سەرۆککۆمار
لە دیدارەکەدا سەرۆککۆمار، جەختی لە پێویستی بەردەوامی داڕشتنی یاسا گرنگەکان و پیادەکردنی دیالۆگ بۆ چارەسەرکردنی کێشە ھەڵپەسێردراوەکان و پاراستنی سەقامگیری ئەمنی و پەرەپێدانی ئابووری لە وڵاتدا کردەوە، لە پێناوی بەدەستھێنانی گەشەپێدانی گشتگیر و پێشکەشکردنی باشترین خزمەتگوزاری بۆ ھاونیشتمانیان.
لە لای خۆیەوە، ئەلسامەڕائی، سوپاسی و پێزانینی خۆی بۆ سەرۆککۆمار و پێشنیارە بەنرخەکانی دەربڕی بە مەبەستی بەرزکردنەوەی واقیعی عێراق لەسەر ئاستە جۆراوجۆرەکاندا و جەختیشی لە ھەوڵە بەردەوامەکانی ھاوپەیمانی ئەلعەزم کردەوە بۆ بەھێزکردنی یەکێتیی نیشتمانی و گەیشتن بە لێکتێگەیشتنی ھاوبەش لەگەڵ ھەموو لایەنەکاندا.
لەسەر بانگھێشتنامەی رەسمی سەرۆکی ئیتاڵیا، د.لەتیف رەشید سەرۆککۆماری عێراق بە سەرۆکایەتی وەفدێکی باڵا بەرەو رۆمای پایتەختی ئیتاڵیا بەرێکەوت و بڕیارە لەو سەردانەدا زنجیرەیەک دیدار و چاوپێکەوتن لەگەڵ سەرۆککۆمار و سەرۆک وەزیران و سەرۆکی پەرلەمان و چەندین کەسایەتی و لێپرسراوی باڵای ئیتاڵیا ئەنجام بدات.
سەرۆککۆمار لەو سەردانەیدا بۆ ئیتاڵیا، شاناز ئیبراھیم ئەحمەد خانمی یەکەمی عێراق و ئیڤان فایەق وەزیری کۆچ و کۆچبەران و ئەحمەد فکاک بەدرانی وەزیری رۆشنبیری عێراق و ژمارەیەک راوێژکار ھاوڕێیەتی دەکەن.
سەرۆک کۆمار، دکتۆر لەتیف جەمال ڕەشید، ئەمڕۆ پێنجشەممە ٨-٦-٢٠٢٣ لە کۆشکی بەغداد، پێشوازیکرد لە وەفدێک کە نوێنەرایەتی ھاوڵاتیانی پێکھاتەی شەبەک دەکەن.
لەدیدارەکەدا، سەرۆک کۆمار جەختی لەوەکردەوە، ھاوڵاتییان یەکسانن لە مافدا ودەبێت پێوەری کەسی شیاو بۆ شوێنی شیاو رەچاوبکرێت بەبێ ھیچ جیاکارییەک لەنێوان ھاوڵاتیاندا، ئاماژەشی بەوەدا شەبەکیش پێکھاتەیەکی گرنگە و ڕۆڵەکانی ھاوشانی پێکھاتەکانی دیکە بەشدارییان کردووە لە پرۆسەی بونیادنانەوە و ڕووبەڕووبوونەوەی ئاستەنگی جۆراوجۆرەکاندا.
ھەروەھا سەرۆک کۆمار ئاماژەی بە گرنگی پەسەندکردنی بودجە کرد بۆ ئەوەی دەستبکرێت بە پێشکەشکردنی خزمەتگوزارییەکان بۆ گەلەکەمان و وەگەڕخستنەوەی ژێرخانی ئابووری و جێبەجێکردنی پڕۆژە گرنگەکان کە کاریگەری ئەرێنییان دەبێت لەسەر ژیانی ھاوڵاتیان.
سەرۆک کۆمار باسی لە باشترین بەکارھێنانی ئاو کرد لە وەرزە کشتوکاڵییەکاندا و جەختی لە بەکارنەھێنانی کۆگای ستراتیژی ئاو کردەوە و ئاماژەی بەوەدا کە پێویستە بە بەردەوامی بەنداوی موسڵ نۆژەن بکرێتەوە و بەنداوەکە لە ئاو بەتاڵ نەکرێت .
سەرۆک ھەروەھا باسی لە کێشەی ئاوارەکان و بارودۆخی تراژیدییان کرد و جەختی لەوە کردەوە کە ئازاری ڕاستەقینەی ئاوارەکان لە کەمپەکاندایە و پێویستە دۆسیەکانیان چارەسەر بکرێن و بگەڕێنرێنەوە بۆ ناوچەکانی نیشتەجێبوونیان دوای نۆژەنکردنەوە و دابینکردنی کەشێکی گونجاو بۆ گەڕانەوەیان.
لەبەرامبەردا، شاندی شەباک سوپاس و پێزانینی خۆیان بۆ سەرۆک کۆمار دەربڕی بۆ ئەو پێشوازییە گەرمە و ھەڵوێستەکانی بەڕێزیشیان لە داواکانی و پشتگیریکردنی لە پاراستنی ئاشتی کۆمەڵایەتی، لەگەڵ زامنکردنی مافەکانی عێراقییەکان بە ھەموو پێکھاتەکانیەوە، ھاوکات متمانەیان بەسەرۆک کۆمار دوپاتکردەوە لە پاراستنی پێکھاتەی کۆمەڵایەتی و ھەمەچەشنی لە عێراقدا. ھەروەھا شاندەکە ڕونکردنەوەیەکیان سەبارت بە بارودۆخی شەبەک لەوڵات و پێشنیارێکی کۆمەڵایەتییان سەبارەت بە پەرەپێدان لە ھەندێک جومگەی گرنگدا پێشکەش کرد.
ئەندامانی شاندەکە ئاماژەیان بەوە کرد کە دۆخی دەشتی نەینەوا و ناوچەکانی موسڵ جێگیرن لەڕوی ئاسایشەوە باش و پارێزراون و جەختیان لەنەبوونی خزمەتگوزاری پێویست کردەوە بۆ ھاوڵاتیان و ھیوایان خواست کە کار بۆ چارەسەرکردنیان بکرێت.
د.لەتیف رەشید سەرۆککۆماری عێراق لە تویتەر نوسینێکی بڵاوکردووەتەوە و دەڵێت، لە خودا دەپاڕێمەوە بۆ ناردنی شیفا بۆ پاپا فرانسیس پاپا ڤاتیکان، کە پیاوێکی ئاشتیخوازە و حەزی بە برایەتییە.
وتیشی، ھیوادارن بەڕێزیان بە زوترین کات تەندروستیان باشتر ببێت و سەلامەت بن.
د. عەبدوڵا عەلیاوایی راوێژکاری سەرۆککۆماری عێراق بە کوردسات نیوزی راگەیاند، ھەموو ئەو ھەواڵ و دەنگۆیانەی باس لە تێکچوونی رەوشی تەندروستیی د.لەتیف رەشید دەکەن دوورن لە راستییەوە و رەتیاندەکەنەوە، بە پێچەوانەوە تەندروستیی سەرۆک کۆمار زۆر باشە و ھیچ گرفتێکی تەندروستیی نییە.
راشیگەیاند، سەرۆککۆماری عێراق رۆژی دووشەممە لە بەغداد زنجیرەیەک کۆبوونەوەی ھەبووە و ئەمڕۆش بە ھەمان شێوە خشتەی کارەکانی نەگۆڕاوە و زنجیرەیەک کۆبوونەوەی ھەیە.
راشیگەیاند، ئەو دەنگۆیانەی لەبارەی تەندروستیی سەرۆککۆمار بڵاوکراونەتەوە، تەنھا بۆ چەواشەکردنی خەڵکە.
لەپاڵ ئامادەبوونی سەرۆک کۆماری عێراق، بڕیارە محەمەد شیاع سودانی سەرۆک وەزیرانی عێراق و ژمارەیەک لێپرسراوانی دیکەی حکومی و حزبی عێراق و ھەرێم و ھەروەھا باڵیۆز و نوێنەری وڵاتان بەشدار بن.
مۆزەخانەی بارزانی چەند ساڵێکە کاری تێدا دەکرێت و رێوڕەسمەکەش دوو رۆژ دەخایەنێت.
سەرۆککۆمار سەردانەکەی لە وەڵامی بانگهێشتێکی فەرمی بۆ بەشداریکردن لە ڕێوڕەسمی تاج لەسەرنانی چارڵزی سێیەم، پادشای شانشینی بەریتانیا دێت.
خانمی یەکەم شاناز ئیبراهیم ئەحمەد و وەزیری ڕۆشنبیری و گەشتوگوزار، دکتۆر ئەحمەد فەکاک ئەلبەدرانی لەسەردانەکەدا یاوەری سەرۆککۆماری عێراق دەکەن.
دەقی پیرۆزباییەکەی سەرۆککۆمار....
بەبۆنەی ڕۆژی جیھانی ئازادی ڕۆژنامەگەرییەوە، گەرمترین پیرۆزبایی خۆمان ئاراستەی ڕۆژنامەنووسانی عێراق و جیھان دەکەین، ھیوای داھێنان و پێشکەوتن بۆ ھەمووان دەخوازین لە ئەنجامدانی پەیامی شکۆداری میدیاییدا.
لەم بۆنەیەدا پێویستی دابینکردنی کەشیکی گونجاو وەبیردەھێنینەوەی بۆ بیری میدیای ئازاد و بەرپرسیار، بۆ گەیشتن بەئامانجە باڵاکان لە چارە سەرکردنی ئەو کێشانەی کە کۆمەڵگەکانمان تووشی ھاتوون، ئەمەش پێویستی بە ھەوڵی بونیادنەرانەی ھاوبەش ھەیە بۆ دروستکردنی کەشێکی کەلتووری و میدیایی کە نەرێنییەکان دەستنیشان بکات و چارەسەریش بخاتەڕوو وگوزارشتیش لەئەرێنییەکان بە بێلایەنانە بکات .
رەخساندنی ئازادی بەرپرسیارانە بۆ خستنەڕووی بۆچوون و بیروڕاکانی ڕۆژنامەنووسان و ڕۆڵ گێڕانی خۆیان بەبێ سنووردارکردن و چاودێرکردن، ڕەنگدانەوەی پابەندبوونە بە پرەنسیپ و بنەماکانی دیموکراسی کە ڕۆژنامەنووسان بەدرێژایی ساڵان قوربانییەکی زۆریان بۆ داوە و لە ھەمان کاتدا پێویستە کاریگەریی نەرێنی میدیایی کەم بکرێتەوە و لەسەر ڕێبازی کۆمەڵەگەکەمان و خستنەڕووی ڕاستییەکان و ڕووداوەکاندا ھەنگاو بنێت، ھەروەھا، پێویستە پابەندبوون بە پیشەیی و بابەتییانە لەگواستنەوەی ڕوداوەکاندا ڕەچاو بکرێت، ھاوکات داوای پەسەندکردنی یاسایەک دەکەین کە پارێزگاری لە ڕۆژنامەنووسان و میدیاکاران بکات لەو فشارانەی کە رووبەروویان دەبنەوە و پشتیوانیان بکەین بۆ ئەوەی ڕۆڵی کارای خۆیان بگێڕن لە بونیادنانی کۆمەڵگە و پێشکەوتن و خۆشگوزەرانییەکەیدا.
بە ستایش و رێزەوە.. سڵاو لە شەھیدانی ڕۆژنامەگەری کە لە گەیاندنی ڕاستی و ھەڵوێستی ڕاستی و ڕووبەڕووبوونەوەی تیرۆر و نادادپەروەری و ستەمکاری و کۆیلایەتیدا قوربانیاندا و ھەڵوێستی بوێرانەیان نیشاندا، ئاواتەخوازین ھەموو ڕاگەیاندنکاران بەردەوام بن لە ڕێبازی نیشتمانی خۆیان لە چەسپاندنی ڕۆڵی میدیا و بەھێزکردنی ھاودەنگی و پەیوەندی و پێکەوەژیانی نێوان گەلەکەمان.
ھەمو ساڵێک ڕۆژنامەنووسان لە ئاشتی و ئارامی بەختەوەریدا بن.
د.لەتیف ڕەشید
سەرۆککۆمار
د.لەتیف رەشید، سەرۆککۆماری عێراق لە پەیامێکیدا بەبۆنەی رۆژی جیھانی کرێکارانەوە رایگەیاند، گەرمترین پیرۆزبایی لە کرێکارانی عێراق دەکات و بە رێز و پێزانینەوە لە خەبات و شۆڕشیان لە پێناو بنیاتنان و بوژانەوەدا دەڕوانن.
جەختیشی کردەوە لە پشتیوانیکردنی کرێکارانی عێراق، بۆ بەرزکردنەوەی تواناکانیان و بەشداریکردنیان لە بنیاتنانەوەی سبەینێیەکی باشتر و داھاتوویەکی گەشەکردوو.
د.لەتیف رەشید سەرۆککۆماری عێراق لەمیانەی سەردانەکەیدا بۆ موسڵ چاوی بە محەمەد حەلبوسی سەرۆکی ئەنجومەنی نوێنەران کەوت.
بەپێی زانیارییەکانی کوردسات نیوز، سەرۆک کۆماری عێراق داوای لە حەلبوسی کردووە پەلەبکرێت لە پەسەندکردنی پڕۆژە یاسای بە پارێزگابوونی ھەڵەبجە.
سەرۆک کۆمار ھەروەھا داوایکرد موچەی فەرمانبەران بە یەکسانی و بەبێ جیاوازی لەسەرجەم پارێزگاکاندا دابەشبکرێت.
د. لەتیف رەشید سەرۆککۆماری عێراق بەیاوەری خانمی یەکەم و وەزیری دەرەوە و وەزیری کارەبا و سەرچاوە ئاوییەکان، راوێژکاری ئاسایشی نیشتمان عێراق و سەرۆکی لیژنەی ئاسایش و بەرگری ئەنجومەنی نوێنەران، خاکی عێراقییان بەجێھێشت و بەرەو تارانی پایتەختی کۆماری ئیسلامی ئێران بەرێکەوتن.
ئەم سەردانەی سەرۆککۆمار لەسەر بانگھێشتنامەی فەرمی سەرۆککۆماری ئێرانە و پرسی ئاڵگۆری بازرگانی و وزە و پیوەندیەکانی نێوان ھەردوو وڵات و پرسی ئاو و رەوشی سیاسی ناوچەکەو جیھان بەگشتی تاوتوێ دەکرێت.
هاوکات لەم سەردانەشدا سەرۆککۆمار و وەفدی یاوەری زنجیرەیەک دیدار و چاوپێکەوتن ئەنجام دەدات کە گرنگترینیان لەگەڵ سەرۆککۆماری ئێران و رابەری شۆرشی ئیسلامی ئێران دەبێت.
بڕیاروایە رۆژی شەممە د.لەتیف رەشید سەرۆککۆماری عێراق، بە سەردانێکی رەسمیی سەردانی تارانی پایتەختی ئێران بکات و لەلایەن ئیبراھیم رەئیسی سەرۆککۆماری ئێرانەوە پێشوازی لێدەکرێت و پاشان ھەردوو سەرۆک کۆدەبنەوە.
سەردانی سەرۆککۆماری عێراق بۆ تاران یەک رۆژ دەخایەنێت و لەسەر بانگھێشتی رەسمیی سەرۆککۆماری ئێرانە، ھاوکات یەکەمین سەردانیەتی بۆ ئێران دوای دەستبەکاربوونی وەک سەرۆککۆماری عێراق.
وەزارەتی دەرەوەی ئێران لە راگەیەندراوێکدا بڵاویکردەوە، "فوئاد حسێن" وەزیری دەرەوەی عێراق و "حسێن ئەمیر عەبدولاھیان" وەزیری دەرەوەی ئێران پەیوەندییەکی تەلەفۆنییان ئەنجامدا و پیرۆزبایی جەژنی رەمەزانیان ئاڕاستەی یەکتر کردووە.
ھاوکات بیروڕاکانیان سەبارەت بە پەیوەندییە دوو قۆڵییەکانی تاران و بەغداد و پێشھاتەکانی ناوچەکە و پاراستنی ئاسایش و سەقامگیری و روبەڕوبوونەوەی تیرۆریان تاوتوێ کرد.
ھەر لەو پەیوەندییەدا، وەزیری دەرەوەی عێراق ئاماژەی بەوەکرد، دڵخۆشە بە ئاساییکردنەوەی پەیوەندییەکانی نێوان تاران و ریاز و راشیگەیاند، بەمنزیکانە "د.لەتیف رەشید" سەرۆک کۆماری عێراق بە سەردانێکی رەسمی دەچێتە تاران.
مانگی رابردوو، "ئیبراھیم رەئیسی" سەرۆک کۆماری ئێران لەڕێی "محەمەد ئال سادق" باڵیۆزی ئێرن لە عێراق بانگھێشتنامەی رەسمی بۆ سەرۆک کۆماری عێراق نارد بۆ سەردانکردنی تاران، سەرۆک کۆماری عێراقیش رایگەیاندبوو کە بەزووترین کات سەردانەکە ئەنجام دەدات.
دەقی پەیەمەکە...
لەگەڵ ھاتنی جەژنی رەمەزانی پیرۆزدا، پیرۆزبایەکی گەرم لە سەرجەم عێراقیەکان و مسوڵمانان دەکەم.
ھەموو ساڵێک وڵاتەکەمان و ھاووڵاتییەکانمان جەژن بەبێ جیاوازی و بە ئاشتی و گەشەسەندن بەڕێبکەن، خوای گەورە بەبیکاتە مایەی خێرو خۆشی و بەرەکەت و ئاشتی و ئەمنی و سەقامگیری بۆ ھەموو
د.لەتیف ڕەشید، سەرۆککۆماری عێراق لە راگەیەندراوێکدا ئاماژەی بەوە کردووە، پێشھاتەکانی سودان کەبوونەتە ھۆی گیانلەدەستدانی ھاوڵاتیان و زیانگەیاندن بە دامەزراوەکان و لەباربردنی دەرفەتەکانی بەردەوامبوون لە بونیادنان و پێشکەوتنی دیموکراسی و ئاشتییانە مایەی نیگەرانییە، بەڵام متمانەی تەواویان ھەیە سودان دەتوانێت بە دیالۆگی ئاشتییانە و دیموکراسی ئەو قەیرانە تێپەڕێنێت و جەنگ و کردەوە چەکدارییەکان رابگرێت.
راشیگەیاندوە، داوا دەکەن لە سودان پشت بە بنەماکانی دیموکراسی ببەسترێت بۆ باشترکردنی دەرفەتەکانی دیالۆگ بە شێوەیەک ژیان و ئاشتی و دادپەروەری بپارێزێت، جەختیشیکردوەتەوە عێراق ئامادەیە بۆ ھەوڵدان و ھاوکاریکردنی سودان لە پێناو دەستەبەرکردنی دەرفەتەکان بۆ گفتوگۆی بونیادنەرانە بە شێوەیەک کە یارمەتیدەر بێت لە سەرکەوتنی لۆژیکی ئاشتی و بەھێزکردنی ئاراستەی دیموکراسی.
د. لەتیف رەشید لە پەیامێکدا بەبۆنەی ساڵڕۆژی تاوانی ئەنفال، داوا دەکات لەم رۆژە خەمناکە و پڕ مەرگەساتەی گەلی کورددا بنەماکانی دیموکراسی و بەدیھێنانی خواستی گەل بۆ ژیانێکی شایستە و رێگرییکردن لە دووبارەبوونەوەی کارەساتەکە پەیڕەو بکرێت.
دەشڵێت، تاوانی ئەنفال کە رژێمی دیکتاتۆری بەرامبەر بە گەلی کورد کردی، ھەڵمەتی جینۆساید و زیندەبەچاڵکردن بوو کە لە سایەی ستەمکاری و دەسەڵاتی خۆسەپێن دژی ھاوڵاتیانی عێراق جێبەجێکرا.