"باڵانبۆ محەمەد" ئەندامی لیژنەی پێشمەرگە لە پەرلەمانی کوردستان بە کوردسات نیوزی راگەیاند، بڕیارە بۆ جاری دووەم لیوا ھاوبەشەکانی وەزارەتی پێشمەرگە کە پێکھاتوون لە ١٣ لیوا و سێ یەکەی مەشق و راھێنان، لە رۆژی پێنج شەممەوە سێ مووچە بەبێ لێبڕین وەربگرن.

ئاماژەی بۆ ئەوەش کرد، مووچەکان لەلایەن وڵاتانی ھاوپەیمانەوە دابینکراوە و وەک لیژنەی پێشمەرگە لە پەرلەمانی کوردستان داوایان لە حکومەتی ھەرێم کردوە پشت بە خۆی ببەستێت بۆ دابەشکردنی مووچەی لیوا ھاوبەشەکان چونکە لە ئەگەری ھەر پێشھاتێک لە ناوچەکەدا، دوور نییە ھاوپەیمانان ھاوکارییەکانیان بۆ وەزارەتی پێشمەرگە راگرن.

جێی ئاماژەیە، رۆژی ١ی نیسانی ٢٠٢١ دەستکرا بە دابەشکردنی سێ موچەی ساڵی ٢٠٢٠ی لیوا ھاوبەشەکانی سەر بە وەزارەتی پێشمەرگە و ماوەی ٤٦ رۆژە لیوا ھاوبەشەکان مووچەی تریان وەرنەگرتووە، ئەم سێ مووچەش کە پێنج شەممە دابەشدەکرێت، مووچەی ساڵی ٢٠٢٠ .

 دەقی پرسەنامەکە :

بۆ کۆچی دوایی وەستا ڕەسوڵ براگەورەی مەلا ئاری لێپرسراوی مەڵبەندی ڕاپەڕین، سەرۆکایەتی یەکێتیی نیشتمانیی کوردستان، بروسکەیەکی سەرەخۆشی یٔاڕاستەی بنەماڵە سەربەرزەکەیان کردووە.

برای بەڕێز کاک مەلا ئاری لێپرسراوی مەڵبەندی ڕاپەڕین :
‏‎بەداخ و پەژارەیەکی زۆرەوە ھەواڵی کۆچی دوایی وەستا ڕەسوڵی براگەورەی بەڕێزتانمان پێگەیشت. بۆ ئەم کۆستەتان ھاوبەشی قوڵی خۆمانتان پێڕادەگەیەنین.

لەرێگەی ئێوەشەوە پرسەو سەرەخۆشی لە یەک بەیەکی خێزان و خانەوادە تێکۆشەرەکەتان دەکەین، ئەمە دوا ناخۆشیتان بێت. پەروەردگاری مەزن خوالێخۆشبوو بەبەھەشتی بەرینی خۆی شاد بکات و ھەرگیز ناخۆشی نەبینن

 دەقی ڕاگەینراوەکە : 

یەکەم/ لەبەیانییەوە ڕۆژی دووشەمە ٢٠٢١.٥.١٧، سەرجەم  ھۆڵەکانی بۆنە و ئاھەنگێڕان، بەڕەچاوکردنی ڕێکارەکانی خۆپارێزی و جێبەجێکردنی ڕێنماییە تەندروستییەکان دەکرێتەوە، بۆیە داوا لە خاوەن ھۆڵ و ھاوڵاتییان دەکەین، لەکاتی بۆنە و ئاھەنگە خێزانیەکان ڕەچاووی ڕێکارەکانی خۆپارێزی بکەن، بەتایبەتی بەستنی دەمامک .

دووەم/ وەکو ژووری ئۆپەراسیۆنی پارێزگای ھەولێر، لەڕابردوو و لە ئێستاشدا ھەر بڕیارێک و ڕێکارێک گیرابێتەبەر، لەپێناو سەلامەتی گشتیی و پاراستنی تەندروستی ھاوڵاتییان بووە، لەم دۆخەی ئێستاشدا بەرپرسیاریەتی گەورە لە سەرشانی خودی ھاوڵاتییان خۆیانە، لەبەر ئەوەی تاکپارێزی لەو بارودۆخەدا ھۆکاری سەرەکی پاراستنی سەلامەتی و تەندروستی گشتییە لەشارەکەمان.

"حسێن رەقیب"بەرێوەبەری دەستەی ھەڵبژاردنەکانی ھەرێم لە کۆمسیۆنی باڵای سەربەخۆی ھەڵبژاردنەکانی عێراق بە کوردسات نیوزی راگەیاند، ئامادەکارییەکان بۆ ھەڵبژاردنی پێشوەخت لە عێراق بەردەوامە، لەو چوارچێوەیەشدا بڕیارە لەم ھەفتەیەدا فۆرمی وەرگرتنی کارمەند بە شێوەی گرێبەست بۆ سەر سندوقەکانی دەنگدان بڵاوبکرێتەوە.

 وتیشی، ھەرێمی کوردستان پێویستی بە زیاتر لە ٣٠ ھەزار کارمەند ھەیە بۆ سەر سندوقەکانی دەنگدان لە پارێزگاکانی سلێمانی و ھەولێر و دھۆک، ئەو کەسانەی ئەو فۆرمەش پڕ دەکەنەوە دەبێت بڕوانامەی لە ئامادەیی کەمتری نەبێت ، ھەروەھا خوێندکارانی زانکۆ و پەیمانگاکانیش دەتوانن فۆرمەکە پڕ بکەنەوە، دوای پڕکردنەوەی فۆڕمەکە و ھاوپێچکردنی داواکارییەکان فۆرمەکان دەگەڕێننەوە بۆ بنکەکانی کۆمسیۆنی ھەڵبژاردن لە پارێزگاکان.

ھاوکات لە ڕۆژانی جەژندا ژمارەیەکی زۆر لە گەشتیار ڕوویان لە پارێزگای سلێمانی کردووە و تا ئێستاش ھاتنی گەشتیار بەردەوامە.

ھاوسەرۆکی یەکێتی ئاماژەی بەوەشدا، کە ڕۆڵی مێژوویی و پڕ لە سەروەری یەکێتی مامۆستایان لە ڕابردوودا لە یاد ناکەن و بەڕێزەوە یادی ئەو مامۆستا تێکۆشەرانە دەکەنەوە کە سەرباری خزمەتکردنیان بە بواری پەروەردە، بە بیر و قەڵەمە بوێرەکەیان تاوێکی تریان بە خەبات و شۆڕشی نوێ داوە.

لە کۆتایشدا بافڵ تاڵەبانی ڕایگەیاند، بەھۆی ئەو دۆخە نەخوازراوەی لە ساڵانی ڕابردوودا ڕووبەڕووی ھەرێمی کوردستان بووەوە، مامۆستایان بە دۆخێکی سەخت و ناھەمواردا تێپەڕین. بۆیە بە ئەرکی خۆیان و کاری لە پێشینەیانی دەزانن کە ھەوڵی بێوچان بدەن بۆ دابینکردنی ژیانێکی شایستە و بەدیھێنانی ماف و داخوازییەکانی مامۆستایان.

دەقی پەیامەکە ... 

لە ساڵیادی دامەزراندنی یەکێتیی مامۆستایانی کوردستان، گەرمترین پیرۆزبایی ئاڕاستەی مامۆستایانی کوردستان و پەروەردەکاران دەکەم.
یەکێتیی نیشتمانیی کوردستان خۆی بە بەشێک لە خەباتی پیشەیی و مەدەنیی مامۆستایان دەزانێت و بە گرنگییەوە لە ڕۆڵ و کاریگەری ئەم چینە ماندوونەناسە دەڕوانێت. لەلای ئێمە مامۆستا پایەبەرزەکان پێگەیەکی گرنگ و باڵایان ھەیە و ماندووبوونیان لە پێناو پەروەردەکردن و گۆشکردنی نەوەی نوێخواز و زانستخواز جێگای سوپاس و ستایشی بەردەواممانە.
ڕۆڵی مێژوویی و پڕ لە سەروەری ئێوە لە ڕابردوودا لە یاد ناکەین و بەڕێزەوە یادی ئەو مامۆستا تێکۆشەرانە دەکەینەوە کە سەرباری خزمەتکردنیان بە بواری پەروەردە، بە بیر و قەڵەمە بوێرەکەیان تاوێکی تریان بە خەبات و شۆڕشی نوێ دا.
‏‎بەھۆی ئەو دۆخە نەخوازراوەی لە ساڵانی ڕابردوودا ڕووبەڕووی ھەرێمی کوردستان بووەوە، مامۆستایان بە دۆخێکی سەخت و ناھەمواردا تێپەڕین. بۆیە بە ئەرکی خۆمان و کاری لە پێشینەمانی دەزانین کە ھەوڵی بێوچان بدەین بۆ دابینکردنی ژیانێکی شایستە و بەدیھێنانی ماف و داخوازییەکانتان.

بافڵ تاڵەبانی
ھاوسەرۆکی یەکێتیی نیشتمانیی کوردستان

یەکێتی مامۆستایانی کوردستان پەیامێکی بڵاوکردەوە و تیایدا داوا لە حکومەتی ھەرێمی کوردستان دەکات کۆتایی بە لێبڕینی نایاسایی مووچە بھێنێت و ژمارەی بانکی بۆ سەرجەم مامۆستایان بکاتەوە و مووچەی ئەو مانگانەیان بۆ بگەڕێنێتەوە کە نەدراون یان پاشەکەوت کراون.

داواش دەکات مامۆستایانی وانەبێژ کە لە ئێستادا بۆشایی دانەمەزراندنی مامۆستایانیان پڕکردووەتەوە، خزمەتیان لە بەرچاو بگیرێت و بە بەردەوامی شایستە داراییەکانیان پێبدرێت و بە گرێبەست یان ھەمیشەیی دایان بمەزرێنن. یەکێتی مامۆستایان داواش دەکات پلە و مووچە بەرزکردنەوە کە لە ساڵی ٢٠١٥ەوە ڕاگیراوە، دەستپێبکاتەوە.

جەختیش دەکاتەوە لە جێبەجێکردنی ڕەشنوسی پارێزبەندی مامۆستایان کە سێ ساڵ زیاترە ڕەوانەی پەرلەمانی کوردستان کراوە. داواش دەکات لە یاسای چاکسازی دەست بۆ دەرماڵەی مامۆستایان بە گشتی و مامۆستایانی زانکۆ بە تایبەتی نەبرێت، لە یەکخستنی یاسای خانەنشینیش دادپەروەری لەبەرچاو بگیرێت.

لە دووەم ڕۆژی سەردانەکەی بۆ کۆماری ئەرمینیا، قوباد تاڵەبانی لەگەڵ وەزیری دەرەوەی ئەرمینیا کۆبووەوە و پێکەوە لە بارەی پەیوەندییە دوو قۆڵییەکان و پێشھاتەکانی ناوچە گفتوگۆیان کرد. ھەردوولا ھاوڕابوون لەسەر پەرەپێدانی کاری ھاوبەش لە نێوان ھەرێمی کوردستان و کۆماری ئەرمینیا و لەسەر بارودۆخی کوردانی نیشتەجێی ئەرمینیاش ھەڵوێستەیان کرد بە تایبەت ئەو کوردانەی بۆ خوێندن ڕوویان لەو وڵاتە کردووە.

لە تەوەرێکی تری کۆبوونەوەکەدا تیشک خرایە سەر کۆمەڵگای ئەرمەنی لە کوردستان و بە گرنگییەوە باس لە دەستپێکردنی گەشتی ڕاستەوخۆی نێوان ھەرێمی کوردستان و کۆماری ئەرمینیا کرا کە بڕیارە لە مانگی داھاتوودا دەست پێ بکات.

ھەردوولا ھاوڕابوون لەسەر گرنگی دروستکردنی پەیوەندی بازرگانی و ئاسانکاری پێدانی ڤیزا و کەڵک وەرگرتن لە ئەزموونی ئەرمینیا لە بواری وزە لە ھەرێمی کوردستان.
سەردانەکەی قوباد تاڵەبانی بۆ کۆماری ئەرمینیا لەسەر بانگھێشتی فەرمی حکومەتی ئەرمینیایە و سێ ڕۆژ دەخایەنێت. لەم سەردانەدا ھەر یەکە لە دارا ڕەشید وەزیری پلاندان و ئومێد سەباح سەرۆکی دیوانی ئەنجومەنی وەزیران یاوەری جێگری سەرۆک وەزیرانن.

قوباد تاڵەبانی ئاماژەی بەوەشدا، لەم قۆناغەشدا و لە بەرامبەر وەفاداری و بەخشینە بەردەوامەکان و بەرگەگرتنی ڕێکخراوەکە بۆ ھەموو ئەو بارە ناھەموارانەی ھەرێمی پێیدا تێپەڕیووە، سوپاسگوزاریانن کە بەردەوام بوون لە برەودان بە گۆڕەپانی پەروەردەیی و ھەڵگرتنی مەشخەڵی زانست و فێرکردن.

جێگری سەرۆکی ئەنجومەنی وەزیران ڕاشیگەیاند، ھیوادارن یەکێتی مامۆستایان بەردەوام بێت لەو ڕێگایەیەی گرتوویانەتەبەر بۆ خزمەتکردنی کوردستان و پشتیوانیکردنی ڕەوتی پەروەردە و فێرکردن، ئەوانیش لە حکومەتی ھەرێمی کوردستان شانازی بە ئارامگرتن و بەردەوامییانەوە دەکەن کە سەرباری قەیرانەکان لە خەمی بەردەوامیی پڕۆسەی خوێندندا بوون.

دەقی پەیامەکە ... 

بەڕێزان سەرۆک ‌و ئەندامانی سکرتارییەتی یەکێتی مامۆستایانی کوردستان

پیرۆزبایی یادی ٥٩ ساڵەی دامەزراندنی یەکێتی مامۆستایانی کوردستانتان لێ دەکەم، ھیوادارم بەردەوام بن لە خەباتی پیشەیی و پەروەردەیی لە پێناو ھێنانەکایەی پەروەردەیەکی ھاوچەرخ بۆ نەوەکانی داھاتوو. 
ھەر لە سەرەتای دامەزراندنییەوە ئەم ڕێکخراوە تێکۆشەرە، دڵسۆزانە ڕۆڵی گەورەی بینیوە و شانبەشانی خەباتی ڕزگاریخوازی گەلەکەمان بەردەوام بووە لە قوربانیدان و کارکردن بۆ فێرکردنی نەوەکانی ئەم گەلە بە پرنسیپەکانی پەروەردە و زانست.
لەم قۆناغەشدا و لە بەرامبەر وەفاداری و بەخشینە بەردەوامەکان و بەرگەگرتنتان بۆ ھەموو ئەو بارە ناھەموارانەی ھەرێمەکەمان پێیدا تێپەڕیووە، سوپاسگوزارتانین کە بەردەوام بوون لە برەودان بە گۆڕەپانی پەروەردەیی و ھەڵگرتنی مەشخەڵی زانست و فێرکردن.
ھیوادارین بەردەوام بن لەو ڕێگایەیەی گرتووتانەتەبەر بۆ خزمەتکردنی کوردستانە ئازیزەکەمان و پشتیوانیکردنی ڕەوتی پەروەردە و فێرکردن، ئێمەش لە حکومەتی ھەرێمی کوردستان شانازی بە ئارامگرتن و بەردەوامیتانەوە دەکەین کە سەرباری قەیرانەکان لە خەمی بەردەوامیی پڕۆسەی خوێندندا بوون.
دووبارە ھیوای سەرکەوتنتان بۆ دەخوازین و ھیوادارین یەکێتی مامۆستایان بە ھەمان گوڕوتینی پێشتر و دڵسۆزانەتر کار بکات بۆ خزمەتکردن و پاراستنی شکۆی مامۆستایان و ھەوڵەکانی چڕتر بکاتەوە لە پێناو بە دەستھێنانی ئامانج و مافەڕەواکانیان.

قوباد تاڵەبانی
جێگری سەرۆکی ئەنجومەنی وەزیران

بە پێی ڕاگەیەندراوێکی وەزارەتی تەندروستی ھەرێم، لە ماوەی ٢٤ سەعاتی ڕابردوو لە ھەرێمی کوردستان ١٤١ کەسی تر تووشی ڤایرۆسی کۆرۆنا بوون و ٦ تووشبووی تری کۆرۆنا گیانیان لە دەستدا و ٧٥٣ تووشبووی تری ڤایرۆسەکە چاکبوونەتەوە.

وەزارەتی پەروەردەی ھەرێمی کوردستان لە ڕاگەیەنراوێکدا ئاماژەی بەوەکردووە، لە ڕۆژی یەکشەممەوە پڕۆسەی خوێندنی ناو پۆل بۆ قۆناغی یەکەمی بنەڕەتی تا ١١ی ئامادەیی لە سەرجەم خوێندنگە حکومی و ناحکومی و گوندەکان دەستپێدەکات. 

ئاماژەی بەوەشکردووە، لە ھەفتەیەکدا سێ ڕۆژ دەوام دەکرێت و پێویستە ھەموو لایەک پابەندبن بە ڕێنماییە تەندروستییەکان، ڕاشیگەیاند، خوێندنی ئەلیکترۆنی و گروپی وانەکان لە تۆڕەکۆمەڵایەتییەکان بەردەوام دەبن و دەتوانرێت ئەو سێ ڕۆژەی خوێندکار لەناو پۆل نییە، ئەرکی ماڵەوەی زیاتر پێبدرێت و پەرە بە تواناکانی فێربوونی بدرێت.

وەزارەتی پەروەردە ڕوونیشیکردەوە، بەخێوکاری خوێندکاران ئەگەر ئارەزوویان بێت منداڵەکەیان لەناو پۆل نەخوێنێت، دەتوانن لە ھەفتەی یەکەمی دەستپیکردنەوەی خوێندن فۆڕمی بەڵێننامە پڕ بکەنەوە کە بە خوێندنی ئەلیکترۆنی و پاڵپشتی ماڵەوە بەردەوام دەبن، بەڵام تاقیکردنەوەکانی کۆتایی ساڵ لەناو پۆل دەبێت.

"عەلی ڕەئوف" بەڕێوەبەری گشتی گەشتوگوزاری سلێمانی بە کوردسات نیوزی ڕاگەیاند، بە پێی ئامارە سەرەتاییەکان لە یەکەم ڕۆژی جەژنی ڕەمەزانەوە تا ئێستا نزیکەی ٨٠ ھەزار گەشتیار لە بازگەکانەوە ھاتونەتە سلێمانی و زۆربەیان لە ناوەڕاست و خوارووی عێراقەوە ھاتوون.

وتیشی، تیمەکانیان بەردەوامن لە چاودێری ڕەوشی گەشتیاری و نرخی خزمەتگوزارییەکان لە شوێنە گەشتیاری و ئۆتێل و مۆتێلەکان و ڕێگری لە سەرپێچی دەکەن.

بەڕێوەبەری گشتی گەشتوگوزاری سلێمانی ئاماژەی بەوەشکرد، بەھۆی ھاتنی ئەو ژمارەیەی گەشتیاران زۆربەی ئۆتێلەکان پڕبوون لە گەشتیار و ھەندێکیان جێگایان نەماوە.

قائیمقامییەتی قەزای دوکان رایگەیاندووە، بەپێی زانیارییەکان گەشتیارەکە عەرەبە و تەمەنی ٤٠ ساڵەو دانیشتوی شاری بەغدادە و بەمەبەستی گەشت کردن ھاتوونەتە قەزای دوکان.

لە بارەی روداوەکەوە سیروان سەرحەد قائیمقامی دوکان ڕایگەیاند، تیمەکانی مەلەوانی دوکان و ھێزەکانی ئاسایشی ناوخۆ چوونەتە شوێنی رووداوەکە و لە ھەوڵی دەرھێنانەوەی تەرمەکەدان .

قائیمقامی دوکان داوا لە گەشتیاران دەکات، پابەندی ڕێنماییەکان بن و بەھیچ جۆرێک لە دەریاچەی دوکاندا مەلە نەکەن .