ئێران: دیاریکردنی کاتی رێککەوتنی ئەتۆمی پەیوەندی بە بڕیاری لایەنی خۆرئاوا ھەیە
کوردسات نیوز
٢٣ی شوباتی ٢٠٢٢
٤٥٣
حسێن ئەمیر عەبدوڵاھیان وەزیری دەرەوەی ئێران بە یۆرۆنیوزی راگەیاندووە، ئامانجیان لە گەڕانەوە بۆ دانوستانە ئەتۆمییەکان، گەیشتن بە رێککەوتنێکی باشە و لەوبڕاویەشدایە کە لە ئێستادا زیاتر لە ھەموو کاتێکی تر لە رێککەوتن نزیکبوونەتەوە، وتیشی بۆ ئەو بەمەبەستە تاران بە ھەموو شێوەیەک نەرمی نواندووە و دیاریکردنی کاتی رێککەوتنەکە پەیوەندی بە بڕیاری لایەنی خۆرئاوا ھەیە.
ئەوەش لەکاتێکدایە، خولی ھەشتەمی دانوستانەکانی ڤیەننا بۆ کاراکردنەوەی رێککەوتنی ئەتۆمی بەردەوامە و بەپێی ھەندێک لە سەرچاوەکان، ئەمریکا و ئێران لەسەر ھەندێک پرس گەیشتوونەتە رێککەوتن، لەوانەش ئاڵوگۆڕی زیندانیان.