کوردستان
دەقی پەیامەکە...
بەڕێزان خێزان و خانەوادەی کۆچکردوو حەمید سابیر
بەبیستنی ھەواڵی کۆچی دوایی (حەمید سابیر ) راگەیاندنکار و ھونەرمەند، ئەندامی ئەنجومەنی راوێژکاری مەکتەبی راگەیاندن و بیر و ھۆشیاری، نیگەران و دڵگران بووم.
بۆ ئەم خەمە، پرسە و سەرەخۆشی لەخۆتان و خانەوادە تێکۆشەرەکەتان ئەکەم، خوای گەورە لەکۆچکردوو خۆش بێت و جێگەی بەھەشت بێت، سەبوری و دڵنەواییش بەھەموو لایەک ببەخشێت.
انا للە وانا الیە راجعون
قوباد تاڵەبانی
لێپرسراوی مەکتەبی سکرتارییەتی سەرۆک مام جەلال
دەقی پەیامەکە...
مفەوەز رزگار ئەحمەد، شەھیدی چەسپاندنی یاسا و دادپەروەرییە و نموونەی باڵای دڵسۆزیی و خۆنەویستییە لەپێناو رووبەڕووبوونەوەی تاوانکاریدا.
پرسە و ھاوخەمیی قووڵی خۆمان ئاڕاستەی کەسوکارە سەربەرزەکەی، ھاوڕێ و ھاوپیشەکانی دەکەم و ھیوای زوو چاکبوونەوە بۆ ھاوڕێ بریندارەکانی دەخوازم.
کاک رزگار شەھید ئەحمەد خەلیفە حەسەن زەنگەنە، کارمەندێکی دڵسۆز و سەرڕاست بوو، بنەماڵەکەشی نموونەی باڵای قوربانیدان و تێکۆشانن لەپێناو کوردستان.
وێڕای سوپاس و دەستخۆشیمان بۆ ھێزە ئەمنییەکانی سلێمانی کە لە ماوەیەکی کەمدا تۆمەتبارانیان دەستگیرکرد، جەخت لە سەروەریی یاسا دەکەینەوە و رێگەنادەین تاوانکاران مەترسی بۆ ژیانی خەڵک دروستبکەن و ئارامیی شارە خۆشەویستەکەمان بشێوێنن.
رۆحی کاک رزگار شادبێت و خوای گەورە سەبووری و بەھەموولایەک ببەخشێت.
دڵسۆزتان
بافڵ جەلال تاڵەبانی
سەرۆکی یەکێتیی نیشتمانیی کوردستان
پەیامنێری کوردسات نیوز رایگەیاند، رووداوەکە لە شەقامی پیرەمێرد روویداوە، کاتێک پۆلیسەکان ھەوڵی دەستگیرکردنی داواکراوێکیان داوە، بەڵام داواکراوەکە روبەڕوویان بووەتەوە و تەقەی لێکردوون.
وتیشی بەھۆی رووداوەکەوە ئەفسەرێک و دوو پۆلیس برینداربوون و دواتر یەکێک لە پۆلیسەکان بەھۆی سەختی برینەکەیەوە لە نەخۆشخانە گیانی لەدەستداوە.
سەرچاوەیەکی پۆلیس بە کوردسات نیوزی راگەیاند، ھەوڵدان بۆ دەستگیرکردنی تۆمەتبارەکە بەردەوامە و پۆلیس لە ھەوڵدایە بۆ دەستگیرکردنی.
لای خۆیەوە، سامان نادر بەڕێوەبەری سەنتەری فریاکەوتنی خێرای سلێمانی بە کوردسات نیوزی راگەیاند، دوو بریندارەکەی دیکە برینەکانیان سوکە و لە نەخۆشخانە چارەسەریان بۆ دەکرێت.
د.نەرمین مەعروف، ئەندامی لیژنەی دارایی لە ئەنجومەنی نوێنەران بە کوردسات نیوزی راگەیاند، تەیف سامی وەزیری دارایی و لیژنەی دارایی ئەنجومەنی نوێنەران کۆبوونەوە بەمەبەستی تاوتوێکردنی ھەمواری یاسای بودجە و خەرجکردنی مووچە و شایستە داراییەکانی فەرمانبەرانی ھەرێم.
وتیشی، لە کۆبوونەوەکەدا وەزیری دارایی دڵنیایی پێدان کە لەپاڵ بەردەوامی وردبینی مووچەی فەرمانبەرانی ھەرێم و تا ھەمواری یاسای بودجە، مانگانە ناردنی شایستەی داراییەکان بۆ فەرمانبەرانی ھەرێمی کوردستان بەردەوام دەبێت.
ئەندامەکەی لیژنەی دارایی ئەوەشی خستەڕوو، وەزیری دارایی پێشی راگەیاندوون کە ساڵی رابردوو ھەرێمی کوردستان ھیچ داھاتێکی رادەست نەکردووە، بەڵام گفتوگۆکانی ھەولێر و بەغداد بۆ چارەسەری کێشەی مووچە و شایستە داراییەکان بەردەوامن.
سەرچاوەیەکی باڵا لە یەکێتی نیشتمانی کوردستان بە کوردسات نیوزی راگەیاند، سبەینێ ئەنجومەنی سەرکردایەتی یەکێتی بە سەرپەرشتی بافڵ جەلال تاڵەبانی سەرۆکی یەکێتی کۆدەبێتەوە.
وتیشی، لەکۆبوونەوەکەدا سەرۆکی یەکێتی کورتەیەک لەسەر دۆخی سیاسیی کوردستان و عیراق، سەرکەوتنی یەکێتی لە ھەڵبژاردنەکانی کەرکوک، موسڵ، خانەقین و سەلاحەدین پێشکەشدەکات.
بەوتەی سەرچاوەکە، ھەر لە کۆبونەوەکەدا، گفتوگۆ دەکرێت لەسەر ھەڵبژاردنی داھاتووی پەرلەمانی کوردستان و ئامادەکارییەکان لەو بارەیەوە، لەگەڵ گفتوگۆکردن لەسەر کاروباری رێکخراوەیی دوایکۆنگرەی پێنجەم و کۆنفرانسی راگەیاندن، کۆنفرانسی مەکتەبی رێکخستن.
ھەڤاڵ ئەبوبەکر پارێزگاری سلێمانی رایگەیاند، ساڵی ٢٠٢٣ وەبەرھێنەرانی سلێمانی خۆبەخشانە ١١٦ ملیار دیناریان بۆ پرۆژە خزمەتگوزارییەکانی پارێزگاکە تەرخانکردووە و بەوەش تەواوی کەرتەکانی وەک ئابووری و پیشەسازی لە سلێمانی بەرەوپێشچوونی بەرچاوی بەخۆیەوە بینیووە.
وتیشی، ساڵی رابردوو سلێمانی یەکەمی سەر ئاستی عێراق بووە لەبەرەوپێشچوون و پەرەسەندن و بە گوێرەی ئامارەکانی وەزارەتی پلاندانانی عێراقیش، سلێمانی کەمترین رێژەی بێکاری تێدایە.
بەڕێوەبەرایەتی نەھێشتنی ماددە ھۆشبەرەکان لە راگەیەنراوێکدا ئاماژەی بۆ ئەوەکرد، لە بەردەوامی ھەوڵەکانیان لە بەرەنگاربوونەوە و نەھێشتنی ماددە ھۆشبەرەکان، دوای وەرگرتنی بڕیاری دادوەری لێکۆڵینەوەی ئاسایش، توانرا سێ بازرگانی ماددە ھۆشبەرەکان کە دوانیان بیانیین دەستگیر بکرێن و ھاوکات بڕی ٢٥ کیلۆ و ٨٠٠ گرام ماددەی ھۆشبەر لە جۆری کریستاڵ لە شارۆچکەی سیدەکان و سەنتەری شاری ھەولێر دەستیبەسەردا گیرا .
ئاشکراشیکرد، "ئەو باندەی دەستگیکراون پێکھاتەی باندێکی مەترسیداری بازرگانیکردنن بە ماددە ھۆشبەرەکان و لەکاتی ھەوڵدان بۆ دەستگیرکردنیان، یەکێک لە بازرگانەکان رووبەڕووی تیمەکانیان بووەتەوە و دواتر بە برینداری دەستگیرکرا".
ناوەندی راگەیاندنی ھێزەکانی سوریای دیموکرات بڵاویکردەوە، لە ١٥ی ئەم مانگەدا ھێزەکانی ئەنجومەنی سەربازی مەنبەج خاڵێکی ھێزەکانی سەر بە تورکیایان لە گوندی "سەیادە" ئەنجامدا و چواریان کوژران.
لە بەری عەین عیساش لە ١٧ی ئەم مانگە، ھێزەکانیان بە چەکی قورس بەربەستێک و بنکەیەکی ھێزەکانی تورکیایان لە گوندی "شرکراک" کردە ئامانج، بەڵام زیانەکانی نەزانراوە. لە ھەمان رۆژدا، دوو ئۆپراسیۆنی دیکە ئەنجامدراوە دژی ھێزەکانی تورکیا لە گوندی تینا و گرێ سپی.
بە گشتیش، ھەسەدە ٨ ئۆپراسیۆنی سەربازییان ئەنجامداوە، تێیدا ١٧ چەکداری گروپەکانی نزیک لە تورکیا و ٢ سەربازی تورکیاشیان کوشتووە.
بڕیارە رۆژانەی چوارشەممە و پێنجشەممە لە پایتەختی کازاخستان ٢١ ھەمین خولی دانوستانەکانی“ئاستانا” لە نێوان سوریا و ئۆپزسیۆن، بەبەشداری نوێنەرانی روسیا و تورکیا و ئێران بەڕێوەبچێت، تورکیاش بۆردومانەکانی بۆسەر رۆژئاوای کوردستان چڕکردووەتەوە.
رۆژنامەی شەرقولئەوسەت بڵاویکردەوە، چڕکردنەوەی بۆردومانەکانی تورکیا لەکاتێکدایە باس لە ئەگەری دەستپێکردنی ئۆپراسیۆنی نوێی زەمینی دەکرێت بۆ سەر رۆژئاوای کوردستان.
رەجەب تەیب ئەردۆغان سەرۆککۆماری تورکیا ھەفتەی رابردوو جەختیکردەوە، سوپای وڵاتەکەی بەردەوام دەبێت لە پاراستنی ئاسایشی وڵاتەکەی لە ڕێگەی ئۆپەراسیۆنە سەربازییە نوێیەکانەوە لە سوریا و عێراق، ھەروەھا پەرلەمانی تورکیاش پشتیوانی بەردەوامی ئۆپراسیۆنەکان دەکات لە دەرەوەی سنورەکانی وڵاتەکەی.
ژووری ھەڵبژاردنی گۆڕان لە راگەیەندراوێکدا ئاماژەی بۆ ئەوەکردووە، بەپێی بڕیار و ڕاسپاردەی کۆبونەوەی جڤاتی نیشتمانی و جڤاتی گشتی، بزوتنەوەی گۆڕان لە رۆژانی شەممە و یەکشەممە بە دروشمی (گۆڕان بەرەو قۆناغێکی نوێ بۆ ڕووبەڕووبوونەوەی ئاڵنگارییەکان) دووەمین کۆنفرانسی نیشتمانی لە گردی زەرگەتەی شاری سلێمانی سازدەکات.
بەپێی زانیارییەکان نزیکەی ٩٠٠ ئەندام بەشداری کۆنفرانسەکە دەکەن و کۆمیسیۆنی ھەڵبژاردنی عێراقیش چاودێری کارەکانی دەکات، لە یەکەم رۆژی کۆنفرانسەکەدا راپۆرتی لیژنەکان دەخرێتە روو، لە دووەم رۆژیشدا راپۆرتەکان دەخرێنە دەنگدانەوە.
ھاوکات چۆمان محەمەد وتەبێژی دووەمین کۆنفرانسی نیشتمانی بزوتنەوەی گۆڕان رایگەیاندووە، بە پێچەوانەی لایەنە سیاسییەکانی تری ھەرێم و عێراق، لە رۆژی کۆنفرانسی بزوتنەوەی گۆڕان ھەڵبژاردن ئەنجام نادرێت، بەڵکو ئامانجی کۆنفڕانس بەشێکی بۆ ھەڵسەنگاندنی کارەکانی رابردووە لەگەڵ بەدواداچوون بۆ بڕیارەکانی جڤاتی نیشتمانی و پێداچوونەوە بە ھەیکەلیەتی رێکخراوەیی بزوتنەوەی گۆڕان و پێداچونەوە بە بەرنامە سیاسی بزوتنەوەکە.
د. نەرمین مەعروف ئەندامی لیژنەی دارایی لە ئەنجومەنی نوێنەرانی عێراق بە کوردسات نیوزی راگەیاند، حکومەتی عێراق لە ٢٠ بۆ ٢٥ مانگ مووچەی فەرمانبەران دابەش دەکات، چاوەڕوان دەکرێت لەو ماوەیەشدا ئەو بڕە پارەیە رەوانەی ھەرێم بکرێت و مووچەی فەرمانبەرانی ھەرێمیش دابەش بکرێت.
لەبارەی پڕۆژەی ھەموواری یاسایی بودجەی عێراق، نەرمین مەعروف دەڵێت، تا ئێستا پڕۆژەکە لە ئەنجومەنی وەزیران دەنگی لەسەر نەدراوە، چاوەڕوان دەکرێت لە کۆبونەوەی رۆژی سێشەممە ئەنجومەنی وەزیران پڕۆژەی ھەموارەکە پەسەندبکات، دواتر بە نوسراوە رەوانەی ئەنجومەنی نوێنەرانی بکات بۆ ئەوەی دەنگی لەسەر بدرێت.
بەڕێوەبەرایەتی ھاتوچۆی سلێمانی رایگەیاند، ئاگاداری سەرجەم شۆفێران دەکات کە لە رۆژی سێشەممەی داھاتوو کە دەکاتە ٢٣ی ئەم مانگە کاتژمێر ١٠ی بەیانی کامێرا جێگیرەکانی ناو سنووری پارێزگای سلێمانی دەکەونە کار بۆ تۆمارکردنی سەرپێچی خێرایی.
داوا لەسەرجەم شۆفێرانی دەکات پابەندی خێرایی دیاریکراوان بن کە لەسەر شەقامەکان بۆیان دیاریکراوە بەپێی ھێما و تابلۆکانی ھاتووچۆ.
دەشڵێت، ئەم کامێرایانە سیستەمی پۆینت تو پۆینت نین و بە سیستەمی یەک خاڵ خێراییەکان تۆمار دەکات.
بەپێی راپۆرتێکی کۆمیتەی پاراستنی ڕۆژنامەنووسان (سی پی جەی)، ھەرێمی کوردستان ھاوشێوەی میسر، سعودیە، مەغریب لەم ساڵانەی دواییدا بەکارھێنانی ھەواڵی ناڕاست، تیرۆر و تۆمەتی دژە دەوڵەتی لە دژی رۆژنامەنووسان فراوانتر کردووە.
ئاماژە بەوەشکراوە، لەسەر ئاستی رۆژھەڵاتی ناوەڕاست میسر خراپترین وڵاتە بۆ زیندانیکردنی ڕۆژنامەنووسان و ھاوشێوەی تورکیا، پلەی ھەشتەمی لە جیھاندا گرتووە بە دەستگیرکردنی ١٣ رۆژنامەنووس و سعودیە لە ریزبەندی نۆیەمدایە بە دەستگیرکردنی ١٠ رۆژنامەنووس.
ئاشکراشیکرد، لە ئێستادا تۆمەتبار بە بڕیاری دادوەر و بەپێی ماددەی ٤٤٦ لە یاسای سزادانی عیراقی راگیراوە و دانی ناوە بەتاوانەکەیدا .
غەریب ئەحمەد، ئەندامی فراکسیۆنی یەکێتی لە ئەنجومەنی نوێنەران بە کوردسات نیوزی راگەیاند، وەک فراکسیۆنە کوردستانییەکان و ژمارەیەک پەرلەمانتاری فراکسیۆنەکانی دیکە، لەسەر ھێرشەکەی ھەولێر داوای کۆبوونەوەیەکی نائاسایی ئەنجومەنی نوێنەرانیان کردووە.
ھاوکات دارا سێکانیانی، ئەندامی فراکسیۆنی یەکگرتوو لە ئەنجومەنی نوێنەران بە کوردسات نیوزی راگەیاند، ھەرچەندە زیاتر لە ٥٨ پەرلەمانتار ئیمزایان لەسەر یاداشتەکە کردووە، بەڵام بەھۆی ھەڵنەبژاردنی سەرۆکی ئەنجومەنی نوێنەران، ئەنجومەنەکە ناتوانێت بەخێرایی دانیشتنێکی نائاسایی سازبکات.
تائێستا سەرۆکایەتی ئەنجومەنی نوێنەران وەڵامی یاداشتەکەی بە رەزامەندی یان رەتکردنەوە نەداوەتەوە، بەڵام حکومەتی عێراق لەسەر ھێرشەکەی ھەولێر لە ئەنجومەنی ئاسایش، سکاڵای لەسەر ئێران تۆمارکردووە.
ئەمریکا: لە ھێرشەکەی ئێراندا بۆسەر ھەولێر ھیچ ناوەندێکمان زیانی پێنەگەیشتووە
کونسوڵخانەی ئەمریکا لە ھەرێم لە راگەیەنراوێکدا باسی لەوەشکردووە، بە توندی ئیدانەی ھێرشە "پڕتوندوتیژی و بێماناکان"ی ئەم دواییەی ئێران دژی ھاوڵاتیانی مەدەنیی ھەرێمی کوردستان و ھێرشە درۆنیە بەردەوامەکانی سەرتاسەری ناوچەکە دەکات و سەرەخۆشی ئاڕاستەی کەسوکاری قوربانیەکانیش دەکات.
ئەوەشی خستوەتەڕو، ئیدانەی پێشێلکردنی ئاشکرای سەروەریی عێراق لە لایەن ئێرانەوە دەکات و جەختیش دەکاتەوە کە لەو ھێرشەدا ھیچ ناوەندێکی ویلایەتە یەکگرتووەکانی ئەمریکا زیانیان بەرنەکەوتوون.