کوردستان
لە ڕاگەیەنراوێکی پۆلیسی سلێمانیدا ئاماژەی بەوەکراوە ، لە نزیک باخی گشتی چوار تۆمەتبار ھەڵیان کوتاوەتە سەر ھاوڵاتییەکی تەمەن ٣٥ و بەھەرچواریان لێیانداوەو بەرەو شوێنیکی نادیار ھەڵاتبوون ، داوی گەیشتنی پۆلیس بۆ شوێنی ڕوداوەکە بریندارەکە بۆ نەخۆشخانە گواسترایەوە و بەپێی ڕاپۆرتی پزیشکی دەرکەوت بەھۆکاری لێدانەکە چاوێکی لەدەستداوە .
بەوتەی پۆلیس ، لێکۆڵینەوە لەڕوداوەکەکراو بریندارەکە ھیچ کام لە تۆمەتبارانی ھەڵاتوی نەناسیوەتەوە ، بەبڕیاری دادوەرو بەپێی ماددەی ٤١٢ لەیاسای سزادانی عیراقی ڕاگیراون و لێکۆڵینەوە لەگەڵیان بەردەوامە .
تاکو ئێستا ٢٠٠ ملیارەکەی بەغداد نەگەیشتووەتە ھەرێمی کوردستان و چاوەڕوان دەرێت لە چەند رۆژی داھاتوودا ئەو بڕە پارەیە بگاتە ھەرێم.
بەپێی راگەیەندراوەکە، تا ئێستا لە ھەرێم ٥٨١ ھەزار و ٥٦ کەس ڤاکسینیان وەرگرتووە لە کۆی گشتی ئەم رێژەیەیش ٣٩٥ ھەزار و ٤٢٧ کەس ژەمی یەکەم و ١٨٤ ھەزار و ٦٢٩ کەسیش ژەمە ڤاکسینی دووەمیان وەرگرتووە. رۆژانەش ١٠ ھەزار ژەمی ڤاکسین لە ھاووڵاتیان دەدرێت.
بەڕێوەبەری چاودێری و بازرگانی پارێزگای هەولێر رایدەگەیەنێت" ماوەی دوو هەفتە دەبێت نرخی هێلكە لە شاری هەولێر بەرزبۆتەوە، ئەمەش نیگەرانی هاوڵاتیانی لێكەوتۆتەوە بۆ ئەو مەبەستە لەگەڵ كۆمپانیاكانی بەرهەمهێنانی هێلكە گەیشتن بەرێكەوتن تا نرخی هێلكە كەمبكرێتەوە، راشیگەیاند" رۆژانە 3200 كارتۆن هێلكە بەرهەم دەهێندرێت و، هەولێر پێویستی بە 2200 كارتۆنە، تا پێداویستیەكانی پارێزگای هەولێریش پڕنەكرێتەوە رێگە بەهاوردەكردنی هێلكە نادەن بۆدەرەوەی شاری هەولێر
ئیدارەی کەرکوکیش لە ماوەی چەند ساڵی ڕابردوودا بە شێوەیەکی ھاوسەنگ خزمەتی ھەموو ناوچەکانی کەرکوکی نەکردووە و جیاوازیشی لە نێو ناوچەکانی کەرکوک و گەرەکەکانی شاری کەرکوکیش کردووە و ناوچە کوردنشینەکانی فەرامۆشکردووە.
لە کۆبوونەوەیەکدا لەگەڵ بەرپرس و ئەندامانی مەکۆ باسیان لە دوا گۆڕانکارییە سیاسییەکان و ئامادەکارییەکانی دەستپێکردنی با‌نگەشەی ھەڵبژادن کرد. جەختیان لە گرنگی ھەماھەنگی نێوان یەکێتی و گۆڕان کردەوە لەم قۆناغەدا بۆ ئەوەی بتوانرێت بانگەشەیەکی شایستە ئەنجام بدرێت لە پێناو سەرخستنی ھاوپەیمانی کوردستان و کاندیدەکانی.
ھەردوولاش ھاوڕا بوون سەرکەوتنی ھاوپەیمانی کوردستان ڕێگە خۆشکەر دەبێت بۆ چارەسەرکردنی کێشە ھەڵپەسێردراوەکانی نێوان ھەرێم و بەغدا و ھاوپەیمانی کوردستان دەتوانێت داکۆکیکاری مافە ڕەواکانی گەلی کورد بێت لە بەغدا لەسەر بنەمای دەستوری عێراق.
"جەلال نوری" سەرپەرشتیاری ئیدارەی گەرمیان مەرزی نێودەوڵەتی پەروێزخانی بەسەرکردەوە و وتی، سەبارەت بە کێشەکان بەدواداچوون دەکەن و لەگەڵ کۆماری ئیسلامی ئێرانیش قسە دەکەن.
"عەلی تۆفیق" بەڕێوەبەری مەرزی پەروێزخان ڕایگەیاند، کێشە و کەمبوونەوەی داھات پەیوەندی بە پێناسی گومرگییەوە ھەیە و پابەندین بەو پێناسە، بەڵام مەرزەکانی تری عێراق پابەند نابن پێوەی.
قوباد تاڵەبانی جێگری سەرۆک وەزیرانی ھەرێمی کوردستان لە ھەولێر کۆبوونەوەیەکی لە بارەی پێداچوونەوەی ڕسومات ئەنجامدا و بڕیاردرا میکانیزمێکی گونجاوتر دیاری بکرێت بۆ ڕێکخستنەوەی ڕسومات.
قوباد تاڵەبانی ڕایگەیاند، دەبێت وەرگرتنی ڕسومات بە شێوەیەک ڕێکبخرێتەوە کە نەبێتە ھۆی سستبوونی جموجوڵی بازرگانی، بەڵکو بە پێچەوانەوە یارمەتیدەری جوڵەی بازرگانی و بووژانەوەی بازاڕ بێت، وتیشی، پێویستە لە دەزگاکانی حکومەت ڕۆتین کەم بکرێتەوە و کارئاسانی تەواو بۆ ھاوڵاتیان بکرێت.
ھەر لە کۆبوونەوەکەدا ڕاپۆرتێک لەسەر میکانیزمی ڕێکخستنەوەی ڕسومات خرایەڕوو و بڕیاری پێویستی لەسەر درا.
وتیشی، کوالیەتی گەنمی گەرمیان لە ئاستێکی پێشکەوتوودایە و باشترین جۆری ئاردی لێ بەرھەم دەھێنرێت کە لە ئاردی ھاوردە کراوی وڵاتانی تر باشترە.
بە پێی ڕاگەیەنراوێکی وەزارەتی کارەبای ھەرێم، بڕیاردراوە ڕۆتین کەم بکرێتەوە و میکانیزمێکی گونجاو بۆ خێرا بەڕێکردنی مامەڵەی ھاووڵاتیان بدۆزرێتەوە و ھەڵمەتەکانی نەھێشتنی سەرپێچییەکانی کارەبا و نەھێشتنی دوو سەرچاوەی کارەبا بۆ دەزگا و شوێنە گشتییەکان زیاد بکرێت لەگەڵ خێراترکردنی بەستنی پێوەری زیرەک.
بڕیاریشە لە کۆتایی ئەم مانگەدا ھەڵسەنگاندن بۆ کار و چالاکی بەڕێوەبەرانی بەڕێوەبەرایەتییەکانی دابەشکردنی کارەبا بکرێت لە پابەندبوون بە ڕێکخستنەوە و باشکردنی سیستمی دابەشکردنی پسوڵەی کارەبا.
ئاماژە بەوەشکراوە، دابینکردنی کارەبا بۆ بیرەکانی ئاو بەردەوام دەبێت و ئەو سەرپێچیانەی کراونەتە سەر ھێڵەکانی کارەبای بیرەکان ببڕدرێن و لێپرسینەوە لە سەرپێچیکاران بکرێت.
قوباد تاڵەبانی جێگری سەرۆکی ئەنجومەنی وەزیران لە ھەولێر، کۆبوونەوەیەکی تایبەت بە چاکسازییەکان و ڕێکخستنەوەی کار و پلانەکانی وەزارەتی کار و کاروبارەکانی کۆمەڵایەتی ئەنجامدا و ڕایگەیاند، دەبێت گەندەڵییەکانی پەیوەست بەھاتنی کارمەند و کرێکارانی بیانی و پێدانی ڤیزا و مۆڵەتی نیشتەجێ بوون بنبڕ بکرێن و سزای یاسایی توندی گەندەڵکاران بدرێت.
بۆ ئەو مەبەستەش بڕیاریدا لیژنەیەکی ھاوبەش پێکبھێنرێت و ھەموو کارمەندان و کرێکارانی بیانی ھاتوو لە داتابەیسێکی تایبەتدا تۆمار بکرێن.
لە بارەی دەستەبەری کۆمەڵایەتیش قوباد تاڵەبانی وتی، دەبێت کارمەند و کرێکارانی کەرتی تایبەت مافیان پارێزراو بێت و داتا و زانیاری تۆمارکراویش لای حکومەت ھەبێت، بڕیاریشدرا پەلە بکرێت لە پەسەندکردنی یاسای کار و ھەموارکردنەوەی یاسای خانەنشینی و دەستەبەری کۆمەڵایەتی.
"حەربی کەتۆ" بەڕێوەبەری تەکنۆلۆژیای زانیاری لە وەزارەتی تەندروستی ھەرێم بە کوردسات نیوزی ڕاگەیاند، دوای وەرگرتنی ڕەزامەندی ئەنجومەنی وەزیران و وەزارەتی دارایی ئامادەکاری پێویست کراوە بۆ دروستکردنی کارتی ڤاکسین بۆ ئەو کەسانەی ڤاکسینیان وەرگرتووە.
وتیشی، ئەو کەسانەی ھەردوو ژەمی ڤاکسینیان وەرگرتووە و کارتەکەیان بۆ دروست دەکرێت، بۆ ئەو مەبەستەش ٧ بەڕێوەبەرایەتی گشتی لە پارێزگاکان و ئیدارە سەربەخۆکان ڕاسپێردراون بۆ ئەوەی ئەو کارتە بۆ ھاووڵاتیان دروست بکەن، ڕۆژی سێشەممەش ئەو پڕۆسەیە دەچێتە بواری جێبەجێکردنەوە.
جەختی لەوەشکردەوە، ئەو کارتە ئاسانکاری بۆ ھاتوچۆی گەشتیاران لە دەروازە سنورییەکان و فڕۆکەخانەکان دەکات، و پێویست بە پشتگیری ڕەسمی وەزارەتی تەندروستی ناکات بۆ ئەوانەی دەیانەوێت گەشت بکەن.
شاھۆ عوسمان قائیمقامی قەزای شارباژێر، بە کوردسات نیوزی ڕاگەیاند، سەعات شەشی بەیانی ئەمڕۆ لە ڕێگەی فڕۆکەی بێ فڕۆکەوان و فڕۆکەی جەنگییەوە، سنووری گوندەکانی شێخڵمارێن و ڕەنگێنە و کانی خەیلان لە سنووری ناحیەی زەلان بۆردوومانکراون.
وتیشی، بۆردومانەکە زیانی گیانی و سووتانی پوشوپاوانی نەبووە، بەڵام یەک خانەباخ بەھۆی بۆردوومانەکەوە ڕووخاوە.
ھەروەھا زانا ڕەحمان قائیمقامی پێنجوێن بە کوردسات نیوزی ڕایگەیاند، سەعات ٦:٢٠ دەقیقە بۆ سەعات ٦:٣٠ لە ڕێگەی فڕۆکەی بێفڕۆکەوانەوە نزیک گوندەکانی ھۆمەرەسێنان و کانی میران و قزلجە و میران و وڵیاوا بۆردوومانکراوە و ئەو شوێنانەشی بۆردوومانکراوە تەنھا چەند سەد مەترێک لە ھاوڵاتیانەوە دووربووە. وتیشی، بۆردوومانەکە ھیچ زیانێکی گیانی نەبووە.