کوردستان
دەقی پرسەنامەکە...
بەڕێزان خانەوادەی ئیبراھیم نەقدیان
بەبیستنی ھەواڵی ماڵئاوایی یەکجارەکی ھونەرمەندی میوزیسیان (ئیبراھیم نەقدیان)، زۆر غەمباربووم.
بۆ کۆچی دوایی ئەم میوزیسیانەی بە دەست و پەنجەکانی ئاوازێکی پڕ چێژی دەبەخشیە ھەوادارانی، پرسە و سەرەخۆشی لەخۆتان و خانەوادەکەتان و ھەموو ھونەرمەندانی کوردستان ئەکەم و ھاوبەشی خەم و پەژارەتانم.
خوای گەورە لە کۆچکردوو خۆش بێت، وجێگەی بەھەشت بێت، سەبرو ئارامی بەھەمووان ببەخشێت.
شاناز ئیبراھیم ئەحمەد
دەقی پرسەنامەکە...
بەڕێزان خێزان و خانەوادەی کۆچکردوو ئیبراھیم نەقدیان
بەبیستنی ھەواڵی کۆچی دوایی ھونەرمەندی میوزیسیان (ئیبراھیم نەقدیان)، نیگەران و دڵگران بووم.
کۆچکردوو ژەنیارێکی بەسەلیقەی کەمان بوو کە سۆز و ئاوازێکی پڕ ھەستی دەدا بەگوێی ھەوادارانیدا و سەرنجی ھەمووانی بۆ خۆی رادەکێشا، کۆچکردنی جێگای داخە.
بۆ ئەم خەمە، پرسە و سەرەخۆشی لەخۆتان و خانەوادە و ئازیزانی و ھەموو ھونەرمەندانی کوردستان دەکەم، خوای گەورە لەکۆچکردوو خۆش بێت و جێگەی بەھەشت بێت، سەبوری و دڵنەواییش بەھەموو لایەک ببەخشێت.
انا للە وانا الیە راجعون
قوباد تاڵەبانی
لێپرسراوی مەکتەبی سکرتارییەتی سەرۆک مام جەلال
دەقی پرسەنامەکە...
بەڕێزان ھونەرمەندانی کوردستان
بەڕێزان خێزان و خانەوادەی کۆچکردوو توانا فەرەج
بەبیستنی ھەواڵی کۆچی دوایی (توانا فەرەج حەمە سێو)، نیگەران و دڵگران بووم.
کۆچکردوو ھونەرمەند و موزیسیانی ناسراوی کورد کاکە توانا فەرەج، ژەنیارێکی بەتوانابوو کە لەماوەی تەمەنیدا خزمەتێکی زۆری بوارەکەی کردووە و ھەمووکات ئاوازە پڕ ھەستەکانی دەدا بەگوێی ھەوادارانی موزیکی رەسەنی سلێمانی و ھەموو کوردستاندا، کۆچکردنی جێگای داخە.
بۆ ئەم خەمە، پرسە و سەرەخۆشی لەخۆتان و خانەوادە و ھاوڕێ و ئازیزانی و ھەموو ھونەرمەندانی کوردستان دەکەم، خوای گەورە لەکۆچکردوو خۆش بێت و جێگەی بەھەشت بێت، سەبوری و دڵنەواییش بەھەموو لایەک ببەخشێت.
انا للە وانا الیە راجعون
قوباد تاڵەبانی
لێپرسراوی مەکتەبی سکرتارییەتی سەرۆک مام جەلال
دەقی پرسەنامەکە...
بەڕێزان خانەوادەی توانا فەرەج
بەبیستنی ھەواڵی ماڵئاوایی یەکجارەکی ھونەرمەندی میوزیسیان (توانا فەرەج)، زۆر غەمباربووم.
بۆ کۆچی دوایی ئەم ھونەرمەندە بەتوانایەی سلێمانی، پرسە و سەرەخۆشی لەخۆتان و خانەوادەکەتان و ھەموو ھونەرمەندانی کوردستان ئەکەم و ھاوبەشی خەم و پەژارەتانم.
خوای گەورە لە کۆچکردوو خۆش بێت، وجێگەی بەھەشت بێت، سەبرو ئارامی بەھەمووان ببەخشێت.
شاناز ئیبراھیم ئەحمەد
پێشەوا ھەورامانی، وتەبێژی حکومەتی ھەرێم لە پەیامێکیدا لەسەر ھێرشەکەی کێڵگەی غازی کۆرمۆر ئاماژەی بەوەدا، ئەم ھێرشە تیرۆریستییە بۆ سەر ژێرخانێکی گرنگی وەک کارەبا کاریگەری راستەوخۆی دەبێت لەسەر ژیانی خەڵک و ئیش و کاروباری رۆژانەیان.
ئەوەشی خستەڕوو، وەکو حکومەتی ھەرێم داواکارن ھەموو لایەک ھاوکاری لیژنەی حکومەتی فیدراڵی بکەن بۆ دۆزینەوە و دەستگیرکردنی تیرۆریستان و سزادانییان و رێگری لە دووبارەبوونەوەی کردەوەی ھاوشێوە.
دەقی پرسەنامەکەی قوباد تاڵەبانی...
بەڕێزان خزمانی عەشیرەتی زیدکی
بەڕێزان خێزان و خانەوادەی کۆچکردوو لوقمان سمکۆ عبدی ئاغا زیدکی
بەبیستنی ھەواڵی کۆچی دوایی (لوقمان سمکۆ عەبدی ئاغا زیدکی)، نیگەران و دڵگران بووم.
کۆچکردوو کەسایەتیەکی دیاری کۆمەڵایەتی و تێکۆشەر و نیشتمانپەروەری بادینان و سەرۆک عەشیرەتی زیدکی بوو، کۆچکردنی جێگای داخە.
بۆ ئەم خەمە، پرسە و سەرەخۆشی لەخۆتان و خانەوادە و ھەموو خزمانی عەشیرەتی زیدکی ئەکەم، خوای گەورە لەکۆچکردوو خۆش بێت و جێگەی بەھەشت بێت، سەبوری و دڵنەواییش بەھەموو لایەک ببەخشێت.
انا للە وانا الیە راجعون
قوباد تاڵەبانی
لێپرسراوی مەکتەبی سکرتارییەتی سەرۆک مام جەلال
دەقی پرسەنامەکە...
بەڕێزان خزمانی زیدکی لە بادینان
بەداخێکی زۆرەوە ھەواڵی کۆچی دوایی (لوقمان سمکۆ عەبدی ئاغا زیدکی) کەسایەتیی دیاری دەڤەری بادینان و سەرۆک عەشیرەتی زیدکیمان پێگەیشت.
بۆ ئەم خەمە گەورەیە پرسە و ھاوخەمیی قووڵی خۆمان ئاڕاستەی ئێوە، کەسوکار و بنەماڵە سەربەرزەکەیان دەکەم کە رۆڵ و پێگەیان لە تێکۆشان، چاکەکاری و پاراستنی بەھا کۆمەڵایەتییەکان دیار و بەرچاوە.
لەخوای گەورە داواکارین کۆچکردوو بە بەھەشتی بەرین شادبکات و سەبووری بەھەموولایەک ببەخشێت.
دڵسۆزتان
بافڵ جەلال تاڵەبانی
سەرۆکی یەکێتیی نیشتمانیی کوردستان
مەسرور بارزانی، سەرۆکی حکومەتی ھەرێم لە پەیامێکدا ئیدانەی ھێرشەکانی سەر ھەرێمی کرد و ئاماژەی بەوەدا، ئەو ھێرشانەی دەکرێنە سەر ھەرێم، ھەوڵی دوژمنانە بۆ نەھێشتنی قەوارەی ھەرێم بەو باوەڕەی بە ھێرشەکان کوردستان ھەرەس دەھێنێت، بەڵام خەڵک و حکومەتی ھەرێم، ئیرادەیان زۆر لەوە بەھێزترە کە بە پیلان و ستەمکاری بشکێن، بەڵکو بەپێچەوانەوە ورەیان بەھێزتر دەبێت.
ئەوەشی خستەڕوو، گرنگە حکومەتی فیدڕاڵ ھەنگاوی کرداری بنێت بۆ کۆتاییھێنان بە مەترسیی ئەو گرووپە لەیاسادەرچووانە و دەبێت ئاسایشی ھەموو عێراق بە ھەرێمی کوردستانیشەوە بپارێزێت.
سەرۆکی حکومەتی ھەرێم داواشی لە وڵاتانکرد، رێوشوێنی پێویست بگرنەبەر و ھاوکاری مەیدانیان بکەن، بۆ ئەوەی ئاسایشی خەڵک و ئابووری و سەقامگیری سیاسی لە ھەرێمی کوردستان پارێزراو بێت و کۆتایی بەو ھێرشانەی سەر ھەرێم بھێنرێت.
ئیوارەی ئەمرۆ ھەینی ٢٦ ی ١ی ٢٠٢٤ ئاراس محەمەد ئاغا ئەندامی سەرکردایەتی یەکێتیی نیشتیمانیی کوردستان و لێپرسراوی مەڵبەندی حەوتی نەینەوا بەشداری کرد لە پرسەی لقمان سمکۆ ئاغا زیدکی، کەسایەتی دیاری بادینان و سەرۆک عەشیرەتی زیدکی.
لە میانەی بەشداری کردنی لە پرسەکە پەیامی ھاوخەمی بافڵ جەلال تاڵەبانی سەرۆکی یەکێتی نیشتیمانی کوردستان و قوباد تاڵەبانی لێپرسراوی مەکتەبی سکرتاریەتی سەرۆک مام جەلالی گەیاندە خانەوادە و تەواوی خزمانی عەشیرەتی زیدکی و ھیوای خواست دواناخۆشیان بێت و خوای گەورە کۆچکردووە بە بەھەشتی بەرین شاد بکات و سەبوری بنەماڵە تیکۆشەرەکەیان بدات .
شاکر واجد شاکر بەڕێوەبەری کۆمپانیای دانەغاز بە کوردسات نیوزی راگەیاند، تەواوی کێشە تەکنیکییەکانی کێڵگەی غازی کۆرمۆر چارەسەرکراون و بەرھەمھێنانی غاز لە کێڵگەکە دەستیپێکردووەتەوە.
پێشتریش وەزارەتی کارەبای ھەرێم ڕایگەیاندبوو، لەگەڵ چارەسەرکردنی کێشەکانی کێڵگەی غازی کۆرمۆر، کێشەی کەمبوونەوەی کارەباش چارەسەر دەبێت.
ھێرشەکەی سەر کێڵگەی غازی کۆرمۆر لەسەر ئاستی ناوخۆیی و نێودەوڵەتی کاردانەی لێکەوتووەتەوە و وڵاتان بە توندی ئیدانەی دەکەن، لەسەر بڕیاری سەرۆک وەزیرانی عێراقیش لیژنەیەکی لێکۆڵینەوە بۆ روداوەکە پێکھێندرا و بڕیارە لە ماوەی ٤٨ سەعاتدا وردەکارییەکانی ھێرشەکە بخاتەڕوو.
کۆمپانیای دانەغاز رایگەیاند، بەھۆی ھێرشەکەی شەوی رابردووەوە بۆ سەر کێڵگەی غازی کۆرمۆر، بەرھەمھێنانی غاز بەشێوەیەکی کاتی راگیراوە.
وەزارەتی سامانە سروشتییەکانی ھەرێمش ئاماژەی بۆ ئەوەکردووە، لەگەڵ کۆمپانیای دانەغاز لە کێڵگەی کۆرمۆر سەرقاڵی چارەسەرکردنی دەستپێکردنەوەی بەرھەمھێنانی غازن، لەگەڵ چارەسەرکردنی کێشەکەش بەرھەمھێنانی غاز بۆ وێستگەکانی کارەبا دەستپێدەکاتەوە.
وەزارەتی کارەبای ھەرێمیش دەڵێت، بەھۆی کەوتنەوەی ئاگرەکەوە لە کێڵگەکە، ھەناردەکردنی غاز بۆ وێستگەکانی بەرھەمھێنانی کارەبا راگیراوە.
بەھۆی ھێرشەکەی سەر کێڵگەی غازی کۆرمۆر، پشکی کۆمپانیای دانەغاز لە بازاڕی ئەبوزەبی ٣٪ی بەھاکەی لەدەستداوە و لەسەر رووداوەکەش، محەممەد شیاع سودانی، سەرۆکوەزیرانی عێراق بڕیاریدا لیژنەیەکی لێکۆڵینەوە لەسەر ھێرشکەکە پێکبھێندرێت و لە ماوەی ٤٨ سەعاتدا وردەکاریی رووداوەکە ئاشکرابکرێت.
بەڕێوەبەرایەتی پۆلیسی سلێمانی لە راگەیەندراوێکدا بڵاویکردەوە، دوای ئەوەی زانیارییان بەدەستگەیشت، کەسێک لە گەڕەکی ئاشتی شاری سلێمانی لەلایەن کەسێکەوە بریندارکراوە، دەستبەجێ مەفرەزەکانی بەشی پۆلیسی فریاکەوتنی سلێمانی گەیشتوونەتە شوێنی روداوەکە و تۆمەتبارەکەیان دەستگیرکردووە، کە برای بریندارەکە بووە.
ئەوەشی خستووەتەڕو، بریندارەکە گەیەندراوەتە نەخۆشخانە، بەڵام بەھۆی سەختی برینەکەیەوە گیانیلەدەستداوە.
پۆلیسی سلێمانی راشیگەیاندووە، تۆمەتبارەکە لەدایکبووی ساڵی ١٩٨٩ە، لەکاتی لێکۆڵینەوەکاندا دانی بەوەدا ناوە، لەسەر کێشەی میرات لەگەڵ براکەی بووەتە شەڕیان و کوشتوویەتی، لەئێستاشدا بە بڕیاری دادوەر و بەپێی ماددەی ٤٠٦ لە یاسای سزادانی عێراقی ڕاگیراوە و دەستیشگیراوە بەسەر چەکێکی جۆری دەمانچە، کە بە ناوبراو بووە.
لە دەستپێکی کۆبوونەوەکەدا کە رۆژی پێنج شەمە، ٢٥ی کانوونی دووەمی ٢٠٢٤ بەڕێوەچوو، گفتوگۆکرا لەبارەی گرنگیی کۆڕبەندی نێودەوڵەتیی سلێمانی بۆ کارسازی و داھێنان و چۆنییەتی کارکردن بۆ بەدیھێنانی ئامانجەکانی کۆڕبەندەکە.
جێگری سەرۆکوەزیران ئاماژەی بەوەکرد ئامانجمانە بۆ چارەسەرکردنی کێشەکانی حکومڕانی و گەشەپێدانی ئابوری و ھەموو کەرتەکانی دیکە وەبەرھێنان لەسەر عەقڵە داھێنەرەکان بکەین و بە ھەموو تواناشەوە پشتگیری کارسازان و بە تایبەتیش کارسازانی گەنج و گەنجە داھێنەرەکان دەکەین.
وتیشی، ئێمە لە ھەنگاوی سەرەتاداین و پێویستە سود لە ئەزمون و شارەزایی وڵاتانی دیکە وەربگرین و داواشیکرد لەمبارەیەوە ئەمریکا یارمەتیدەری سەرخستنی ئەم قۆناغە نوێیە بێت.
لە بەشێکی دیکەی کۆبوونەوەکەدا باسی پەیوەندییەکانی نێوان ھەرێم و بەغدا کرا، لەم چوارچێوەیەدا قوباد تاڵەبانی روونیکردەوە کە ھەنگاوی جدی نراو بەرەو چارەسەرکردنی کێشەی بودجە و گەشبینین کە لە ماوەیەکی نزیکدا ئەم کێشەیە بە یەکجاری چارەسەر بکرێت.
سەمیر ھەورامی لە لێدوانێکدا بۆ رۆژنامەنووسان رایگەیاند ، لە دوای بڕیارەکەی ئەنجومەنی وەزیرانی عێراق، وەزارەتی دارایی ٦١٨ ملیارەکەی ھەرێمی جێگیر کردووە.
وتیشی، ھەر کاتێک ھەمواری یاسای بودجە بەو شێوەیەی رێکەوتنی لەسەر کراوە لە ئەنجومەنی نوێنەران پەسەند بکرێت ، پرسی موچەی ھەرێم چارەسەر دەبێت.
سەبارەت بە دابەشکردنی موچەش رایگەیاند، ھەرکاتێک حکومەتی عێراق دەستیکرد بە دابەشکردنی مووچە، پارەکەی ھەرێمیش دەنێرێت و راستەوخۆ مووچەی فەرمانبەرانی ھەرێم دابەش دەکرێت .
وتیشی، دەبێت چارەسەری زیرەک بۆ کێشەکانی ئەمڕۆ بدۆزنەوە و چاوەڕێیە کۆبەندەکە ئەنجام و بڕیاری لێبکەوێتەوە.
قوباد تاڵەبانی دڵنیایشی دەربڕی لەوەی، بە وەبەرھێنان لە گەنج و داھێنەران و کارسازان و بە ئیرادەی بەھێز سەردەکەون بەسەر ئەو کێشانەی روبەڕووی ھەرێم دەبنەوە، جەختیشی کردەوە لەوەی دەبێت لە نەیاران زیرەکتر بین.
زانکۆی سلێمانی لە راگەیەنراوێکدا بڵاویکردەوە، لە رانکینی وێبۆمێتریکس، بە پشتبەستن بە ژمارەی سایتەیشنی توێژینەوەی توێژەران لە گوگڵ سکۆلەردا، کە ریزبەندی بۆ زانکۆکانی جیھان دەکات، لەمساڵدا زانکۆی سلێمانی پلەی یەکەمی لە ئاستی ھەرێمی کوردستان و چوارەمی لەنێو زانکۆکانی عێراق بەدەستھێناوە.
بەگوێرەی ریزبەندییەکەی گوگڵ سکۆلەر زانکۆی بەغداد لە ژمارەی سایتەیشنی توێژینەوەی توێژەراندا یەکەم زانکۆی عێراقە و زانکۆکانی موسڵ و موستەنسەریش پلەکانی دووەم و سێیەمی ھەمان ریزبەندییان بەدەستھێناوە.
لەکۆی ١٥ باشترین زانکۆی عێراقیش کە لە ریزبەندییەکەدا ناویان ھاتووە، دوو زانکۆیان لە ھەرێمی کوردستانن کە ئەوانیش بریتین لە زانکۆی سلێمانی و زانکۆی دھۆک.