کوردستان
بەرپرسانی تەندروستی داوا لە ھاوڵاتیان دەکەن، بۆ وەرگرتنی ڤاکسین لە سیستمی ئەلکترۆنی خۆیان تۆماربکەن و دوای ئاگادارکردنەوەیان سەردانی ناوەندەکان بکەن.
ھەروەھا داوا دەکەن، ھاوڵاتیان بەر لە وەرگرتنی ڤاکسین پشکنین بکەن و لە ناوەندەکانیشدا ڕەچاوی ڕێکارەکانی خۆپارێزی بکەن و دووری کۆمەڵایەتی ڕەچاو بکەن.
بە پێی ئامارەکانی وەزارەتی تەندروستی ٢٨٠ ھەزار کەس ڤاکسینیان وەرگرتووە کە ١٦٠ ھەزار کەس ژەمی یەکەم و ١٢٠ ھەزار کەس ھەردوو ژەمی ڤاکسینیان وەرگرتووە.
"د. ڕەھێڵ فەرەیدون" بریکاری وەزارەتی تەندروستی بە کوردسات نیوزی ڕاگەیاند، بۆ کەمکردنەوەی مەترسییەکانی کۆرۆنا چەند پێشنیارێکیان ئامادەکردووە.
جەخت لەوەدەکەنەوە، قەدەغەی ھاتووچۆی گشتی یاخود قەدەغەی ھاتووچۆی نیمچەیی ڕابگەیەنرێت، چێشتخانە و کافتریاکان تەنیا بە شێوەی دیلیڤەری کار بکەن، دەوامی فەرمانگەکانیش کەمبکرێتەوە بە شێوەیەک کاروباری ھاووڵاتیان ڕانەگیرێت.
یەکێتی مامۆستایانی کوردستان لە ڕاگەیەنراوێکدا ئاماژەی بەوەکردووە، بڕیاری لێبڕینی مووچە بە ڕێژەی ٢١٪ بەھۆی ئەو پاساوانەی لە کاتی خۆیدا حکومەتی ھەرێم ڕایگەیاند، کاریگەری زۆر خراپی کردە سەر ژیانی مامۆستایان و فەرمانبەران دواجاریش کۆی کۆمەڵگە.
بڕیارەکەی حکومەتی ھەرێمیش بۆ کۆتایھێنان بە لێبڕینی مووچە بڕیارێکی دروست و گونجاو و شایستە بە پشوو درێژی و خۆڕاگری مامۆستایان و فەرمانبەران بوو، بۆ ئەو مەبەستە بە پێویستی دەزانن ئەو بڕیارە ھەتا سەر بێت و چیتر لێبڕین دووبارە و سێ بارە نەبێتەوە و ھەر سی ڕۆژ جارێکیش مووچەکان بدرێت.
ھەروەھا یەکێتی مامۆستایان سوپاسی تیمی حکومەتی ھەرێم دەکات لە بەرامبەر سەرکەوتنیان لە گفتوگۆکانیان لەگەڵ حکومەتی ناوەندی و داواش لە حکومەت ناوەند دەکات پابەندی ڕێککەوتنەکان و یاسای بودجە بێت.
ئاماژەی بەوەکردووە، پێویستە ھاوبەشانی کارەبا بۆ دانەوەی قەرزەکانیان پابەندی ڕێنماییەکانی وەزارەت بن، بۆیە ئاگاداری سەرجەم ھاوبەشانی کارەبا دەکەنەوە کە قەرزەکانیان بدەنەوە، بۆ ئەو مەبەستەش فەرمانگەکانی کارەبا کارئاسانی بۆ ھاوبەشان دەکەن بە شێوەیەک کە بارگرانی داراییان لەسەر دروست نەبێت.
"ئومێد ئەحمەد" وتەبێژی وەزارەتی کارەبا بە کوردسات نیوزی ڕاگەیاند، ھاوبەشانی کارەبا لە سەرتاسەری ھەرێم یەک ترلیۆن و ٣٢٤ ملیار دینار پارەی کارەبا قەرزارن و ئاگاداری سەرجەمیان دەکەنەوە کە قەرزەکانیان بدەنەوە.
لە بارەی بەردەوامی گرفتی کەمی کارەبا، "کامیل قەزاز" بریکاری وەزارەتی کارەبا ڕایگەیاند، ئەگەر سوتەمەنی پێویست بۆ وێستگەکانی بەرھەمھێنانی کارەبا دابین بکرێت، دەتوانن ڕۆژانە ٥٠٠٠ بۆ ٥٥٠٠ مێگاوات کارەبا بەرھەم بھێنن، بەڵام گرفتی سەرەکی نەبوونی سوتەمەنییە و حکومەت ھەوڵ دەدات لە ڕێگەی بەکارھێنانی گازی سروشتی بۆ بەرھەمھێنانی کارەبا گرفتەکان چارەسەر بکات.
دکتۆر سامان بەرزنجی وەزیری تەندروستیی ھەرێمی کوردستان ڕایگەیاند، ١٣١ سەنتەری دابەشکردنی ڤاکسین لە ھەرێمی کوردستان ھەیە و بۆ ڕێگری لە دروستبوونی قەرەباڵغیش ناوەندەکانی دابەشکردنی ڤاکسین زیادکراون.
وتیشی، لە چەند ڕۆژی داھاتوو ١٠٠ ھەزار دۆزی ڤاکسینی کۆرۆنا دەگاتە ھەرێمی کوردستان و تا ئێستاش ٢٨٥ ھەزار دۆزی ڤاکسین دابەشکراوە.
بە پێی ئامارەکانی وەزارەتی تەندروستی ٢٨٠ ھەزار کەس ڤاکسینیان وەرگرتووە کە ١٦٠ ھەزار کەس ژەمی یەکەم و ١٢٠ ھەزار کەس ھەردوو ژەمی ڤاکسینیان وەرگرتووە، بەرپرسانی تەندروستیش لە پارێزگاکانی ھەرێم داوا لە ھاوڵاتیان دەکەن، بۆ وەرگرتنی ڤاکسین لە سیستمی ئەلکترۆنی خۆیان تۆمار بکەن و دوای ئاگادارکردنەوەیان سەردانی ناوەندەکان بکەن و دەشڵێن، جۆرەکانی ڤاکسینی ھیچ جیاوازییەکیان نیە و سەرجەمیان وەک یەک کاریگەرن، داواش لە ھاوڵاتیان دەکەن پێشوازییەکی باشتر لە وەرگرتنی ڤاکسین بکەن.
"مقەدەم سامر ستار" لێپرسراوی مەفرەزەکانی پۆلیسی ھاتوچۆی سلێمانی بە کوردسات نیوزی ڕاگەیاند، دوای بڕیارەکەی "قوباد تاڵەبانی" جێگری سەرۆکی حکومەتی ھەرێم بۆ گرتنەبەری ڕێکاری یاسایی بەرامبەر بە ئۆتۆمبێلی بێسەرەتا و جام ڕەش و تابلۆ گۆڕاو و خاوەنی چەکی بێ مۆڵەت، ژمارەیەکی زۆر لە ھاوڵاتیان پابەندی بڕیارەکەبوون، ئەوەش جێگای دەستخۆشیە و سوپاسیان دەکەن.
داواشی لە خاوەنی ئۆتۆمبێلە بێسەرەتاکان کرد ئۆتۆمبێلەکانیان لە ماڵەوە ڕاگرن تاوەکو بڕیار لە چارەنوسیان دەدرێت.
ھەروەھا لەسەر ئاستی جیھان مانگی کانوونی دووەمی ئەمساڵ زانکۆی ھەڵەبجە لە ڕیزبەندی ٢٢ ھەزار و ٦٤٢ دا بووە، بەڵام لە مانگی حوزەیراندا زانکۆکە لەو ڕیزبەندیەدا زۆر ھاتووەتە پێشەوە و لە ڕیزبەندی ١٥ ھەزار و ٦٨٢دا بووە، ئەمەش یەکێکە لەو کۆمەڵە دەستکەوتەی کە لە ماوەی زۆر کەمی دامەزراندنی زانکۆی ھەڵەبجە بەدەستھێنراوە.
ھەر بە پێی ئەو ڕیزبەندیە، لە ڕیزبەندی زانکۆ حکومییەکانی ھەرێم زانکۆی سلێمانی یەکەمی ھەرێمی کوردستان و پێنجەمی عێراقە، لەسەر ئاستی جیھانیش، زانکۆی سلێمانی لە پلەی ٣ ھەزار و ١٣٩ی زانکۆکانی جیھاندایە.
شەوی ڕابردوو لیوای فڕۆکەوان ئازاد شاڵی کۆچی دوایی کرد و ئەمڕۆش لە ڕێوڕەسمێکی تایبەتدا تەرمەکەی لە گۆڕەستانی بەکرەجۆ بەخاکسپێدرا.
لە ڕێورەسمەکەدا تاجە گوڵینەی ڕێز و وەفا و خۆشەویستی لەسەر گۆڕەکەی دانراو. مستەفا چاورەش لێپرسراوی ھێزەکانی ٧٠ ڕایگەیاند، کە لیوا ئازاد ئیبراھیم شاڵی فەرماندەیەکی بە توانا بوو چەندین ساڵ خزمەتی ھێزی پێشمەرگەی کوردستان و خوێندکارانی کوردی کردووە لە ھێزی ئاسمانی عێراق.
"د. ھەڤاڵ ئەبوبەرکر" پارێزگاری سلێمانی لە لێدوانێکدا بە کوردسات نیوزی ڕاگەیاند، لە ماوەی ڕابردوودا بڕیاری قەدەغەی ھاتوچۆ بە پێی پێویست ڕێگرنەبووە لە کۆنترۆڵکردنی ڤایرۆسی کۆرۆنا و پێشنیاری کرد لە بری قەدەغەی ھاتوچۆ، بنکەکانی وەرگرتنی ڤاکسین زیاد بکرێن و ھاوڵاتیان پابەندی ڕێکارەکانی خۆپارێزی بن و دووربکەونەوە لە شوێنی قەرەباڵغ.
"حسێن حەمە کەریم" وتەبێژی وەزارەتی کشتوکاڵ و سەرچاوەکانی ئاوی ھەرێم لە کۆنفرانسێکی ڕۆژنامەوانیدا ڕاگەیاند، قەیرانەکان و کێشەکانی ٨ بۆ ٩ ساڵی ڕابردووی ھەرێم و دابیننەکردنی بودجەی پێویست و فەرمانبەر و پاسەوان، وەزارەتی کشتوکاڵی ناچارکرد ئەو بڕیارە بدات، لە چوارچێوەی گرێبەستەکەش مەرجی ئەوە دانراوە کە لە ١٠٠٪ی ئەو کەسانەی کەرتی تایبەت بۆ نەمامگەکانی دابینی دەکات دەبێت کرێکار و ھاوڵاتی ھەرێم بن و ژمارەیەکیشیان دەرچووی بەشە کشتوکاڵیەکان بن.
دەقی پەیامەکە...
خانەوادە و کەسوکاری کۆچکردوو کاک ئازاد ئیبراھیم شاڵی
زۆر دڵگران بووین بە بیستنی ھەواڵی کۆچی دوایی لیوای فڕۆکەوان، فەرماندە ئازاد ئیبراھیم شاڵی. کاک ئازاد خزمەتێکی زۆری ھێزی پێشمەرگەی کوردستانی کردووە و بەوپەڕی دڵسۆزی و خەمخۆرییەوە ھەوڵی دەدا پسپۆڕی و شارەزاییەکەی خۆی لە بواری سەربازییەوە بخاتە خزمەت ھێزی پێشمەرگەی کوردستان و پشتیوان و یارمەتیدەرێکی باشی خوێندکاری کورد بوو لە ھێزی ئاسمانی عێراق.
بەم بۆنە دڵتەزێنەوە لە دڵەوە پرسە و سەرەخۆشیتان ئاڕاستە دەکەم و خۆم بە ھاوبەشی خەمتان دەزانم، خودای گەورە سەبووری ھەموو لایەک بدات و ڕۆحی خوالێخۆشبوو بە بەھەشتی بەرین شاد بکات.
إنّا للە وإنّا إلیەِ رَاجعُون
قوباد تاڵەبانی
جێگری سەرۆکی ئەنجومەنی وەزیران
ناوچەی ھەورامان لە کوردستانی خۆرھەڵات یەکێکە لە ناوچە کەلەپورییەکان و چەندین ناوچەی گرنگی شوێنەواری مێژووی تێدایە و خاوەنی فەرھەنگ و کلتورێکی دەوڵەمەندە، لە ماوەی ڕابردووشدا وەفدێکی ڕێکخراوی یونسکۆ سەردانی ھەورامانی کرد و ئەمڕۆش لە ٤٤مین کۆبوونەوەی لیژنەی کەلەپوری ڕێکخراوەکە، ھەڵسەنگاندن بۆ ھەموو ئەو بەڵگەنامانە کرا کە لەلایەن وەفدی ئێرانەوە پێشکەشکرابوون و بە زۆرینەی دەنگ ڕەزامەندی درا لەسەر ئەوەی ھەورامان بخرێتە ناو لیستی ناوچە شوێنەوارییە جیھانییەکانی یونسکۆ.
لە ھەورامان ٧٠٠ گوندی بە ناوچەی شوێنەواری دەستنیشانکراون و کە سەدان ساڵە وەک خۆیان ماون و گۆڕانکاری لە سروشت و پێکھاتەکانیان نەکراوە و وەک ناوچەیەکی شوێنەواری ماونەتەوە.
لە ئەمڕۆوە ماوەی کوژاندنەوەی پێوەری زیرەکی کارەبا لە ٤٥ خولەکەوە بۆ ٢٠ خولەک کەمکرایەوە.
بە پێی ڕاگەیەنراوێکی وەزارەتی کارەبای ھەرێم، ھەر پێوەرێکی زیرەکی کارەبا بۆ ماڵان ٤٠ ئەمپێر کارەبا دابین دەکات و لە ئەگەری بەکارھێنانی کارەبا زیاتر لەو ڕێژەیە، کارەباکەی بۆ ماوەیەک دەکوژێتەوە تا دواینجار دەگەیشتە ٤٥ خولەک، بەڵام وەزارەتی کارەبا لە پێناو ھاوکاریکردنی ھاوڵاتیان، بڕیاریدا ماوەی کوژاندنەوەی پێوەرەکە لە ٤٥ خولەکەوە بۆ ٢٠ خولەک کەم بکرێتەوە.
وەزارەتی کارەبا داواش لە ھاوبەشانی کارەبا دەکات بە پێی ئەو بڕە کارەبا بەکاربێنن کە بۆیان دیاریکراوە و یارمەتیدەری بەدیھێنانی دادپەوەری بن لە پڕۆسەی دابەشکردنی کارەبا.
"قازی نەجم" بەڕێوەبەری پۆلیسی دارستان و ژینگەی کفری بە کوردسات نیوزی ڕاگەیاند، لە کاتی گواستنەوەی مووچەی مانگی تەمموزی فەرمانبەرەکاندا لە بانکی کەلارەوە بۆ کفری، لەناو بازاڕی کەلار لەلایەن چەند کەسێکەوە نیوەی پارەی کارمەند و فەرمانبەرانی پۆلیسی دارستان و ژینگەی کفری دزرا و تا ئێستا ھیچ کەسێکیش لەسەر ڕووداوەکە دەستگیر نەکراوە.
ئاماژەی بۆ ئەوەشکرد، لە لیکۆڵینەوەدان بۆ دەستگیرکردن و ئاشکراکردنی ئەو کەسانەی کارەکەیان ئەنجامداوە.
لەوکۆبونەوەیەدا کەپێش نیوەڕۆی ئەمڕۆ لەبارەگای مەکتەبی سیاسی لەکەرکوک بەڕێوەچوو و ژمارەیەک لەئەندامانی سەرکردایەتی ئامادەیبوون ڕزگار عەلی ڕایگەیاند یەکێتی ئامادەکاری تەواوی خۆی دەکات بۆ سەرخستنی ھەڵبژاردنەکە و ھەوڵدان بۆ سەرخستنی بەرنامەی کاری لیستی ھاوپەیمانی کوردستان و کاندیداکانی لیستەکە لەھەردوو پارێزگای کەرکوک و سەڵاحەددین.
رزگار عەلی کارنامەی لیژنەی باڵای ھەڵبژاردنەکانی بۆ سەرۆک و ئەندامانی بازنەی یەکی پارێزگای کەرکوک ڕونکردەوە.ھانی تیمی یەکێتی لەمیحوەری ئیمام قاسم ی بازنەی یەک لەپارێزگای کەرکوکدا کەبەباشی بچنە ناو جەماوەرەوە و گرنگی ھەڵبژاردنەکە بۆ جەماوەری کەرکوک بەھەموو چین و توێژەکانیەوە ڕوون بکەنەوە.
ڕزگار عەلی گرنگی و بایەخی ئەو ھەڵبژاردنەشی بۆ ئێستا و ئایندەی ناوچە جێناکۆکەکان ڕونکردەوە.
ڕزگار عەلی باسی لەوەشکرد کەیاسای ئەو ھەڵبژاردنە بەراورد بەیاساکانی پێشوو وردەکاری زیاتری دەوێت.
ڕزگار عەلی دوپاتیکردەوە وەکو ی.ن.ک ھەموو ئامادەکارییەکی ھونەری و لۆجستی دەکەین بۆ ئەوەی ھەڵبژاردنی پێشوەختەی عیراق لەکەرکوک بەوپەڕی سەرکەوتویی بەڕێوەبچێت و لەسایەیدا دەنگ و پێگەی کەرکوکیەکان لەکورد و پێکھاتە ڕەسەنەکانی تر پارێزراوبێت.
دواتر بیروڕا لەگەڵ بەشداربوانی کۆبونەوەکە ئاڵوگۆڕ کرا تاوەکو پرۆسەی ھەڵبژاردنەکە لەسنوری
بازنەی یەکی پارێزگای کەرکوک بەسەرکەوتویی بەڕێوەبچێت.
