ئابووری
دوای داخستنی سەرەکیترین ھێڵی بۆری غاز بۆ ئەرووپا لەلایەن روسیاوە، بەیانی ئەمڕۆ بەھای یۆرۆ دابەزینی پێوانەیی تۆمار کرد و ٠.٥%ی بەھاکەی لەدەستدا، کە ئەوە نزمترین ئاستە لە ماوەی ٢٠ساڵی رابردوودا تۆمار بکرێت، بەوەش لەگەڵ کردنەوەی بازارَەکانی ئاسیا بەھای یەک یۆرۆ بۆ ٠.٩٩ سەنت دابەزی.
ھاوکاتی بەھای دۆلار بەرامبەر دراوەکانی دیکە بەرزبۆوە و بەھای پاوەندیش دابەزینی بەرامبەر دۆلاری ئەمریکی تۆمارکرد.
بەگوێرەی ئەو خشتەیەی کە ڕێکخراوی ئۆپیک لەسەری ڕێککەوتووە، پشکی عێراق بۆ مانگی تشرینی یەکەم چوار ملیۆن و ٦٥١ ھەزار بەرمیل دیاریکراوە، بڕی کەمکردنەوەکەش ١٢ ھەزار بەرمیل دەبێت لە مانگی ئەیلودا.
لەناو ڕێکخراوی ئۆپیک عێراق بە دووەم وڵاتی بەرھەمھێنی نەوت دێت لە دوای سعودیە و لەناو ڕێکخراوی ئۆپیک پڵەسیش بەسێھەم وڵاتی بەرھەمھێنی نەوت دێت لە دوای سعودیە و ڕوسیا.
بە گوێرەی بڕیارەکەی ئۆپیک، پشکی ھەریەکە لە سعودیە و ڕوسیا بە ١١ ملیۆن بەرمیل دیاریکراوە، بەرھەمی ڕۆژانەی ھەریەکەشیان بەبڕی ٢٦ ھەزار بەرمیل کەمدەکرێتەوە.
ئەمڕۆ نرخی یەک بەرمیل نەوتی برێنت ٥٩ سەنت بەرزبووەوە و گەیشتە ١٠٢ دۆلار، نرخی نەوتی تەکساسیش ٤٢ سەنت بەرزبووەوە و بە ٩٥ دۆلار و ٣١ سەنت مامەڵەی پێوەکرا.
ئاژانسی رۆیتەرزیش بڵاویکردەوە، لەماوەی سێ ھەفتەی رابردوودا نرخی نەوت بۆ زۆرترین ئاست بەرزبووەتەوە.
بەرزبوونەوەی نرخی نەوت بەھۆی گومانەکانەوەیە لەسەر کەمبوونەوەی بەرھەمھێنانی نەوت و ناجێگری ئاستی ھەناردەی نەوتی روسیا، ھاوکات پێشبینیدەکرێت گەورە بەرھەمھێنەرانی نەوت ئاستی بەرھەمھێنان کەمبکەنەوە و بەشێک لە پاڵاوتگەی ئەمریکا دابخرێت.
ئەمڕۆ لەگەڵ کردنەوەی بازاڕەکانی نەوت لە جیھاندا، نرخی یەک بەرمیل نەوتی برێنت ٨٢ سەنت دابەزی و بە ٩٤ دۆلار و ٢٧ سەنتەوە مامەڵەی پێوەکرا، نرخی نەوتی تەکساسیش ٥٢ سەنت دابەزی و گەیشتە ٨٨ دۆلار و ٨٩ سەنت بۆ ھەر بەرمیلێک.
دابەزینی نرخی نەوت بەھۆی مەترسییەکانی چینەوەیە لە دابەزینی گەشەی ئابوری جیھان، لەکاتێکدا چین گەورەترین کڕیاری نەوتی خاوە لە جیھاندا.
بەشێک لە وەبەرھێنەرانیش پێشبینیدەکەن بەھۆی دانوستانە ئەتۆمییەکانی ئێران بڕێکی زیاتر لە نەوت بخرێتە بازاڕەکانەوە، ئەگەر ئێران و ئەمریکا پێشنیازی یەکێتی ئەوروپا بۆ ھەڵگرتنی سزاکان لەسەر ھەناردەی نەوتی ئێران قبوڵ بکەن.
ئەمڕۆ لەگەڵ کردنەوەی بازاڕی وزەی جیھان، نرخی یەک بەرمیل نەوتی برێنت ٢٧ سەنت دابەزی و بە ٩٧ دۆلار و ٨٨ سەنتەوە مامەڵەی پێوەکرا، نرخی یەک بەرمیل نەوتی تەکساسیش بە ٩١ دۆلار و ٨٧ سەنت بووە و ٢٢ سەنت دابەزینی تۆمار کردووە.
(ئەمین ناسر) سەرۆکی جێبەجێکاری کۆمپانیای (ئارامکۆ)ی سعودیە رایگەیاند، کۆمپانیاکەیان ئامادەیە ئاستی بەرھەمھێنانی نەوتی خاو زیاد بکات، بەشێوەیەک ئەگەر حکومەتی سعودیە داوا بکات، رۆژانە ١٢ ملیۆن بەرمیل نەوت بەرھەم دەھێنن.
ھەفتەی رابردوو نرخی نەوت بەرێژەی زیاتر لە ٣% بەرزبۆوە، دوای ئەوەی زیان بە بۆرییەکی نەوت کەوت لە کەنداوی مەکسیک.
کۆمپانیای دانە غاز ئاشکرایکردووە، بە بەراورد بە ھەمان ماوەی ساڵی ڕابردوو، قازانجی کۆمپانیاکەیان بە ڕێژەی ٨٢% زیادیکردووە و تێچوونی بەرھەمھێنانیان بەڕێژەی ١٦ کەمبووەتەوە.
کۆمپانیای دانە غاز باسی لەوەشکردووە، داھاتی کۆمپانیاکەیان لە نیوەی یەکەمی ئەمساڵ بەڕێژەی ٣١% زیادیکردووە و گەیشتووەتە ٢٨٤ ملیۆن دۆلار.
بەپێی ڕاپۆرتی کۆمپانیای دانە غاز، سەرەڕای ئاستەنگە ئەمنییەکان کە ڕووبەڕووی کۆمپانیاکەیان بووەتەوە بەرھەھێنانی غاز بەبێ پچڕان بەردەوامە لە نیوەی یەکەمی ئەمساڵ کۆی بەرھەمی کۆمپانیاکەیان لە ھەرێم بەڕێژ ١% زیادیکردووە.
کۆمپانیای دانە غاز قازانجی کۆمپانیاکەی گەڕاندووەتەوە بۆ بەرزبوونەوەی نرخی نەوت و غاز و کەمکردنەوەی تێچوون و ئەدای کارکردنی باشی کۆمپانیاکەیان لە ھەرێمی کوردستان.
فەرمانگەی زانیاری وزەی ئەمریکا بڵاویکردەوە، ھەفتەی رابردوو عێراق رۆژانە ٣٦٩ ھەزار بەرمیل نەوتی ھەناردەی ئەمریکا کردووە و بەراورد بە ھەفتەی پێشووتر بڕەکە زۆر زیادیکردووە کە لەو ھەفتەیەدا رۆژانە ١٦٥ ھەزار بەرمیل نەوتی ھەناردەی ئەمریکا کردووە.
ئاماژەی بەوەشکردووە، لە دوای کەنەدا و مەکسیک و سعودیە، عێراق چوارەم وڵاتە کە ھەفتانە زۆرترین بڕی نەوت ھەناردەی ئەمریکا دەکات و پلانیشیان ھەیە بۆئەوەی لە داھاتوودا ئەو بڕە نەوتە زیاتر بکەن.
بەیانی ئەمڕۆ لەگەڵ کردنەوەی بازاڕی نەوت، نرخی یەک بەرمیل نەوتی برێنت بە رێژەی زیاتر لە %١ دابەزی و بە ١٠٢ دۆلار و ٩٠ سەنت مامەڵەی پێوەکرا، نرخی نەوتی تەکساسیش بە ٩٧ دۆلار و ٣٢ سەنت بووە و بە رێژەی ١.٣٢% دابەزی.
دابەزینی نرخی نەوت ھاوکاتە لەگەڵ بەرزبوونەوەی ئاستی ھەڵاوسان لە جیھاندا و گەشەی ئابوری لە ئەوروپا و ئەمریکاش دابەزینی تۆمارکردووە.
بڕیاریشە وڵاتانی ناو رێکخراوی ئۆپیک و ھاوپەیمانەکانیان لە ئۆپیک پڵەس رۆژی ٤شەممە کۆببنەوە و بڕیار لەسەر ئاستی بەرھەمھێنانی نەوت بدەن بۆ مانگی ئەیلول.
ئەمینداری گشتی رێکخراوی ئۆپیک لە چاوپێکەوتنێکدا ئاماژەیدا بەوەی، رێکخراوی ئۆپیک لە رکابەریدا نییە لەگەڵ روسیا، بەڵکو ئەو وڵاتە رۆڵێکی گەورە و سەرەکی ھەیە لە ھاوسەنگ کردنی بازاڕی وزە لە جیھاندا.
ئەمینداری گشتی رێکخراوی ئۆپیک وتیشی، بوونی روسیا لە ئۆپیک پڵەس ھۆکاری سەرکەوتنی رێککەوتنەکانە، باسی لەوەشکرد کە گۆڕانکارییەکان لە نرخی نەوت تەنھا پەیوەندی بە رووداوەکانی روسیا و ئۆکراینەوە نییە.
بەھۆی کاریگەری راگرتنی ھەناردەی نەوت و غازی روسیا بۆ ئەوروپا لە رێی ھێلی سەرەکییەوە، نرخی نەوت بەردەوامە لە بەرزبوونەوە و ئەمڕۆ لەگەڵ کردنەوەی بازاڕەکاندا نرخی بەرمیلێک نەوتی برێنت بە ١٠٦ دۆلار و ٨ سەنت مامەڵەی پێوەکراوە کە بەراورد بە رۆژی دووشەممە بە رێژەی لەسەدا ١ پۆینت ٥٢ بەرزبۆتەوە، ھەروەھا بەرمیلێک نەوتی تەکساس بە ٩٨ دۆلار و ١٢ سەنت مامەڵەی پێوەدەکرێت و رێژەی بەرزبوونەوەکەی بەراورد بە رۆژی دووشەممە لە سەدا ١ پۆینت ٤٧ ە.
ڤیکتۆریا نۆلاند جێگری وەزیری دەرەوەی ئەمریکا رایگەیاند، بەھۆی راگرتنی ھەناردەی نەوتی روسیا، کەلێنێکی گەورە لە بازاڕی وزەی جیھانیی دروستبووە و ئەمریکا و ھاوپەیمانەکانیشی گەیشتوونەتە ئەو دەرەنجامەی کە پێویستییەکی زۆریان بە نەوتی روسیا ھەیە بۆ پڕکردنەوەی ئەو کەلێنەی لە بازاڕی جیھانیدا دروستبووە.
وتیشی، ئەگەر ئەو کەلێنەی بەھۆی ھەناردە نەکردنی نەوتی روسیا لە بازاڕی وزەی جیھانی دروستبووە، ھەر خودی روسیا پڕی نەکاتەوە، جارێکی دیکە بەھای نەوت بە شێوەیەکی بەرچاو لە بازاڕەکانی جیھان بەرزدەبێتەوە و ئەمەش کاریگەری خراپی دەبێت بەتایبەتیش لەسەر ئەو وڵاتانەی کڕیاری نەوتن.
دوای ئەوە نرخی نەوت لە چەند ڕۆژی ڕابردوودا بەشێوەیەکی بەرچاو دابەزینی بەخۆیەوە بینی، ئەمڕۆ جارێکی تر نرخی نەوت لە بازاڕەکانی جیھان ڕووی لە بەرزبوونەوە کرد و نرخی یەک بەرمیل نەوتی خاوی برێنت گەیشتە ١٠١ دۆلار و ١٣ سەنت، نرخی یەک بەرمیل نەوتی تەکساسیش گەیشتە ٩٨ دۆلار.
لەدوای ھەڵگیرسانی شەڕی نێوان روسیا و ئۆکراین، بازاڕی وزەی جیھانیی سەقامگیر نییە و نرخی نەوت بەردەوام لە بەرزبوونەوەدایە و لەماوەی رابردووشدا گەیشتە زیاتر لە ١٣٠ دۆلار، بەڵام دواتر رووی لە نزمبوونەوە کرد.
ئەمڕۆ نرخی یەک بەرمیل نەوتی برێنت ٦٨ سەنت بەرزبووەوە و گەیشتە ١٠٠ دۆلار و ٢٥ سەنت، نرخی نەوتی تەکساسیش بە ٩٦ دۆلار و ٨٥ سەنت مامەڵەی پێوە کرا و ٥٥ سەنت بەرزبووەوە.
نرخی نەوت لە ماوەی دوو ھەفتەی رابردوودا دابەزینی تۆمار کردووە، ئەوەش سەرباری کەمکردنەوەی ھەناردەی نەوت و پەککەوتنی ھەناردەی نەوتی لیبیا و مەترسییەکانی سەپاندنی سزای زیاتر لەلایەن وڵاتانی خۆرئاواوە بەسەر روسیا.
ھەروەھا دانانەوەی کۆت و بەند بۆ روبەڕوبوونەوەی کۆرۆنا لە زۆرێک لە شارەکانی چین، ناجێگیری لە نرخی نەوت دروست کردووە.
ئەمڕۆ نرخی یەک بەرمیل نەوتی برێنت دوو سەنت رووی لە بەرزبوونەوە کردو و بە ٩٩ دۆلار و ٤٧ سەنت مامەڵەی پێوەکرا، نرخی نەوتی تەکساسیش نزیکەی ١٨ سەنت بەرزبۆوە و گەیشتە ٩٥ دۆلار و ٦٦ سەنت.
ئەوەش لە کاتێکدایە لە دوو ڕۆژی ڕابردوودا نرخی نەوت بە ڕێژەی ٧% دابەزینی تۆمارکرد و لە مانگی نیسانی ڕابردووەوە نەگەیشتووەتە ئەو ئاستە.
ھۆکاری ناجێگیری نرخی نەوت دەگەڕێتەوە بۆ ئەوەی بازرگانان ترسیان ھەیە لە زیادبوونی نرخی سود بۆ وەستاندنی ھەڵاوسان، ئەوەش زیان بە داواکارییەکان لەسەر نەوت دەگەیەنێت.
کۆمپانیای شێڵ کڕیارانی ئاگادارکردووەتەوە، بەھۆی ئەو ناکۆکیەی کە لەگەڵ سەندیکای کرێکارانی نەوت و غازی ئوسترالیا سەرھەڵداوە، تا کۆتایی مانگی تەمووز ناتوانێت ھیچ بڕێک لە غازی شل بەرھەمبھێنێت.
لایخۆشیەوە رێکخراوی ئۆپێک ئاماژەی بەوە کردووە، راگرتنی بەرھەمھێنانی غازی شل لە وێستگەی پریلودی ئوسترالی لەلایەن کرێکارانەوە، لە کاتێکدایە کە غازی سروشتی لە جیھاندا لە ژێر فشاردایە.
پشکی کۆمپانیای شێڵ لە وێستگەی پریلودی ئوسترالیا ٦٧.٥%، لەکاتێکدا کۆمپانیای ژاپۆنی ئینپێکس خاوەنی ١٧.٥%، کۆمپانیای گاز کۆریایش خاوەنی ١٠%ی پشکەکانە.
خولوسی ئاکار، وەزیری بەرگری تورکیا رایگەیاند، ھەفتەی داھاتوو ھەموو لایەنەکان جارێکی دیکە کۆدەبنەوە و رێککەوتنێک واژۆ دەکرێت. ئاماژەی بەوەشکردووە، لایەنەکان لەسەر کۆنتڕۆڵی ھاوبەش بۆ پشکنینی دانەوێڵەکان لە بەندەرەکان رێککەوتوون.
ئەم رێککەوتنە دوای ئەوە دێت، ئەمڕۆ شاندی سەربازی روسیا و ئۆکراین و تورکیا لەگەڵ نەتەوە یەکگرتووەکان لە ئەستەنبوڵ کۆبوونەوە بۆ گفتوگۆکردن لەسەر دەستپێکردنەوەی ھەناردەکردنی دانەوێڵەی ئۆکراین لە بەندەری ئۆدێسا لە دەریای ڕەش.