ڕاپۆرت
بانکی ناوەندیی عێراق روونکردنەوەیەکی لەبارەی دابەزینی بەھای دینار بەرامبەر دۆلار بڵاوکردەوە و رایگەیاند، ھەوڵی دابەزینی زیاتری بەھای دینار بەرامبەر دۆلاری ئەمریکی ناڕاستە، چونکە ئەو بەھایەی کۆتاییەکانی ساڵی رابردوو بۆ دینار بەرامبەر دۆلار دیاریکرا، لەسەر بنەمای ھەڵسەنگاندنی رەوشی ئابووری و دارایی و بەئامانجی سیاسیەتی نەقدی بوو.
کۆتاییەکانی ساڵی ٢٠٢٠ بە بریاری بانکی ناوەندی، بەھای دینار بەرامبەر دۆلار لە ١٢٠ ھەزار دینارەوە گەیشتە ١٤٥ ھەزار دینار و دواتریش لە بودجەی ئەمساڵدا، بەھای دینار بەرامبەر دۆلار بە ١٤٦ ھەزار دینار جێگیرکرا،
ئەو روونکردنەوەی بانکی ناوەندی دوای ئەوەدێت، چەند رۆژی رابردوو لە بازاڕەکانی ھەرێمی کوردستان و عێراق، بەھای دینار بۆ ١٥٠ ھەزار بەرامبەر ١٠٠ دۆلار دابەزی، لەوبارەیەوە شیروان میرزا ئەندامی لیژنەی دارایی ئەنجومەنی نوێنەرانی عێراق وتی، دابەزینی زیاتری دینار کاریگەری لەسەر بژێوی خەڵک دەبێت و ئەگەری بەرزبوونەوەی نرخی کاڵا و شتومەکی لێچاوەڕوان دەکرێت، شیروان میرزا بە کوردسات نیوزی رایگەیاند، چاودێری رەوشەکە دەکەن و ئەگەر بەھای دینار زیاتر دابەزێت، وەک ئەنجومەنی نوێنەران "مستەفا غالب" پارێزگاری بانکی ناوەندی بانگھێشت دەکەن.
لە چوارچێوەی نیگەرانییەکان لە بەھای دینار بەرامبەر دۆلار، عەمار تەعمە سەرۆکی کوتلەی نەھجی وەتەنی، ھۆشداریدا لە دابەزینی زیاتری دینار بەرامبەر دۆلار و رایگەیاند، ھەر دابەزینێک لە بەھای دینار لە بەرژەوەندی بانکە قۆخکارەکان و داھاتیان زیاددەکات و لەکاتی ئاڵوگۆری دینار و دۆلاردا قازانج دەکەن.
لەگەڵ چاوەڕوانییەکان بۆ دەستپێکردنەوەی شەشەمین خولی دانوستانەکانی "ڤییەنا" لە چەند ڕۆژی داھاتوودا بۆ گەیشتن بە ڕێککەوتنی کۆتایی لەسەر دۆسیەی ئەتۆمی ئێران، "جیک سولیڤان" ڕاوێژکاری ئاسایشی نەتەوەیی ئەمریکا ڕایگەیاند، ئیدارەکەیان لە قورسی دانوستانی ئەتۆمی لەگەڵ "ئێران" کەم ناکاتەوە، چونکە پێشتر پێیدا تێپەڕیون.
وتیشی، ئێرانییەکان دەیانەوێت بەردەوامی بە دانوستانەکان بدەن لە پێناو گەیشتن بە ئەنجام، بەڵام ئەگەر بزانن نیازپاکی نانوێنێت، مافی خۆیانە ھەنگاوی تر بنێن.
لێدوانەکانی "سولیڤان" دوای لێدوانێکی "ویندی شیرمان" جێگری وەزیری دەرەوەی ئەمریکا دێت کە وتبووی، ھەرچەندە پێشکەوتنی بەرچاو بەدیھاتووە، بەڵام ھەڵبژاردنی سەرۆکایەتی ئێران دانوستانەکانی "ڤییەنا"ی ئاڵۆز کردووە.
لە لایەکی ترەوە، فەڕەنسا و ئەڵمانیا و بەریتانیا ڕاگەیەندراوێکی ھاوبەشیان بڵاوکردووەتەوە و داوایان لە ئێران کردووە لەگەڵ ئاژانسی نێودەوڵەتی وزەی ئەتۆم ھەماھەنگی بکات و ھەموو ئەو کارانە ڕابگرێت کە پێچەوانەی ڕێککەوتنە ئەتۆمییەکەن، نیگەرانیشیان دەربڕی لەو کۆت و بەندانەی خراوەتە سەر کارەکانی ئاژانسەکە لە "تاران"، ھەر سێ وڵاتەکەش پابەندبوونیان بە دانوستانەکانی "ڤییەنا" دووپاتکردەوە.
دانوستانەکانی ڤییەنا لە مانگی نیسانی ئەمساڵەوە دەستیپێکردووە و ٥ خولی تەواو کردووە، بەڵام ھێشتا نەتوانراوە ئاستەنگەکانی بەردەم بوژانەوەی ڕێککەوتنەکە تێبپەڕێندرێن، "ئێران"یش مەرجی پابەندبوون بە ڕێککەوتنەکە دەبەستێتەوە بە ھەڵگرتنی تەواوی سزا سەپێندراوەکان لەسەری.
سەرۆکی کۆمەڵەی کرێنشینانیش دەڵێت، ئەو بڕیارە بە ھیچ جۆرێک خاوەن پڕۆژەکانی ناچار نەکردووە بۆ جێبەجێکردنی، بۆیە دەکرێت ژمارەیەکی زۆر لە خاوەن پڕۆژەکان بەو بڕیارەوە پابەند نەبن.
لێپرسراوی پەیوەندییەکانی ژووری بازرگانی و پیشەسازی سلێمانیش دەڵێت، شەقامی سەد مەتری یەکێکە لە پڕۆژە گرنگ و ستراتیژییەکان و ڕۆڵی گەورەی دەبێت لە پەرەپێدانی ئاڵوگۆڕی بازرگانی و ڕەخساندنی ھەلی کار.
تیمێکی بەڕێوەبەرایەتی چاودێری کۆمەلایەتی سلێمانی سەردانی شوێنەکەیان کردووە، بەڵێنیانداوە ھاوکاری ئەو کەسە بکەن و لە خانەی بەساڵاچووان ھەموو خزمەتگوزارییەکی بۆ دابین بکەن.
ھاووڵاتیانیش ئاماژە بۆ ئەوەدەکەن، گرنگی بە لایەنەکانی گەشتیاری و کشتوکاڵ و بونیادتنانی کارگەی بچوک نەدراوە، کە ھۆکارن بۆ ڕەخساندنی ھەلی کار بە تایبەتی بۆ دەرچووانی زانکۆ و پەیمانگەکان.
جوتیارانی گوندی خاڵۆبازیانی دەڵێن ساڵانە بەرھەمی قەیسی گوندەکەیان ڕەوانەی بازارەکانی کوردستان دەکەن و جۆری قەیسی ئەو گوندە تایبەتمەندی ھەیە و لە جۆرێکی خۆش و پڕ تامە.
شارەزایەکی بواری دەرمانی گیاییش دەڵێت خواردنی قەیسی بە سوودە و مرۆڤ لە چەندین نەخۆشی دەپارێزێت جگە لەوەی وەک میوەیەک چەندین جۆر فیتامین لەخۆ دەگرێت.
عەرەب و تورکمان ڕەخنە لەبڕیارەکەی کۆمسیۆن دەگرن و تۆمەتباریشی دەکەن بەوەی دەستی حزبی و نەتەوەیی لەپشت بڕیارەکەوەیە.
لێپرسراوی ھەڵبژاردنی یەکێتی لەکەرکوک دەڵێت بڕیارەکەی کۆمسیۆن بڕیارێکی ئیداریە و تۆمەتەکەی عەرەب و تورکمانیش دەچێتە خانەی بانگەشەی پێشوەختەی ھەڵبژاردنەوە.
