کوردستان
رێکخراوی ھەنگاو بۆ مافەکانی مرۆڤ بڵاویکردەوە، رۆژی یەکشەممە ھێزە ئەمنییەکانی ئێران لە میترۆی شەھۆدا لە تاران ھێرشیانکردووەتە سەر کچێکی تەمەن ١٦ ساڵ بە ناوی "ئارمیتە گەڕاوەند"، بە بیانووی ئەوەی پابەندی باڵاپۆشی نەبووە و بەشێوەیەکی دڕندانە لێیانداوە.
ئەو کچە خەڵکی کرماشانە و دانیشتووی تارانە و لەئێستادا لە ھۆش خۆی چووە و لە نەخۆشخانەی فەجر لە کۆمادایە.
سەرچاوەیەکی ئاگاداریش رایگەیاندووە، ھێزێکی ئەمنی زۆر لەو نەخۆشخانەیە جێگیرکراون و رێگە بە سەردانی کەسوکارەکەشی نادەن، ھەروەھا ئەو رۆژنامەنووسەی کە بۆ راپۆرت سەردانی نەخۆشخانەکەی کردبوو لەلایەن ھێزە ئەمنییەکانەوە دەستبەسەرکرا و دوای سەعاتێک ئازادکرا.
لە بەرامبەردا میدیاکانی سەر بە حکومەتی ئێران ھۆکاری لەھۆشچوونی ئەو کچە بۆ نزمی پەستانی خوێنی دەگەڕێننەوە و ھەموو ھەواڵێک سەبارەت بە بەرکەوتنی زەبر و لێدانی رەتدەکەنەوە، بەڵام چالاکوانان و رۆژنامەنووسان ھۆشداریدەدەن لە دووبارەبوونەوەی سیناریۆی گیانلەدەستدانی ژینا ئەمینی لە ساڵی رابردوودا.
محەمەد ئەمین، نوێنەری جوتیارانی سەرگەڕان بە کوردسات نیوزی راگەیاند، سوپای عێراق ب ەبەردەوامی رێگری لە جوتیارانی پێنج گوندی کوردنشینی سەرگەڕان دەکات کە کاری کشتوکاڵی لە زەوییەکانیاندا ئەنجام بدەن.
وتیشی، ھەر کەسێک کاری کشتوکاڵی ئەنجام بدات لەلایەن ھێزەکانی سوپای عێراقەوە دەستگیردەکرێت.
نوێنەری جوتیارانی سەرگەڕان ئاماژەی بەوەشکرد، ئەو ھێزەی سوپای عێراق سەر بەفیرقەی ھەشتن و لەژێر فەرمانی فەرماندەیی ئۆپراسیۆنەکانی کەرکوکدان، چەند رۆژێک لەمەوبەریش ھەمان ھێز جوتیارێکی کوردیان لە گوندی پەڵکانە بۆ ماوەی چوار رۆژ دەستگیرکردبوو، دوای ئەوەی لەلایەن عەرەبە ھاوردەکانەوە سکاڵای لەسەر تۆمارکرابوو.
مامۆستایانی وانەبێژ لە بەردەم بەڕێوەبەرایەتییەکانی پەروەردەی سلێمانی و رانیە و چەمچەماڵ گردبوونەوە و ئاماژەیان بەوەکرد، راگەیەنراوەکەی دوێنێی وەزارەتی پەروەردە چارەسەری تێدا نییە و ئەوان تا نەکرێن بە مامۆستای ھەمیشەیی و مووچەی مانگەکانی تەمموز و ئابیان بۆ خەرجنەکرێت، ناگەڕێنەوە بۆ ھۆڵەکانی خوێندن.
باس لەوەشدەکەن، لە خەباتی مەدەنی بەردەوام دەبن و ئەگەر ئەم بێ وەڵامییەی حکومەتی ھەرێم بەردەوامبێت، لە خۆپیشاندانەکانی داھاتوو خێمە ھەڵدەدەن و مانگرتن رادەگەیەنن.
دوێنێ وەزارەتی پەروەردەی ھەرێم رایگەیاند، بەڕێوەبەرایەتییەکانی پەروەردەی ئاگادارکردووەتەوە کە بە زووترین کات دەوام لە قوتابخانەکان دەستپێبکەنەوە، چونکە دەرئەنجامەکانی بایکۆت لە ساڵانی ڕابردوو زیانی ھەبووە و ھیچ بوارێکیش نییە گۆڕانکاری لە ساڵنامەی خوێندن بکرێت.
دەقی پەیامەکە...
پێخۆشحاڵ بووین بە سەرکەوتنی کۆنگرەکەتان وھەڵبژاردنەوەی جەنابتان وەک سەرۆکی یەکێتی ھیوادارین ھەڵبژاردنەوەی بەڕێزتان ببێتە مایەی ڕێکخستنەوەی زیاتری ناو ماڵی کورد و گەشەکردنی زیاتری کوردستان و باشترکردنی ژیانی خەڵک.
ھەروەھا باشکردنی زیاتری پەیوەندییەکانی یەکێتیی نیشتمانیی و بزووتنەوەی ئیسلامی بۆ خزمەت بە وڵات و گەلەکەمان.
زێدان محەمەد ئەمین برای گۆھداری زێباری رایگەیاند، ئەمڕۆ گۆھدار پەیوەندی پێوەکردوون و پێی راگەیاندوون کە لە ئاسایشی ھەولێرەوە گواستراوەتەوە بۆ چاکسازی گەورانی ھەولێر.
ئەوەش لەکاتێکدایە کە رۆژی ١ی ئەم مانگە دادگای کەتنی ھەولێر بۆ جاری سێیەم سزای شەش مانگ زیندانی دیکەی بەسەر رۆژنامەنووس گوھدار زێباریدا سەپاندا و تۆمەتباری کرد بە ھەڵگرتنی چەک، لەکاتێکدا بڕیاربوو لە رۆژی ١٦ی ئابی رابردوو و لەدوای نزیکەی سێ ساڵ زیندانی ئازادبکرێت.
گوھدار زێباری لە رۆژی ٢٢ی تشرینی یەکەمی ساڵی ٢٠٢٠ لەگەڵ چوار چالاکوان و رۆژنامەنووسی دیکەی بادینان بەتۆمەتی “سیخوڕیی و ئاژاوەگێڕی” دەستگیرکران و بە شەش ساڵ زیندانیکردن سزادران، بەڵام دواتر بە فەرمانێکی سەرۆکایەتی ھەرێم سزاکەیان بەڕێژەی ٦٠% کەمکرایەوە، بەو پێیەش بڕیاربوو لە ١٦ی ئاداری ئەمساڵ ئازادبکرێت، بەڵام بەھۆی گۆڕینی لۆگۆی ئۆتۆمبێلەکەی بۆ جارێکی دیکە سزای پێنج مانگ زیندانیکردنی دیکەی بەسەردا سەپێندرا.
دەقی پەیامەکەی مەکتەبی سیاسیی پارتی....
بۆ/ بەڕێز بافڵ جەلال تاڵەبانی، سەرۆکی یەکێتیی نیشتمانیی کوردستان.
بەڕێزان ئەندامانی سەرکردایەتی یەکێتیی نیشتمانیی کوردستان.
سڵاوێکی گەرم
بەبۆنەی کۆتایی ھاتنی کۆنگرەی پێنجەمی حزبتان و ھەڵبژاردنی بەڕێزتان بە سەرۆک و ھەڵبژاردنی ئەندامانی سەرکردایەتی پیرۆزباییتان لێ دەکەین و ھیوادارین ئاکام و بڕیارەکانی کۆنگرەکەتان خاڵی وەچەرخان بێت بۆ پتەوکردنی پەیوەندییەکان و خزمەتی بەرژەوەندییە باڵاکانی نەتەوە و نیشتیمان.
مەکتەبی سیاسیی
پارتی دیموکراتی کوردستان
دەقی پەیامەکە...
بۆ بەرێز/ بافڵ جەلال تاڵەبانی سەرۆکی یەکێتیی نیشتمانیی کوردستان
دوای سڵاو و رێز
بەناوی خۆم و تەواوی ئەندامانی مەکتەبی سیاسی و سەرکردایەتی پارتی پارێزگارانی کوردستان پیرۆزبایی سەرکەوتنی کارەکانی کۆنگرەی پێنجەم و ھەڵبژاردنەوەی بەرێزتان بە سەرۆکی یەکێتیی نیشتمانی کوردستان-تان لێ دەکەم، ئومێدەوارم ئەرکی بەرێزتان لە داھاتوودا کارکردن بێت بۆ پاراستنی دەستکەوتە مەزنەکانی نەتەوەکەمان شان بەشانی سەرجەم لایەنەکان و درێژەدانبێت بە بەرفراوانتکردنی پانتایی دیموکراسی و ئازادی رادەربڕین، کە سیمانی ھەرەجوان و زیندووی یەکێتیی نیشتمانیی کوردستان بووە ھەر لەسەرەتای دامەزراندنییەوە.
سەرکەوتنی بەرێزتان و یەکێتیی نیشتمانیی کوردستان بەندە بە سەرکەوتنی یەک ئیرادەیی لە بڕیاردانی دەستەجەمعی لایەنەکان و یەکبوونی گووتاری کوردی، لەم نێوەندەشدا داواتان لێدەکەم کە رێچکەی سەرکردەی ھەمیشە زیندوو و رێبازی چەپکە گوڵەکەی جەنابی (مام) بکەنە پێوەری کارکردن بۆ یەکڕیزی نێو ماڵی کورد و پێکەوەژیان بۆ سەرخستنی سەرجەم پرسەکان.
لەکۆتاییدا دووبارە بەناوی خۆم و تەواوی ئەندامانی حزب پیرۆزبایی ھەڵبژاردنەوەی بەرێزتان بە سەرۆکی یەکێتیی نیشتمانیی کوردستان لێدەکەم و ھاوتەبایی و برایەتی خۆشمان بەم بۆنەیەوە دووپاتدەکەکەمەوە.
نجات سورچی
سەرۆکی پارتی پارێزگارانی کوردستان
فەرمانگەی راگەیاندنی ئەنجومەنی نوێنەرانی عێراق لە راگەیەندراوێکدا کارنامەی کۆبوونەوەی سبەی ئەنجومەنی نوێنەرانی بڵاوکردەوە و بەپێی کارنامەکەش کۆبوونەوەکە لە یەک بڕگە پێکھاتووە، کە میوانداریکردنی نوێنەری حکومەتە بۆ وەڵامدانەوەی سەرنج و تێبینییەکانی ئەندامانی ئەنجومەنی نوێنەران و دانانی میکانیزمێک بۆ بەھێزکردنی رۆڵی چاودێری بەپێی دەستوور.
لەماوەی رابردوودا، چەند جارێک پرۆژەیاسای بە پارێزگابوونی ھەڵەبجە خرایە کارنامەی کۆبوونەوەی ئەنجومەنی نوێنەرانەوە بۆ ئەوەی بە کۆی دەنگی پەسەندبکرێت و ھەڵەبجە ببێتە ١٩ ھەمین پارێزگای عێراق، بەڵام ھەر جارە و بە پاساوێک دەنگدان لەسەر پرۆژەیاساکە دواخرا.
وتەبێژی وەزارەتی گواستنەوەی ھەرێم رایگەیاند، دابەزینی پلەکانی گەرما بەردەوام دەبێت و لە رۆژانی نزیکی داھاتووشدا، لە ناوەندی شارەکان و ناوچە شاخاوییەکان بارانبارین دەستپێدەکات.
دیلان رەشاد وتەبێژی وەزارەتی گواستنەوە و گەیاندنی ھەرێم بە کوردسات نیوزی راگەیاند، لە چەند رۆژی رابردوودا پلەکانی گەرما لە ھەرێمی کوردستان ٦ پلە دابەزیوون و پێشبینیدەکرێت لە دوو رۆژی داھاتوودا پلەکانی گەرما ٢ پلەی دیکەش ڕوو لە دابەزین بکەن.
وتیشی، بەھۆی دابەزینی پلەکانی گەرماوە، پێشبینیدەکرێت لە رۆژانی داھاتوودا بارانی بە لێزمە لە ناوچە شاخاوییەکان و بارانی پچڕپچڕ لە ناوەندی شارەکان ببارێت.
دەقی پیرۆزباییەکە...
ئەم کۆبوونەوەیە بە دەرفەت دەزانم بۆ ئەوەی پیرۆزبایی خۆمان پێشکەش بە بەڕێز بافڵ تاڵەبانی بکەین کە بە سەرۆکی یەکێتیی نیشتمانیی کوردستان ھەڵبژێردرایەوە،
ھەروەھا پیرۆزبایی لە ئەنجوومەنی سەرکردایەتی، ئەندام و لایەنگرانییشیان دەکەین.
ھیوادارین بەردەوامبن لەسەر کاری نیشتمانی بە ھەمان رۆحیەت و رێبازی خاوەنی ئەم یادە (سەرۆک مام جەلال) کە بناغەکەی داڕشتوو.
ئەنجومەنی وەزارەتی پەروەردەی ھەرێم لە راگەیەنراوێکدا سەبارەت بە بەردەوامی بایکۆتی دەوامی مامۆستایان رایگەیاند، مووچە مافێکی بنەڕەتی مامۆستایان و فەرمانبەرانە، ھەموو لایەکیش رەوشی دارایی ئێستای کوردستان و ھۆکارەکانی دروستبوونی ئەو رەوشە دەزانن.
دەشڵێت، زیاتر لە دوو ھەفتەیە دەوامی ناوەندەکانی خوێندن دەستیپێکردووە، لە ھەندێک ناوچە دەوام نەکراوە، داواش لە مامۆستایان دەکات ھەرچی زووترە دەستبە پرۆسەی پەروەردە و فێربوون لەو ناوچانە بکرێتەوە، چونکە دەرئەنجامەکانی بایکۆت لە ساڵانی ڕابردوو زیانی ھەبووە و ھیچ بوارێکیش نییە گۆڕانکاری لە ساڵنامەی خوێندن بکرێت.
وەزارەتەکە ھەروەھا ھەموو بەڕێوەبەرایەتی گشتیی پەروەردە پەیوەندیدارەکان ئاگادار دەکاتەوە، بە زووترین کات دەستبکرێتەوە بە دەوام لە ناوەندەکانی خوێندن.
دەقی پەیامەکە...
ئاژانسی رۆیتەرز لە زاری بەرپرسێکی عێراقییەوە گواستییەوە، دانووستانەکان بۆ دووبارە دەستپێکردنەوەی نەوتی عێراق لە ڕێگەی ئەو بۆریانەوەی کە بە تورکیادا تێدپەڕن ھێشتا بەردەوامە.
وتیشی، بەمزووانە کۆبوونەوەی دیکەیان دەبێت لەگەڵ تورکیا و ئەو کات ڕوون دەبێتەوە کە ئاخۆ تورکیا چەندە جدییە لە نواندنی نەرمیدا.
بەرپرسەکەی حکومەتی عێراق دەشڵێت، ئەوان لە ناوەڕاستی دانوستانەکاندان و دەستپێکردنەوەی ھەناردەکردنی نەوت بەندە بەوەی تا چەندێک ئەنجامی ئەرێنی لە بارەی ئەو کێشانەوە بەدەستدەھێنن. لەگەڵ ئەوەی کە ئایا تورکیا دەیەوێت دەستبەرداری داواکارییەکانی ببێت و ھیچ مەرجێکی پێشوەختی نەبێت.
بەپێی ئاژانسەکە، رەنگە سەرۆکی تورکیا لە مانگی ئۆکتۆبەردا سەردانی بەغداد بکات بۆ چارەسەرکردنی کێشەکان لەو بارەیەوە.
ئەوە لەکاتێکدایە، دوای زیاتر لە شەش مانگ لە راگیرانی ھەناردەی نەوتی ھەرێم، رۆژی دووشەممە بۆ یەکەمجار تورکیا ئامادەیی خۆی نیشاندا بۆ دەستپێکردنەوەی ھەناردەی نەوتی ھەرێم و ئاڵپئەرسڵان بایراکتار وەزیری وزە و سەرچاوە سروشتییەکانی تورکیا رایگەیاند، کار بۆ ئەوەدەکەن لەم ھەفتەیەدا ھەناردەی نەوت دەستپێبکەنەوە.
دەقی پەیامەکە...
بەڕێزان سەرۆک و سەرکردایەتی یەکێتیی نیشتمانیی کوردستان:
بە بۆنەی سەرکەوتنی کۆنگرە و دەستنیشانکردنی سەرکردایەتی نوێی یەکێتی، پیرۆزبایی لە ئێوە و ھەموو ئەندام و لایەنگرانی حیزبە تێکۆشەرەکەتان دەکەم.
ھیوادارم قۆناغێکی نوێ لە خزمەتی گەل و نیشتمان دەست پێ بکەن و ھەنگاوەکانتان بۆ یەکڕیزی و تەبایی و پەرەپێدان بە دەستکەوتەکان و پاراستنی نیشتمان و بەرژەوەندییە باڵاکانی خاک و خەڵکی کوردستان چڕتر بکەن و ھەروەھا ھەماھەنگی و پشتیوانیتان بو جێبەجێکردنی پلان و بەرنامەکانی حکومەت زیاتر بکەن.
مەسرور بارزانی
سەرۆکی حکومەتی ھەرێمی کوردستان
٢٠٢٣/١٠/٣
محەمەد بازیانی وتەبێژی بزوتنەوەی پەیوەندی ئیسلامی کوردستان بە رۆژنامەنوسانی راگەیاند، دوای دوو ساڵ لە ناکۆکی لەگەڵ باڵی عیرفان عەلی عەبدولعەزیز نەگەیشتن بە رێککەوتن، بۆیە ئەمڕۆ حزبێکی نوێیان راگەیاند.
وتیشی، حزبەکەیان بەشداری لە ھەڵبژاردنەکانی داھاتووی ھەرێم و عێراق دەکات، باوەڕیشیانوایە ئەوان خاوەنی راستەقینەی بزوتنەوەی ئیسلامین.
ھاوکات ئەمڕۆش بزوتنەوەی ئیسلامی کوردستان باڵی عیرفان عەلی عەبدولعەزیز گەڕی دووەمی کۆنگرەی دامەزراندن ئەنجام دەدات و سەرلەنوێ رابەر و ئەنجومەنی شوورا ھەڵدەبژێرێتەوە.