جێگری سەرۆکی ئەنجومەنی وەزیران پەیامێکی پیرۆزبایی ئاڕاستەی محەمەدی حاجی مەحمود سکرتێری گشتی و ئەندامانی مەکتەبی سیاسی و سەرکردایەتی حزبی سۆسیالیست دیموکراتی کوردستان کرد و تێیدا ڕایگەیاند "لەم یادەدا جارێکی تر جەخت دەکەینەوە لەسەر تەبایی و پەیوەندیی دۆستانە و بەھێزی نێوان ھەموو لایەنە سیاسییەکانی کوردستان لە پێناو بەدیھێنانی ماف و ئامانجە باڵاکانی گەلی کوردستان و بەھێزکردنی پێگەی کورد لە عێراقی فیدراڵدا".

دەقی پەیامەکە...

بەڕێز کاک محەمەدی حاجی مەحمود 
بەڕێزان ئەندامانی مەکتەبی سیاسی و سەرکردایەتی حزبی سۆسیالیست دیموکراتی کوردستان.

بە بۆنەی یادی ٤٥ ساڵەی دامەزراندنی حزبە تێکۆشەرەکەتان، پیرۆزباییەکی گەرم لە سەرجەم ئەندامان و لایەنگران و سکرتێر و مەکتەبی سیاسی و سەرکردایەتی حزبی سۆسیالیست دیموکراتی کوردستان دەکەم، ھیوای سەرکەوتنتان بۆ دەخوازم.
لەم یادەدا جارێکی تر جەخت دەکەینەوە لەسەر تەبایی و پەیوەندیی دۆستانە و بەھێزی نێوان ھەموو لایەنە سیاسییەکانی کوردستان لە پێناو بەدیھێنانی ماف و ئامانجە باڵاکانی گەلی کوردستان و بەھێزکردنی پێگەی کورد لە عێراقی فیدراڵدا.
پابەندی خۆشمان دووپات دەکەینەوە لە بەرەنگاربوونەوەی گەندەڵی و بەھەدەردانی سامانی وڵاتەکەمان بە ھاوکاری سەرجەم لایەنەکان لە پێناو حوکمڕانییەکی سەرکەوتوو و گێڕانەوەی متمانە بۆ ھاووڵاتیان.
یادی دامەزراندنی حزبی سۆسیالیست دیموکراتی کوردستان پیرۆزبێت و ھەر لە پێشکەوتن و گەشەکردندا بن. 

قوباد تاڵەبانی
جێگری سەرۆکی ئەنجومەنی وەزیران

وەزارەتی دارایی ‌و ئابووری ھەرێم لە رێنماییەکی نوێدا ئاماژەی بۆ ئەوەکردووە، لەمەودوا لە بری ساڵانە پێویستە سەرجەم نەخۆشخانە ئەھلییەکان مانگانە ٥٪ی باج بدەنە حکومەتی ھەرێم ‌و ھۆشداریش دەدرێتە نەخۆشخانە ئەھلییەکان ئەو رێژە باجەی دیاریکراوە، نابێت ببێتە ھۆکارێک بۆ بارگرانی لەسەرشانی ھاوڵاتیان، بەڵکو لە داھات ‌و قازانجی نەخۆشخانەکان وەردەگیرێت، ئەگەر نەخۆشخانە و پزیشکان سەرپێچی بکەن، توشی لێپێچینەوەی یاسایی دەبنەوە.

وەزارەتی دارایی ‌و ئابووری راشیگەیاند، پێویستە ١٥ی ھەموو مانگێک ئەو رێژەی باجە بخرێتە سەر ژمێرەی بەڕێوەبەرایەتی گشتی باجەکان، ئەگەر ھەر نەخۆشخانەیەک پابەند نەبێت، مانگانە رێژەی باجەکەی بۆ ١٠٪ زیاد دەکرێت.

رەمەک رەمەزان قایمقامی قەزای چەمچەماڵیش دەڵێت، چارەسەرەکە لەرێگەی دابینکردنی ئاوە بە تانکەر و بڕێکی دیاریکراو ئاوی خواردنەوە بۆ ھاوڵاتیان دابین دەکرێت.

جەختیشیکردەوە، چارەسەری بنەڕەتی بۆ کێشەی کەمئاوی لە چەمچەماڵ، بەجێبەجێکردنی پڕۆژەی ئاوی گۆپتەپە-چەمچەماڵە.

بەڕێوەبەرایەتی گشتی تەندروستی ھەڵەبجە رایگەیاند، کارمەندی تەندروستی لە نەخۆشخانەی فریاکەوتنی ھەڵەبجە بەناوی بەھادین عەبدول دوایی دوو ڕۆژ مانەوە لە نەخۆشخانەی وەفا، بە نەخۆشی ڤایرۆسی کۆرۆنا گیانی لە دەستدا .

ئاماژەی بۆ ئەوەشکردووە، ئامارەکانی کۆرۆنا لە ھەڵەبجە بەردەوام لە ھەڵکشانەدایە، تەنھا ئەمڕۆ لە کۆی گشتی پشکینەکان لە ٦٥٪یان ئەنجامەکەی پۆزەتیڤ بووە و ھەڵگری ڤایرۆسەکەبوون.

بەپێی راپۆرتێکی ناوەندی ھاوبەشی ھەماھەنگی قەیرانەکان لە وەزارەتی ناوخۆی ھەرێم، لە مانگی حوزەیراندا ٩٢٨ ھەزار و ٦٧٤ ئاوارە و پەنابەر لە ھەرێمی کوردستان نیشتەجێ بوون، بەڵام بەپێی کۆتا راپۆرتی ناوەندەکە ژمارەی ئاوارە و پەنابەران کەمبوونەتەوە بۆ ٩٢٥ ھەزار و ٥٣٢ کەس.

ئاماژەی بۆ ئەوەشکردووە، ٤١%ی ئاوارە و پەنابەران لە سنوری پارێزگای ھەولێرن و ٤٠% لە دھۆک و ١٩%شیان لە سلێمانی نیشتەجێن.

راشیگەیاندوە، ماوەی چەند ھەفتەیەکە پەلامارەکانی تیرۆریستانی داعش لە عێراق و ناوچە دابڕێنراوەکان زیادیکردووە، ئەگەر پەلامارەکان بەردەوام بن پێشبینی دەکرێت شەپۆلێکی ئاوارەبوونی دانیشتوانی ئەو ناوچانە روو لە ھەرێم بکات.

د.فەرھاد محەمەد بەڕێوەبەری تەندروستی چەمچەماڵ ئاماژەی بۆ ئەوەشکرد، حاڵەتەکانی توشبون بەکۆرۆنا زیادیکردوە و رەوشەکەش وادەخوازێت ھاووڵاتیان ڤاکسینی کۆرۆنا وەربگرن.

دەقی پەیامەکە...
بەرێز/ مەکتەبی سیاسی حزبی سۆسیالیست دیموکراتی کوردستان 

بەبۆنەی یادی (٤٥) ساڵەی دامەزراندنی حزبی سۆسیالیست دیموکراتی کوردستانەوە بەناوی ھەڤاڵانی مەکتەبی سیاسی و ئەنجومەنی سەرکردایەتییەوە، پیرۆزباییەکی گەرم ئاراستەی سکرتێر و مەکتەبی سیاسی و ئەندام و لایەنگرانی حزبە تێکۆشەرەکەتان دەکەین.

حزبی سۆسیالیست رۆڵی بەرچاوی ھەبووە لەخەبات بۆ بەدیھێنانی ئازادی و ئامانجەکانی کۆمەڵانی خەڵکی کوردستان و لەم پێناوەشدا قوربانی زۆری داوە، یەکێتیی نیشتمانیی کوردستانیش پەرۆشی پەرەپێدانی پەیوەندی لەمێژینەیەتی لەگەڵ حزبەکەتان و ھەموو لایەنە سیاسیەکانی کوردستاندا، لەپێناو یەکریزی ناو ماڵی کورد و باشترکردنی گوزەرانی ھاوڵاتیان و یەکخستنی ھەوڵەکان بۆ گرتنەبەری چاکسازییەکی ریشەیی و راستەقینە لەھەموو سێکتەرەکاندا. 

دووبارە پیرۆزبێت یادی دامەزراندنی حزبی سۆسیالیست دیموکراتی کوردستان. 

 مەکتەبی سیاسی یەکێتیی نیشتمانیی کوردستان
٨/٨/٢٠٢١

ئاماژەی بەوەشکراوە، لەگەڵ زیادبوونی ڕێژەی وەرگرتنی ڤاکسین لەلایەن ھاوڵاتیانەوە، ژمارەی تووشبوونیش بە کۆرۆنا زیادیکردووە، ھۆکارەکەشی دەگەڕێنێتەوە بۆ پابەندنەبوونی ھاوڵاتیان بە ڕێکارەکانی خۆپارێزی.

کوردۆ کەمال یاریدەدەری سەرۆکی شارەوانی و سەرپەرشتیاری تیمەکانی نۆژەنکردنەوەی شەقامەکانی سلێمانی بە کوردسات نیوزی ڕایگەیاند، لەسەر فەرمانی قوباد تاڵەبانی بودجەیەک دابینکراوە بۆ نۆژەنکردنەوەی شەقامەکان و ڕواندنی دار و نەمامی نوێ لە بلواری شەقامەکانی سلێمانی.

وتیشی، چەند ڕۆژێکە تیمەکان دەستیان بە کارکردن کردووە و بڕیارە لە ماوەی چەند ھەفتەیەکدا سەرجەم شەقامە سەرەکییەکانی سلێمانی نۆژەن بکرێتەوە و جوانکاری تێدا بکرێت.

د. شوان عومەر بەڕێوەبەری نەخۆشخانەی وەفا ڕایگەیاند، ئامارەکانی تووشبوون و گیان لە دەستدان بە ڤایرۆسی کۆرۆنا لە ھەڵەبجە بەردەوامە لە ھەڵکشان و ڕەوشی تەندروستی شارەکە لە ژێر مەترسیدایە.
وتیشی، لە ئەگەری ھەڵکشانی زیاتری ئامارەکان، بە دوور نازانرێت پەنا بۆ کردنەوەی نەخۆشخانەیەکی نوێی تایبەت بە تووشبووانی کۆرۆنا ببەن.

مستەفا شێخ عەبدولڕەحمان سەرۆکی یەکێتی ھاوردە و ناردنکارانی کوردستان بە کوردسات نیوزی ڕاگەیاند، ڕۆژانە لە ٤ مەرزی سەرەکی سنوری پارێزگای سلێمانیەوە بازرگانان کە ژمارەیان ٢ ھەزار دەبێت، کاڵا و شمەک لە ئێرانەوە ھاوردە دەکەن و لە سەرەتای ئەمساڵیشەوە تا ئێستا ئاڵوگۆڕی بازرگانی گەیشتووەتە نزیکەی ٤ ملیار دۆلار.

داواشی لەلایەنە پەیوەندیدارەکان کرد کارئاسانی بۆ بازرگانان بکەن بۆ ئەوەی زۆربەی کاڵا بازرگانییەکانیان لە مەرزەکانی ھەرێمی کوردستانەوە ھاوردە بکەن.