پەیامنێری کوردسات نیوز رایگەیاند، لەنزیک زانکۆی سۆران کەسێک لەناو ئۆتۆمبێلەوە تەقەی لە دوو کەسی تر کردووەو برینداری کردوون، دوای رووداوەکەش ھەڵھاتووە و دەستگیرنەکراوە.

وتیشی، بەوتەی شایەتحاڵەکان، ئەوانەی تەقەیان لێکراوە خەڵکی ھەریرن و پێدەچێت بەھۆی کێشەیەکی کۆنی کۆمەڵایەتییەوە بێت.

قائیمقامیەتی سلێمانی لە راگەیەنراوێکدا ئاماژەی بۆ ئەوەکردوە، بەھەماھەنگی فەرمانگە پەیوەندیدارەکان لەگەڵ نزیک بوونەوەی وەرزی بارانبارین ئامادەکاری پێشوەختی دەست پێکردووە بۆ ئەوەی لەکاتی لافاو رووداوی سروشتی بەانای ھاووڵاتیانەوە بچن.

سەبارەت بە پلانی ئەمساڵ بەر لە ھاتنی وەرزی بارانبارین قائیمقامی سلێمانی رایگەیاندوە،  لەھەنگاوی یەکەمدا تیمەکانی شارەوانی دەستیان کردووە بە پاک کردنەوەی مەنھۆڵ و ئاوەڕۆکان بۆ ئەوەی لەکاتی بارانبارینی بەخوڕ رێگری بکرێت لە دروست بونی لافاو و کارەسات و رووداوی نەخوازراو.

دوای دەرچونی بڕیارەکە لە ٢٨ی تشرینی یەکەمی ٢٠١٤، ھێزی پێشمەرگە بە ٤ کاروان رەوانەی کۆبانێ کران، لە ماوەی مانەوەیان لە کۆبانێ ھێزی پێشمەرگەی کوردستان لە شەڕی دژی داعش شەھیدێک و چەند بریندارێکیان ھەبوو.

د.ئارام محەمەد لە کۆنفرانسێکی رۆژنامەوانیدا وتی، ٩٩ی رێک کورسی لە کۆلێژی پزیشکی گشتی بۆ دابین نەکراوە و بەرگری لە داواکارییەکانیان دەکات. 

وتیشی، خوێندنی بنەڕەتی و باڵا لە بەردەم کارەساتدایە و پێویستیان بە ریفۆرم و سەربەخۆیی زانکۆکان ھەیە. 

راشیگەیاند، ئەو لێشاوەی خوێندکاران کە دێنە خوێندنی باڵا زۆرە و زانکۆکان لە توانای خۆیان زیاتریان وەرگرتووە. 

وتیشی، دەبێت خوێندنی پیشەیی و تەکنیکی زیاتر بکرێت. 

لەو کۆبوونەوەیەدا، کە ژمارەیەک لە ئەندامانی ئەنجومەنی سەرکردایەتی یەکێتی- سلێمانی  ئامادەی بوون، تاوتوێی بارودۆخی ناوخۆی حزب و ڕووداو و پێشھاتەکانی ناوچەکە کرا، لەبەر ڕۆشنایی دوایین گۆڕانکارییەکانی سەر گۆڕەپانی سیاسی عێراق.

ھەروەھا جەختکرایەوە کە پێویستە گرنگی زیاتر بە جێبەجێکردنی داواکارییەکانی ھاوڵاتیان و جەماوەری دڵسۆزی یەکێتی بدرێت و کار بکرێت بۆ پێشکەشکردنی خزمەتگوزارییە پێویستەکان.

لە بارەی پەیوەندییەکانی یەکێتی لەگەڵ حزب و لایەنە سیاسییەکانی تردا، کۆبوونەوە بە گرنگی زانی پەرە بە ھەوڵەکانی یەکخستنەوەی نێوماڵی کورد و یەک گوتاری کورد بدرێت، ئەوەش دووپاتکرایەوە کە پێویستە  گفتوگۆی بنیاتنەرانە بکرێتە بنەمای سەرەکی بۆ یەکلاکردنەوەی کێشە و ململانێ سیاسییەکان.

لە سیمپۆزیۆمەکەدا گفتوگۆکرا لەسەر چەمکی (ھاوڕێ و دوژمن لە سیاسەت) و بەرژەوەندییەکان لە سیاسەت و چەندین بابەتی تری سیاسی تر.

وەزارەتی دارایی و ئابوورییش چەند ڕێنماییەک بۆ چارەسەری کێشەی مامۆستایانی وانەبێژ بڵاوکردەوە، بە پێی ڕێنماییەکانی کەمترین شایستەی دارایی ٢٥٠ ھەزار دینار دەبێت بۆ ھەڵگرانی بڕوانامەی دبلۆم، زۆرترینیش ٤٢٥ ھەزار دینار دەبێت بۆ ھەڵگرانی بڕوانامەکانی دبلۆمی باڵا و ماستەر و دکتۆرا.

لە دیدارێکدا گفتوگۆی ھەمەلایەنە کرا لەسەر پرسە سیاسی، ئەمنی، ئابوورییەکان، کاری پەرلەمان و ڕۆڵی لە پێشخستنی کۆمەڵگا، چاودێریکردنی دەسەڵاتی جێبەجێکردن، دەرکردنی یاسا و ڕێکخستنی ژیانی خەڵک. ھەروەھا تەئکید لە ھەماھەنگی زیاتر و ڕاوێژ لە نێوان ھەرێم و بەریتانیا کرایەوە بۆ پێشخستنی کاری پەرلەمانی.

بافڵ تاڵەبانی گرنگی بوونی دەستووری لە ھەرێم ڕوونکردەوە بۆ وەفدی میوان و ئاماژەی بۆ ئەوە کرد دەمانەوێت لە ڕێگای دەستوورەوە بنەماکانی دەوڵەتداری و دیاریکردنی تایبەتمەندییەکانی دەسەڵاتەکان ڕێکبخەینەوە و لە ڕوویی سیاسی، ئابووری و کۆمەڵایەتییەوە ژیانی خەڵک باشتر کۆبکەینەوە و ھەمووان لە چوارچێوەی دەستوورێکی گەلپەسەند ماف و ئەرکەکانیان یەکسان بکرێت.

ھاوسەرۆک ڕوونیشیکردەوە یەکێتی دەیەوێت دەستوورێک لە ھەرێم بنیاد بنرێت کە کۆدەنگی نیشتمانی و ڕای ھەموو لایەنەکان و خەڵکی لەسەر بێت و لەسەر بنەمای بەرژەوەندی و پێشخستنی ئەزموونی ھەرێم دابڕێژرێت و ھەمووان لە سایەیدا وەک یەک بن و مافی ھاووڵاتیبوون بەرجەستە بکات و لەگەڵ دەستووری عێراقیشدا یەکبگرێتەوە و بتوانرێت خزمەتی زیاتری کۆمەڵگەی پێبکرێت.

وەزارەتی سامانە سروشتییەکان لە ڕاگەیەنراوێکدا ئاشکرای کردووە، بۆ چارەسەرکردنی کێشەی کەمی سوتەمەنی بڕیار دراوە، مۆڵەت بدرێتە ئەو کۆمپانیایانەی دەیانەوێت بەنزین ھاوردەی ھەرێمی کوردستان بکەن. بە مەرجێک ڕەچاوی ڕێنماییەکانی وەزارەتی سامانە سروشتییەکان بکرێت.

ئاماژەی بۆ ئەوش کردووە، لە دوای بڕیارەکەوە کۆمپانیاکان دەتوانن سوتەمەنی ھاوردە بکەن.

فەرمانگەی میدیا و زانیاری ئەنجومەنی وەزیرانی ھەرێم رایگەیاند، کۆبوونەوەی ھەفتانەی ئەنجومەنی وەزیران ئەنجام دەدرێت و لە تەوەری یەکەمدا راپۆرتی وەزارەتی کارەبا سەبارەت بە ھەنگاو و پڕۆژەکانی وەزارەت لە بواری رێکخستنەوەی کەرتی کارەبای نیشتیمانی و پڕۆژەی تایبەت بە ھاوبەشی پێکردنی کەرتی تایبەت لە قۆناغەکانی دابەشکردن و گواستنەوەی کارەبا و کۆکردنەوەی داھاتی کارەبا تاوتوێ دەکرێت.

دواتر راپۆرتی وەزارەتی تەندروستی سەبارەت بە دوا ئامارەکانی ڤایرۆسی کۆرۆنا و رێژەی کوتان و بڕیارەکانی دوا کۆبوونەوەی لیژنەی باڵای بەرەنگاربوونەوەی کۆرۆنا دەخرێتەڕوو.

لە تەوەری کۆتاییشدا ئەنجومەنی وەزیران گرانبوونی نرخی سووتەمەنییەکان لە ھەرێمی کوردستان و دوا ھەوڵەکانی وەزارەتی سامانە سروشتییەکان بۆ چارەسەرکردنی ئەو بابەتە و ھەماھەنگی لەگەڵ وەزارەتی نەوتی فیدڕاڵ لەو بوارەدا تاوتوێ دەکرێت.

خوێندكاران داوایان لەوەزارەتی خوێندنی باڵا كرد پێداچونەوە بە نمرەكانیاندا بكەن، چونكە ژمارەیەكی نمرەی بەرزیان هێناوەو ناویان لە پەیمانگاكان هاتۆتەوە، لەكاتێكدا نمرەكەیان بەرزە و شایستەی ئەوەیە لە زانكۆكاندا بخوێنن .