کوردستان
دوای دەرچوونی پەیڕەوی مۆڵەتی خوێندن لە ھەرێمی کوردستان، پڕۆسەی پێدانی پەیڕەوی مۆڵەتی خوێندن لە ھەرێمی کوردستان دەستپێدەکاتەوە، کە نزیکەی دوو ساڵە بە مەبەستی رێکخستنەوەی راگیراوە.
بەپێی پەیڕەوی نوێی مۆڵەتی خوێندن، کە لە ١٣ ماددە پێکھاتووە، دەبێت پلەی وەزیفی فەرمانبەر لە پلەی یەک و خوارتر بێت، ھاوکات وەزیر، پەرلەمانتار و ئەندامانی ئەنجومەنی پارێزگاکان و فەرمانبەرانی پلە باڵا، تاکو لەو پلەدا بن، ناتوانن داوی مۆڵەتی خوێندن بکەن، ھاوکات فەرمانبەر بۆ بەدەستھێنانی بڕوانامەی بەکالۆریۆس لە دەرەوەی عێراق، ناتوانێت داوای مۆڵەت بکات.
بنەماکانی پێشبڕکێ بۆ پێدانی مۆڵەتی خوێندن و سیستمی خاڵبەندی پەیڕودەکرێت، لەگەڵ ئەولەویەت بۆ ئەو فەرمانبەرانەی تەمەنیا کەمترە.
دوای کۆکردنەوەی زانیاری وردی ھەوڵگری، لە ئۆپراسیۆنێکدا کە لەلایەن ھێزە ھاوبەشەکانەوە ئەنجامدراوە لە نێوان ھەردوو گوندی حەسار و گۆڵدەرە لە سنوری ناحیەی پردێ، تیرۆرستێکی داعش دەستگیرکراوە.
تیرۆیستەکە لە بنەڕەتدا خەڵکی پارێزگای تکریتە و ماوەی پێنج ساڵە لە کەرکوک، لەسنوری گوندی حەسار لە کێڵگەیەکی بەخێوکردنی ماسیدا کار دەکات و دەستی ھەبوە لە چەندین کردەوەی تیرۆرستی جۆراو جۆردا.
ھاوکات قائیمقامی سلێمانیش خوێندکاران دڵنیا دەکاتەوە ،ھەموو پێداویستیەکانی تاقیکردنەوەکان لە ھۆڵەکان دابین کراوە و داوا لە خوێندکاران دەکات بەپشتبەستن بە ھەوڵ و کۆششەکانیان و بەدەورنێکی ئارامەوە خۆیان بۆ تاقیکردنەوەکان ئامادە بکەن ھەروەک ھیوای سەرکەوتنیان بۆ دەخوازێت .
دەقی پیرۆزباییەکە :
ھەڤاڵی بەڕێز کاک جەمیل ھەورامی سەرۆکی کۆمەڵەی پێشمەرگە دێرینەکان
بەڕێزان ئەندامانی کۆمەڵەی پێشمەرگە دێرینەکان
بەبۆنەی بەستنی دووەمین کۆنگرەی پێشمەرگە دێرینەکانەوە وھەڵبژاردنەوەی کاک جەمیل ھەورامی بەسەرۆکی کۆمەڵەکەتان، گەرمترین و جوانترین پیرۆزباییتان لێ دەکەم و ھیوای سەرکەوتنی زیاترتان بۆ دەخوازم.
لەم بۆنەیەدا ھەستی سوپاسگوزاری قووڵی خۆم ئاڕاستەی ھەموو ئەندامانی کۆمەڵە شۆڕشگێڕەکەتان و بۆ ئەو پاڵەوانانەش دەردەبڕم کە لەخەباتکردن لەپێناوی ئازادی و رزگاری کوردستان خۆیان بەخت کرد، لەگەڵ ئەو پێشمەرگانە کە بەخەباتی دانەبڕاویان بوونە مەشخەڵی بەدیھێنەری ئازادی بۆ ھەرێمەکەمان.
لەکاتێکدا پیرۆزبایی بەستنی دووەمین کۆنگرە و ھەڵبژاردنەوەی ھەڤاڵ جەمیل ھەورامی بەسەرۆک و ئەندامانی نوێی ئەنجومەنی باڵاتان لێ دەکەم، داواتان لێ دەکەم بۆ ھەنگاوی ئایندەی کۆمەڵەکەتان ئامادەسازی تەواو بکەن تا بەپێی گۆڕانکارییەکانی سەردەم کار بکەن بۆ رێزلێنان لە پێشمەرگە دێرینەکان بەچاودێری کردن و گرنگیدان و دابینکردنی ژیانێکی شایستە بۆیان و ئێمەش ھەمووکات پارێزەری داوا ڕەواکانتانین.
رونیشیكردەوە، وڵاتی توركیا بەرنامە و نەخشەی خۆی هەیە، بەڵام ئەوەی گرنگە وەك كورد نەبینە هاوكار و جێبەجێكاری نەخشەی ئەوان، بەتایبەت پێشمەرگە نەكەین بە بەشێك لە سوپاكەیان".
راشیگەیاند، پێویستە حكومەتی عێراق لەم پرسەدا رۆڵێكی جدیتری هەبێت و تەماشاكار نەبێت، چیتر لەهاتنەناوەوەی سوپا توركیا، بڕینەوە و سوتاندنی دارستانەكان و بۆردومانی گوندەكان و شەهیدكردنی منداڵ و خەڵكی مەدەنی هەرێمی كوردستان بێدەنگ نەبێت.
لای خۆیەوە، بیرزە ویتهۆفت سەرۆكی وەفدەكە، هاتونەتە هەرێمی كوردستان تا لە نزیكەوە داگیركارییەكان ببینن و جیهانیش ئاگادار بكەنەوە، داوا لە وڵاتانی نێودەوڵەتی دەكەن بێن بە هانای ئەم پرسەوە و ڕێگە بگرن لەو داگیركارییانە.
شۆڕش ئیسماعیل، وەزیری پێشمەرگەی ھەرێم، ستایشی بڕیاری گەڕانەوەی ھەردوو ھێزەکانی پشتیوانی (یەک و دوو)ی یەکەکانی حەفتاو ھەشتای کردو، لە روانگەی بەرپرسیاریەتی نیشتمانیی و نەتەوەییش بۆ دروستکردنی ھێزێکی یەکگرتووی سەربازیانەی سەردەمی داوای کرد، لەھەنگاوەکانی داھاتوو سەرجەم ھێزەکان لەژێر چەتری وەزارەتی پێشمەرگەدا کۆببنەوە.
ھەنگاوی گەڕانەوەی ھێزەکان بۆ سەر وەزارەتی پێشمەرگە لەئەنجامی خێراترکردنی پڕۆسەی رێفۆرمی سەربازیە و ئاراستەی کاروانی چاکسازیش لەوەزارەتی پێشمەرگە بەردەوامی دەبێت. لەسەر ئەو پرسەش ماتیۆ تولەر، باڵیۆزی ئەمریکا لەعێراق، لە کۆبوونەوەیەکدا لەگەڵ وەزیری پێشمەرگە، دەستخۆشی لەو ھەنگاوانە کردو رایگەیاند: دۆخی ئێستا و داھاتووی ناوچەکە، پێویستی بە یەککڕیزی و یەکگرتوی ھێزێکی نیشتمانی تۆکمەی پێشمەرگە ھەیەو، ھاوکاری و ھەمەئاھەنگیەکانیان بۆ وەزارەتی پێشمەرگە بەردەوام دەبێت.
لەگەڵ ئەوەشدا ، دامەزراوەی کۆنتڕۆڵی جۆری دەرمان (KMCA) وەکوھەمیشە ھۆشداری دەدات بە گشت کۆمپانیاکانی دەرمان پابەندی رێنماییەکانی بن و بە پێچەوانەوە سەرپێچیکاران رووبەڕووی سزای یاسایی توند دەکاتەوە.
لە سەرەتای ئەم ھەفتەیەوە کێشەی کەمی کارەبای نیشتیمانی دروستبووە و تائیستا بەردەوامە، "ئومێد ئەحمەد" وتەبێژی وەزارەتی کارەبای ھەرێم بە کوردسات نیوزی راگەیاند، بەھۆی دابەزینی پەستانی گاز لە وێستگەی گازی خورمەڵە و لەکارکەوتنی دوو وێستگەی گازیی لە ھەولێر، ٤٠٠ مێگاوات لە بەرھەمھێنانی کارەبا کەمی کردوە، ھاوکات بەرزبونەوەی پلەی گەرما کاریگەری زیاتری دروستکرد و بەھۆیەوە خواست لەسەر ٦٠٠ مێگاواتی تر زیاد بووە.
ئاشکراشیکرد، کارکردن لە وێستگە لەکارکەوتووەکان بەردەوامە و لە رۆژانی داھاتوودا ئەو کێشانە چارەسەر دەبن بەڵام تاوەکو پلەکانی گەرما نزم نەبنەوە کەمی پێدانی کارەبا بە ھاوڵاتیان بەردەوام دەبێت.
