سەرۆککۆمار
د. لەتیف رەشید، سەرۆک کۆماری عێراق لە چاوپێکەوتنێکدا لەگەڵ ئاژانسی ھەواڵی چینی (شینخوا) ئاماژەی بەوەکرد، عێراق پێویستی پشتیوانی کۆمەڵگەی نێودەوڵەتی و کۆمپانیا نێودەوڵەتییەکانە، لەوانەش کۆمپانیا چینییەکان لە بوارەکانی بیناسازی، ژێرخانی ئابوری، کارەبا، ئاو، وزە و خزمەتگوزارییەکانی دیکە.
باسی لەوەشکردووە، پشتیوانیی لە نزیکبوونەوەی نێوان کۆماری ئیسلامی ئێران و عەرەبستانی سعودیە دەکات و ستایشی ڕۆڵی چین و عێراقیشی دەکات لەو بوارەدا، چونکە باوەڕیوایە ھەماھەنگی و ھاریکاری نێوان وڵاتان باشتر خزمەت بە مرۆڤایەتی دەکات.
سەرۆک کۆماری عێراق ئەوەشی خستووەتەڕوو، پشتیوانی لە ھەموو ئەو پڕۆژانە دەکات کە بۆ پەرەپێدانی ژینگە پێشنیازکراون، چونکە گۆڕانکارییە گەورەکانی ژینگە، کاریگەری لەسەر تەندروستی مرۆڤ و نەوەکانی داھاتوو دەبێت.
دەقی پەیامەکەی سەرۆککۆماری عێراق...
شاعیری مەزن کەریم ئەلعێراقی کە بە چەندین کاری داھێنەرانەی کلتوور و ھونەری دەوڵەمەند کرد، ئەمڕۆ ماڵئاوایی لێکردین.
ھاوخەمی خۆمان بۆ خێزانی و دۆست و خۆشەویستانی دەردەبڕین.
خودای گەورە لێخۆشبێت و بەبەھەشتی بەرینی شاد بکات.
إنا للە وإنا الیە راجعون
لە دیدارەکەدا، سەرۆککۆماری عێراق رایگەیاند، پەیوەندییەکانی نێوان ھەردوو وڵات پتەوە و کێشەکانی پەیوەست بە دۆخی ئاو دەتوانرێت چارەسەربکرێن، بەڵام پێویستیان بە بڕیاری جددی ھەیە تا کار بۆ جێبەجێکردنیان بکرێت. وتیشی، عێراق بە چڕی کاردەکات بۆ باشترکردنی بەڕێوەبردنی ئاو لە سەرانسەری وڵاتدا.
سەرۆککۆمار ئاماژەی بەوەشدا، عێراق لە ھەوڵی گەیشتن بە رێککەوتنە لەگەڵ تورکیا سەبارەت بە پشکی ئاو
لە کۆتایی دیدارەکەدا، نێردەی تایبەتی سەرۆکی تورکیا، ڕاپۆرتێکی وردی دەربارەی ئەو کار و پڕۆژانە پێشکەشکرد کە لایەنی تورکی دەتوانێت لە بواری ھاریکاری لەگەڵ عێراقدا ئەنجامی بدات لە دۆسییەی ئاو.
کۆبوونەوەکەدا سەرۆککۆمار جەختیکردەوە کە پێویستە ھەوڵی جدی بدرێت بۆ خزمەتکردن بە دەزگا و دامەزراوەکانی حکومەت و پتەوکردنی پەیوەندییەکانی حکومەتی فیدراڵی و حکومەتی ھەرێمی کوردستان.
سەرۆککۆمار داوای چارەسەرکردنی کێشەکانی نێوان حکومەتی فیدراڵ و ھەرێمی کرد لە چوارچێوەی دەستوور و یاسادا، ھەروەھا پێدانی مووچەی فەرمانبەرانی حکومەتی ھەرێم و بەردەوامبوون لە کارکردن بۆ چەسپاندنی ئاسایش و سەقامگیری لە وڵات بەھۆی ئەو کاریگەرییانەی لەسەر باشترکردنی خزمەتگوزاری و بارودۆخی ژیانی ھاونیشتمانیان ھەیەتی لەڕێگەی نۆژەنکردنەوەی ژێرخانی ئابوری و پشتگیریکردن لە وەبەرھێنان و کەرتی تایبەت.
ھەروەھا سەرۆککۆمار باسی لە گرنگی پەیوەندییەکان لەگەڵ وڵاتانی دراوسێ و جیھان و خستنەگەڕیان بۆ بەدیھێنانی گەشەپێدان و خۆشگوزەرانی لە وڵاتدا کرد، باسی لە قەیرانی ئاو کرد و ڕوونیکردەوە کە دۆسێی ئاو گرنگییەکی زۆری ھەیە و کاری جدییش دەکرێت بۆ پێکھێنانی ئەنجوومەنی باڵای ئاو بە مەبەستی دۆزینەوەی چارەسەری پێویست لە رێگەی ھەماھەنگی و ھاریکاری لەگەڵ وڵاتانی دراوسێ بۆ دەستەبەرکردنی پشکێکی دادپەروەرانە و گونجاو و پێویستی ئاو بۆ گەلی عێراق، جەختیشیکردەوە لەسەر پێویستی پەیڕەوکردنی شێوازی دڵۆپاندن و شێوازە مۆدێرنەکانی ئاودێری و چارەسەرکردنی کێشەکانی ئاو، بە تایبەت زیادەڕەوی لە گۆمی ماسی بێ مۆڵەتدا.
سەرۆککۆمار دوپاتیکردەوە لە گرنگی کارکردنی بەردەوام بۆ پەسەندکردنی ڕەشنووسی یاساکان کە ئاراستەی ئەنجومەنی نوێنەران کراون، بەتایبەتی پڕۆژەیاسای بە پارێزگاکردنی شاری ھەڵەبجە، پرۆژە یاسای ئەنجومەنی فیدراڵ، یاسای نەوت و گاز، و ھەڵوەشاندنەوەی بڕیارەکانی ئەنجومەنی فەرماندەیی سەورەی ھەڵوەشاوە.
لە بەرامبەردا فوئاد حسێن وەزیری دەرەوە باسی لە گرنگترین مەسەلە ھەڵپەسێردراوەکانی نێوان حکومەتی فیدراڵ و ھەرێمی کوردستان کرد و ھیوای خواست کە چارەسەری ڕیشەیی بۆ ئەم پرسانە بدۆزرێتەوە.
ھەروەھا ئامادەبووان باسیان لە پێویستی درێژەدان بە دیالۆگی بونیادنەر و کاریگەر کرد بۆ چارەسەرکردنی کێشە ھەڵپەسێردراوەکانی نێوان حکومەتی فیدراڵ و ھەرێمی کوردستان بە پێی دەستوور و یاسا، بە شێوەیەک کە مافی ھەموو ھاووڵاتیان زامن بکات و خواستەکانیان بەدیبێت.
دەقی پەیامەکەی سەرۆک کۆماری عێراق:
برای بەڕێز کاک مەسعود بارزانی
سەرۆکی پارتی دیموکراتی کوردستان
سڵاوی خودای گەورەتان لێ بێت
بەبۆنەی حەفتا و حەوتەمین ساڵیادی دامەزراندنی پارتی دیموکراتی کوردستان، خۆشحاڵم کە گەرمترین و جوانترین پیرۆزبایی لە بەڕێزتان بکەم و لە ڕێگەی ئێوەوە پیرۆزبایی لە ئەندامانی مەکتەبی سیاسی و کۆمیتەی ناوەندی و بنەماڵەی شەھیدان و تەواوی ئۆرگانەکان و ئەندامان و پێشمەرگە و جەماوەری حیزبە تێکۆشەرەکەتان و ھەموو گەلەکەمان دەکەم.
لە کاتێکدا دامەزراندنی پارتی دیموکراتی کوردستان بەبیردەھێنیەوە، لەم قۆناغە گرنگەدا لەسەر ئاستی سیاسی و ئابووری و ئەمنی لەعێراق لە ھەموو کاتێک زیاتر پێویستمان بە یەکڕیزی و ھەماھەنگی و کاری ھاوبەش ھەیە.
لە پێناوی پتەوکردن و پەرەپێدانی بنەماکانی دیموکراسیەت لە واقیعی عێراقدا و جێبەجێکردنی مادە دەستوورییەکان بۆ دڵنیابوون لە بەدیھێنانی خواست و ئارەزووەکانی گەلی عێراق. ئێمە ئیلھاممان لە گیانی خۆڕاگری و ئەو ویستە بەھێزی حزبە تێکۆشەرەکەتان وەرگرتووە، بە ئامانجی بەدیھێنانی ئاشتی وئارامی و چەسپاندنی سەقامگیری و سەروەری یاسا و مسۆگەرکردنی مافەکانی ھاوڵاتیان و یەکسانی و دادپەروەری کۆمەڵایەتی و ژیانێکی شکۆمەند لە کوردستان و ھەموو عێراق.
لەخودای گەورە داواکارین کە حیزبە تێکۆشەرەکەتان بەردەوام بێت لە ڕێبازەکەی لە پێناوی یەکڕیزی گەلی عێراق بە ھەموو پێکھاتەکانیەوە و ھیوای تەندروستی و سەرکەوتنی ھەمیشەییتان بۆ دەخوازم .
سڵاو لە پارتی دیموکراتی کوردستان لە ساڵیادی دامەزراندنیدا
نەمری بۆ شەھیدان
لەتیف جەمال ڕەشید
سەرۆک کۆمار
سەرۆک کۆماری عێراق داوای پەسەندکردنی پڕۆژەیاسای بەپارێزگابوونی ھەڵەبجە دەکات
د. لەتیف رەشید سەرۆک کۆماری عێراق لە نوسراوێکدا کە ئاڕاستەی سەرۆکی ئەنجومەنی نوێنەرانی کردووە باسی لەوەکردووە، ھەڵەبجە یەکێکە لە نیشانەکانی بەرەنگاربوونەوەی ستەمکاری رژێمی پێشوو، بۆیە وەک رێزێک لە قوربانییەکانی و پابەندبوون بە ڕێکارە یاساییەکان، وەزارەتی پلاندانان نەخشەی گۆڕینی ھەڵەبجەی لە قەزاوە بۆ پارێزگا پەسەندکردووە.
ئەوەشی خستووەتەروو، لەئێستاشدا بە بەشداری ئەندامانی ئەنجومەنی نوێنەران و لە چوارچێوەی راگەیاندنی بەپارێزگابوونی، خوێندنەوەی دووەم بۆ پڕۆژەیاسای بەپارێزگابوونی ھەڵەبجەکراوە، بۆیە ئومێدەوارە سەرۆک و جێگرانی سەرۆکی ئەنجومەنی نوێنەران خوێندنەوەی سێیەم و دەنگدان لەسەر پڕۆژەکە بخەنە بەرنامەی کاری دانیشتنەکانی ئەنجومەنی نوێنەرانەوە.
سەرۆک کۆمار دەشڵێت، مێژووی وڵات و پارێزگای ھەڵەبجە یادی ھەموو ئەو کەسانە بەرز رادەگرێت کە ھاوکاربوون لە سەرکەوتنی ئەو پرۆژە نیشتیمانییە گەورەیە.
دەقی پەیامەکەی سەرۆک کۆماری عێراق:
گەلەکەمان بە ئازار و توڕەیەوە یادی چل ساڵەی ئەو جینۆسایدە دەکاتەوە کە ھەزاران لە ڕۆڵەکانی کوردستان لە بارزانییەکانی لە نێوان شەھید و بێ سەرو شوێنکراوانی کردە قوربانی لە ھەرێمی کوردستان.
ئەو تاوانە قێزەونەی کە ڕژێمی دیکتاتۆری ئەنجامیدا، دەربڕینی ئەو دڕندەییەیە کە تایبەتمەندی ڕەفتاری ستەمکارانەی نیشاندا، کەدرێغی نەدەکرد لە ئەنجامدانی قێزەونترین تاوان.
تاوانی بەئامانجگرتنی ھاونیشتمانیانی بارزانییەکان زنجیرەیەک تاوانی جینۆسایدی بەدوای خۆیدا ھێنا لە چوارچێوەی ئەوەی کە بە ئۆپەراسیۆنەکانی ئەنفال ناسرابوو، دواتر تاوانی ھەڵەبجە بە بەکارھێنانی چەکی کیمیاوی دژی ھاونیشتمانیانی مەدەنی، و ھەموو ئەو تاوانانەش بە ئامانجی کۆمەڵکوژی بوو ، بەرامبەر بە ھەزاران پیاو ، گەنج و پیر، ژن و منداڵ بەبێ گوێدانە ھیچ بەھایەکی مرۆیی.
زۆریش زەحمەت نیە پەیوەندی نێوان ئەو تاوانانەی ڕژێمی دیکتاتۆرییەت پێشتر ئەنجامیدا و تاوانەکانی تیرۆر و جینۆساید کە بە ھەزاران ھاوڵاتی بونە قوربانی پێکەوە گرێبدرێت، وەک ئەوەی لەسەر دەستی داعش لەکاتی داگیرکردنی ژمارەیەک پارێزگا و شار و گوندی عێراقدا ڕوویدا.ئەمانەیش شێوازی جۆراوجۆری ڕەگەزپەرستی و تایەفەگەری نەتەوەی وئایینیە .
چەسپاندنی دیموکراسی و پتەوکردنی دەسەڵاتی یاسا و باوەڕی ڕاستەقینە بە قبوڵکردنی فرەچەشنی و جیاوازییەکانی بنەمای سەرەکین بۆ دەستەبەرکردنی ئاسایش و ئارامی ھاونیشتمانیان لە وڵاتێکدا کە ھەست بە مافەکانی خۆیان بکەن و بەرگری لەسیستمە دیموکراسییە دادپەروەرەکەی بکەن و ئاستیشی بەرزبکەنەوە بۆ ڕیزی دیموکراسییە چەسپێنراوەکان لە جیھانی ھاوچەرخماندا.
یادی شەھیدە سەربەرزەکان و قوربانیانی جینۆساید دەکەینەوە و لەگەڵ قوربانیدان و ئازارەکانی بنەماڵەکانیانین وەک وانەیەکیش زیاتر ئیرادەمان بەھێز دەکات بۆ ڕێزگرتن لە قوربانیەکان و شکۆمەندکردنی قارەمانێتی و کارکردن بۆ پاراستنی مافی خێزانە زەحمەتکێشەکان .
سەربەرزی بۆ شەھیدان.
و پرسە و سەرەخۆشی قووڵم بۆ خانەوادەی قوربانیانی گەلەکەمان، لە کاتێکدا کە کاروان بەردەوامە بەرەو بونیادنانی عێراقێکی فیدراڵی و دیموکراسی و دادپەروەر و شکۆمەند.
دکتۆر لەتیف جەمال ڕەشید
سەرۆک کۆمار
دەقی بەیاننامەکەی سەرۆک کۆماری عێراق:
ئەمڕۆ گەلەکەمان یادی ڕێوڕەسمی شەهیدبوونی ئیمام حوسێن، سەلامی خوای لەسەر بێت، و ژمارەک ئەستێرەی پاک داوێنی ئال بەیت و پەیڕەوانی دەکاتەوە، لە دەهەمی موحەڕەمدا.
ئەم یادەوەرییە بە ئازارە مانای قوربانیدان و قارەمانێتی و بەرگریکردن لە بنەماکانی دادپەروەری و ئیمان لە ڕووبەڕووبوونەوەی ستەمکاریمان وەبیردێنێەوە، بیرەوەرییەک کە بەها گەورەکانمان پێ دەبەخشێ و بۆ نەوەکانیش سوربون و بەردەوامی لەسەر پابەندبوون بەو بەهایانەوە نوێ دەکاتەوە کە ڕەگ و ریشەیان بە شەهیدبوون و ئازادی و شکۆمەندی مرۆڤ بەرجەستە بوو.
لە یادەوەری قارەمانێتی عاشورادا ، شانازی و شکۆمەندی بە هەڵوێستە پڕ بەهاکانمان وەبیر دێنیتەوە و لەناخماندا دوپاتی کارکردن و بونیادنانی عێراقێکی دادپەروەر و دیموکراسی دەکاتەوە، عێراقێک کە هەمووان بە یەکسانی تێیدا بژین، سود لە خێرو بێری ببینن و شکۆمەندی و سەروەری بەرز ڕابگرین .
سڵاو لەو گیانە بەرزەفڕانەی کە بەشەهادەت بۆندار بوون.
سڵاو لە ئەوانەی لە پێناوی دادپەروەری قوربانیان دا.
با کاربکەین و سەربکەوین لە پێناو بەهاکانی دادپەروەری و شکۆمەندی ئەویش بە پتەوکردنی یەکێتی ریزەکانمان بۆ بونیادنانی عێراق و خۆشگوزەرانی و سەلامەتی بۆ عێراقییەکان.
لەتیف جەمال ڕەشید
سەرۆک کۆمار
لە میانی دیدارەکەدا، سەرۆک کۆمار دوپاتیکردەوە لە گرنگی پتەوکردنی پەیوەندییەکان و کاری ھاوبەشی نێوان ھەردوو وڵات بۆ پەرەپێدانی ھاریکاری لە بوارە جیاجیاکاندا بەتایبەتی بواری ئابووری و بازرگانی و دۆسیەی ئاو، بەشێوەیەک کە زامنی بەدیھێنانی بەرژەوەندییە ھاوبەشەکان بکات لەڕێگەی ڕێککەوتنی دووقۆڵی و یاداشتنامەی لێکتێگەیشتن لەم بارەیەوە.
لای خۆیەوە باڵیۆز تورکیا، پاڵپشتی تورکیای بۆ ئاسایش و سەقامگیری عێراق و خۆشگوزەرانی گەلەکەی دوپاتکردەوە، ھەروەھا جەختی لەخواستی وڵاتەکەی بۆ پەرەپێدانی پەیوەندییەکان لە بوارە جیاجیاکاندا کردەوە.
سەرۆککۆمار دکتۆر لەتیف جەمال ڕەشید، ئەمڕۆ پێنجشەممە ٢٧-٧-٢٠٢٣ بۆ کۆچیدوایی شێخ سەعید ئال نەھیان پەیامێکی سەرەخۆشی ئاڕاستەی شێخ محەمەد کوڕی زاید ئال نەھیان سەرۆکی دەوڵەتی ئیماراتی یەکگرتووی عەرەبی، نەھیان کرد.
لە پەیامەکەدا سەرۆک کۆمار ھاوخەمی خۆی بۆ سەرۆکی دەوڵەتی ئیماراتی یەکگرتووی عەرەبی دەربڕی، بۆ کۆچی دوایی شێخ سەعید کوڕی زاید ئال نەھیان، نوێنەری حاکمی ئەبوزەبی، لە پەروەردگاریش پاڕایەوە کە کۆچکردوو بەر ڕەحمەتی خۆی بخات و بە بەھەشتی بەرینی شادبکات و ئارامی و سەبوری بە خانەوادە بەڕێزەکەتان و گەلی ئیماراتی برا ببەخشێت.
لەمیانەی پێشوازیکردنی سەرۆککۆمار لە نەسیر مەمەدۆڤ باڵیۆزی کۆماری ئازەربایجان لە عێراق، کە تێیدا سەرۆک عەلیێڤ داوەتنامەیەکی ئاراستەی سەرۆککۆمار کرد بۆ سەردانکردنی ئازەربایجان و لە پەیامەکەیدا دوپاتیکردوەتەوە کۆبونەوە و دانوستانەکان کە ئەنجامی دەدەین لە میانەی سەردانەکەدا، کاریگەریان دەبێ لەسەر بەھێزکردن و قوڵترکردنی ھاریکاری بۆ ھێنانە کایەی ھەلی ھاوبەشی نوێ بۆ ھەردو وڵات .
سەرۆککۆمار سوپاس و پێزانینی خۆی بۆ ئەو داوەتنامە بەڕێزە نیشاندا و دوپاتیکردەوە کە لە نزیکترین دەرفەتدا جێ بەجێی دەکات.
ھەر لەمیانی دیدارەکەدا سەرۆککۆمار، باسی لە پێویستی فراوانکردنی ئاسۆی ھاریکاری ھاوبەش لە بوارەکانی ئابووری، وەبەرھێنان، گەشتیاری و وزە لە پێناو بەدیھێنانی بەرژەوەندییەکانی ھەردوو وڵاتدا کرد.
لە بەرامبەردا باڵیۆز، سوپاس و پێزانینی خۆی بۆ سەرۆککۆمار دەربڕی و جەختی لە پەرۆشی وڵاتەکەی کردەوە بۆ پەرەپێدانی ئاسۆی ھاریکاری بە شێوەیەک کە خواست و ویستی گەلانی عێراق و ئازەربایجان بۆ پێشکەوتن و خۆشگوزەرانی بەدەست بھێنێت.
سەرۆککۆمار لە میانەی دیداری بەجیا لەگەڵ ھەردوو باڵیۆزدا، ھیوای خواست کە لە بەجێگەیاندنی ئەرکەکانیان سەرکەوتوبن، ئاماژەشیکرد بە خواستی عێراق بۆ پتەوکردنی پەیوەندییە دووقۆڵییەکان لەگەڵ ھەردوو وڵات بە شێوەیەک کە خزمەت بە بەرژەوەندییە ھاوبەشەکان بکات.
لای خۆیانەوە ھەردوو باڵیۆز سوپاس و پێزانینی خۆیان بۆ سەرۆککۆمار دەربڕی و جەختیانکردەوە لە ویستی وڵاتەکانیان بۆ پتەوکردنی پەیوەندییەکانییان لەگەڵ عێراق لە بوارە جیاجیاکاندا.
لە سەرەتای کۆبوونەوکەدا، وەزیری یەمەنی، سڵاو و پێزانینی سەرۆکی ئەنجومەنی سەرکردایەتی سەرۆکایەتی یەمەن، ڕەشاد محمد عەلیمی، بە د.لەتیف ڕەشید، سەرۆککۆمار گەیاند.
هەر لە کۆووبەوەکەدا ، سەرۆککۆمار دووپاتیکردەوە کە عێراق پشتیوانی لەو هەوڵانە دەکات کە بۆ بەدیهێنانی ئاسایش و سەقامگیری برا یەمەنییەکان دراون، ئاماژەشیکرد بە پێویستی ڕەچاوکردنی دیالۆگی سیاسی بۆ گەیشتن بە چارەسەرێک کە زامنی پێشخستنی ئاشتی بۆ گەلی یەمەن بکات، کە لە ماوەی ساڵانی ڕابردوودا زیانێکی زۆریان بەرکەوتووە.
لای خۆیەوە، وەزیری یەمەنی ، خۆشحاڵی خۆی بە دیداری سەرۆک کۆمار دەربڕی و ستایشی پاڵپشتی عێراقیشی کرد بۆ ئاسایش و سەقامگیریی یەمەن و جەختیکردەوە لە کارکردن لەگەڵ وەزارەتی دەرەوە عێراق بۆ کاراکردنی لیژنە هاوبەشە وەزارییەکان.
هەروەها وەزیری دەرەوەی یەمەن ئاماژەی بەوەدا کە دۆخەکە لە یەمەن ئارامە، هەوڵەکانیش بۆ پاراستنی سەقامگیری لە ئارادایە و دەستپێشخە رییش هەیە بۆ دەستپێکردنەوەی هەوڵەکانی ئاشتی و لە ئێستاشدا دانوستانەکان لە ئارادان بۆ گەیشتن بە چارەسەرێک کە خزمەت بە یەمەن و یەمەنییەکان بکات.
د.لەتیف رەشید، سەرۆککۆماری عێراق لە توتێکدا رایگەیاند، گەرمترین پیرۆزبایی ئاڕاستەی رۆڵەکانی گەل لە سابئەی مەندائی دەکات، بەبۆنەی ھاتنی سەری ساڵی نوێی مەندائییەکانەوە. ھیواخوازە ساڵێکی پڕ خێر و سەرکەوتن بێت بۆیان.
راشیگەیاند، وڵاتەکەمان چاوەڕێی ئەوەیە کە ھەمووان پێکەوە ھاوکار بین لە بنیاتنانەوە و نۆژەنکردنەوە و بەرقەرارکردنی ئاشتی لە عێراقی ھەمووان.
لە کۆبوونەوەکەدا د.لەتیف رەشید ئاماژەی بەوەدا، پێویستە لیژنەکە نوێنەرانی سەرجەم پارێزگاکان لەخۆبگرێت و بەپێویستیشی زانی چەندین ھەنگاوی سەرەتایی بنرێت و لەڕێگەی ئەنجامدانی سیمینار و وۆرکشۆپەوە بۆ بەرزکردنەوەی ئاستی ھۆشیاری و دامەزراندنی ژێرخانێکی تایبەت بە چارەسەرکردنی بەکارھێنەرانی ماددە ھۆشبەرەکان، پشتیوانییان لێبکرێت.
سەرۆککۆمار ئاماژەی بە پێویستی بنیادنانی کلتورێکی جددی کرد لەڕێگەی میدیاوە، ھەروەھا باسی لە داواکردنی دامەزراندنی سندوقی بەرەنگاربوونەوەی ماددە ھۆشبەرەکان و چارەسەرکردنیانی کرد، لەڕێی پڕۆژەیاسای ژمارە ٥٠ی ساڵی ٢٠١٧، کە کار بۆ پڕکردنەوەی زۆرێک لە کەموکوڕییەکانی یاساکە کراوە و سەرۆکایەتی کۆمار ئاڕاستەی ئەنجومەنی نوێنەرانی کردووە، ھەروەھا گرنگی پەسەندکردنی راسپاردە راستەقینەکانی روونکردەوە بۆ چارەسەرکردنی پرسێکی بەردەوام کە پێویستی بە ھەڵوێستەیەکی جددی ھەیە بە کۆنترۆڵکردنی سنورەکان و رێگریکردن لە بازرگانیکردن بە ماددە ھۆشبەرەکان و بەرەنگاربوونەوەی گەندەڵی.
ئەندامانی لیژنەی بەرەنگاربوونەوەی ماددە ھۆشبەرەکانیش ئاماژەیان بەوە کرد، کاریانکردووە بۆ دامەزراندنی داتابەیسێک و تاکە لیژنەی تایبەتن بە ماددە ھۆشبەرەکان لە نێو پەرلەمانە عەرەبیەکاندا .راشیانگەیاند، کاردەکرێت بۆ دامەزراندنی چەندین کلینیک لە ھەموو پارێزگاکاندا، بۆ چارەسەرکردنی بەکارھێنەرانی ماددەی ھۆشبەر.
د.لەتیف رەشید، سەرۆککۆماری عێراق لە راگەیەندراوێکدا بەبۆنەی پێنجەمین ساڵیادی رزگارکردنی موسڵ ئاماژەی بەوەدا، لە رۆژی ئازاکردنی مووسڵدا، ئاھەنگ دەگێڕن بۆ قارەمانێتی ئەو کەسانەی لەپێناو لەناوبردنی چەکدارانی داعش لە مووسڵ خوێنی خۆیان بەخشی و سەرکەوتنیان بەدەستھێنا.
راشیگەیاند، قوربانییە گەورەکانی شەھیدانی ھێزە ئەمنییەکان، بە ھێزی پێشمەرگەوە پیرۆز رادەگرن و پێزانینی خۆیان دەردەبڕن بۆ رۆڵی گەورەی مەرجەعیەتی باڵای ئایینی و فەتواکانیان بۆ ئازادکردنی مووسڵ.
سەرۆککۆماری عێراق دەڵێت پشتگیرییەکانی وڵاتانی ھاوپەیمان و کۆمەڵگەی نێودەوڵەتی لە ئازادکردنی مووسڵ لەبیرناکەن، کە ھاوکارییان پێشکەشی ھێزەکانی عێراق دەکرد، دەشڵێت، لە رۆژی سەرکەوتندا، دەبێت بەشێوەیەک کار لەسەر یەکڕیزی نیشتمانی بکرێت، فرەڕەنگی نیشتمانی ببێتە فاکتەری ھێز بۆ گەلی عێراق لە ھەلومەرجێکدا، کە خواستەکان تێیدا یەکدەگرن و ھەستی نیشتمانی بەھێزتر دەبێت لەبەرانبەر دووبەرەکیدا .
ئاماژەی بەوەشدا، باشترین شتێک کە دەکرێت پێشکەشی شەھیدانی ئازادکردنی مووسڵ بکرێت، لە کاتێکدا کە عێراق لە ڕەوشێکی ئاسایش و ئارامیدا دەژین، کارکردنە بە ئیرادەیەکی یەکگرتوو لە پێناو بەردەوامبوون لە بونیادنانی دەوڵەتێکی دیموکراسی، کە بەڕێزە لەلای ڕۆڵەکانی و تۆکمەیە بەڕووی دوژمناندا.