بنەماڵەیەکی دیاری عەشرەتی مەنمی لەنێو پارتیەوە پەیوەندی بەریزەکانی یەکێتی نیشتیمانی کوردستانەوە کرد و بڕیاریاندا لەمەودوا  لەنێو ریزەکانی یەکێتی درێژە بەخەباتی خۆیان بدەن ، دوای بڕیاری پەیوەندیکردنیان بەریزەکانی یەکێتی نیشتیمانی کوردستان لە شاری سلێمانی شانازئیبراھیم ئەحمەد کارگێڕی مەکتەبی سیاسی و سەرپەرشتیاری مەڵبەندی سلێمانی یەکێتی سەردانی ماڵی بەکر مەنمی یەکێک لە کەسایەتییە دیارەکانی عەشرەتی مەنمی کردو دوای بەخێرھاتنیان بۆ نێو ریزەکانی یەکێتی رایگەیاند : یەکێتی ماڵی ھەموو ئەو کەس و لایەنانەیە کە دەیانەوێت لەم سەکۆیەوە خزمەت بە کۆمەڵانی خەڵکی کوردستان بکەن ، ووتیشی یەکیتی وەک حزبێکی نیشتیمانی کە ھەر لەسەرەتاوە لەسەر بنەمای بەرژەوەندییەکانی خەڵک دامەزراوە دەرگای کراوەیە بەرووی ھەموو ئەو کەس و لایەنانەی کە دەیانەوێت لەنێو یەکێتی خزمەت بکەن , لە ووتەیەکشدا  بەکر مەنمی یەکێک لە کەسایەتییە دیارەکانی عەشرەتی مەنمی رایگەیاند: دوای بێ ئومێدبونیان لە پارتی و پشتگوێ خستنیان سەدان کەس لەنێو بنەماڵەکەیان بڕیاریاندا لەمەودوا لەنێو ریزەکانی یەکێتی درێژە بەخەباتی خۆیان بدەن و کاردەکەن بۆ سەرخستنی  ھاوپەیمانی کوردستان .

 

مامۆستا موزەفەر مستەفا بەڕێوەبەری گشتی پەیمانگاکان و مەشقکردن لە وەزارەتی پەروەردە بۆ بەیانی کوردسات نیوز وتی، "بەبڕیاری وەزارەتی پەروەردە بڕیاری ھەڵپەساردنی خوێندن درا لە لە پەیمانگاکانی راھێنان  و گەشەپێدانی پەروەردەیی کە ژمارەیان چوار پەیمانگابوو لە سلێمانی، ھەولێر، دھۆک و ئیدارەی گەرمیان ئەوەش بەھۆی ئەوەی لە ئێستادا کۆلیژی پەروەردەی بنەڕەتی کراوەتەوە و ئەو مامۆستایانەی بڕوانامەکانیان دبلۆمە دەتوانن لە کۆلێژی پەروەردەی بنەرەتی درێژە بەخوێندن بدەن و بە رەسمی بڕوانامەکانیان بکەنە بکالۆریۆس".

راشیگەیاند، "گرفتی ئەو پەیمانگایە ئەوەبوو کاتێک کرایەوە لە ساڵی ٢٠١٣-٢٠١٤ ئامانج لێی راھێنان بوو بە مامۆستایان، بەڵام ھەڵە تێگەشتن ھەبوو بەوەی بڕوانامەکانیان دەبێتە بکالۆریۆس لەکاتێکدا تەنھا ئیمتیازاتەکانیان بەوجۆرەیەو لەناو وەزارەتی پەروەردە کاری پێدەکرێت و ئەوەش لە بڕوانامە دەنوسرێت کە خولێکی راھێنانی تەواوکردووە نەک بڕوانامەی بکالۆریۆس بێت".

بەڕێوەبەری گشتی پەیمانگاکان و مەشقکردن لە وەزارەتی پەروەردە باسی لەوەشکرد، ئەو مامۆستایانەی لەو پەیمانگایە وانەیان دەوتەوە ژمارەیەکیان راژەکانیان دەگوازرێتەوە بۆ قوتابخانەکانی سابیس، ناوەندەکانی خوێندن و ژمارەیەکیشیان بۆ بەڕێوەبەرایەتییەکانی مەشق و راھێنان و بڕیارەکەش کە دراوە بۆ بەرژوەندی گشتی بووە. 

بافڵ تاڵەبانی ھاوسەرۆکی یەکێتیی نیشتمانیی کوردستان لە کەرکوک لەگەڵ ئەنجومەنی مەڵبەندی رێکخستنی کەرکوک کۆبووەوە و رایگەیاند، یەکێتی لە ھیچ قۆناغێکی سەخت و دژواردا پشتی لە کەرکوک نەکردوە و نایکات، بۆیە ئەرکی یەکێتییەکانە سورتربن لە خزمەتکردنی کەرکوک و لەم ھەلومەرجەشدا ھەموو ئەرکە رێکخراوەییەکان تەرخان بکەن بۆ سەرخستنی ھاوپەیمانی کوردستان و کاندیدەکانی، چونکە سەرکەوتنی یەکێتی و گۆڕان لەم ھەڵبژاردنە، زامنی کوردستانی بوونی کەرکوک و پاراستنی گیانی پێکەوە ژیانە لەنێوان ھەموو نەتەوە و پێکھاتەکاندا.

رێواز فایەق لە کۆنفرانسێکی رۆژنامەوانیدا رایگەیاند، پێگەکەی بۆ وەڵامدانەوەی سەرۆکی ھەرێم بەکارناھێنێت، بەڵام وەک ئەندامێکی سەرکردایەتی یەکێتی وەڵامی دەداتەوە. 

وتیشی، دەبێت سەرۆکی ھەرێم پارێزەری یەکڕیزی بێت، بەڵام لە دواین لێدوانیدا کە وتویەتی پارتی تەنھا حزبێکە کە حسابی بۆ دەکرێت، مومارەسەی فەرھەنگی سڕینەوە دەکات، ھەر حزبێکیش حساب بۆ یەکێتی نەکات و نەیخوێنێتەوە، یەکێتیش حسابی بۆ ناکات.

رێواز فایەق راشیگەیاند، یەکێتی حزبێکی قبوڵکراوی متمانە پێکراوە لەسەر ئاستی عێراق و بەڵگەش بۆ ئەو راستیە ئەوەیە کە سەرۆکایەتی وەفدی دانوستانکار بۆ بەغداد قوباد تاڵەبانی بووە کە جێی متمانەی بەغدادە و بە ھەوڵەکانی بودجەی خەڵکی ھەرێمی گەڕاندۆتەوە. 

ئاماژەی بەوەشکرد، لەشەڕی داعشدا ھێزەکانی یەکێتی نەبونایە ھەولێر لە بەردەم مەترسیدا بوو.

وتیشی، نەخۆشخانەکانی شێرپەنجە جگە لە چارەسەرکردنی توشبوانی ناوخۆ، بەشێکی زۆریش توشبووانی ناوەڕاست و خوارووی عێراقن.

دیداری ژینگە لە زانکۆی سلێمانی بووە دەرفەتێک تا راستەوخۆ قوباد تاڵەبانی جێگری سەرۆکی حکومەتی ھەرێمی کوردستان وەڵامی پرسیارەکانی بەشێک لە خوێندکارانی زانکۆی سلێمانی بداتەوە کە تایبەت بوون بە ژینگەی سلێمانی، لەو دیدارەدا قوباد تاڵەبانی چارەسەرەکانی گرفتی ژینگەی تانجەرۆی خستەڕوو، ئەو دیدارە بەشێک لە خوێندکارانی زانکۆی سلێمانی بەسەرپەرشتی نووسینگەی جێگری سەرۆکی حکومەتی ھەرێمی کوردستان رێکخرابوو .

وتیشی، یەکێک لە پلانەکانی ھاوپەیمانی کوردستان دابینکردنی مووچە و بودجەی خەڵکە و بە یەکڕیزی گۆڕان و یەکێتی دەتوانن ئەو شەڕە بکەن. ئاماژەی بەوەشکرد، سەردەمی موزایەدە نەماوە و خەڵک ھەڵسەنگاندن بۆ ئەو کارانە دەکات کە کراون و ھاوپەیمانی کوردستانیش باشترین بەرنامەی بۆ کۆمەڵانی خەڵک ھەیە. 

"قوباد تاڵەبانی"سەرۆكی هاوپەیمانی كوردستان لە شارەزوور بەشداری كەرنەڤاڵی جەماوەی هاوپەیمانی كوردستانی كرد و لە وتارێكدا رایگەیاند، لە 10ی 10 هەمووان دەچنە سەر سندوقەكانی دەنگدان بۆ ئەوەی زۆرترین دەنگ بۆ هاوپەیمانی كوردستان كۆبكەنەوە و زۆرترین كاندید رەوانەی بەغداد بكەن.
 وتیشی، ئەو هەڵبژاردنە پەیوەندی بە بەغدادەوە هەیە و دەبێت لە بەغداد رووبەڕرووی ئاڵنگارییەكان ببنەوە، چونكە ناوچەكە لەبەردەم گۆڕانكاریدایە.
جەختی لەوەشكردەوە، لە بەغداد بە یەكڕیزی داكۆكی لە مافەكانی خەڵكی كوردستان دەكەن و بەیەكڕیزی پارێزگاری لە ماف و شایستە داراییەكانی كورد دەكەن.

 

بافڵ تاڵەبانی ھاوسەرۆکی یەکێتیبۆ کەرکوکییەکان ڕایگەیاند : ئەو ھێزەی دەتوانێت پشت ‌و پەنا بێت بۆ ھێنانەدی مافەکانتان و پارێزگاری لە کوردستانی بوونی شارەکە و پێکەوەیی نەتەوە و پێکھاتەکان بکات و شەڕی مانەوە بکات تەنھا و تەنھا ھاوپەیمانی کوردستانە. وتيشی ، یەکێتی و یەکێتییەکان لەمەودوا لەژیانی سیاسیاندا ئازا و ئازادتر دەبن و ھەموومان بۆ یەک ئامانج خەبات دەکەین و تێدەکۆشین ئەویش بەھێزترکردنی یەکێتییە لە پێناو کوردستانێکی بەھێزتر و کوردستانی بوونی کەرکوک.

 
ئەم وتانەی بافڵ تاڵەبانی ھاوسەرۆکی یەکێتیی نیشتمانیی کوردستان لەمیانی کۆبوونەوەیەکیدا ھات لە کەرکوک لەگەڵ ھەڤاڵان و کادرانی کۆمەڵایەتی کەرکوک کە وێڕای ھەڵوەستەکردن لەسەر گۆڕانکاریی و ھاوکێشە سیاسی و ئەمنییەکان و رووداواکانی دوای ھەشتی تەمووز، خوێندنەوەی بۆ سیاسەت و ستراتیژی نوێی یەکێتی کرد و رایگەیاند چاکسازییەکانی یەکێتی بۆ راستکردنەوەی رێڕەوی حیزبایەتی و تێکۆشانی سیاسی و رێکخراوەیی بوو، بۆ راستکردنەوەی ھەڵەکان و گەڕانەوەبوو بۆ رێبازی راستەقینەی مام چونکە یەکێتی وای فێرکردووین یەکێتی بین بۆ خزمەتکردن نەک یەکێتی بین بۆ بەرژەوەندی و دەستکەوتی کەسی .

ھاوسەرۆک ئاماژەی بۆ ئەوەشکرد، لەمەودوا ھەموو کاروبارێکی یەکێتی دەبێت بە رێگای راستەقینەی یەکێتی مامدا بڕوات، ھەموو ھەوڵێکمان بۆ راستکردنەوەی کەموکوڕییەکان و پاراستنی دەسکەوتەکان بێت، کەرکوکیش لە پێشینەی ئەرکەکانمان دەبێت و دەشبێت یەکێتییەکان وەک ھەمیشە خزمەت بکەن و ماندوونەبن لەھەوڵەکانیان، چونکە ئەمە ئەرکە و منەت نیە لەبەر ئەوەی کەرکوکییەکان خۆیان خاوەنی یەکێتین چۆن لەرابردوو لەگەڵ ئازار و قوربانییەکانی کەرکوک ژیاین و خوێنمان بۆ دا بەدڵنیاییشەوە بۆ سبەینێ و داھاتووش ھەر لە گەڵتان دەبین و پێکەوە شارەکەی خۆمان دەپارێزین و سەوزتری دەکەین و کوردستانی بوونی کەرکوک دەکەینەوە چەپکە گوڵی پێکەوەژیانی ھەموو نەتەوە و پێکاتەکانی ئەم شارە .

ھەر لەکۆبوونەوەکەدا ھاوسەرۆک ھانی ھەڤاڵان و کادرانی کۆمەڵایەتی دا کۆشش و ماندووبوونیان بکەنە خزمەتی سەرخستنی کاندیدانی ھاوپەیمانی کوردستان لە کەرکوک و پارێزگاری لە دەنگی کورد بکەن و رۆژی دەنگدان وەڵامی نەیارانی کەرکوک بدەنەوە.

مەراڵ دانش بەشتاش پەرلەمانتاری هەدەپە رایگەیاند، مام جەلال دروشمی یەكێتی و یەكڕیزی گەلی كورد بوو و دەیانەوێت بەردەوامی بەو رێبازە بدەن، وتیشی، هەر جارێك سەردانی هەرێمی كوردستان و سلێمانی بكەن دەبێت سەردانی مەزاری سەرۆك مام جەلال بكەن.

 

"بێگەرد تاڵەبانی"وەزیری کشتوکاڵ و سەرچاوەکانی ئاوی ھەرێم رایگەیاند، لە کۆنفرانسی ساڵانەی بوژانەوەی ئابوری عێراق لە لەندەن داوایکرد کۆمپانیاکان و وەبەرھێنەرانی بەریتانی بۆ ئەنجامدانی سەرمایەگوزاری و کەمکردنەوەی رۆتین بۆ پاڵپشتی خاوەنکار و پڕۆژەکان و بوژانەوەی ئابووری سەردانی ھەرێمی کوردستان بکەن، بە تایبەت لە پرۆژەکانی سێکتەری پیشەسازی کشتوکاڵی و ئاسایشی خۆراک و سامانی ئاژەڵ و پەلەوەری و بەبازاڕکردنی بەرھەمی جوتیاران و رەخساندنی دەرفەتی کار و گرنگیدان بە سەنتەرەکانی راھێنان.
راشیگەیاند، لەو کۆنفرانسەدا ئاماژەیان کردوە بە گۆڕانکارییەکانی کەشوھەوا و دیاردەی وشکەساڵی و روانگەی گرنگیدانی وەزارەت بە پارێزگاری لە ئاسایشی ئاو و دابین کردنی ئاو بەجێبەجێکردنی پڕۆژەکانی بونیادنانی بەنداوەکان و گلدانەوەی ئاو و سوود وەرگرتن لەسەرچاوەکانی ئاوی ھەرێم.

لە کۆبونەوەکەدا ئاماژە گرنگی بەرۆڵی سەرۆک مام جەلال درا لەدروستکردنی پەیوەندییەکی پتەو لەگەڵ حزبە سیاسیەکانی تر لەسەر بنەمای پاراستن و بەرگریکردن لەمافەکانی گەلی کورد.
لای خۆشییەوە،"قوباد تاڵەبانی" رایگەیاند، لەم قۆناغەدا یەکێتی لەبەرئەوە لەگەڵ بزووتنەوەی گۆڕان ئەم ھاوپەیمانێتیەیان بەستووە تا یەکڕیزی بەدی بھێنن وەک دوو ھێزی سیاسی کاریگەری سەر گۆڕەپانی سیاسی ناوچەکە، لەپێناو پاراستنی مافی ھاووڵاتیانی کورد.
 جەخت لەوەشکرایەوە، پێویستە بەگرتنەبەری شێوازێکی حەکیمانە مامەڵە بکرێت لەگەڵ ئەم رەوشە ھەنوکەییە و پەیوەندییەکانی یەکێتی و ھەدەپە پتەوتر بکرێن.
"قوباد تاڵەبانی"راشیگەیاند، یەکێتی سیاسەتێکی نەگۆڕی ھەیە لەبەرامبەر دۆزی کورد و ھەمیشە لەگەڵ گرتنەبەری شێوازی گفتوگۆ و چارەسەری ئاشتیانەی کێشە و ململانێ سیاسییەکاندایە بەوشێوازەی، رێزگرتن لەماف و داخوازییەکانی نەتەوەی کورد بکرێتە بنەمای سەرەکی.