووری و تەکنەلۆژیا و خزمه ت به پرۆسەی گەشەپێدان له عێراق .
د. لەتیف رەشید سەرۆک کۆماری عیراق، ئەمڕۆ پێنجشەممە 20-2-2025 لە کۆشکی سەلام لە بەغداد، پێشوازیکرد لە وەفدێکی ناوەندی لێکۆڵینەوەی حوکمڕانی و سیاسەتی ئێران (GPTT)، بە سەرۆکایەتی روحوڵڵا دێغانی فیروزاباد جێگری سەرۆک کۆماری ئێران بۆ زانست و تەکنەلۆژیا و لێپرسراوی ناوەندەکە.
سەرۆک کۆمار جەختیکردەوو لە پشتبەستن بە چارەسەری سیاسی دادپەروەرانە بۆ قەیرانی ئیقلیمی کە زامنی سەقامگیری وڵاتان و پاراستنی مافی گەلان دەکات، ئاماژەی بەوەشکرد کە عیراق پشتگیری لەو هەوڵانە دەکات کە ئامانجیان بەرقەرارکردنی ئاسایش و سەقامگیرییە لەڕێگەی هاریکاری هاوبەشەوە.
لە میانی دیدارەکەدا سەرۆک کۆمار دوایین پێشهاتەکانی ناوچەکە و ئەو ئاڵەنگارییانەی ڕووبەڕووی ناوچەکە بوونەتەوە خستەروو و دووپاتی کردەوە کە سیاسەتی دەرەوەی عێراق لەسەر بنەمای هاوسەنگی و ڕێزگرتنی یەکتر کاردەکات، هەروەها هەر سیاسەتێک ڕەتدەکاتەوە کە لەسەر بنەمای جەمسەرگیری یان پەرەسەندن بنیاد بنرێت ، هاوکات جەختیکردەوە لە گرنگی پەرەپێدانی هاریکاری زانستی و تەکنیکی نێوان دامەزراوەکانی توێژینەوە لە هەردوو وڵات، کە یارمەتیدەر دەبێت لە پاڵپشتیکردنی گەشەپێدانی بەردەوام و سوودوەرگرتن لە شارەزایی هاوبەش.
لای خۆیەوە دێغانی فیروزاباد و وەفدی یاوەری ستایشی پەیوەندیی قوڵی نێوان هەردوو وڵاتیان کرد، ویستی خۆی بۆ فراوانکردنی ئاسۆی هاوبەشی لە بوارە جۆراوجۆرەکانی زانستی و تەکنەلۆژی و پەرەپێدانی هاریکاری لە بواری توێژینەوە و داهێنان بۆ خزمەتکردنی بەرژەوەندییە هاوبەشەکان دوپاتکردەوە.
لە هەمان رۆژدا د. لەتیف رەشید سەرۆک کۆماری عیراق لە کۆشکی سەلام لە بەغداد پێشوازیکرد لە ژمارەیەک مەسیحی کلدانی و ئاشووری جالیەی عیراقی دانیشتووی ویلایەتە یەکگرتووەکانی ئەمریکا.
سەرۆک کۆمار جەختی لەوە کردەوە کە فرەئایینی سەرچاوەی بەرزکردنەوەی ڕێزی هاوبەشە لە نێوان هەموو پێکهاتەکاندا، ئاماژەی بەوەدا کە خاڵە هاوبەشەکانی نێوان عیراقییەکان ڕەنگدانەوەی پێکەوەژیانی ئاشتیانەیە لە عیراقدا بە درێژایی هەزاران ساڵ.
سەرۆک کۆمار ستایشی مەسیحییەکانی عیراق و رۆڵیانی کرد لەبنیاتنانی عیراق و یەکخستنی پێکهاتەی کۆمەلایەتی و ئاماژەی بەوەشکرد کە گرنگیدان بەبەرژەوەندییەکانی ئەو عیراقیانەی لەدەرەوەی وڵات دەژین یەکێکە لەئەولەویەتەکانی سەرۆکایەتی کۆمار لەپێناو پێشکەشکردنی باشترین خزمەتگوزاری بۆیان .
لای خۆیانەوە ئەندامانی وەفدەکە خۆشحاڵی خۆیان دەربڕی بە دیدار لەگەڵ سەرۆک کۆمار و سوپاسگوزاری خۆیان دەربڕی بۆ بایەخدان بە بارودۆخی عیراقییەکانی دانیشتووی ئەمەریکا و تەئکیدیان لەسەر پەرۆشییان کردەوە بۆ بەهێزکردنی پەیوەندییەکان لەگەڵ دامودەزگا حکومییەکان پەیوەست بە لێهاتوویەکانیان لە بوارەکانی ئابووری و کەلتووری و تەکنەلۆژیا و خزمه ت به پرۆسەی گەشەپێدان له عێراق
د. لەتیف رەشید سەرۆک کۆماری عیراق ئەمڕۆ چوارشەممە 19-2- 2025 لە کۆشکی بەغداد پێشوازیکرد لە دادوەر ئەحمەد ئەنوەر سەرۆکی دەستەی دەستپاکی لە هەرێمی کوردستان.
لە میانی دیدارەکەدا باس لە چۆنیەتی پەرەپێدانی هەماهەنگی نێوان دەزگای چاودێری فیدراڵی و هاوتاکانیان لە هەرێم کرا، بۆ دڵنیابوون لە پاراستنی سامانی گشتی و چەسپاندنی بنەماکانی لێپرسینەوە و دەستپاکی و شەفافیەت لە دەزگاو دامەزراوەکانی دەوڵەتدا.
سەرۆک کۆمار جەختیکردەوە لە گرنگی پاڵپشتیکردنی دەزگاکانی چاودێری تا توانای ئەوەیان هەبێت کە بە شێوەیەکی سەربەخۆ ئەرکەکانیان بەجێبگەیەنن، جەختیکردەوە کە بەرەنگاربوونەوەی گەندەڵی ئەرکێکی لە پێشینەی نیشتمانییە کە پێویستی بە هەوڵی هاوبەش هەیە لە نێوان هەموو لایەنە پەیوەندیدارەکاندا.
لای خۆیەوە دادوەر ئەحمەد ئەنوەر باسی لەو ڕێوشوێنانەدا کرد کە دەستەی دەستپاکی لە هەرێمی کوردستان بۆ بەرەنگاربوونەوەی گەندەڵی گرتوویەتیە بەر، جەختیشیکردەوە لەسەر پابەندبوونی دەستە بۆ کارکردن بە هاوبەشی لەگەڵ دەزگاکانی چاودێری فیدراڵی بۆ هێنانەدی ئامانجە نیشتمانییەکان لەم بوارەدا.
ئەمڕۆ سێشەممە، د. لەتیف رەشید سەرۆک کۆماری عیراق لە کۆشکی بەغداد لەگەڵ پێشوازی لە ئەندامی لیژنەی ئاسایش و بەرگری پەرلەمان خالید ئەلعوبەیدی کرد.
بەپێی راگەیەنراوی نوسینگەی سەرۆک کۆمار، لەکۆبوونەوەیەکدا سەرۆک کۆمار جەختی لەسەر گرنگی بەهێزکردنی هاوکاری نێوان هێزە سیاسییەکان کردەوە لەپێناو پاراستنی بەردەوامی ئاسایش و سەقامگیری و بەدیهێنانی خواستەکانی هاووڵاتیان.
سەرۆک کۆمار ئاماژەی بەوەشکرد، قۆناغی ئێستا پێویستی بە کاری هاوبەشی نێوان هەمووان هەیە بۆ پتەوکردنی یەکێتی نیشتمانی.
هەر لە کۆبوونەوەکەدا تاوتوێی پێشێلکارییەکانی سەر خاکی عێراق و شارەکانی هەرێمی کوردستان و رێوشوێنەکانی مامەڵەکردن لەگەڵ ئەو پێشێلکاریانە و پاراستنی ئاسایش و بەرژەوەندییەکانی هاوڵاتیان و پێویستی کارکردن بۆ ڕێگریکردن لەدووبارەبوونەوەی ئەو هێرشانە کرا .
لای خۆیەوە پەرلەمانتار ئەلعوبەیدی باسی لە کارەکانی لیژنەی ئاسایش و بەرگری کرد و تەئکیدی لەسەر گرنگی هەماهەنگی و هاریکاری نێوان دەزگاکانی جێبەجێکردن و یاسادانان کردەوە بۆ پەسەندکردنی یاسا پێویستەکان و بەرەوپێشچوون بۆ پاراستنی ئاسایش و سەقامگیری و بەرەوپێشبردنی پرۆسەی چاکسازی و بەرەنگاربوونەوەی گەندەڵی.
سەرۆک کۆمار د.لەتیف ڕەشید، ئەمڕۆ سێشەممە لە بەغداد، پێشوازیکرد لە زیاد عەلی فازل وەزیری کارەبا و لە دیدارەکەدا باسیان لە ئامادەکارییەکان بۆ گواستنەوە و دابەشکردنی کارەبا کرد لە وەرزی هاوین دا.
لەدیدارەکەدا باس لەپلانی وەزارەتی کارەبا و ئامادەکارییەکان بۆ ڕووبه ڕووبوونەوەی وەرزی هاوین لەڕووی بەرهەمهێنان و گواستنەوه و دابەشکردن کرا و سەرۆک کۆمار ئاماژەی بەگرنگی هەوڵی بێووچان کرد بۆ دۆزینەوەی چارەسەرێکی گونجاو بۆ کێشەکانی تۆڕی کارەبا.
هەروەها جەختی کردەوە لە پێویستی دابینکردنی سەرچاوەی پاڵپشتی پێویست بۆ وێستگەکانی بەرهەمهێنان و چالاککردنی وەبەرهێنان لەم کەرتەگرنگەدا و مامەڵەکردن لەگەڵ کۆمپانیا جیهانیە تایبەتمەندەکاندا.
سەرۆک کۆمار دوپاتی کردوە لەگرنگی کاراکردنی هەماهەنگی و هاوکاری هاوبەش لەنێوان حکومەتی فیدراڵ و حکومەتی هەرێمی کوردستان لەبارەی دۆسێی ووزەوە، لەپێناو پەرەپێدانی کەرتی کارەبا و پێشکەشکردنی باشترین خزمەتگوزاری بەهاوڵاتیان و پاڵپشتیکردنی پڕۆژە هاوبەشەکان.
لەلای خۆیەوە وەزیری کارەبا، هەوڵی وەزارەت و فەرمانگەکانی بۆ زیادکردنی کاتژمێرەکانی پێدانی کارەبای بۆ هاووڵاتیان دووپاتکردەوە و هاوکات هەڵمەتەکانی کادرە تەکنیکیەکان بۆ پاراستن و پەرەپێدانی تۆڕی کارەبا خستەڕوو و ستایشی پەرۆشی راستەوخۆی سەرۆک کۆماری بۆ ئەم کەرتە گرنگە کرد.
دادگای فیدراڵی بڕیاری كۆتایی لەبارەی سكاڵاكەی سەرۆك كۆمارەوە دەركرد و بەپێی بڕیارەكە دەبێت حكومەتی هەرێم پابەند بێت بە بانكی كردنی مووچەی مووچەخۆران.
هەروەها بەپێی بڕیارەكەی دادگای فیدراڵی مووچەخۆرانی هەرێم سەرپشكن لە هەڵبژاردنی بانكەكانیان بۆ كردنەوەی هەژماری بانكی. هاوكات بەپێی ڕێنماییەكانی بانكی ناوەندی، بانكی حكومی و ئەهلی بەشدار دەبن لە پرۆسەكەدا.
د. لەتیف رەشید سەرۆك كۆماری عیراق، لە دادگای فیدراڵی سكاڵاكەی دژی سەرۆك وەزیران و سەرۆكی ئەنجومەنی نوێنەران و وەزیری دارایی عیراق تۆماركردووە و تیایدا، داوایكردووە وەزارەتی دارایی عیراق پابەند بكرێت بە دابەشكردنی موچەی ووچەخۆرانی هەرێم و بە بانكیكردنی موچەكانیان.
هەروەها داوایكردووە ئەنجومەنی نوێنەران پابەند بكرێت بە كاركردن بە هەمواری بڕگەی (12) خاڵی (ج) لە یاسای بودجەی گشتی عیراق.
ئەمڕۆ سەرۆک کۆماری عیراق لەگەڵ سەرۆکی هاوپەیمانی تەسمیم و چەند پەرلەمانتار و کەسایەتییەکدا کۆبووەوە و لە کۆبوونەوەکەدا باسی لەوەکرد، کەسایەتییە ئایینی و کۆمەڵایەتییەکان رۆڵی بەرچاو دەگێڕن لە چەسپاندنی سەقامگیریدا.
ئەمڕۆ دووشەممە، د. لەتیف رەشید سەرۆک کۆماری عیراق لە کۆشکی بەغداد، پێشوازیکرد لە سەرۆکی هاوپەیمانی تەسمیم، پەرلەمانتار، عامر فایز و پەرلەمانتار یاسین عامری و محەمەد تەقی سەید عەبدول ئەلموسەوی کوڕی سەرۆکی تایەفەی شێخیە لە عیراق و وەفدی یاوەری.
لە دیدارەکەدا سەرۆکۆ کۆمار جەختی کردەوە لە گرنگی چەسپاندنی سەقامگیری ئەمنی و سیاسی لە وڵات و پتەوکردنی وتاری یەکڕیزی و برایەتی کە پێکهاتەکانی نیشتمانی عێراق بەهێز بکات. دووپاتیشی لە پێویستی وەبەرهێنانی ئەم هەمەچەشنیە وەک فاکتەرێکی بەهێز کردەوە کە پاڵپشتی یەکڕیزی کۆمەڵایەتی بکات.
سەرۆک کۆمار راشیگەیاند، کەسایەتییە ئایینی و کۆمەڵایەتییەکان رۆڵی بەرچاو دەگێڕن لە برەودان بەم پرەنسیپانە و پتەوکردنی گیانی هاووڵاتیبوون.
د.لەتیف رەشید سەرۆک کۆماری عیراق رۆژی دووشەممە 17 ی شوباتی 2025 لە کۆشکی بەغداد پێشوازیکرد لە محەمەد رێکان حەلبوسی سەرۆکی حزبی تەقدوم.
لەکۆبوونەوەیەکدا بارودۆخی گشتی وڵات و پاراستنی سەقامگیریی سیاسی و ئەمنی و ئابووری تاوتوێکران و سەرۆک کۆمار تەئکیدی لەوە کردەوە کە قۆناغەکە پێویستی بەبەهێزکردنی چوارچێوەی هەماهەنگی و یەکگرتوویی لەنێوان هێز و کوتلە نیشتمانییەکاندایە و هەوڵدان بۆ باشترکردنی خزمەتگوزارییەکان کە پێشکەش بە هاووڵاتیان دەکرێت و کارکردن بۆ بەدیهێنانی ئامانجەکانی گەشەپێدانی گشتگیر.
سەرۆک کۆمار ئاماژەی بەپێویستی یەکخستنی دیدگاکانی سەرجەم لایەنەکان کرد بەشێوەیەک پێگەی عیراق لەڕووبەڕووبوونەوەی تەحەداکانی ناوچەکە و نێودەوڵەتی بەهێزتر بکات و ئاشتی و ئاسایش بۆ گەلەکەمان و گەلانی ناوچەکە بپارێزێت
لای خۆیەوە حەلبوسی سوپاس و پێزانینی خۆی بۆ سەرۆک کۆمار دەربڕی بۆ پەرۆشی بەردەوامی بۆ پاراستنی بەرژەوەندییەکانی هەموو پێکهاتەکان و ئاماژەی بەوەشکرد کە حزبی تەقەدوم هەوڵدەدات پەیوەندییەکانی لەگەڵ سەرجەم هێزە نیشتمانییەکاندا پتەوتر بکات بەشێوەیەک کە سەروەری و ئاسایش و سەقامگیریی وڵات بپارێزێت.
د.لەتیف رەشید سەرۆک کۆماری عیراق لە بەغداد پێشوازی لە د.مەحمود مەشهەدانی سەرۆکی ئەنجومەنی نوێنەران کرد و جەختی لە گرنگی بەهێزکردنی هەماهەنگی نێوان سەرۆکایەتی کۆمار و ئەنجومەنی نوێنەران کردەوە.
لە کۆبوونەوەیەکدا پێشکەوتنەکانی وڵات لە بوارە جیاجیاکاندا و هەروەها بارودۆخی گشتی ناوچەکە و نێودەوڵەتی تاوتوێکران و سەرۆک کۆمار گرنگی بەهێزکردنی هەماهەنگی نێوان سەرۆکایەتی کۆمار و ئەنجومەنی نوێنەرانی ئاماژە پێکرد و پرۆژەیاساکانی سەرۆکایەتی بەمەبەستی تاوتوێکردن و پەسەندکردنیان بە شێوەیەک کە مافەکانی سەرجەم هاوولاتیان مسۆگەر بکات باسی لێوەکرا.
لای خۆیەوە د.مەشهەدانی سوپاس و پێزانینی خۆی بۆ سەرۆک کۆمار دەربڕی بۆ هەوڵەکانی لە بەهێزکردنی سەقامگیریی سیاسی لە وڵات و پەرۆشی بۆ پاراستنی مافەکانی گەل .
جەختیشی کردەوە لە هەوڵی سەرۆکایەتی ئەنجومەنی نوێنەران بۆ بەرەوپێشبردنی ئەرکەکانی بە شێوەیەک کە بەرژەوەندییە باڵاکانی عیراق و گەلەکەی بەدی بهێنێت.
د. لەتیف رەشید سەرۆك كۆماری عیراق سێ یاساكەی ئەنجومەنی نوێنەرانی پەسەند كرد.
سەرۆكایەتی كۆمار بڵاویكردەوە، د. لەتیف رەشید سەرۆك كۆماری عیراق ئیمزای لەسەر یاساكانی باری كەسێتی و لێبوردنی گشتی و گەڕانەوەی ماڵ و موڵك بۆ خاوەنەكانیان كردووە و پەسەندی كردوون.
ئەوەش دوای ئەوەدێت كە رۆژی سێشەممەی رابردوو دادگای باڵای فیدراڵی عیراق ئەو سكاڵانەی رەتكردەوە كە لە دژی یاساكان تۆمار كرابوون.
ڕۆژی 21ی مانگی رابردوو ئەنجومەنی نوێنەرانی عیراق بەیەك پاكێج دەنگی لەسەر سێ یاساكە دا و بەدوای خۆیدا كاردانەوەی لێكەوتەوە، هەر سێ یاساكەش لەلایەن كورد و شیعە و سوننەكانەوە پشتگیریی لێكران.
دانیشتنی دادگای فیدڕاڵی لەسەر سکاڵاکەی سەرۆک کۆمار تایبەت بە موچەی موچەخۆرانی هەرێم، بۆ 18ی ئەم مانگە دواخرا.
بڕیار بوو ئەمڕۆ چوارشەممە، دادگای فیدڕاڵی عیراق لەبارەی سکاڵایەکی د. لەتیف رەشید سەرۆک کۆماری عیراق کۆببێتەوە، کە دوو رۆژ بەر لە ئێستا لەبارەی موچەی فەرمانبەرانی هەرێمەوە، لەسەر سەرۆک وەزیران و سەرۆکی ئەنجومەنی نوێنەران و وەزیری دارایی عیراق تۆماری کردبوو.
سكاڵاكەی سەرۆك كۆمار لەبارەی موچەی فەرمانبەرانی هەرێم و پابەندكردنی وەزارەتی دارایی عیراقە بە خەرجكردنی موچە کە لە چوار خاڵ پێكهاتووە، کە داوایکردووە، فەرمانێكی وەلائی خێرا دەربکرێت بۆ پابەندكردنی وەزارەتی دارایی عیراق بە خەرجكردنی موچەی فەرمانبەرانی هەرێم.
هاوکات، پابەندكردنی وەزارەتی دارایی عیراق بە خەرجكردنی موچەی فەرمانبەرانی هەرێم بە شێوەیەكی بەردەوام و بەبێ وەستان، هەروەها جێبەجێكردنی بەبانكیكردنی موچە بەپێی رێنماییەكانی بەبانكیكردن، بە جۆرێک هاوشێوەی ئەو رێكارانە بێت كە حكومەتی عیراق دەیگرێتە بەر.
د.لەتیف رەشید سەرۆک کۆماری عیراق، ئەمڕۆ چوارشەممە 12ی شوباتی 2025 پێشانگەی نێودەوڵەتی پەرتوکی نەجەفی بە ئامادەبوونی پارێزگاری نەجەف، ئەندازیار یوسف کەناوی و سەرۆکی ئەنجومەنی پارێزگا دکتۆر حوسێن عیساوی و ژمارەیەک لە بەرپرسان کردەوە.
سەرۆک کۆمار لەوتەیەکدا کە لەکردنەوەی رێوڕەسمەکەدا پێشکەشی کرد، جەختی لەوە کردەوە کە شاری نەجەف پایتەختی زانست و ئەدەب و شاری زانایانە و لەسەر خاکەکەی ناوەندێکی زانستی دامەزراوە کەتەمەنی زیاتر لە هەزار ساڵە و خوێندنگەکانی زانایانی گەورە و نووسەرانی پێگەیاندوە و ئاماژەی بەوەشدا کە ئەنجامدانی ئەم بۆنەیە لەسەر خاکی نەجەف مانایەکی تایبەتی هەیە.
ئەمەی خوارەوە دەقی وتاری بەڕێزیانە :
به ناوی خودای بەخشندەی میهرەبان
خوشکان و برایان
سڵاوی خودای گەورەتان لێبێت
ئەمڕۆ لە شاری پیرۆزی نەجەف، شاری زانست و زانایان کۆدەبینەوە، بۆ بەشداریکردن لە چالاکییەکانی پێشانگەی نێودەوڵەتی پەرتوکی نەجەف لە چوارەهەمین چالاکیەکانیدا، ئەم پێشانگایە لەخولەکانی پێشوویدا بەشدارییەکی جەماوەری بەرچاوی بەخۆیەوە بینی، شەرەفی ئەوەمان هەبوو کە سپۆنسەری چالاکیەکانی بکەین، و بەپەرۆشین لەم خولەیشدا سپۆنسەری بکەین، بەهۆی کاریگەرییە مرۆیی و کلتوورییەکانی لەسەر کۆمەڵگە.
شاری نەجەف پایتەختی زانستی و ئەدەبی و شاری زانایانە لەسەر خاکەکەی ئەو ناوەندە ئایینیە هاتەکایەوە کەتەمەنی زیاتر لە هەزار ساڵە، و خوێندنگەکانی گەورە زانایان و نووسەرانی پێگەیاندوە، لەم ڕوانگەیەوە پێمان وایە کەئەنجامدانی ئەم چالاکیە لەسەر خاکی نەجەف مانایەکی تایبەتی هەیە.
رژێمی پێشوو سەرنجی خستبوە سەر نەجەف، نەک بۆ چاودێری بەڵکو وەک دوژمنایەتیکردن و زۆریش هەوڵیدا بڵێسەی زانستی نەجەف بکوژێنێتەوە، لەڕێگای بەئامانجگرتنی زانایان و نووسەران و تەنانەت خوێنەرانی شارکە، بەڵام ئەم ئامانجگرتنە هاندەرێک بوو بۆ خەڵکی نەجەف بۆ ئەوەی ڕوو لە خوێندنەوە و نووسین بکەن، لەبەر ئەوەیە کەنەجەف هەر وەک چۆن هەموو عێراق بەملکەچ نەکردن مانەوە .
سوپاسی بەرپرسیارانی ئەم چالاکییە زانستییە نوێبووەوە دەکەین و هیوای سەرکەوتن بۆ هەموو لایەکیش دەخوازین کەشوێنپێی پێشینەکانیان لە هەڵگرتنی ئاڵای خوێندنەوە و ڕۆشنبیری و داهێناندا گرتوەتەبەر.
سڵاوی خوداتان لێ بێت.
ئەمڕۆ دادگای فیدڕاڵی عیراق لەبارەی سکاڵاکەی سەرۆک کۆمار تایبەت بە موچەی موچەخۆرانی هەرێم کۆدەبێتەوە، کە دوو رۆژ بەر لە ئێستا تۆماری کردبوو.
بڕیارە ئەمڕۆ چوارشەممە، دادگای فیدڕاڵی عیراق لەبارەی سکاڵایەکی د. لەتیف رەشید سەرۆک کۆماری عیراق کۆببێتەوە، کە دوو رۆژ بەر لە ئێستا لەبارەی موچەی فەرمانبەرانی هەرێمەوە، لەسەر سەرۆک وەزیران و سەرۆکی ئەنجومەنی نوێنەران و وەزیری دارایی عیراق تۆماری کردبوو.
سكاڵاكەی سەرۆك كۆمار لەبارەی موچەی فەرمانبەرانی هەرێم و پابەندكردنی وەزارەتی دارایی عیراقە بە خەرجكردنی موچە کە لە چوار خاڵ پێكهاتووە، کە داوایکردووە، فەرمانێكی وەلائی خێرا دەربکرێت بۆ پابەندكردنی وەزارەتی دارایی عیراق بە خەرجكردنی موچەی فەرمانبەرانی هەرێم.
هاوکات، پابەندكردنی وەزارەتی دارایی عیراق بە خەرجكردنی موچەی فەرمانبەرانی هەرێم بە شێوەیەكی بەردەوام و بەبێ وەستان، هەروەها جێبەجێكردنی بەبانكیكردنی موچە بەپێی رێنماییەكانی بەبانكیكردن، بە جۆرێک هاوشێوەی ئەو رێكارانە بێت كە حكومەتی عیراق دەیگرێتە بەر.