لە‌بارە‌ی كێشە‌ ئیدارییە‌كانە‌وە‌، قوباد تاڵەبانی رایگەیاند: "بەم نزیكانە دە‌سە‌ڵاتە‌كان شۆڕ دە‌كرێنە‌وە‌  بۆ پارێزگار و بەرێوبەرایەتییە گشتییەكان بۆ ئە‌وە‌ی بتوانن زووتر و باشتر خزمە‌تی هاوڵاتیان بكە‌ن". لای خۆشییەوە پارێزگاری دهۆك جەختیكردەوە كە‌ "بەشێك لە كێشە ئیدارییەكانیان بە شۆڕكردنەوەی دەسەڵاتەكانیان چارەسەر دەبن و ئە‌مە‌ش هە‌نگاوێكی گرنگە‌". 

لە تەوەرێكیتری كۆبوونەوەكەدا باس لە‌ كێشە‌ و گرفتە‌كانی پارێزگاكە‌ كرا و چۆنییە‌تی چارە‌سە‌ركردنیان تاوتوێ كرا. پارێزگار و بە‌رپرسانی ئیدارەی دهۆك چە‌ند داواكارییە‌كیان خستە‌ بە‌ردە‌م جێگری سە‌رۆكی حكومەتی هەرێمی كوردستان كە‌ پە‌یوە‌ست بوون بە‌ خزمە‌تگوزاری و كێشەكانی وشكەساڵییەوە.

حکومەتی ھەرێمی کوردستان بڕیاریدا مانگانە بڕی ملیارێک و ٦٠٠ ملیۆن دینار بۆ پێداویستییەکانی نەخۆشخانەکانی شێرپەنجە لە شارەکانی ھەولێر و سلێمانی و دھۆک تەرخان بکات.
بەپێی بڕیارەکەی حکومەت، مانگانە ٧٠٠ ملیۆن دینار بۆ نەخۆشخانەی ھیوا لە سلێمانی و ٦٠٠ ملیۆن دینار بۆ نەخۆشخانەکانی نانەکەلی+رزگاری لە ھەولێر و ٣٠٠  ملیۆن دینار بۆ نەخۆشخانەی ئازادی لە دھۆک تەرخان دەکرێت.

ماوەی چەند ھەفتەیەکە نەخۆشخانەی ھیوا رووبەڕووی کێشەی کەمی و نەمانی دەرمان و پێداویستییەکان بووەتەوە و پزیشک و کارمەندەکانی نەخۆشخانەکەش چەند جارێک مانیان گرتووە و داوای دابینکردنی پێداویستییەکانی نەخۆشخانەکە و مافەکانی خۆیانیان کردووە.

بە پێی ڕاگەیەندراوێکی وەزارەتی تەندروستی، لە ماوەی ٢٤ سەعاتی ڕابردوو لە ھەرێمی کوردستان ٥١٥ کەسی تر تووشی ڤایرۆسی کۆرۆنا بوون و حەوت تووشبووی تری کۆرۆنا گیانیان لە دەستدا و ٣٨٢ تووشبووی تری ڤایرۆسەکەش چاکبوونەتەوە.

جێگری سەرۆکی حکومەت ئاماژەی بەوەشدا، کە خۆشحاڵە ئەمڕۆ ھاوپەیمانیی کوردستان بە فەرمی ڕاگەیەندرا و ئەوان بە یەکەوە بەھێزترن و بەھێزتریش دەبن.
قوباد تاڵەبانی وتیشی، "بە یەکگرتوویمان لە بەغدا دەستکەوتی باشتر و زیاتر بەدەست دەھێنین، لە کوردستانیش خزمەتی زیاتر دەکەین و لە ئایندەدا ئەنجامەکەی دەبینین".

وەزارەتی پەروەردەی ھەرێمی کوردستان لە ڕاگەیەنراوێکدا وادەی تاقیکردنەوەی خولی یەکەمی خوێندکارانی قۆناغی ئامادەیی بۆ ساڵی خوێندنی ٢٠٢٠ – ٢٠٢١ ڕاگەیاند.

بەڕێوەبەرایەتی گشتی ئەزموونەکان لە وەزارەتی پەروەردەی ھەرێمیش خشتەی تاقیکردنەوەکانی قۆناغی ١٢ی ئامادەیی زانستی و وێژەیی و پیشەیی و خوێندنی ئیسلامی بڵاوکردەوە، بە پێی خشتەکە ڕۆژی ٢٥ی تەمموزی ٢٠٢١ تاقیکردنەوەی قۆناغی ئامادەیی دەستپێدەکات، ڕۆژی ١٨ی ئاب قۆناغی زانستی و وێژەیی و ڕۆژی ٢٢ی ئابی ٢٠٢١ تاقیکردنەوەی قۆناغی پیشەیی و ئیسلامی کۆتایی دێت.

ھاوسەرۆک ئاماژەی بەوەشدا، کە یەکڕیزی یەکێکە لە ئامانجە ڕوونەکانیان و ھەمیشە نەتەوەی کورد تەنھا بە یەکڕیزی توانیوییەتی ڕووبەڕووی دژوارترین دۆخەکان ببێتەوە و تێیبپەڕێنێت.

بافڵ تاڵەبانی ڕاشیگەیاند "شەبەنگی ئەم ھاوپەیمانێتییە بۆ یەکڕیزی و یەکخستنی گەلی کورد و دەنگێکی یەکگرتووە. مەبەست لە ھاوپەیمانیی کوردستانی بۆ زیاتر مەزنکردنی گەلەکەمان، پاراستنی مافەکانمان و دابینکردنی داھاتوویەکی ڕووناکترە بۆ ھەرێمی کوردستان و عێراقێکی باشتر بۆ ھەمووان".

لە کۆتایشدا ھاوسەرۆک وتی، بە یەکڕیزییەوە ڕابەرایەتی دەکەین و ھەر بە یەکڕیزیش سەرکەوتوو دەبین.

ئاماژەی بەوەشکردووە، ئەندامانی فراکسیۆنی یەکێتیی لە ئەنجومەنی نوێنەرانی عێراق بە پێی ئەزموونیان لە بەغداد، ئەم دەرفەتە دەقۆزنەوە بۆ ئەوەی جارێکی تر بەھا و کاریگەری یەکڕیزی و یەک دیدگایی ھێزە سیاسییە کوردستانییەکان وەبیر ھەموو لایەک بھێننەوە، بە تایبەتی لە ساتەوەختە ھەستیارەکانی دەرچوواندنی یاسا گرنگەکان و ھەوڵدان بۆ چەسپاندنی مافەکانی خەڵکی کوردستان.

ڕاشیگەیاندووە، وەک لە ناوەکەیەوە ھاتووە (ھاوپەیمانی کوردستان)، ئومێدیان زۆرە لە دوای ھەڵبژاردنەکانی ئەنجومەنی نوێنەرانی عێراق، ناوەڕۆکی ئەم ھاوپەیمانییە ببێتە ھەوێنی کۆکەرەوەی ھەموو ھێزە کوردییەکان بە مەبەستی ڕاگرتنی ھاوسەنگی بڕیاری سیاسی لە ھەرێم و عێراق و بەھێزبوونەوەی پێگەی کورد لە بەغداد.

وەزارەتی رۆشنبیری و لاوانی ھەرێم لە نوسراوێکی ڕەسمیدا داوا لە وەزارەتی ناوخۆ دەکات، ڕێگە بە ھونەرمەندانی بیانی نەدرێت لە ھەرێم کۆنسێرت ئەنجام بدەن، بە بێ ڕەزامەندی وەزارەتەکەیان و سەندیکای ھونەرمەندان.

لە بەشێکی تری نوسراوەکەدا داوا دەکات، بۆ ئەنجامدانی کۆنسێرت تەنھا ڕێگە بەو ھونەرمەدانە بدرێت، کە ڕەزامەندی وەزارەتی ڕۆشنبیری و سەندیکای ھونەرمەندان وەردەگرن.

"لاھور شێخ جەنگی" ھاوسەرۆکی یەکێتیی نیشتمانیی کوردستان سەردانی نەخۆشخانەی ھیوای تایبەت بە شێرپەنجەی کرد لە سلێمانی، لە لێدوانێکدا بۆ ڕۆژنامەنووسان بەڵێنیدا، پشتیوانی نەخۆشخانەی ھیوا بێت بۆ چارەسەرکردنی ھەموو کێشە و گرفتەکانیان.

ھاوکات داوای لە حکومەتی ھەرێمی کوردستانیش کرد، کێشەکانی نەخۆشخانەی ھیوا چارەسەر بکەن، چونکە ئەو نەخۆشخانەیە نەک تەنیا بۆ باشوری کوردستان بەڵکو بۆ ھەموو عێراق و پارچەکانی تری کوردستان خزمەتێکی باشی بە ھاووڵاتیان و نەخۆشانی شێرپەنجە کردووە.

بە پێی ڕاگەیەندراوێکی وەزارەتی تەندروستی، لە ماوەی ٢٤ سەعاتی ڕابردوو لە ھەرێمی کوردستان ٢٠٣ کەسی تر تووشی ڤایرۆسی کۆرۆنا بوون و نۆ تووشبووی تری کۆرۆنا گیانیان لە دەستدا و ٤٦٤ تووشبووی تری ڤایرۆسەکەش چاکبوونەتەوە.

بەڕێوەبەرایەتی گشتی کەشناسی و بومەلەرزەزانی ھەرێم لە راگەیەنراوێکدا ئاماژەی بۆ ئەوەکرد، ئەمڕۆ لە شاری سلێمانی پلەکانی گەرما بەرزبوویەوە بۆ ٤٥ پلەی سیلیزی، ئەوەش بەرزترین پلەی گەرمی تۆمارکراوی ئەمڕۆیە لەسەر ئاستی ھەرێمی کوردستان. 

ھاوکات، بەپێی پێشبینییەکانی دەزگای کەشناسی عێراقی ئەمڕۆ شاری سلێمانی دووەم گەرمترین شارە لەسەر ئاستی وڵات و تەنھا شاری میسان پلەی گەرمی بەرزترە ئەویش ٤٦ پلەی سیلیزیە.  

سەرۆکی حکومەتی ھەرێم پشتیوانی خۆی و حکومەتی ھەرێمی کوردستانی بۆ دابینکردنی ھەموو پێداویستییەکانی نەخۆشخانەی ھیوا و ھەموو  نەخۆشخانەکانی چارەسەرکردنی تووشبووانی شێرپەنجە دووپات کردوەتەوە

کامەران حەسەن قائیمقامی قەزای ماوەت بە کوردسات نیوزی راگەیاند، سەعات ٦ی ئیوارەی ئەمڕۆ فڕۆکە جەنگییەکانی تورکیا ئۆتۆمبیلێکی مەدەنییان لە گوندی گەڵاڵەی سەر بە قەزای ماوەتیان بۆردومان کرد و بەھۆیەوە بۆردومانەکەس دوو کەس لەناو ئۆتۆمبێلەکە گیانیان لەدەستدا و کەسێکیش بریندارە. 

قائیمقامی قەزای ماوەت وتیشی، خەڵکی گوندەکە سەلامەتن و مەترسی لەسەر ژیاینان نییە.

د. سامان بەرزنجی وەزیری تەندروتی حکومەتی ھەرێم لە کۆنفرانسێکی رۆژنامەوانیدا رایگەیاند، پێداویستییەکان بۆ نەخۆشخانەی ھیوا دابین دەکرێن و دڵنیایی دەدەین کێشەکانی نەخۆشخانەی ھیوا چارەسەر دەکرێن.

وتیشی، حکومەت لە ٩٨%ی خزمەتگوزارییەکانی سەنتەرەکانی شێرپەنجە دابین دەکات و لە ئەمساڵدا زیاتر لە ٢٩ ملیار دینار بۆ پێداویستی سەنتەرەکانی شێرپەنجە دابین کراوە.

لای خۆشییەوە د. سەباح نەسرەدین بەرێوەبەری گشتی تەندروستی سلێمانی رایگەیاند، حکومەت و لایەنە سیاسەکان پشتیوانی نەخۆشخانەی ھیوا دەکەن و دڵنیابن کێشەکانی چارەسەر دەبن.

بە بریاری بەرێوەبەرایەتی گشتیی فەرمانگەکانی داد و بەمەبەستی گواستنەوەی فەرمانگەکە بۆ ناو بینایەکی نوێ، دەوامی فەرمانگەی دادنووسی یەکەمی قەزای سۆران، لە ٢٠ی ئەم مانگەوە تاکو ٢٩ی ھەمان مانگ رادەگیرێت.

بینای نوێی فەرمانگە، دەکەوێتە سەر شەقامی جووت سایدی دەروازەی سۆران، تەنیشت بە بەرێوەبەرایەتی پەروەردەی قەزاکە.