کوردستان
سامی جەلال بەڕێوەبەری گشتی دیوانی وەزارەتی ناوخۆ رایگەیاند، لە یەکەم ھەنگاودا لە بینای ئیدارەی راپەڕینەوە دەستپێدەکەن کە شیاو نییە و ھەوڵیش دەدەن ھاوکار و پاڵپشتییان بکەن و ئەو پێداویستیانەی داوایان کردووە بیخەنە بەردەستی لیژنەی باڵا.
ھیوا قەرەنی سەرپەرشتیاری ئیدارەی راپەڕینیش رایگەیاند، پێشنیاز و داواکاریەکانی سنوری ئیدارەی راپەڕین خراوەتە بەردەستی ئەو لیژنەیە و لەھەفتەی داھاتووشدا داواکاریەکانی سنورەکە دەخرێتە بەردەم ئەنجومەنی وەزیران بۆئەوەی بڕیاری لەسەر بدرێت.
ئەیھان سەعید نوێنەری زیندانیانی بادینان لە راگەیەندراوێکدا ئاماژەی بەوە کردووە، ناھیدە مەلا یەحیا دایکی شێروان تەھا سلێڤانەیی کە یەکێکە لە دەستگیرکراوانی بادینان، سەردانی ئاسایشی ھەولێری کردوە بۆئەوەی چاوی بە کوڕەکەی بکەوێت کە ماوەی ١٠ مانگە دەستگیرکراوە، بەڵام رێگەی پێنەدراوە کوڕەکەی ببێت.
دواتر دایکی شێروان تەھا سلێڤانەیی گەڕاوەتەوە بۆ ماڵەوە لە ئاکرێ و دوای کەمتر لە ٢٤ سەعات بەھۆی جەڵتەی دڵەوە کۆچی دوایی کرد.
شێروان تەھا سلێڤانەیی مامۆستا بووە و ١٠ مانگە لەگەڵ ژمارەیەک رۆژنامەنووس و چالاکوانی تری بادینان دەستگیراوە و لە ئاسایشی ھەولێر زیندانیکراون.
ئەوەش لەکاتێکدایە بڕیارە سبەینێ دادگاییکردنی شێروان تەھا سلێڤانەیی چوار چالاکوانی دیکە لە دادگای تاوانی دووی ھەولێر بەڕێوەبچێت.
زەبیحوڵا موجاھید وتەبێژی تاڵیبان لە چاوپێکەوتنێکدا لەگەڵ گۆڤاری "ڤۆڵت ئەم زونتاگ"ی ئەڵمانی رایگەیاند، ھەرچەندە لە چەند ساڵی رابردوودا ئەڵمانیا لە بەرەی ئەمریکا بووە، بەڵام لێیان خۆش دەبن و لەئێستادا خوازیاری دروستکردنی پەیوەندییەکی دیپلۆماسی بەھێز و پەرەپێدانی ھاوکارییە مرۆییەکانن لەگەڵ ئەڵمانیا.
ئەوەش لەکاتێکدایە پیشتر، ھایکۆ ماس وەزیری دەرەوەی ئەڵمانیا رایگەیاندبوو، ھاوشێوەی وڵاتانی دیکەی ئەوروپا، بەمەرجی پێکھێنانی حکومەتێکی گشتگیر لە ئەفغانستان، پەیوەندی لەگەڵ بزوتنەوەی تاڵیبان دروست دەکەن.
پەیامنێری کوردسات نیوز رایگەیاند، ئەمشەو فڕۆکە جەنگییەکانی تورکیا بە بەردەوامی بەسەر ئاسمانی گوندەکانی زنجیرە چیای گارە لە باشووری ئامێدی سوڕاونەتەوە و چەند جارێک ناوچەکەیان بۆردومان کردووە.
لە رۆژی ٢٣ی نیسانی ئەمساڵ تورکیا ئۆپراسیۆنێکی نوێی لە دەوروبەری قەزای ئامێدی راگەیاند و لە ماوەی ئەو پێنج مانگەدا بە بەردەوامی فڕۆکە جەنگییەکان و تۆپخانەکانی تورکیا ناوچەکەیان بۆردومان کردووە و زیانێکی زۆریان بە دانیشتوانی گوندەکانی ئامێدی گەیاندووە، رووبەرێکی زۆر لە رەز و باخ و دارستان و ژینگەی ناوچەکەشیان لەناو بردووە.
وتیشی، ھەرچەندە لە ئێستادا لە سوریا ئاگربەست ھەیە، بەڵام ئەمریکا و روسیا ئاگاداری ھێرشەکانی تورکیا بوون بۆ سەر گرێ سپی و سەرێکانی تورکیا ئەو پەیامەشی پێداون کە ھێرشەکانی بۆ ئەو ناوچانە راناگرێت.
دەقی پرسەنامەکە...
بەڕێزان خانەوادە و کەسوکاری ھونەرمەند عەبدوڵا خەیات
ھونەرمەندان و ھاوڕێ و ھونەردۆستان
بەداخ و خەمێکی قووڵەوە ھەواڵی کۆچی دوایی ھونەرمەندی خۆشەویست عەبدوڵا حەمە ساڵح ناسراو بە (عەبدوڵای خەیات)مان پێگەیەشت.
بۆ ئەم خەمە پرسە و ھاوخەمی خۆمانتان ئاڕاستە دەکەین و بەشداری خەمتانین
ھونەرمەند عەبدوڵا خەیات، یەکێکبوو لە ھونەرمەندە ناسراوەکانی کوردستان کە خزمەتێکی بەرچاوی لە بواری نواندندا کردووە و کەسایەتییەکی خۆشەویستی شاری سلێمانی بوو.
ھیوای سەبووری بۆ خێزان و بنەماڵەکەی دەخوازین و رۆحی کاک عەبدوڵا شاد و ئارام بێت.
بافڵ تاڵەبانی
ھاوسەرۆکی یەکێتیی نیشتمانیی کوردستان
دەقی پرسەنامەکە...
بەڕێزان خێزان و خانەوادەی کۆچکردوو (عەبدوڵا خەیات)
بەڕێزان ھونەرمەندانی کوردستان
بەبیستنی ھەواڵی کۆچی دوایی ھونەرمەند (عەبدوڵا خەیات) دڵگران و نیگەران بووین.
کۆچکردوو (عەبدوڵا خەیات) ھونەرمەندێکی ناسراوی ھەرێمی کوردستان، یەکێک بوو لەئەکتەرە دیار و پێشەنگەکانی بواری دراما و تەلەفزیۆن، بەکۆچکردنیشی کەلێنێکی تر کەوتە نێو کایەی ھونەری.
بەم بۆنە خەمناکەوە پرسە و سەرەخۆشی لەھونەرمەندانی کوردستان و خێزان و خانەوادە بەڕێزەکەی دەکەم و خۆم بە ھاوبەشی خەمتانم دەزانم.
خوای گەورە سەبوریی و دڵنەوایی بەھەموو لایەک ببەخشێت، جێگای کۆچکردووش بەھەشتی بەرین بێت.
انا للە وانا الیە راجعون
قوباد تاڵەبانی
جێگری سەرۆکی ئەنجومەنی وەزیران
لە کۆبوونەوەکەدا د.رەزا حەسەن سەرۆکی زانکۆی سلێمانی بەناوی ئەنجومەنی زانکۆ و مامۆستا و فەرمانبەرانەوە لەگەڵ پێشکەشکردنی چەپکە گوڵی پیرۆزبایی، سوپاسی ھەوڵەکانی شاناز ئیبراھیم ئەحمەدی کرد و خۆشحاڵی نیشاندا بۆ ئەم بەدەنگەوەھاتنەی (ی.ن.ک) بۆ ئاشنابوون بەکێشە و گرفتەکانیان و ھەوڵدان بۆ پڕکردنەوەی کەم وکورتییەکانی زانکۆی سلێمانی، ئەو زانکۆیەی بەھەوڵی کاریگەری سەرۆک مام جەلال دامەزرا و بەردەوام پشتیوان و خەمخۆری سەرەکی زانکۆکە و خوێندنی باڵا بوو لە ھەرێمی کوردستان.
لەکۆبوونەوەکەدا، خاتوو شاناز ئیبراھیم ئەحمەد رۆڵی زانکۆی سلێمانی وەک ناوەندێکی ئەکادیمی گرنگ لەقەڵەمدا و وتی : زانکۆی سلێمانی سەرباری رۆڵی گرنگی وەک ناوەندێکی زانستی و مەعریفی و ئەکادیمی پێشکەوتنخواز، رۆڵێکی گرنگیشی گێڕاوە و خاوەنی مێژوویەکی پڕ لەقوربانیدان بووە، سمبولی مقاومەت و نیشتمانپەروەری بووە لەم شارەدا.
راشیگەیاند: وەک یەکێتیی نیشتمانیی کوردستان لەسەر ھەمان رێبازی سەرۆک مام جەلال پشتیوانی خوێندنی باڵا و زانکۆی سلێمانی دەبین لەپێناوی ئەوەدا کەدرێژەپێدەری کاروان و ئەو کارو پرۆژە باشانە بین و پەرەی زیاتری پێ بدەین.
لەکۆبوونەوەکەدا ئەندامانی ئەنجومەنی زانکۆی سلێمانی بیروبۆچوون و پلانەکانی خۆیان خستەڕوو لەپێناو زیاتر خزمەتکردنی ئەم ناوەندە ئەکادیمیە گرنگە، لەگەڵ شێوازەکانی گرتنەبەری رێوشوێنی پێویست بۆ رێکخستنی کاروبارەکانی زانکۆی سلێمانی و دابینکردنی کەم و کورتییەکانی.
ژمارەیەک زیندانی سیاسی و ئەوانەی لەشاڵاوی ئەنفال لەناحیەی رزگاری سەر بە قەزای کەلار لە گۆڕە بەکۆمەڵەکان رزگاریان بووە، داوای جێبەجێکردنی ئەو پڕۆژە یاساییانە لە حکومەت دەکەن کە پەرلەمانی کوردستان وەک ماف و ئیمتیازات بۆی دیاریکردوون.
نوێنەری زیندانییە سیاسییەکانیش لە کۆنفرانسێکی رۆژنامەنیدا رایگەیاند، ماوەیەکی زۆرە چاوەڕوانی جێبەجێکردنی یاسا و بڕیارەکانن، بەڵام تا ئێستا ئەو بڕیار و یاسایانەی تایبەتن بە ماف و ئیمتیازاتی زیندانیانی سیاسی جێبەجێ نەکراوە.
ھێزە ئەمنییەکان تەقەیان بەسەر خۆپیشاندەراندا کردووە و بەو ھۆیەشەوە سێ خۆپیشاندەر برینداروون، لە خۆپیشاندانەکەدا ھاووڵاتیان ئاگریان لەسەر شەقامەکان کردەوە و داوایان لە حکومەت کرد خانوەکانیان نەروخێنن و بۆیان تاپۆ بکەن.
لە ماوەی رابردوودا پارێزگاری ھەولێر بڕیاریدا بەھۆی زیادەڕۆییەوە خانووی ژمارەیەک گەڕەکی قەزای خەبات بڕوخێنرێن، چەند جارێک دانیشتوانی ئەو گەڕەکانە داوای قەرەبووکردنەوە یان تاپۆکردنی زەوییەکان کردووە، بەڵام داواکەیان وەڵام نەدراوەتەوە و ئەوانیش خۆپیشاندانیان دەستپێکردووە.
دەشڵێت، بۆ پاراستنی سنورەکان، ھەماھەنگی تەواو لە نێوان ھەسەدە و پۆلیسی پاسەوانی سنوری عێراقدا ھەیە.
بێگەرد تاڵەبانی وەزیری کشتوکاڵ و سەرچاوەکانی ئاوی حکومەتی ھەرێمی کوردستان رایگەیاند، تەنھا کێشەیەک کە ھەیانە لەسەر دانانی باج و ھاوردەکردنی بەرھەمی دەرەوە، ئەوەیە ساڵانە وەزارەتی کشتوکاڵی عێراق بەبێ گەڕانەوە و ھەماھەنگی لەگەڵ ھەرێمی کوردستان بڕیار لەسەر کردنەوەی مەرزەکان دەدات و ئەوەش کاریگەری لەسەر ھێنانی بەرھەمی تەماتە بۆ بازاڕەکانی ھەرێمی کوردستان دەبێت.
ئاماژەی بەوەشکردووە، بۆ ئەو مەبەستە قسەی لەگەڵ وەزیری کشتوکاڵی عێراق کردووە و پێی ڕاگەیاندووە، بەرھەمی تەماتەی پێنجوێن و ناوچەکانی ھەرێمی کوردستان بەشی ئەوە دەکات کە رەوانەی ناوچەکانی تری عێراقی بکەن، لەبەرامبەردا، وەزیری کشتوکاڵی عێراق بەڵێنیداوە، ئەو پرسە بباتە ئەنجومەنی نوێنەران و ھەوڵدەدەن ئاسانکاری بۆ ئەو بابەتە بکەن و کێشەکە چارەسەر بکەن.