پێگەی فەرمی ئەنجومەنی سوریا دیموکرات ئاشکرایکرد، وەفدی بالڕی مەسەدە بە سەرۆکایەتی ئیلھام ئەحمەد سەرۆکی دەستەی بەرێوەبەری ئەنجومەنی سوریا دیموکرات لەگەل ژمارەیەک نوێنەرە بالڕی ئیدارەی ئەمریکا لە کۆشکی سپی کۆبۆنەوە و لە کۆبۆنەوەدا  وەفدی بالڕ کۆشکی سپی جەخت لە پشتیوانی واشنتون بۆ مەسەدە و ھەسەدە و خۆبەرێوەبەری باکوری خۆرھەلاتی سوریا کردوە و شێوازی گەیشتن بە چارەسەری سیاسی بۆ قەیرانی سوریا تاوتوێ کراوە.  

ھەروەھا ئیدارەی بایدن باپەندی خۆیان بە ھاوپەیمانیتی لەگەل ھەسەدە و مانەوەی ھیزەکانی ئەمریکا لە سوریا تا کوتاییھێنان بە رێکخراوی تیرۆریستی داعش و بەدێھێنانی سەقامگیری لە ناوچەکە راگەیاندووە

وتیشی، داواکارییەکانی زیندانیانی سیاسی ناوخۆ ڕەوایە، و دەبێت حکومەت کار بکات بۆ دەستەبەرکردنی ماف و ئیمتیازاتەکانیان لە وەرگرتنی زەوی، پێشینەی ھاوسەریەتی و مووچە، و چارەسەرکردنی کەم و کوڕییەکانیان. 

کۆمەڵەی زیندانیانی سیاسی ناوخۆش ڕایانگەیاند: ڕێککەوتنی یەکێتی و گۆڕان ھەوێنی تەبایی و یەکڕیزییە بۆ کاری پێکەوەیی لە پێناو بەدەستھێنانی مافەکانی خەڵکی ھەرێمی کوردستان.

شاناز ئیبراھیم ئەحمەد ڕایگەیاند، جێگەی دڵخۆشیە سەرباری کێشەکانی وەرزشوانان توانیویانە سەرکەوتنی جیاجیا لە پاڵەوانیەتی و یاریەکاندا بەدەستبھێنن و بوونەتە خاوەنی چەندین نازناو و براوەی پاڵەوانیەتییەکان کە شانازییە بۆ ھەمووان و شارەکەشمان.

داواشی لە وەرزشکاران کرد، پڕۆژە و پێشنیاز بۆ پێشخستنی بواری وەرزش لە سلێمانیدا پێشکەش بکەن.

ئاماژەی بۆ ئەوەشکرد، ھەوڵەکانی (قوباد تاڵەبانی) سەلماندی کە بە دانوستان دەتوانین مافەکانمان بەدیبھێنین ھاوپەیمانی کوردستانیش بە ھەمان ڕێچکەدا دەڕواتەوە، بۆ ئەوەی نوێنەری خەڵکی کوردستان بێت و سوور بێت لەسەر ماف و داخوازییەکانی کورد.

فراکسیۆنی سەوزیش ئامادەیی خۆیان نیشاندا بۆ سەرخستنی ھەر ھەوڵێک کە ببێتە ھۆی بەھێزکردنی پێگەی کورد لە بەغدا و پاراستنی یەک ڕیزی کورد و زامنکردنی بەدیھێنانی سەقامگیری و مووچە و ئاوەدانی زیاتر بۆ ھەرێمی کوردستان.

بە ئامادەبوونی بورھانی سەعید سۆفی  ئەندامی مەکتەبی سیاسی و و ژمارەیەک لە ئەندامانی سەرکردایەتی و کاندیدانی ھاوپەیمانی کوردستان، جەمیل ھەورامی سەرۆکی کۆمەڵەی پێشمەرگە دێرینەکانی یەکێتی نیشتیمانی کوردستان لەگەڵ پێشمەرگە دێرینەکانی (ڕانیە و پشدەر) کۆبووەوە و داوایلێکردن، بە ڕوحیەتی پێشمەرگانەوە لە ڕۆژانی بانگەشەی ھەڵبژاردندا کار بۆ سەرخستنی ھاوپەیمانی کوردستان و کاندیدانی بکەن.

"بەشدار حەسەن" ئەندامی تیمی پارێزەرانی دەستگیرکراوانی بادینان بە کوردسات نیوزی ڕاگەیاند، لەلایەن ئاسایشی گشتی ھەرێمەوە ئاگادارکراوەتەوە کە لە ئەمڕۆوە کەسوکاری ٧٦ ڕۆژنامەنووس و چالاکوانی دەستگیرکراوی بادینان دەتوانن سەردانی دەستگیرکراوان بکەن بەو مەرجەی کە ھەردوو ژەمی ڤاکسینی کۆرۆنایان وەرگرتبێت.

ئەم بڕیارەش دوای لێدوانێکی "قوباد تاڵەبانی" جێگری سەرۆکی حکومەتی ھەرێم دێت کە لە دھۆک ڕایگەیاند، "ڕۆژنامەنووسێک کە ڕای خۆی دەردەبڕێت یان ڕەخنەیەک دەگرێت مانای ئەوە نییە دەستگیر بکرێت. وتیشی، زیندان شوێنی ڕۆژنامەنوسان نییە".

زیاتر لە ساڵێکە دوای خۆپیشاندانی ژمارەیەک لە مامۆستا و چالاکوانی دەڤەری بادینان بۆ داواکردنی دابەشکردنی مووچە لە کاتی خۆیدا، ٨٢ چالاکوان و ڕۆژنامەنووس و مامۆستا لەلایەن دەزگا ئەمنییەکانەوە دەستبەسەرکران و پێنج کەسیان بە شەش ساڵ و کەسێکیشان بە ساڵێک زیندانیکردن سزا دران، ئەو ٧٦ کەسەکەشیان بێ دادگاییکردن لە ئاسایشی گشتی ھەولێر دەستگیرکراون.

"ئەحمەد ئەنوەر" سەرۆکی دەستەی دەستپاکی ھەرێم بە کوردسات نیوزی ڕاگەیاند، سبەینێ بەڵگەکان لە پارێزەر جواد خۆشناو وەردەگرن و بەدواداچوونی جدی بۆ دەکەن، دواتر بە پێی بەڵگەکان بڕیار لەسەر ئەو دادوەرانە دەدەن.

پارێزەر جواد خۆشناو لە ئەکاونتەکەی لە تۆڕی کۆمەڵایەتی فەیسبووک بڵاویکردەوە، ژمارەیەک دادوەر لە دادگای تێھەڵچوونەوەی ناوچەی ھەولێر دەڵاڵیان ھەیە و پارە لە خەڵک و پارێزەران وەردەگرن و یاسایان پێشێل کردووە.

ئاماژەی بۆ ئەوەشکرد، ١٧ شاھید و ڤیدیۆی تایبەت بەو داوەرانە و دەڵاڵەکانیانی لایە کە داوای پارە دەکەن و کێشەیان بۆ ھەموو ئەو کەسانەش دروست کردووە کە پارەیان پێنەداون.

ڕاشیگەیاند، لە سەرۆکایەتی دادگای تێھەڵچوونەوەی ناوچەی ھەولێر سکاڵای تۆمار کردووە، بەڵام سەرۆکایەتی ئەو دادگایە ئامادە نییە بەڵگەکانی لێ وەرگرێت لەسەر ئەو پرسە.

لە کۆبوونەوەکەدا، کە ژمارەیەک لە ئەندامانی ئەنجومەنی سەرکردایەتی یەکێتی لە سنوری سلێمانی ئامادەی بوون، تاوتوێی ئەو پلان و کارانە کرا کە لە ماوەی بانگەشە لە ھەردوو بازنەکەدا لەلایەن ئەندامانی سەرکردایەتی و کۆمیتەکان جێبەجێکراوە بۆ سەرخستنی کاندیدەکانی ھاوپەیمانی کوردستان.

لە بەشێکی دیکەی کۆبوونەوەکەدا، جەخت لە گرنگی ڕوونکردنەوەی بەرنامە و پەیامی ھاوپەیمانی کوردستان بۆ کۆمەڵانی خەڵک کرایەوە و ھاوکات پێشنیازی نوێ لەو ڕووەوە خرایەڕوو بۆ ئەوەی ھەڵمەتی بانگەشەی ھاوپەیمانی سەرکەوتووتر بێت و باشتر ھانی خەڵک بدرێت بۆ بەشداریکردن لە پڕۆسەی ھەڵبژاردن.

وەزارەتی ناوخۆ لە ڕوونکردنەوەیەکدا دەڵێت، ڕێکخراوێکی کۆمەڵگەی مەدەنی وۆرکشۆپێکی لە ھەولێر بۆ ژمارەیەک کەسایەتی بەشێک لە پارێزگاکانی عێراق ئەنجامداوە بە مەبەستی کارکردن لە سەر چەمکەکانی پێکەوەژیان و چەسپاندنی بنەماکانی فیدراڵیزم لە عێراق لەبەر ڕۆشنایی دەستووری ھەمیشەیی عێراق، بەڵام بە داخەوە، ھەندێک لەسەرپەرشتیارانی ئەم چالاکییە، ئەم وۆرکشۆپەیان بە لاڕێدا بردووە و بۆ ھەندێک مەبەستی سیاسی بە کاریان ھێناوە کە دوور بووە لە مەرجەکانی مۆڵەتپێدانی ئەم جۆرە وۆرکشۆپانە و لە میانەی چالاکییەکەدا، چەند ووتار و بەیاننامەیەک بڵاوکراونەوە کە بە ھیچ شێوەیەک لە گەڵ سیاسەتی ڕەسمی حکومەتی ھەرێمی کوردستان ناگونجێت و گوزارشت لە سیاسەتی ھەرێمی کوردستان ناکات.

وەزارەتی ناوخۆ ڕاشیگەیاندووە، ڕێکاری یاسایی دەگرێتە بەر بەرامبەر بەو کەسانەی، کە ئەم کۆبوونەوەیان بە لاڕێدا بردووە و ھەروەھا  کەسە کەمتەرخەمەکان بە سزا دەگەیەنێت لە ھەر لایەکەوە بن.

ھەرێمی کوردستانی عیراق، وەک کیانێکی دەستووری لە چوارچێوەی عێراقی فیدراڵ، وەک ھەمیشە پابەندە، بە سیاسەتی دەرەوەی فەرمیی دەوڵەتی عێراق و بە ھیچ شێوەیەک، ڕێگا نادات کەسانێک کەشی ئازادی و دیموکراسی کە لە ھەرێمدا بەرقەرارە، بۆ مەرامی دیکەی سیاسی بەکار بھێنن و ئەو کەسانەی کە بەم کارانە ھەستاون، دوور دەخرێنەوە و جێگەیان لە ھەرێمی کوردستان نابێتەوە.

ڕزگار حاجی حەمە ئەندامی مەکتەبی سیاسی یەکێتی ڕایگەیاند، وەکو یەکێتی نیشتمانی کوردستان کۆبوونەوەی ھەندێک کەسایەتیی سیاسی و عەشایەر لە شاری ھەولێر بە ناونیشانی (ئاشتی و گێڕاندنەوە)  و وروژاندنی پرسی ئاساییکردنی پەیوەندییەکان لەگەڵ دەوڵەتی ئیسڕائیل، بە توندی ڕەتدەکەنەوە و پابەندبوونی مەبدەئییان بە پشتگیریکردن لە دۆزی ڕەوای فەڵەستین دووپات دەکەنەوە و جەخت لەوە دەکەنەوە کە ھەر ھەڵوێستێک سەبارەت بە سیاسەتی دەرەکی بە پێی دەستووری عێراق، بە شێوەیەکی ڕەھا تەنھا لە دەسەڵاتی حکومەتی فیدراڵیدایە.

ڕاشیگەیاندووە، یەکێتیی نیشتمانیی کوردستان ئیدانەی ھەوڵی دەستوەردان لە پرسی سیاسەت و پرەنسیپە دەرەکییەکانی دەوڵەتی عێراق دەکات و ھەوڵی تێکدانی سەقامگیری و ئاسایشی عێراق و دروستی کردنی قەیران لەم کاتەدا بە کارێکی ناڕەوا و نەشیاو وەسف دەکات.

ھاوکات لەگەڵ خستنەگەڕی ھەوڵەکاندان بۆ بتەوکردنی پەیوەندییەکانی نێوان ھەرێم و ناوەند، لە پێناو بەھێزکردنی یەکێتی نیشتمانی.

ئەندامەکەی مەکتەبی سیاسی جەخت لەوەش دەکاتەوە، لە دوای ھەڵبژاردنەکان و بردنەوەی ھاوپەیمانی کوردستان، قۆناغێکی نوێ لە پەیوەندی بتەوی نیشتمانی لە نێوان ھەرێم و ناوەند لە سەرجەم بوارەکاندا و لە ناویاندا پرسی پەیوەندی نێودەوڵەتی و سیاسەتی دەرەکیی دێتە ئاراوە. 

کۆمپانیای بەجین وانتایی چینی بۆ بەرھھەمھێنانی دەرمان رایگەیاند، مانگی داھاتوو گەورەترین تاقیکردنەوە لەسەر جۆرێکی نوێی ڤاکسینی کۆرۆنا ئەنجامدەدەن، کە لە رێگەی لوتەوە و بەشێوەی ھەڵمژین بەکاردەھێنرێت. 

کۆمپانیاکە ھەوڵدەدات لە قۆناغی سێیەمدا، ڤاکسینە ئەزموونییەکەی لەسەر ٤٠ ھەزار خۆبەخشی پێگەیشتوو تاقیبکاتەوە، بۆئەوەی دڵنیا بێت لە سەلامەتی و کارایی ڤاکسینەکە بەرامبەر ڤایرۆسی کۆرۆنا.

لە جیھاندا چەند جۆرێکی ڤاکسینی کۆرۆنا بەرھەمھێنراون و ملیۆنان کەس بەکاریانھێناوە، کە سەرجەم ڤاکسینەکان لە رێگەی دەرزیەوە بەکاردەھێنرێن.

بەڕێوەبەرایەتی پۆلیسی پارێزگای سلێمانی  رایگەیاندوە، پاش ئەوەی شەوی ڕابردوو لەیانەیەکی شەوانە لەسەرچنار شەڕو پشێوی دروستبوو لە نێوان چەند کەسێکدا، ھۆی برینداربوونی دوو کەس بەفیشەک، دەستەبەجێ ھێزەکانی پۆلیس گەیشتنە شوێنی ڕووداوەکەو شەڕەکەیان کۆنتڕۆڵکرد.

ئاماژەی بەوەشکردووە، دوای وەرگرتنی بڕیاری دادوەر، مەفرەزەکانی بنکەی پۆلیسی سەرچنار ١٣ تۆمەتباریان دەستگیرکرد کە بەشداربوون لەشەڕەکەدا، دەستیشگیرا بەسەر چەکێکدا لەجۆری دەمانچە کە بەتۆمەتبارەکان بووە و سەرجەم تۆمەتبارەکان بەپێی ماددەکانی ٤٠٥ و ٣١ لەیاسای سزادان ڕاگیراون ‌و لێکۆڵینەوە لەگەڵیاندا بەردەوامە.

پۆلیسی سلێمانی ئاشکراشیکردووە، پاش دەستگیرکردن و پشکنینی تۆمەتبارەکان، دەرکەوت یەکێک لە تۆمەتبارەکان ھەڵگری بڕێک ماددەی ھۆشبەرە، بۆیە پەڕاوی لێکۆڵینەوەی بۆ کرایەوە و ڕەوانەی دادوەر کرا.

راشیگەیاندوە، فەرمانی دەستگیرکردن بۆ چوار تۆمەتباری تر دەرچووە لە شەڕەکەدا بەشداربوون ‌و لەئێستادا ھێزەکانی پۆلیس لەھەوڵدان بۆ دۆزینەوەو دەستگیرکردنیان.

پەیامنێری کوردسات نیوز لە نەینەوا رایگەیاند، ئەمشەو پێنج مووشەک ئاڕاستەی سەربازگەیەکی تورکیا لە ناحیەی زێلکان لە دەشتی نەینەوا کران. 
وتیشی، مووشەکەکان لە دەوروبەری سەربازگەکە تەقینەوە و ھیچ زیانێکی گیانی نەبوو.

تا ئێستا ھیچ لایەنێکی رەسمی سەبارەت بە ھێرشە مووشەکییەکە زانیاری بڵاونەکردووەتەوە و ھیچ کەس و لایەنێکیش بەرپرسیارێتی ھێرشەکەی لە ئەستۆ نەگرتووە.

لە ماوەی سێ مانگی رابردوودا ئەمە چەندین جارە مووشەک ئاڕاستەی سەربازگەی تورکیا لە ناحیەی زێلکان دەکرێت.