کوردستان
زیاد جەبار سەرۆكی فراكسیۆنی یەكێتی لە پەرلەمانی كوردستان رایگەیاند، لە كۆبوونەوەی سەرۆكایەتی پەرلەمانی كوردستان و سەرۆكی فراكسیۆنەكان، باسیان لە 3 پرس كرد، ئەوانیش نوسینەوەی دەستوور و هەڵبژاردنی داهاتووی پەرلەمان و یاسای كۆمسیۆن، وتیشی، هەرێمی كوردستان لە بۆشایی یاساییدایە و پێویستی بە دەستوورە، بەڵام دەستوورێكی نیشتمانی بۆ هەموو هاوڵاتیان، راشیگەیاند، پێویستە هەڵبژاردنی داهاتووی پەرلەمانی كوردستان لە كاتی خۆیدا بكرێت و 15 رۆژیش مۆڵەتیان بە لایەنە سیاسیەكان داوا، دواتر هەڵوێستەكانیان لە پەرلەمانی كاری لەسەر دەكرێت.
بەڕێزان ئەندامانی یەکێتی ژنانی کوردستان
٣٢ ساڵ لەمەوبەر لە ھەناوی شۆڕشی نوێی گەلەکەماندا و لە شاری سەقزی ڕۆژھەڵاتی کوردستان کۆمەڵێک لە ژنانی ئازا و ڕووناکبیر و خەباتکاری ناو ڕیزەکانی یەکێتیی نیشتمانیی کوردستان، ھەنگاوێکی گەورەیان نا و یەکێتی ژنانی کوردستانیان دامەزراند.
یەکێتی ژنان لە ماوەی سێ دەیەی ڕابردوودا ڕۆڵی گرنگی بینیوە لە وشیارکردنەوەی ژنانی کوردستان بەرامبەر بە مافەکانیان و پێشەنگ بووە لە ڕێکخستنی تواناکانی ژنان لە پێناو بەدیھێنانی یەکسانی جێندەری لە کوردستان و لەم سۆنگەیەشەوە ڕێز و پێزانینی تەواومان ھەیە بۆ ھەوڵ و ماندووبوونی یەک بە یەکی ئەندامانی یەکێتی ژنان.
لە ئێستادا کە یادی ٣٢ ساڵەی دامەزراندنی ڕێکخراوەکەتان دەکەینەوە، وێڕای ئەوەی پیرۆزبایی ئەم یادەتان لێ دەکەین، ھیوادارین بە خۆڕێکخستنەوەتان و گوڕوتین بەخشین بە ھەوڵ و چالاکییەکانتان بتوانن لە ئاستی ئەم قۆناغە نوێیەی گۆڕانکارییە کۆمەڵایەتییەکان بن لە کۆمەڵگەی کوردستاندا.
سەرباری ھەوڵ و خەباتی یەکێتی ژنان و ھەموو چالاکوانانی بواری مافەکانی ژنان بۆ بەدیھێنانی یەکسانی جێندەری، بە داخەوە ھێشتا پێشێلکاری بەرامبەر بە مافە بنەڕەتییەکانی ژنان بەردەوامە و ڕۆژانە گوێبیستی ھەواڵی پێشێلکارییەکان دەبین.
ھەر بۆیە ئەرکی ئێوە وەک یەکێتی ژنانی کوردستان لەم قۆناغەدا لە ھەموو کات قورستترە و پێویستە لەگەڵ ڕێکخراوەکانی کۆمەڵگەی مەدەنی و چالاکوانانی دیکەی ژنان ھەوڵەکانتان چڕتر بکەنەوە و ھەماھەنگی زیاتر لە نێوان خۆتاندا دروست بکەن، بۆ کۆتاییھێنان بە ھەر جۆرە پێشێلکارییەک بەرامبەر بە ژنان و ئێمەش لەم ڕووەوە بە تەواوی پشتیوان و ھاوکارتان دەبین.
جارێکیتر یادی ٣٢ ساڵەی دامەزراندنی یەکێتی ژنانی کوردستان لە دەستەی دامەزرێنەران و ئەندامانی سکرتاریەت و سەرجەم ئەندامانی ڕێکخراوەکەتان پیرۆز دەکەین و ھیوای سەرکەوتنی زیاترتان بۆ دەخوازین.
قوباد تاڵەبانی
جێگری سەرۆکی ئەنجومەنی وەزیران
جوتیار عادل وتەبێژی حکومەتی ھەرێم لە کۆنفرانسێکی ڕۆژنامەوانیدا ڕایگەیاند، حکومەت لە ھەوڵی ڕەخساندنی دەرفەتی یەکسانە بۆ خوێندن بە پێی کۆنمرە و شایستەبوون لەگەڵ پاراستنی کوالیەتی خوێندن.
وتیشی، ئەنجومەنی وەزیران، لە ھەوڵەکانی بەردەوامە بۆ چارەسەری کێشەی ئەو کۆچبەرە کوردانەی لە دەرەوە گیریان خواردووە، لە بارەی زیانلێکەوتووانی لافاوەکەی ھەولێریش ڕایگەیاند، حکومەت بڕیاریداوە لە نزیکترین کاتدا دەست بکرێت بە خەرجکردنی قەرەبوو بۆ خێزانە زیان لێکەوتووەکان.
پاش پشکنینی ماڵەکەی دەستگیرا بەسەر بڕێک ماددەی ھۆشبەر و کەرەستەی پێوان و بەکارھێنان، لە ئێستادا تۆمەتبارەکە لەسەر فەرمانی دادوەر بە پێی ماددەی (٢٥)ی یاسای بەرەنگاربوونەوەی ماددەی ھۆشبەر ڕاگیراوە و لێکۆڵینەوە لەگەڵیدا بەردەوامە.
فەرھاد محەمەد بەڕێوەبەری تەندروستیی چەمچەماڵ، دوای کۆبوونەوەی لەگەڵ بەشێک لە کارمەندانی خۆبەخش، پشتیوانی خۆی بۆ داواکاریەکانیان دەربڕی و ڕایگەیاند، ئەو کارمەندانە ڕۆڵی دیاریان ھەبووە لە چارەسەرکردنی تووشبووانی ڤایرۆسی کۆرۆنا لە سنوری چەمچەماڵ و تا ئێستاش بەردەوامن لە کارەکانیان، داوای لە وەزارەتی تەندروستی و حکومەتی ھەرێمیش کرد کار بکەن بۆ دامەزراندنی ئەو کارمەندانە لە پێناو پڕکردنەوەی پێداویستی ناوەندە تەندروستیەکانی سنوری چەمچەماڵ.
لە چەند ڕۆژی ڕابردوودا بەھۆی چەند کێشە و گرفتێک شۆفێرانی دەروازەی سنووریی پەروێزخان مانیان لە کارکردنیان گرت، بەڵام دوای گەیاندنی داواکارییەکانیان بە وەزارەتی دارایی و ئابووری و سەرکونسوڵی ئێران لە سلێمانی، ئەمڕۆ مانگرتنیان شکاند و دەستیان بە کارەکانیان کردەوە.
ھەروەھا وتەبێژی حکومەت، سەبارەت بە قەرەبووکردنەوەی زیانلێکەوتووانی لافاوەکەی ھەولێر، ڕایگەیاند، لیژنەیەک پێکھێنراوە بۆ ئەو زیانانەی بەر خێزانەکان کەوتووە و دوای تەواوبوونی ھەڵسەنگاندنەکە ئەوەی لەسەر حکومەت پێویست بێت بە پێی توانا بۆیان دابین دەکرێت.
"د. ڕزگار عەلی" بەڕێوەبەری خۆپاراستنی تەندروستی سلێمانی لە لێدوانێکدا بە کوردسات نیوزی ڕاگەیاند، بۆ کەمکردنەوەی ترسناکی بڵاوبوونەوەی ڤایرۆسی کۆرۆنا و زیادکردنی بەرگری کۆمەڵگە بۆ بەرەنگاربوونەوەی کۆرۆنا لەسەر ڕاسپاردەی ڕێکخراوی تەندروستی جیھانی، پێدانی ڤاکسینی جۆری "ڤایزەر بایۆنتیک" بۆ کەسانی تەمەن ١٢ ساڵ و سەرووتر بەکاردەھێنرێت. پێشینەش بە ئەو کەسانە دەدرێت کە نەخۆش و بەرگری جەستەیان لاوازە.
نوێنەری خوێندکارانی دەرەوەی وڵات لە کۆنفرانسێکی ڕۆژنامەوانیدا ڕایگەیاند، چەند پێشنیازێک لە بارەی خوێندکارانی دەرەوەی وڵات بۆ وەزیری باڵا بەرزکراوەتەوە کە دادپەروەری تێدا نییە و جیاکاری لە نێوان خوێندکاران دروست دەکات. داواشیکرد وەزیر ئیمزای نەکات تا بڕگەی ١ و ٣ی پێشنیازەکان لادەبرێت.
ھەرچەندە وەزیری خوێندنی باڵا و توێژینەوەی زانستی بەڵێنی چارەسەرکردنی کێشەکانی دەرچووانی پۆلی ١٢ی ئامادەیی داوە بەڵام گردبوونەوەی خوێندکاران لە چەند شار و شارۆچکەیەکی ھەرێم بەردەوامە و دەڵێن بەردەوامیش دەبن تا مافەکانیان پێدەدرێت.
وتیشی، کردنەوەی بەڕێوبەرایەتیەکی گومرگ بۆ پارێزگاکە گرنگە چونکە خاوەنی دوو مەرزە لە تەوێڵە و پشتە، کە کاریگەری ھەیە لەسەر ڕەوتی بازرگانی لە ناوچەکە.
پارێزگاری ھەڵەبجە ئاماژەی بەوەکرد، حکومەتی عێراق تا ئێستا نەیتوانیوە داخوازییەکانی ھەڵەبجە جێبەجێبکات و، تەنھا ٥٠٪ی ڕێکارەکانی بە پارێزگابوونی ھەڵەبجەی جێبەجێکردووە.
ڕۆژی ٢ی تشرینی دووەمی ھەموو ساڵێک وەک ڕۆژی جیھانی کۆتاییھێنان بە دەربازبوونی بکوژانی ڕۆژنامەنووسان لە سزا دیاریکراوە، سەندیکای ڕۆژنامەنوسان ڕایگەیاند، ئەمساڵ لە ھەرێمی کوردستان ٥٥ حاڵەتی پێشێلکاری بەرامبەر ڕۆژنامەنوسان تۆمارکراوە، لە ناویاندا دەستگیرکردن و لێدان و ھێرش و سوکایەتی بە ڕۆژنامەنوسان کراوە و پێویستە تۆمەتباران بدرێنە دادگا و سزا بدرێن.
ئارام محەمەد قادر، وەزیری خوێندنی باڵاو توێژینەوەی زانستی لە کۆنفرانسێکی ڕۆژنامەوانیدا ڕایگەیاند، لەسەر داوای دەرچووانی ١٢ی ئامادەیی، پلانی ساڵی ڕابردوو لەسەر ئەنجامی ئەمساڵ جێبەجێکرد، بەوەش ڕێژەیەکی زیاتری دەرچووان لە زانکۆ و پەیمانگاکان وەرگیران.
ھاوکات "د. خەتاب ئەحمەد" بەڕێوەبەری گشتی لە وەزارەتی خوێندنی باڵا ڕایگەیاند، دوای گۆڕینی پلانەکان ٤٤٦٩ خوێندکاری تر وەرگیراون و کۆی گشتی وەرگیران لەمساڵدا بووە بە ٩٠٪.
وتیشی، ٦ ھەزار کورسی بە بەتاڵی ماونەتەوە و دوای وەرگرتنی دەرچووانی ناوچە جێناکۆکەکان و ئەو دەرچووانەی بە ھەڵە زانکۆلاینیان پڕکردووەتەوە کۆی گشتی وەرگیران دەبێتە ١٠٠٪.
ڕوونیشیکردەوە، ڕێژەی نمرەی وەرگرتن لە پاراڵێڵ دابەزیووە و ڕێژەی وەرگرتن لە خوێندنی خۆرایی بووە بە ٦٥.٥ .
"كوێستان محەمەد"وەزیری كار و كاروباری كۆمەڵایەتی هەرێم لە كۆنفرانسێكی رۆژنامەوانیدا رایگەیاند، بەشی دەستەبەركردنی كۆمەڵایەتی بۆ ئەوەیە كرێكار لە كاتی بریندارونیدا مافی نەفەوتێت و لەكاتی گیان لەدەستدانیشیدا خانەنشینی بۆ ببڕێتەوە، ئەم بەشەش دەبێتە هاندەر بۆ ئەوەی گەنجانی كوردستان وەك كەرتی گشتی لە كەرتی تایبەتیشدا كار بكەن. لەبارەی لێبوردنی گشتی بۆ زیندانیان وتی، جۆرێكیان لە دەسەڵاتی سەرۆكی هەرێمە و جۆرەكەی تر پێویستی بە دەرچووندنی یاسایە لە پەرلەمانی كوردستان و بە پەرلەمانیان راگەیاندووە كە لەم كاتەدا لەگەڵ لێبوردنی گشتیدان و وەزارەتی كار و كاروباری كۆمەڵایەتی چاوەڕێی وەڵامی پەرلەمانە.