بەشی راگەیاندن و پەیوەندییەکان لە بەڕێوەبەرایەتی پۆلیسی پارێزگای سلێمانی رایگەیاند، لەژێر رۆشنایی بڕیارەکانی قوباد تاڵەبانی جێگری سەرۆکی حکومەتی ھەرێمی کوردستان و بەسەرپەرشتی بەڕێوەبەری پۆلیسی پارێزگای سلێمانی، لەماوەی دوو رۆژی ھەڵمەتی دەستبەسەرداگرتنی ئۆتۆمبێلی بێسەرەتاو چەکی بێمۆڵەت، ھێزەکانی بەڕێوەبەرایەتی پۆلیسی پارێزگای سلێمانی بەھاوکاری بەڕێوەبەرایەتی پۆلیسی ھاتووچۆی سلێمانی توانیان دەستبگرن بەسەر ژمارەیەک چەک و ئۆتۆمبێلی بێسەرەتادا کە بریتین لە ١١  چەک کە ٢ کڵاشینکۆف و ٩ دەمانچەن،٧  ئۆتۆمبێلی بێسەرەتا، ١٥٠ لەزگە و پەردەی ڕەش، بڕێک دەرمانی ڕێگەپێنەدراو و ھەندێک سەرپێچی تری ھاتووچۆ.
راشیگەیاندووە، ھەڵمەتی دەستبەسەرداگرتنی ئۆتۆمبێلی بێسەرەتاو چەکی بێمۆڵەت و لێپێچینەوەی یاسایی لەو شۆفێرانەی کە لەزگە و پەردە و جامڕەش بەکاردەھێنن بەردەوام دەبێت.

لیژنەی ئەمنی سەید سادق بۆ جێبەجێکردنی راسپاردەکانی ( قوباد تالەبانی) جێگری سەرۆکی حکومەتی ھەرێمی کوردستان کۆبۆوەو  چەند بڕیارێکی دەرکرد لەوانە :

٢- دەست بەسەرداگرتنی سەرجەم ئەو ئۆتۆمبیلانەی بێ سەرەتان و جامی ڕەش و پەردە و لەزگەیان لێدراوە یان ھەڵگری تابلۆی ساختە و رەشن .
٣- دەست بەسەرداگرتنی ھەموو جۆرە چەکێکی بێ مۆڵەت ، جگە لەو چەکانەی مۆڵەتی رەسمی وەزارەتی ناخۆیان پێ دراوە.
٤- قەدەغەکردنی ھەڵگرتنی چەک لە لایەن کارمەندانی وەزارەتی ناوخۆ و ھێزەکانی پێشمەرگە و ھێزە ئەمنیەکان لە دوای دەوامی رەسمی خۆیان .
٥- قەدەغەکردنی جام ڕەش و لێدانی پەردە لە ئۆتۆمبیلی سەرجەم فەرمانگەکان و ھێزە ئەمنیەکان و ھاووڵاتیان .
٦- قەدەغەکردن و دەست بەسەردا گرتنی پێناس ( ھەویە)ی نا رەسمی لە لایەن ھەر کەس و لایەنێک بێت.
٧- ئاگاداری سەرجەم پێشانگاکانی جوانکاری یٔۆتۆمبیل بکرێت ، کە نابیت کاری ( جام ڕەشکردن و لێدانی لەزگە و پەردە ) بۆ ھیچ جۆرە ئۆتۆمبیلیک بکرێت ، بە پێچەوانەوە سزا دەدرێت بە داخستنی شوێنەکەی .

٨- ئاگاداری سەرجەم پیشانگاکانی کڕین و فرۆشتنی ئۆتۆمبیل دەکەین کە نابیت مامەڵە بە ئۆتۆمبیلی (بێ سەرەتا و ھەڵگری تابلۆی تاختە یان رەش ) بکەن و لە ناو پێشانگاکانیاندا بوونی ھەبیت ، بە پێچەوانەوە سزا دەدرێن بە داخستنی شوێنەکانی

لیوا ئازاد شاڵی چەندین ساڵ خزمەتی زۆری ھێزی پێشمەرگەی کوردستان کردوە، ھاوکات  لە ھێزی ئاسمانی عێراق ھاوکاری خوێندکارانی کورد کردووە، ھەمیشەش لە ھەوڵی بەردەوامدا بووە بۆ خزمەتکردن بە بواری پسپۆرییەکەی.
ھاوکات لیوا ئازاد شاڵی دامەزرێنەری سیستەمی فرۆکەوانی ھەرێمی کوردستانە و یەکێکە لەتێکۆشەر و کەسایەتییە دیارەکانی کوردستان و رۆڵی کاریگەری ھەبووە لەپێگەیاندنی ئەفسەرانی  بواری فرۆکەوانی.

بافڵ تاڵەبانی : کاک ئازاد شاڵی فەرماندەیەکی تێکۆشەر و بەدسپلینی سەربازی بوو

دەقی پەرسەنامەکە : 
بەڕێزان لە خانەوادەی فەرماندەی کۆچکردوو لیوا ئازاد شاڵی
بەداخ و پەژارەیەکی زۆرەوە، ھەواڵی کۆچی دوایی لیوای فرۆکەوان، ئازاد ئیبراھیم شاڵی فەرماندەی سەربازیمان پێگەیشت.

کاک ئازاد شاڵی فەرماندەیەکی تێکۆشەر و بەدسپلینی سەربازی بوو کە ساڵانێکی زۆر خزمەتێکی بەرچاوی بە ھێزی پێشمەرگەی کوردستان و خوێندکارانی کورد لە ھێزی ئاسمانی عێراق کرد و ھەمیشە وەک خومخۆر و دڵسۆزێکی سەرڕاست لە خەمی ئەرک و بەرپرسیارێتییەکەی بوو.
بۆ ئەم خەمە، پرسەو ھاوخەمی قوڵی خۆمان بە کەسوکاری تێکۆشەری کۆچکردوو ھەڤاڵانی رادەگەینین و کۆچی دوایی ئەم فەرماندەیە جێی داخی ھەموومانە و لەخوای گەورە داواکارین گیانی کۆچکردوو بە بەھەشتی بەرینی خۆی شاد بکات.

ھاوکات ھەڵوێست و ستراتیژی یەکێتی بۆ کۆی ھاوکێشەکان روونکردەوە و جەختی لە سیاسەتی نیشتمانی و ھاوسەنگی یەکێتی کردەوە بۆ پرسەکان، ھەروەھا پاراستنی یەکڕیزی نێو ماڵی کوردیشی بە گرنگ وەسفکرد.
راشیگەیاند، مەڵبەندەکان و کادرانی رێکخستن شادەماری یەکێتین و ماندووبوونیان جێگای ستایش و پێزانینە، پێویستە وەک ھەمیشەش کادر و ئەندامانی یەکێتی خزمەتکاری خەڵک بن و مەڵبەند و ئۆرگانەکانیش ببنەوە بە ماڵی راستەقینەی حیزبایەتی و تێکۆشانی سیاسی و رێکخراوەیی، ھاوکات بەبێ جیاوازی پردی پەیوەندی گەیاندنی دەنگی کۆمەڵانی خەڵک بن بە یەکێتی و حکومەت.

وتیشی، چاوەڕوانن حزب و ژیانی سیاسی مەدەنی تەندروست بکرێتەوە و بەرێگەی راستەقینەی یەکێتی نوێدا بڕوات، لێپرسراوی مەڵبەندەکانیشی راسپارد، ئەو ھەنگاوانەی چاکسازی لە حیزب و حکومەت بکەنە بەڵگەی دەستەگوڵی یەکێتی بۆ ھاووڵاتییان و دەستمایەی سەرکەوتنی لیستی ھاوپەیمانی کوردستان لەم ھەڵبژاردنەدا.

دڵشاد عومەر بەرێوەبەری گشتی پەروەردەی سلێمانی لە کۆنفرانسێکی رۆژنامەوانییدا رایگەیاند، ھەموو ھۆکارەکانی فێنککەرەوە و پێداویستی خۆپارێزی لە ڤایرۆسی کۆرۆنا دابین کراوە و بە ھەماھەنگی لەگەڵ وەزارەتی کارەبا و مۆلیدە ئەھلییەکانی لە کاتی تاقیکردنەوەکاندا کارەبا دەستەبەر دەکرێت، راشیگەیاند لە رێگەی ئامێرێکی نوێوە رێگە لە گزیکردن دەگیرێت. پێشتر "دیلان رەشاد" وتەبێژی وەزارەتی گواستنەوە و گەیاندنی ھەرێم بە کوردسات نیوزی راگەیاند، بەمەبەستی رێگرتن لە شێوازەکانی قۆپیە لە ناوەند و ھۆڵەکانی تاقیکردنەوە 

ڕاگەیاندراوی ( ٢٤ ) کاتژمێری تایبەت بە نەخۆشی ڤایرۆسی کۆڕۆنای نوێ   COVID١٩               ژمارە ( ٥١٥ )  

 
١. پشکنین: ( ١١٦٣١ پشکنینی نوێ)
• ( ٣٩٩٧) ھەولێر
• ( ٢٥٣٠) سلێمانی
• ( ٤٠١٥) دھۆک
• ( ٥٤) ھەڵەبجە
• ( ٨٧٦) گەرمیان
• ( ١٥٩) ڕاپەڕین
• 
٢. تووشبوو: ( ٢١٧٨ تووشبووی نوێ)
• ( ٧٧٠) ھەولێر
• ( ٦٨٣) سلێمانی
• ( ٥٨٨) دھۆک
• ( ١٦) ھەڵەبجە
• ( ٩٨) گەرمیان
• ( ٢٣) ڕاپەڕین
٣. چاکبوون: ( ١٠٥٧ چاکبوون)
• ( ١٢٣) ھەولێر
• ( ٢٥٠) سلێمانی
• ( ٦٥٤) دھۆک
• ( ١) ھەڵەبجە
• ( ٢٥) گەرمیان
• ( ٤) ڕاپەڕین
• 
٤. مردن: ( ١٤ مردن)
• ( ٢) ھەولێر
• ( ٤) سلێمانی
• ( ٧) دھۆک
• ( ٠) ھەڵەبجە
• ( ١) گەرمیان
• ( ٠) ڕاپەڕین 

• 
 
ئاماری گشتی:
کەرەنتین ھاوڵاتی ٢١٨٧١ (٢١٨٧١ دەرچوو)
پشکنین ٢٣٥٣٨٤٢ (٨٠٧٥٢٦ ھەولێر، ٥٩٠٨٢٣ سلێمانی، ٩٣٨٩٠٨ دھۆک، ١٦٥٨٥ ھەڵەبجە)
تووشبوون ٢١٤٠٠٦ (٦٣٦٦٨ ھەولێر، ٦٩٦٠٤ سلێمانی، ٧٦٨٢٦ دھۆک، ٣٩٠٨ ھەڵەبجە)
چاکبوون ١٩٢٣٥١ ( ٥٥٩٤٨ ھەولێر، ٦١٣٠٣ سلێمانی، ٧١٤٣٥ دھۆک، ٣٦٦٥ ھەڵەبجە)
لەژێر چارەسەر  ١٦٩٦٦ (٦٤٥٤ ھەولێر، ٦١٦٣ سلێمانی، ٤٢٦٢ دھۆک، ٨٧ ھەڵەبجە)
مردن ٤٦٨٩ (١٢٦٦ ھەولێر، ٢١٣٨ سلێمانی، ١١٢٩ دھۆک، ١٥٦ ھەڵەبجە)

بۆ زانیاری زیاتر سەردانی داشبۆردی حکومەتی ھەرێمی کوردستان بکەن لەم لینکە (https://gov.krd/coronavirus/dashboard/).
وێڕای دەستخۆشی بۆ پزیشکان و کارمەندانی تەندروستی و ھەموو تیمەکانی پزیشکی کە لە ئەرکدان، جەخت دەکەینەوە ھاووڵاتیان پابەندبن بە ڕێنماییەکانی تەندروستی و دورکەوتنەوە لە شوێنی قەڵەبالغ و دانانی ماسک و وەرگرتنی ڤاکسین، وە لەکاتی پێویستدا پەیوەندی بکەن بە ھێڵی گەرمی ژمارە ( ١٢٢ ). 
 
 وەزارەتی تەندروستی       
حکومەتی ھەرێمی کوردستان    
٢٥ی تەمووز ٢٠٢١

بۆ دەستپێکردنی ھەڵمەتەکە، بەیانی ئەمڕۆ یەکشەممە جەلال نوری سەرپەرشتیاری ئیدارەی گەرمیان لە دیوانی ئیدارە، لەگەڵ قایمقامی قەزاکانی کەلار و کفری و بەڕێوەبەری ئاسایشی گەرمیان و بەڕێوەبەری ھاتوچۆی گەرمیان و فەرماندەی فەوجی پۆلیسی بەرگری شارستانی گەرمیان کۆبوەوە.
لە کۆبونەوەکەدا، جەلال نوری رایگەیاند، لەسەر راسپاردەی بەڕێز قوباد تاڵەبانی جێگری سەرۆکی حکومەت لە ئەمڕۆ یەکشەممە (٢٥ ی تەمموز)ەوە لە سنوری ئیدارەی گەرمیان ھەڵمەتی گرتنی چەکی بێ مۆڵەت و رێگری لە ئۆتۆمبیلی جامڕەش و بێ سەرەتا دەستپێدەکات.
ھەر لە کۆبونەوەکەدا، بڕیاردرا بە پێکھێنانی لیژنەیەکی باڵا بۆ سەرپەرشتیکردنی ھەڵمەتەکە و راییکردنی کارەکان، دواتر بەشداربوانی کۆبونەوەکە میکانیزمی جێبەجێکردنی بڕیارەکە و یاسا و رێنماییە بەرکارەکانیان خستەڕوو و بڕیاردرا بە دانانی مەفرەزی ھاوبەشی ئاسایش و پۆلیس و ھاتوچۆ و بەرگری و فریاکەوتن بۆ دەستپێکردنی ھەڵمەتەکە.

د. ڕێواز فایق سەرۆکی پەرلەمانی کوردستان  پەیامێکی پیرۆزبایی ئاڕاستەی  بزوتنەوەی گۆران کردوو ڕایگەیاند ، ھیواخوازین ئەم یادە ببێتە مایەی لێکنزیکبوونەوەی زیاتری ھێزە سیاسییەکانی کوردستان و قووڵبوونەوەی پەیوەندییەکان و تەبایی نێوماڵی کورد .

دەقی پەیامەکە : 

بەڕێز کاک عومەری سەید عەلی، ڕێکخەری گشتیی بزوتنەوەی گۆڕان..

بەڕێزان ئەندامانی خانەی ڕاپەڕاندن و جڤاتی نیشتمانیی بزوتنەوەی گۆڕان..

بەبۆنەی (١٢) دوانزەھەمین ساڵیادی دامەزراندنی بزوتنەوەی گۆڕان، جوانترن پیرۆزبایی خۆمان ئاڕاستەی بەڕێزتان و سەرجەم ئەندامان و ھەڵسوڕاوانی بزوتنەوە تێکۆشەرەکەتان دەکەین، ھیواخوازین ئەم یادە ببێتە مایەی لێکنزیکبوونەوەی زیاتری ھێزە سیاسییەکانی کوردستان و قووڵبوونەوەی پەیوەندییەکان و تەبایی نێوماڵی کورد.
ھاوکات پێشبینیمان ئەوەیە کە تیمەکانی بزوتنەوەکە لە پەرلەمان و حکوومەت پەیوەستی بەرنامە و ئامانجەکانی گۆڕان بن و ڕۆڵێکی کارا بگێڕن لەپێناو بەدیھێنانی ئامانجە ڕِەواکانی گەلەکەمان لەسەر ئاستە جیاوازەکانی حوکمڕانی لە عێراق و ھەرێمی کوردستان بە ئاڕاستەی خزمەتکردنێکی باش و شایستە بە ھاونیشتمانییان و ڕووبەڕووبوونەوەی گەندەڵی و کاراکردنی پرۆسەی چاکسازیی سیاسی و حوکمداری.
ھەمیشە شاد و سەرفراز و سەرکەوتووبن.
                            
سەرۆکی پەرلەمانی کوردستان
٢٠٢١/٧/٢٥