شارەزایان و پەرلەمانتاران  خوێندنەوەی جیاواز بۆ بڕیارەکەی موقتەدا سەدر رێبەری رەوتی سەدر دەکەن و زۆرینەی پێیان وایە بڕیارەکەی سەدر دواخستنی ھەڵبژاردنی پێشوەختی کردووەتە کارێکی حەتمی.

عزەت شابەندەر کەسایەتی سیاسی سەربەخۆ لە تویتەر نوسیویەتی، ھەندێک لایەنی سیاسی بە ئاشکرا کار بۆ ئەوە دەکەن ھەڵبژاردن لە وادەی خۆیدا لە ١٠ی ١٠ بکرێت، لە ھەمانکاتیشدا ھەندێک لایەنی تر بەنھێنی کاری ئەستەم دەکەن بۆ دواخستنی ، بەوتەی شابەندەر بەریتانیا و ھۆڵەندە بانگەشە بۆ دەکەن کە عێراق وڵاتێکی ئارام نیە بۆ ھەڵبژاردن.

ھەروەھا عامر فایز پەرلەمانتاری عێراق،  دەڵێت پاشگەزیوونەوەی سەدر لە بڕیاری بەشدارینەکردن لە ھەڵبژاردن نزیکترینە لە واقع  بەو پێیەی لە رابردوودا چەندین جار ھەڵوێست و بڕیارەکانی پاشگەزبووەتەوە.

دەشڵێت، بڕیارەکەی سەدر مانۆڕێکی سیاسییە بۆ شڵەقاندنی گۆمەکە لەلایەک و ئیستیفزازکردنی جەماوەری رەوتەکەیەتی لەلایەکی تر، بەو پێیەی لەدوای رووداوەکەی ئەم دوایییەی پەیوەست بە قەیرانی کارەبا و ئاگرکەوتنەوەکانی وەزارەتی تەندروستی و بەرزبوونەوەی بەھای دۆلار ئاستی جەماوەری رەوتەکەی دابەزاندووەو پێی وایە کوتلەکەی ناتوانێت کورسی پێویست لە ھەڵبژاردنەکەدا بەدەستبھێنێت.

ئەو پەرلەمانتارە ئاماژەی بەوەشکردووە، ئەگەر سەدر لە بڕیارەکەی پاشگەزنەبێتەوە، دوو سیناریۆی تر لە ئارادان ئەوانیش بریتین لە دواخستنی ھەڵبژاردن، یاخود بەرێوەچوونی لەکاتی خۆیدا بە بەشداریکردنی ھاوپەیمانی سائیرون بە کوتلەیەکی تر بەبێ ئەوەی لەسەر سەدر ھەژمار بکرێت.

لای خۆشییەوە تاریق حەرب شارەزای یاسای دەستوری رایگەیاندوە، بە بێ بەشداری  موقتەدا سەدر ھەڵبژاردن لەکاتی خۆیدا ناکرێت. 

جەختیشی کردەوە، ئەگەر ھەوڵی دانایان  بۆ پاشگەزکردنەوەی سەدر سەرکەوتوو نەبن، دواخستنی ھەلبژاردن کارێکی حەتمییە.

 

 

پێشتر ئەدھانۆم لە کۆنفرانسێکی رۆژنامەوانیدا ئاشکرایکردبوو، قۆناغی یەکەمی لێکۆڵینەوەکان ھیچ ئەنجامێکی رازیکەری نەبووە و زانیارییە ناتەواوەکان لەبارەی ھۆکار و چۆنیەتی سەرھەڵدانی ڤایرۆسی کۆرۆنا لە رۆژانی سەرەتای بڵاوبوونەوەیدا، زیانی بە لێکۆڵینەوەکان گەیاندووە.

راشیگەیاندبوو، تیمەکانیان پێویستیان بە زانیاری ورد و راستەوخۆ ھەیە دەربارەی شێوازی چالاکیی تاقیگەی وھان لەکاتی بڵاوبوونەوەی کۆرۆنا و پێش سەرھەڵدانی ڤایرۆسەکە، ئەگەر زانیاری تەواویان لەوبارەیەوە دەستکەوت، کۆتایی بە لێکۆڵینەوە لە تاقیگەکە دەھێنن.

بەھاری ئەمساڵ، رێکخراوی تەندروستی جیھانی، تیمێکی بۆ لێکۆڵینەوە لە دۆزینەوەی سەرچاوەی ڤایرۆسی کۆرۆنا رەوانەی شاری ووھانی چین کرد و پاش نزیکەی مانگێک لە لێکۆڵینەوە لەگەڵ تیمێکی چینی، لە راپۆرتێکی ھاوبەشدا رایانگەیاند، دەنگۆی سەرھەڵدانی ڤایرۆسەکە لە تاقیگەی ووھانەوە، دوورە لە راستییەوە و ئەگەری زۆرە ڤایرۆسەکە لە شەمشەمەکوێرەوە گوازرابێتەوە بۆ مرۆڤ.

دواتر بەشێک لە وڵاتان لەوانەش ئەمریکا داوای لێکۆڵینەوەی زیاتریان لە سەرەتای سەرھەڵدانی کۆرۆنا لە چین و ھەڵسوکەوتی تاقیگەی ڤایرۆس ناسی شاری ووھان کرد، کە ھاوکات لەگەڵ بڵاوبوونەوەی ڤایرۆسەکە، توێژینەوەی لەسەر شەمشەمەکوێرە دەکرد.

بەپێی ھەندێک لە راپۆرتەکانیش، ئێستا رێکخراوی تەندروستی جیھانی داوای لێکۆڵینەوەی زیاتر لە ھۆکار و چۆنیەتی سەرھەڵدانی کۆرۆنای نوێ تەنھا لە چین دەکات و بەدیاریکراویش جەخت لە بەدواداچوون بۆ شێوازی کارکردنی تاقیگەی وھان دەکاتەوە.

دۆناڵد ترەمپ سەرۆکی پێشووی ئەمریکاش بەردەوام کۆرۆنای بە دروستکراوی چین لە قەڵەم دەدا و تەنانەت لە لێدوانەکاشیدا بە ڤایرۆسە چینییەکە وەسفی دەکرد، دەسەڵاتدارانی چینیش بەردەوام ئەو تۆمەتەیان رەتکردووەتەوە.