شەوی ڕابردوو بەھۆی پەلامارێکی تیرۆریستانی داعش لە قەزای داقوق لە باشوری کەرکوک ٥ پۆلیس کوژران و سیانی تریش برینداربوون، بە پێی زانیارییەکان، لە ھێرشی یەکەمدا چەکدارانی داعش بە قەناس کامێرای چاودێری پۆلیسی فیدراڵییان شکاندووە و دواتر ژمارەیەک چەکدار ھێرشی دووەمیان کردووەتە سەر سەنگەرەکانی لیوای ٢٠ی فیرقەی ٥ی پۆلیسی فیدراڵی، لە ئەنجامدا ٥ پۆلیس کوژران و سیانی تریش برینداربوون، تەندروستی داقوقیش دەڵێت، تەندروستی بریندارەکان ناجێگیرە.

ئەوەش لە کاتێکدایە بەھۆی دروستبوونی بۆشایی ئەمنی لە ناوچە دابڕێنراوەکان، پەلامارە تیرۆریستییەکانی داعش لەو ناوچانە زیاتر بووە، بەو ھۆیەشەوە تا ئێستا ژمارەیەک لە ھێزە ئەمنییەکانی سوپا و پۆلیسی فیدراڵی بوونە قوربانی.

مەکتەبی سکرتاریەتی کۆمەڵەی خوێندکارانی کوردستان، نوسراوێکی ئاڕاستەی پەرلەمانی کوردستان و سەرۆکایەتی ئەنجومەنی وەزیران و ‎وەزارەتی پەروەردەی ھەرێم کردووە و ڕایگەیاندووە، ساڵانە لە پڕۆسەی پەروەردەدا ھەڵەی کوشندە و بە پلان ڕوودەدات، ئەمساڵیش لە پرسیاری تاقیکردنەوەی پۆلی ٩ی بنەڕەتیدا، ٣٣ نمرە لەسەر ژیاننامەی شاعیرێک ھاتووەتەوە، لە کاتێکدا لە پڕۆگرامدا ژیننامەی ٤ شاعیر خوێندراوە، ئەوەش بێ بایەخکردنی پڕۆسەکە و قورسترکردنی باری سەرشانی خوێندکاران و شێواندنی مێژووە بۆ ئامانجێکی دیاریکراو.

داواش دەکات، بە ڕەچاوکردنی ڕەوشی نەخوازراوی خوێندن و خوێندکاران، پێویستە بڕیاری داخڵ بوونی گشتی بدرێت و ھەموو خوێندکارانی ١٢ی ئامادەیی، بەشداربن لە تاقیکردنەوەی وزاری، لیژنەیەکیش لە پەرلەمان و وەزارەتی پەروەردە پێکبھێنرێت، بۆ چارەسەرکردنی کێشە کەڵەکەبووەکان.

"نەوزاد کامیل" بەڕێوەبەری گشتی لە وەزارەتی بازرگانی ھەرێمی کوردستان بە کوردسات نیوزی ڕاگەیاند، لە ئێستادا لە عێراق بەشەخۆراکی زیاتر دەدرێت بە خێزانە ھەژار و کەمدەرامەتەکان، کە لە ئێستادا ١٠ بەشە خۆرک لە ساڵێکدا دەدرێت بە خێزانەکان، بەڵام خێزانە کەمدەرامەتەکان ١٢ بەشە خۆراک وەردەگرن، وەزارەتی بازرگانی ھەرێمیش داوایکردووە ھاوشێوەی پارێزگاکانی تری عێراق بەشەخۆراکی زیاتر بدرێت بە خێزانە کەمدەرامەتەکانی ھەرێم.

وتیشی، لە ئێستادا وەزارەتی کاروباری کۆمەڵایەتی لیستێکی ئامادەکردووە بۆ دیاریکردنی خێزانە کەمدەرامەتەکان، لە ڕێگەی وەزارەتی بازرگانییەوە ئەو لیستە دەدرێت بە حکومەتی عێراق بۆ ئەوەی ھاوشێوەی پارێزگاکانی تر خێزانە کەمدەرامەتەکانی ھەرێمیش سودمەند بن لە وەرگرتنی بەشەخۆراکی زیاتر.

فراکسیۆنی یەکێتی لە پەرلەمانی کوردستان یاداشتێکی ناڕەزایی ئاڕاستەی سەرۆکایەتی پەرلەمانی کوردستان کرد، نوسراوێک کە سەرۆکی پەرلەمان ئاڕاستەی ئەنجومەنی وەزیرانی کردووە و تایبەتە بە یەکێک لە ئەرکە سەرەکیەکانی پەرلەمانتار، کە بەدواداچوونی لیژنە ھەمیشەییەکانی پەرلەمانە لەسەر پڕۆژەکانی نیشتەجێبوون و پڕۆژە خزمەتگوزارییە گشتییەکانی بواری بەڵێندەرایەتیی وەبەرھێنان.

 لە یاداشتەکەدا ھاتووە، ئەو نوسراوە جگە لەوەی ھیچ پاڵپشتیەکی پەیڕەوی ناوخۆی پەرلەمانی نییە، لە ھەمان کاتدا بە لێدان و کەمکردنەوە لە شکۆ و ئەرک و بەرپرسیاریەتی پیشەیی کاری پەرلەمانیی دەزانن، ئەو نووسراوە لە ژێر ھەر پاساو و ناوێکدا کرابێت، تەواو نایاساییە، داواش دەکات ئەو نووسراوە ھەڵبوەشێنرێتەوە.

فراکسیۆنی یەکێتی لە پەرلەمانی کوردستان جەختیشیکردووەتەوە، دەکرێت لە ڕێگەی پێکھێنانی لیژنەیەکی پەرلەمانیەوە، لێکۆڵینەوە و بەدواداچونی ورد بکرێت و لە چوارچێوەی پەیڕەوی ناوخۆی پەرلەماندا، سزای ھەر ئەندامێک بدرێت، ئەگەر پێگە و ناوی پەرلەمان و کاری پەرلەمانتاریی بە خراپ بەکارھێنابێت.

پەیامنێری کوردسات نیوز لە بەغداد ڕایگەیاند، لەسەر ڕاسپاردەی مستەفا کازمی سەرۆک وەزیرانی عێراق، ئەمینداریەتی گشتی ئەنجومەنی وەزیران نووسراوی خەرجکردنی ٢٠٠ ملیار دیناری بۆ ھەرێم ڕەوانەی وەزارەتی دارایی عێراق کردووە.

وتیشی، بە پێی نووسراوەکە لە ١/١/٢٠٢١ەوە تا ١/٦/٢٠٢١ مانگانە ٢٠٠ ملیار دینار وەک پێشینە ڕەوانەی ھەرێم دەکرێت و دواتر پاکتاو دەکرێت.

بە پێی ڕاگەیەندراوێکی وەزارەتی تەندروستی، لە ماوەی ٢٤ سەعاتی ڕابردوو لە ھەرێمی کوردستان ٥٧٠ کەسی تر تووشی ڤایرۆسی کۆرۆنا بوون و نۆ تووشبووی تری کۆرۆنا گیانیان لە دەستدا و ٤٩١ تووشبووی تری ڤایرۆسەکەش چاکبوونەتەوە.

ڕاگەیاندراوی ( ٢٤ ) کاتژمێری تایبەت بە نەخۆشی ڤایرۆسی کۆڕۆنای نوێ   COVID١٩                      ژمارە ( ٤٨٥ )  

١. پشکنین: ( ٧٥٢٣ پشکنینی نوێ) 
• ( ٧٥٢٣) ھەولێر
• ( ١٣١٨) سلێمانی
• ( ٣٢٥٩) دھۆک
• ( ٠) ھەڵەبجە
• ( ٢٥٦) گەرمیان
• ( ١٢٤) ڕاپەڕین

٢. تووشبوو: ( ٥٧٠ تووشبووی نوێ)
• ( ١٣٥) ھەولێر
• ( ١٩٥) سلێمانی
• ( ٢١٩) دھۆک
• ( ٠) ھەڵەبجە
• ( ١٧) گەرمیان
• ( ٤) ڕاپەڕین

٣. چاکبوون: ( ٤٩١ چاکبوون)
• ( ٩٦) ھەولێر
• ( ٢١٦) سلێمانی
• ( ١٧٧) دھۆک
• ( ٢) ھەڵەبجە
• ( ٠) گەرمیان
• ( ٠) ڕاپەڕین

٤.  ٤. مردن: ( ٩ مردن)
• ( ٠) ھەولێر
• ( ٤) سلێمانی
• ( ٠) دھۆک
• ( ٠) ھەڵەبجە
• ( ٣) گەرمیان
• ( ٢) ڕاپەڕین 

ئاماری گشتی:
کەرەنتین ھاوڵاتی ٢١٨٧١ (٢١٨٧١ دەرچوو)
پشکنین ٢٠٧٨٥٣٩ (٧٢٢٦٥٩ ھەولێر، ٥٠٣٥٧٩ سلێمانی، ٨٣٦٣٣٥ دھۆک، ١٥٩٦٦ ھەڵەبجە)
تووشبوون ١٨٢٨٣٧ (٥٥٢٣٢ ھەولێر، ٥٩٩٩٩ سلێمانی، ٦٣٨٤٣ دھۆک، ٣٧٦٣ ھەڵەبجە)
چاکبوون ١٧١٠٦٨ ( ٥٢٩٢٤ ھەولێر، ٥٣٧٧٤ سلێمانی، ٦٠٧٧٥ دھۆک، ٣٥٩٥ ھەڵەبجە)
لەژێر چارەسەر ٧٣٢١ (١١٠٥ ھەولێر، ٤١٧٩ سلێمانی، ٢٠٢٠ دھۆک، ١٧ ھەڵەبجە)
مردن ٤٤٤٨ (١٢٠٣ ھەولێر، ٢٠٤٦ سلێمانی، ١٠٤٨ دھۆک، ١٥١ ھەڵەبجە)

بۆ زانیاری زیاتر سەردانی داشبۆردی حکومەتی ھەرێمی کوردستان بکەن لەم لینکە (https://gov.krd/coronavirus/dashboard/).

وێڕای دەستخۆشی بۆ پزیشکان و کارمەندانی تەندروستی و ھەموو تیمەکانی پزیشکی کە لە ئەرکدان، جەخت دەکەینەوە ھاووڵاتیان پابەندبن بە ڕێنماییەکانی تەندروستی و دورکەوتنەوە لە شوێنی قەڵەبالغ و دانانی ماسک و وەرگرتنی ڤاکسین، وە لەکاتی پێویستدا پەیوەندی بکەن بە ھێڵی گەرمی ژمارە ( ١٢٢ ). 

 وەزارەتی تەندروستی       
حکومەتی ھەرێمی کوردستان    
٢٥ی حوزەیران ٢٠٢١

کەسوکاری زیندانیانی بادینان لە بڵاوکراوەیەکدا تکا لە سەرجەم ھاوڵاتیان و ئازدیخوازان دەکەن و دەڵێن، ھەر کەسێک خۆی بە خەمخۆری کورد دەزانێت با بێدەنگ نەبێت لەو زەڵمەی لە گیراوانی بادینان دەکرێت، ئەوان گیانی خۆیان خستووەتە مەترسی لەپێناو بەدەستھێنانی مافەکانی ئێوە و دەبێت ئێوەش وەفای خۆتان بخەنەڕوو لە پشت شاشەکان وەرنە دەرێ، لایەنیکەم گەر بە پۆستێکی سۆشیال میدیا بێت یان چالاکی ھەڵوێست بنوێنن.

کەسوکاری زیندانیانی بادینان داواش لە سەرجەم ڕێکخراوەکانی مافی مرۆڤ و ھەموو ڕێکخراوەکانی جیھانی دەکەن  بەجدی تر وەرنە سەرخەت بارودۆخی زیندانیان خراپە و ھیچ بەرەوپێشچونێک نیە و پلانی مەترسیدار ھەیە کە ھەموو چالاکوان بەبێ منەتی حوکم دەکرێن. 

بەرێوەبەرایەتی گشتی کەشناسی و بومەلەرزەزانی ھەرێم رایگەیاند، بە ھۆی زیاد بوونی کاریگەری نزمە پاڵەپەستۆی گەرمی وەرزی ساڵانە لە سبەی رۆژی شەممەوە پلەکانی گەرما بەرزتردەبنەوە بە بەراورد لە گەڵ پلەکانی ئەمڕۆ.

راشیگەیاند، لە ڕۆژانی دوو شەممە تا پێنج شەممە پێشبینی دەکرێ بەرزترین پلەی گەرما تۆمار بکرێ لەم مانگەدا، کە لە نێوان ٤٤-٤٩ پلەی سیلیزی بێت بۆ سەنتەری شارەکان و ناوچەکانی گەرمیان.

کەشناسی ھەرێم ئاماژەی بەوەشکردووە، بەرزترین پلەی گەرمی تۆماردەکرێ لە سەعات دووی دوای نیوەڕۆ تا سەعات چواری ئێوارە و بەرزترین پلەکانی گەرمای پێشبینی کراو بۆ شارەکانی باشوری عێراق ٥٠ پلەی سیلیزی بەرەو سەرەوە دەبێت.

لیوا عەبدولقادر عەزیز بەڕێوەبەری گشتی ھاتوچۆی ھەرێم لە لێدوانێکدا بۆ کوردسات نیوز وتی، "تاوەکو ئێستا ھیچ بڕیارێکی فەرمی نییە بۆ دەستبەسەرداگرتنی ئەو ئوتومبێلە بێ سەرەتایانەی کە لەماوەی رابردوو لەلایەن ھاتوچۆی پارێزگاکانەوە ئامار کراون".

باسی لەوەشکرد، نوسراوێک لە ھاتوچۆی سلێمانی لەوبارەیەوە ھەبووە، بەڵام ئەوە وەکو رونکردنەوە بووە بۆ ھاتوچۆی ناوشار کە ئەو ئوتومبێلانە لەکاتی سەرپێچی کردن و کەوتنە ناو مەفرەزەکان رێکاری یاساییان لەگەڵدا بگیرێتەبەر نەوەک بەتایبەت بەدواداچوونیان بۆ بکرێت و دەستگیر بکرێن.

لیوا عەبدولقادر عەزیز بەڕێوەبەری گشتی ھاتوچۆی ھەرێم  جەختی لەوەشکردەوە، تاوەکو بە بڕیارێکی وەزارەتی ناوخۆ چارەنوسیان دیاری دەکرێت، ئەو ئوتومبێلە بێ سەرەتایانە دەستگیر ناکرێن.

ئەو سەرچاوەیەی وەزارەتی دارایی و ئابوری حکومەتی ھەرێمی کوردستان بە کوردسات نیوزی راگەیاند، ئەم مانگە بەھۆی ئەوەی وادەی دابەشکردنی مووچە دەکەوێتە رۆژی ھەینی لە رۆژی یەک شەممەوە دەست بەدابەشکردنی مووچە دەکرێت و لە وادەیەکی کەمدا مووچەی سەرجەم وەزارەتەکان دابەشدەکرێت.

ھاوکات سەرچاوەیەکی دیکەی وەزارەتی دارایی جەختی لەوەکردەوە، بۆ ئەم مانگەش ھاوشێوەی مانگەکانی پێشوو مووچە بە لێبڕینی ٢١% بۆ فەرمانبەران و ٥٠% پلە تایبەتەکان دابەشدەکرێت.

فارس عیسا سەرۆکی نوێنەرایەتیی حکومەتی ھەرێمی کوردستان لە بەغدا بە کوردسات نیوزی ڕایگەیاند، ھەرچەندە ئەنجومەنی وەزیرانی عیراق پێشتر بڕیاریدا بە ناردنی ٢٠٠ ملیاری مانگە بۆ ھەرێمی کوردستان، بەڵام لە ئێستادا فشاری ھەندێک لایەنی عیراقی ھەیە بۆ ڕێگری لە ناردنی ئەو پارەیە بۆ ھەرێمی کوردستان و ئەو لایەنانەش ئەو ھەوڵەیان وەک بانگەشەیەک بۆ ھەڵبژاردنەکان بەکاردەھێنن.

وتیشی، "دڵنیایی بە ئێمە دراوە پارەکە رەوانەی ھەرێمی کوردستان دەکرێت و ھیوادارین ھەفتەی داھاتوو پارەکە بگاتە ھەرێمی کوردستان".

وەزارەتی دارایی و ئابووری ھەرێم راگەیاند، لەسەر بڕیاری ئەنجومەنی وەزیران بە ھەمان میکانیزمی مانگی پێشوو رۆژی ھەینی و شەممە ٢٥-٢٦ی ٦ی ٢٠٢١ مووچەی مانگی شەشی وەزارەتی تەندروستی دابەش دەکرێت.

لەبارەی ھەڵبژاردنی پێشوەختەی ئەنجوومەنی نوێنەرانی عێراق و ھاوپەیمانی کوردستان لەنێوان یەکێتی و گۆڕانیش ھاوسەرۆکان دووپاتیانکردەوە، لەگەڵ ئەنجامدانی ھەڵبژاردنێکی پاک و بێگەردن لەکاتی خۆیدا بەڕێوەبچێت کەببێتە مایەی رەزامەندی ھەمووان و خێر و خۆشی بۆ وڵات، راشیانگەیاند ھاوپەیمانی کوردستان ھەنگاوێکە بۆ یەکڕیزی نیشتمانیی کورد، دووپاتشیانکردەوە دوای ھەڵبژاردنەکان دەرفەت گونجاوە بۆئەوەی ھاوپەیمانی کوردستان لەگەڵ ھێزە کوردستانی و عێراقییەکان لەبەرەیەکی فراوانی نیشتمانی کۆببینەوە.

پەیوەندییەکانی ھەرێم و عێراق و پابەندبوونی ھەردوولا بەرێکەوتن و ناردنی شایستە داراییەکانی ھەرێم گفتوگۆی لەبارەوەکرا و جەخت لەبەردەوامی گفتوگۆکان و چارەسەرکردنی کێشەکان لەسەر بنەمای دەستوور و بەرژەوەندی گشتی کرایەوە.

بە پێی ڕاگەیەندراوێکی وەزارەتی تەندروستی، لە ماوەی ٢٤ سەعاتی ڕابردوو لە ھەرێمی کوردستان ٥٩٩ کەسی تر تووشی ڤایرۆسی کۆرۆنا بوون و٦ تووشبووی تری کۆرۆنا گیانیان لە دەستدا و ٤٨٠تووشبووی تری ڤایرۆسەکەش چاکبوونەتەوە.
ڕاگەیاندراوی ( ٢٤ ) کاتژمێری تایبەت بە نەخۆشی ڤایرۆسی کۆڕۆنای نوێ   COVID١٩                      ژمارە ( ٤٨٤ )  

١. پشکنین: ( ٧٨٧٨ پشکنینی نوێ) 
• ( ٢٤٥٢) ھەولێر
• ( ١٧٩٧) سلێمانی
• ( ٢٩٩٧) دھۆک
• ( ٣٢) ھەڵەبجە
• ( ٥٢٨) گەرمیان
• ( ٧٢) ڕاپەڕین

• 
٢. تووشبوو: ( ٥٩٩ تووشبووی نوێ)
• ( ١٣٢) ھەولێر
• ( ٢٠٦) سلێمانی
• ( ٢١٣) دھۆک
• ( ١) ھەڵەبجە
• ( ٤٦) گەرمیان
• ( ١) ڕاپەڕین

٣. چاکبوون: ( ٤٨٠ چاکبوون)
• ( ٨٨) ھەولێر
• ( ٢٠٨) سلێمانی
• ( ١٤٦) دھۆک
• ( ٣) ھەڵەبجە
• ( ٣٣) گەرمیان
• ( ٢) ڕاپەڕین
• 
٤.  ٤. مردن: ( ٦ مردن)
• ( ١) ھەولێر
• ( ٣) سلێمانی
• ( ١) دھۆک
• ( ٠) ھەڵەبجە
• ( ١) گەرمیان
• ( ٠) ڕاپەڕین 
• 
ئاماری گشتی:
کەرەنتین ھاوڵاتی ٢١٨٧١ (٢١٨٧١ دەرچوو)
پشکنین ٢٠٧١٠١٦ (٧٢٠٠٩٣ ھەولێر، ٥٠١٨٨١ سلێمانی، ٨٣٣٠٧٦ دھۆک، ١٥٩٦٦ ھەڵەبجە)
تووشبوون ١٨٢٢٦٧ (٥٥٠٩٧ ھەولێر، ٥٩٧٨٣ سلێمانی، ٦٣٦٢٤ دھۆک، ٣٧٦٣ ھەڵەبجە)
چاکبوون ١٧٠٥٧٧ ( ٥٢٨٢٨ ھەولێر، ٥٣٥٥٨ سلێمانی، ٦٠٥٩٨ دھۆک، ٣٥٩٣ ھەڵەبجە)
لەژێر چارەسەر ٧٢٥١ (١٠٦٦ ھەولێر، ٤١٨٨ سلێمانی، ١٩٧٨ دھۆک، ١٩ ھەڵەبجە)
مردن ٤٤٣٩ (١٢٠٣ ھەولێر، ٢٠٣٧ سلێمانی، ١٠٤٨ دھۆک، ١٥١ ھەڵەبجە)
بۆ زانیاری زیاتر سەردانی داشبۆردی حکومەتی ھەرێمی کوردستان بکەن لەم لینکە (https://gov.krd/coronavirus/dashboard/).
وێڕای دەستخۆشی بۆ پزیشکان و کارمەندانی تەندروستی و ھەموو تیمەکانی پزیشکی کە لە ئەرکدان، جەخت دەکەینەوە ھاووڵاتیان پابەندبن بە ڕێنماییەکانی تەندروستی و دورکەوتنەوە لە شوێنی قەڵەبالغ و دانانی ماسک و وەرگرتنی ڤاکسین، وە لەکاتی پێویستدا پەیوەندی بکەن بە ھێڵی گەرمی ژمارە ( ١٢٢ ). 
 وەزارەتی تەندروستی       
حکومەتی ھەرێمی کوردستان    
٢٤ی حوزەیران ٢٠٢١