ئەو ئەندامەی چوارچێوەی ھەماھەنگی شیعەکان رایگەیاند، ژمارەیەکی زۆر کورسیان لە ئەنجومەنی نوێنەرانی عێراق ھەیە و دەتوانن گەورەترین کوتلە پێکبھێنن و سەرۆک وەزیرانی داھاتووش دیاری بکەن. 
 "کازم رازی" ئەوەشی خستەڕوو، دەبێت رەوتی سەدر و چوارچێوەی ھەماھەنگی ئەم ھەفتەیە بابەتە ناکۆکەکانی نێوانیان چارەسەر بکەن، چونکە وادەی یەکەم دانیشتنی ئەنجومەنی نوێنەران نزیکە و یەکشەممەی ھەفتەی داھاتوو یەکەم کۆبوونەوە بەڕێوەدەچێت. 

دەوڵەتی یاساش رایدەگەیەنێت، ھیچ ئەگەرێک بۆ دواخستنی کۆبوونەوەکە نیە. وائل روکابی سەرکردە لە ھاوپەیمانیی دەوڵەت یاسا، بە سەرۆکایەتی نوری مالکی، رایگەیاند، بە پێی دەستووری عێراق، پێویستە ١٥ رۆژ دوای پەسەندکردنی ئەنجامەکانی ھەڵبژاردن لە لایەن دادگای باڵای فیدڕاڵیەوە، خولی نوێی ئەنجومەنی نوێنەران کۆببێتەوە، لە ئێستادا کە ٩ی ئەم مانگە بۆ یەکەم کۆبوونەوەی خولی پێنجەمی ئەنجومەنی نوێنەران دیاریکراوە، ھیچ ئەگەرێک بۆ دواخستنی کۆبوونەوەکە نیە و تەنھا سەرۆک کۆمار دەسەڵاتی دواخستنی کۆبوونەوەکەی ھەیە تەنھا بۆ ماوەی دوو رۆژ.

مستەفا کازمی سەرۆک وەزیرانی عێراق، فەرمانیکرد بە دەستبەسەرکردنی ژمارەیەک لە ئەفسەرانی پۆلیس و دەزگا ئەمنییەکانی پارێزگای بابل، لە دوای ڕووداوی کوژرانی ٢٠ ئەندامی خێزانێک لە قەزای جبلە سەر بە پارێزگاکە.

شانەی ڕاگەیاندنی ئەمنی لە ڕاگەیەندراوێکدا بڵاویکردەوە، بە فەرمانی سەرۆک وەزیرانی عێراق، دەزگای ئاسایشی نیشتیمانی، بە ھەماھەنگی لەگەڵ دادگای لێکۆڵینەوەی پارێزگای بابل لێکۆڵینەوە لە دۆسیەکە دەکەن، بە مەبەستی دەستنیشانکردنی کەسانی کەمتەرخەم لە ڕووداوەکە.

شەوی پێنج شەممەی ڕابردوو دوای ئەوەی ھێزە ئەمنییەکان لە ھەوڵی دەستگیرکردنی تۆمەتبارێکی ماددە ھۆشبەرەکاندا بوون لە پارێزگای بابل، ئەو تۆمەتبارە ڕووبەڕووی ھێزە ئەمنییەکان بووەوە و خۆی ڕادەست نەکرد، دوای ئەوەی ھێزە ئەمنییەکان دەچنە ماڵەوە دەبینن ٢٠ ئەندامی خێزانێک بە دەستڕێژی گولـلە کوژراون.

سەیھود لە لێدوانێکی ڕۆژنامەوانیدا ئاشکرایکرد، چاوەڕوان دەکرێت نوری مالکی سەرۆکی ھاوپەیمانییەکە بەشداری کۆبوونەوەکە بکات، بەو پێیەی گەورەترین کوتلەی ناو چوارچێوەی ھەماھەنگییە لە ڕووی ژمارەی کورسییەکانی پەرلەمانەوە.

ڕوونیشیکردەوە، گفتوگۆکان لە ڕێگەی پەیوەندیکردن یان دیداری ڕاستەوخۆوە لە نێوان سەدر و چوارچێوەی ھەماھەنگی درێژەی ھەیە، بە ئامانجی گەیشتن بە ڕێککەوتنێکی خێرا بەر لە یەکەم کۆبوونەوەی ئەنجومەنی نوێنەران، کە چاوەڕوان دەکرێت بەر لە دانیشتنەکەی پەرلەمان ڕێککەوتن لە نێوان ھەردوولادا بکرێت.

یەحیا ڕەسوڵ، وتەبێژی فەرماندەی گشتیی ھێزە چەکدارەکانی عێراق ڕایگەیاند، ھیچ ھێزێکی شەڕکەری ھاوپەیمانیی نێودەوڵەتی لە عێراق نەماوە و ئەوانەی ماونەتەوە ئەرکیان ڕاوێژ و پاڵپشتیکردنە لە بوارەکانی ڕاھێنان و پڕچەککردن و ئاڵوگۆڕی زانیاری ھەواڵگیری، کە لە بنکەکانی ھەریر لە ھەولێر و عەین ئەسەد لە ئەنبار جێگیر بوون و کارکردنیان بە ھەماھەنگی دەبێت لەگەڵ فەرماندەیی ئۆپراسیۆنە ھاوبەشەکان.

وتیشی، ھێزەکانی عێراق پێویستیان بە باشکردنی تواناکانیانە، بە تایبەت لە ڕووی ئاسمانی و بەرگری ئاسمانی و ھێزی فڕۆکەوانی و ھەواڵگیرییەوە، ھەر بۆیە پێویستیان بە فڕۆکەکانی ھاوپەیمانیی نێودەوڵەتییە، بۆ لێدان لە پاشماوەکانی داعش لە ھەندێک ناوچە، بە تایبەت لە سنوورەکانی سوریا.

بە پێی فەرمانێکی کۆماریی کە لەلایەن د.بەرھەم ساڵح سەرۆک کۆماری عێراقی دەرکراوە ،  داوای کردوە پاڵپشت بە ھەردوو مادەی (٥٤ و٧٣) لە دەستووری عێراق و پەسندکردنی ئەنجامی کۆتایی ھەڵبژاردنە گشتییەکان بۆ ئەندامیەتی ئەنجومەنی نوێنەران لەلایەن دادگەی باڵای فیدرڵی، رۆژی ٩ی کانونی دووەم یەکەم ، یەکەمین کۆبونەوەی خولی نوێی ئەنجومەنی نوێنەران بە سەرۆکایەتی بە تەمەنترین ئەندامی ئەنجومەنەکە بەرێوەبچێت، ئەوەش ھاتوە، ئەم فەرمانە لەرۆژی دەرچونیەوە جێبەجێ دەکرێت و لەرۆژنامەی فەرمی دەوڵەتدا بڵاودەکرێتەوە.

شانەی راگەیاندنی ئەمنی بڵاویکردەوە، دەستگیرکراوەکان دانیان بەوەداناوە، چاودێری شوێنەکەیان کردووە و زانیارییان کۆکردووەتەوە لەبارەی ژمارەی بورجی پاسەوانی بیناکە، ھاوکات یەکێک لە دەستگیرکراوەکان ھەستاوە بە پێدانی ناوی ئەو ھاووڵاتییانەی ھاوکاری ھێزە ئەمنییەکان دەکەن بە داعش، یەکێکی تریان بەڵگەنامەی ساختەی داوە بە داعش بۆ ئەوەی چەکدارەکانی بتوانن ھاتووچۆ بکەن و خۆیان لە ھێزە ئەمنییەکان بشارنەوە.

خۆپیشاندەران لەسەر داوای ھادی عامری سەرۆکی ھاوپەیمانی فەتح کە پێشتر ئەنجامی ھەڵبژاردنی ڕەتدەکردەوە، کۆتاییان بە خۆپیشاندانەکان ھێنا، ئەوەش دوای ئەوەی عامری داوای لێکردن بگەڕێنەوە ماڵەکانیان.

لە دوای ڕاگەیاندنی ئەنجامی ھەڵبژاردن و ئەو شکستەی ھاوپەیمانی فەتح تۆماری کرد، لایەنگرانی ھاوپەیمانیەکە چەندین خۆپیشاندانیان دژی ئەنجامی ھەڵبژاردن لە بەغداد ڕێکخست و کۆمسیۆنی ھەڵبژاردنەکان و حکومەتییان بە ئەنجامدانی ساختەکاری تۆمەتبارکرد، بەڵام ڕۆژی ٢٧ی ئەم مانگە دادگای فیدراڵی ئەنجامی ھەڵبژاردنەکەی ١٠ی ئۆکتۆبەری پەسەند کرد و ئەو تانانەی ڕەتکردەوە کە ھاوپەیمانی فەتح تۆماری کردبوو.

دووپاتیشیکردەوە کە ڕەوتی سەدر براوەی ھەڵبژاردنە و لە کۆی ٣٢٩ کورسی بووەتە خاوەن ٧٣ کورسی پەرلەمان، ھاوپەیمانی فەتحیش ژمارەی کورسییەکانی لە ٤٨ کورسیەوە بۆ ١٧ کورسی کەمبووەتەوە.

مستەفا کازمی لە بارەی پەیوەندییەکانی بەغداد و ھەولێر دەڵێت، کابینەی حکومەتەکەی باشترین پەیوەندی لەگەڵ ھەرێمی کوردستان ھەیە کە لە دوای ٢٠٠٣وە باشترین پەیوەندییە لە نێوان ھەردوولادا.

وتیشی، شانازیی بە پەیوەندییەکانیان دەکەن لەگەڵ ھەرێم و لە ئێستاشدا ناکۆکییەکانیان لەگەڵ ھەولێر کەمترە و توانیوویانە بە متمانە و گفتوگۆ گرژییەکان کەمبکەنەوە. 

کازمی لە بارەی ھێزە بیانییەکانیشەوە دەڵێت، ھیچ سەربازێکی شەڕکەری ھاوپەیمانان لەسەر خاکی عێراق بوونی نییە و ھەموویان کشاونەتەوە.

لە بەشێکی دیکەی ڕاگەیەندراوەکەیدا کازمی ئاماژەی بەوە کردووە، سەرەڕای بڵاوبوونەوەی پەتای کۆرۆنا و داڕمانی نرخی نەوت و چەندین گرفتی سیاسی دیکە، توانیوویانە پارێزگاری لە ١٢ ملیار دۆلاری یەدەگی بانکی ناوەندی بکەن.

موزھر محەمەد ساڵح ڕاوێژکاری ئابووریی سەرۆک وەزیرانی عێراق ڕایگەیاند، ڕەشنووسی پڕۆژە یاسای بودجەی ٢٠٢٢ لە لایەن وەزارەتی دارایی و ئابووریەوە ئامادەکراوە، بەڵام بەھۆی ھەڵوەشاندنەوەی ئەنجومەنی نوێنەرانەوە ڕێکارە یاساییەکانی دواکەوتووە و لە ئێستادا چاوەڕوانی پێکھێنانی حکوومەتی نوێ دەکەن.

ڕاشیگەیاند، حکومەتی نوێ تاوتوێی یاسای بودجە دەکات و گۆڕانکاری تێدا دەکات، کە ڕەنگە لە کاتی گفتوگۆکاندا بە پێی بازاڕی نەوت بەھای دۆلار گۆڕانکاری تێدا بکرێت.

وتیشی، ئەگەر پڕۆژە یاسای بودجەی ساڵی داھاتوو، دوا بکەوێت ئەوا بە پێی یاسای ١ لەسەر ١٢، خەرجییەکان لەسەر بنەمای بودجەی ٢٠٢١ ڕێکدەخرێن.