لە دوای بڕیارەکەی دادگای فیدراڵی سەبارەت بە دەستوریی بوونی یەکەم دانیشتنی ئەنجومەنی نوێنەرانی عێراق، "سەدر" تویتێکی بڵاوکردەوە و ڕایگەیاند، جارێکی تر دادگای عێراق پاکی و سەربەخۆیی خۆی سەلماند و نەکەوتە ژێر فشاری سیاسییەوە، سوپاسی دادگاشی کرد بۆ ئەو بڕیارە و ڕایگەیاند، ھەنگاو بەرەو پێکھێنانی حکومەتی زۆرینەی نیشتمانی دەنێن و دەرگایان کراوەیە بۆ ئەوانەی متمانەی پێیانە.

"سەدر" ئاماژەی بەوەشکردووە، ھەموو ئەو لایەنانەی ئۆپۆزسیۆن بوون یاخود بایکۆت کردن ھەڵدەبژێرن و ھەنگاو بۆ چاکسازی عێراق دەنێن، ھەر برامانن.

سەرچاوەکانی ھەواڵ بڵاویانکردەوە دوای گەیشتنی بۆ بەغداد، قائانی لەگەڵ ژمارەیەک لە سەرکردە سیاسییەکانی شیعە گفتوگۆیان کردووە، دەربارەی پێکھێنانی حکومەتی داھاتووی عێراق.

بەپێی زانیارییەکانی قائانی لەسەردانەکەیدا بۆ بەغداد چاوی کەوتووە بە (ئەبو فەدەک)، سەرۆک ئەرکانی حەشدی شەعبی 

 لە ڕاگەیەندراوێکدا خەمیس خەنجەر بڵاویکردەوە، ھاوپەیمانی سەروەیی بە ھاوبەشی لەگەڵ ھەموو ھێزە نیشتیمانییەکان، کار دەکەن بۆ ڕزگارکردنی نیشتیمان و خزمەتکردنی ھاوڵاتیان و بە ھیچ شێوەیەک دەستبەرداری کێشە عادیلانەکانیان نابێت.
جەختیشیکردووەتەوە، کار دەکەن لە پێناو قەتیسکردنی چەک بە دەستی دەوڵەت و دامەزراوە فەرمییەکانییەوە، کارنامەیەکی نیشتیمانیش پێشکەش دەکەن بۆ ڕزگار بوون و گۆڕانکاری.
ھاوکات محەمەد حەلبوسی سەرۆکی ئەنجومەنی نوێنەران دەربارەی ھاوپەیمانێتییەکە ڕایگەیاند، ھاوپەیمانی سەروەریی بۆ بەرگری لە سەروەریی و یەکپارچەیی عێراق پێکھێنراوە.
ئاماژەی بەوەشکردووە، پەرلەمانتارانی ھاوپەیمانی تەقدوم و عەزم متمانەیان بە خەمیس خەنجەر داوە و لە ئەنجومەنی نوێنەراندا گەورەترین ھاوپەیمانی سوننەکان پێکدەھێنن.

لیوا یەحیا رەسوڵ وتەبێژی فەرماندەی گشتیی ھێزە چەکدارەکانی عێراق رایگەیاند، لە ھەڵمەتێکی ئاسمانیدا، بە بەشداری فڕۆکەی ئێف ١٦ی ئەمریکی، چوار گورزیان لە پێگەکانی داعش لە خۆرھەڵاتی چیاکانی مەکحول لە نزیک سنورەکانی پارێزگای نەینەوا وەشاندوە و بەھۆیەوە چوار تیرۆریست کوژران، لە بۆردومانێکی تریشدا لە باشوری قەزای حەزر لە سنوری نەینەوا، سێ تیرۆریستی تری داعش کوژران.

حەشدی شەعبی و ھێزە ئەمنییەکانی عێراقیش، ئۆپراسیۆنێکی فراوانیان لە دژی پاشماوەکانی داعش لە باشوری نەینەوا دەستپێکرد و رۆژی یەکشەممەش سوپای عێراق، ئۆپراسیۆنی فراوانی لە چەند قۆڵێکەوە لە حەوزی حەمرین دژی داعش دەستپێکرد.

لە کۆبوونەوەکەدا پێداچوونەوە بۆ ئەو سکاڵایانە دەکرێت کە ھەردوو پەرلەمانتار "باسم خەشان" و "مەحمود مەشھەدانی" سەبارەت بە نادەستوری بوونی یەکەمین کۆبوونەوەی خولی پێنجەمی ئەنجومەنی نوێنەران تۆماریانکردووە.

لە یەکەم کۆبوونەوەی دادگای فیدراڵیشدا کە ١٩ی ئەم مانگە بەڕێوەچوو، "باسم خەشان" رایگەیاند بەڵگەی پێویستیان پێشکەش کردووە کە نادەستوریی کۆبوونەوەکەی ئەنجومەنی نوێنەران دەسەلمێنێت، بە تایبەت دوای ئەوەی بەتەمەنترین پەلەمانتار بەھۆی تێکچکوونی باری تەندروستییەوە دانیشتنەکەی بەجێھێشت، داواشی کرد بەشی دووەمی کۆبوونەوەکەی ئەنجومەنی نوێنەران دووبارە بکرێتەوە، کە تێیدا بەبێ ئامادەبوونی بەتەمەنترین پەرلەمانتار سەرۆکی ئەنجومەنی نوێنەران و جێگرەکانی دیاری کران.

ھاکات لەگەڵ بەستنی ئەو کۆبوونەوەیە، جموجۆڵی لایەنە سیاسییەکانی عێراق بۆ پێکھێنانی ھاوپەیمانییەکان چڕ کراوەتەوە.

ریاز عەبدولئەمیر بەڕێوەبەری فەرمانگەی تەندروستیی گشتی لە وەزارەتی تەندروستیی عێراق، نوسراوێکی ئاڕاستەی وەزارەتی تەندروستی و بەڕێوەبەرایەتییە تەندروستییەکانی ھەرێمی کوردستان و سەرجەم بەڕێوەبەرایەتییە تەندروستییەکانی پارێزگاکانی عێراق کردوە، بە پێی نوسراوەکە، بۆ پاراستنیان لە جۆرە گۆڕاوەکانی کۆرۆنا بە تایبەتی گۆڕاوی ئۆمیکرۆن و زیادکردنی بەرگریی ئەو کەسانەی ڤاکسینیان وەرگرتووە، رێگە بە بەکارھێنانی دۆزی سێیەمی ڤاکسینی کۆرۆنا، بۆ کەسانی ١٨ ساڵ و سەروو ١٨ ساڵ دەدەن.

پێشتر دۆزی سێیەمی ڤاکسینی کۆرۆنا کە بە "دۆزی پاڵپشتی" ناودەبرێت، تەنھا بۆ کەسانی بە تەمەن یان ئەو کەسانەی مەترسی زۆریان لەسەرە بەکاردەھێنرا، سەرەتای ئەم ھەفتەیەش وەزارەتی تەندروستیی عێراق مۆڵەتیدا بە کارھێنانی ڤاکسین بۆ منداڵانی سەروو شەش ساڵ. 

پەیامنێری کوردسات نیوز رایگەیاند، پێشنیوەڕۆی ئەمڕۆ لە گوندی "سماقە" سەر بە قەزای داقوق بۆمبێکی چێندراو بە کاروانێکی فەوجی ھەشتی پشتیوانی سوپای عێراقدا تەقییەوە و بەھۆیەوە سێ سەربازی سوپا کوژران و  سەربازێکی تریش بریندار بوو، بەپێی زانیارییەکان قوربانییەکان دانیشتووی کەربەلا و دیوانییەن. 

پەیامنێری کوردسات نیوز راشیگەیاند، شەوی رابردوو چەند تیرۆریستێکی داعش ھەڵیانکوتاوەتە سەر گوندی یەرغون لە ناحیەی ڕەشادی سەر بە پارێزگای کەرکوک و شوانێکیان لە گوندەکە ڕفاندووە. 
وتیشی، شوانەکە برای موختاری گوندی یەرغونە و تا ئێستا چارەنوسی نادیارە.

خوێندکارانی عێراق لە لوبنان لە راگەیەنراوێکدا ئاشکرایان کردوە، ١٧ خوێندکاری عێراقی لەو وڵاتە دووچاری ڤایرۆسی کۆرۆنای گۆڕاو ناسراو بە ئۆمیکرۆن بوون و شەش توشبوویان ژیانیان لە مەترسیدایە و لە ئێستادا لە نەخۆشخانەکانی بەیروتی پایتەخت لەژێر چاودێری پزیشکیدان.

ھەر لە راگەیەنراوەکەدا ھاتوە، گیانی ١٦ ھەزار و ٦٠٠ خوێندکاری عێراقی بەھۆی بڕیارێکی دیراسە نەکراوی وەزارەتی خوێندی باڵای عێراقی رووبەرووی مەترسی بوەتەوە، خوێندکاران داوا لە ھەر سێ سەرۆکایەتییەکەی عێراق دەکەن، گوشار بخەنە سەر وەزارەتی خوێندنی باڵا تا لەو مەترسییە رزگاریان بکات.

محەمەد حەلبوسی، سەرۆکی ئەنجومەنی نوێنەرانی عێراق، لە بارەی پەلامارەکەی رۆژی ھەینی داعش بۆ سەر سوپای عێراق لە ناوچەی عوزێم، کە کوژرانی ١١ سەربازی لێکەوتەوە، تویتێکی بڵاوکردەوە و رایگەیاند، سیاسەتی پڕوپاگەندە بۆ نائارامی و بڵاوکردنەوەی دەنگۆ کەسێکی پێ لە خشتە نابرێت و رووداوەکانی ساڵی ٢٠١٤ وانەیەکی گرنگ بوون، کە عێراقییەکان بە باشی لێی تێگەیشتبوون، بۆیە داعش ناگەڕێتەوە و تیرۆر بە ھەموو شێوەکانی دەسڕێتەوە، عێراق بەرەو بونیادنانەوە و گەشەسەندن دەڕوات و جێگەی داعشی تێدا نابێتەوە.

لیوا یەحیا رەسووڵ وتەبێژی فەرماندەی گشتیی ھێزە چەکدارەکانی عێراق،  بە ئاژانسی ھەواڵیی عێراقی راگەیاند، لەسەر فەرمانی مستەفا کازمی فەرماندەی گشتیی ھێزە چەکدارەکان، رێکارە ئەمنییەکان لەسەر سنوورەکانی عێراق و سوریا زیاتر دەکرێن، بە تایبەت دوای رووداوەکەی گرتووخانەی غوێران لە حەسەکە، کە ھەڵاتنی زیاتر لە ١٠٠ تیرۆریستی داعشی لێکەوتەوە، وتیشی، سنوورەکانیان لەگەڵا سوریا ئارامن، بەڵام ھێزە ئەمنییەکان ئامادەن بۆ رووبەڕووبوونەوەی ھەر ھەوڵێکی داعش بۆ دزەکردنە خاکی عێراق.
ھەر لەو چوارچێوەدا چەند سەرچاوەیەکی ئەمنی بە میدیاکانی عێراقیان راگەیاند، رێکاری ئەمنی دەرکراوە بۆ توندکردنەوەی پاسەوانێتی ئەو زیندان و گرتووخانانەی، کە سەرکردە و تیرۆریستانی داعشیان تیدایە، کە سێ گرتووخانەن.

ئامانجی سەرەکی ئۆپراسیۆنەکە تۆڵەکردنەوەی پەلامارەکەی چەند ڕۆژی ڕابردووی داعشە لە پارێزگای دیالە، کە بەھۆیەوە ئەفسەرێک و ١١ سەربازی سوپای عێراق کوژران.

تاڵیب موسەوی فەرماندەی باڵای حەشدی شەعبی ڕایگەیاند، پێکھاتە جیاجیاکانی حەشدی شەعبیش بەشدارن لە ئۆپراسیۆنەکەدا.

بە مەبەستی سەرپەرشتیکردنی راستەوخۆی ئۆپراسیۆنەکەش، عەبدولئەمیر یارەڵا سەرۆک ئەرکانی سوپای عێراق و عەبدولئەمیر شەمەری جێگری فەرماندەی ئۆپراسیۆنە ھاوبەشەکان چوونەتە پارێزگای دیالە.

قاسم محەمەد فەرماندەی ھێزی پیادەی سوپای عێراقیش ڕایگەیاند، بەھۆی ئەوەی لە ھیچ ناوچەیەکی عێراق پەناگەیەک نییە بۆ مانەوەی ئاشکرای تیرۆریستانی داعش، ناتوانێت جارێکی تر بگەڕێتەوە ئەو ناوچانەی کە تێیدا باڵادەست بووە.

ئەو چاودێرانە دەڵێن کوا ڕۆڵی وەزیری بەرگری لەو کارەساتەدا، ڕێوشوێنەکانی چییە، چونکە قوربانییەکان سەرجەمیان سەر بە سوپای عێراقن و ئەو بەرپرسی یەکەمیانە.

ئەو چاودێرانە باسیان لەوە کردووە، بە گوێرەی زانیارییەکان وەزیری بەرگری لە کاتی ڕووداوەکەدا لە ھەرێمی کوردستان بووە، پێشیان وایە بەشێکی بەرپرسیاریەتییەکە لە ئەستۆی سەرکردە ئەمنییەکاندایە.

بەرەبەیانی ڕۆژی ھەینی تیرۆریستیانی داعش ھێرشیان کردە سەر یەکەکی سوپای عێراق لە پارێزگای دیالە و بەھۆیەوە ئەفسەرێک و ١١ سەرباز کوژران.