د.بڕیار رەشید: لە سبەینێوە گەشتیارانی سلێمانی دۆلار بە نرخی رەسمی وەردەگرن
٢٦ی تشرینی یەکەمی ٢٠٢٤
١٥
بە ھەوڵی پەرلەمانتارێکی یەکێتی، لە سبەینێوە لە فڕۆکەخانەی نێودەوڵەتی سلێمانی فرۆشتنی دۆلار بە نرخی رەسمی بانکی ناوەندیی بە گەشتیاران دەستپێدەکاتەوە.
د.بڕیار رەشید، ئەندامی ئەنجومەنی نوێنەرانی عیراق بە کوردسات نیوزی راگەیاند، لە ئەنجامی ھەوڵەکانیان بۆ دەستپێکردنەوەی فڕۆشتنی دۆلار بە گەشتیاران لە فڕۆکەخانەی نێودەوڵەتی سلێمانی ھاوشێوەی فڕۆکەخانەکانی دیکە، لە سبەینێوە فڕۆشتنی دۆلار بە گەشتیاران لە فڕۆکەخانەی نێودەوڵەتی سلێمانی دەستپێدەکاتەوە.
ئەوەشی خستووەتەڕوو، گەشتیارانی سلێمانی ھاوشێوەی گەشتیارانی پارێزگاکانی تری عیراق لە سبەینێوە دەتوانن بە نرخی رەسمی بانکی ناوەندیی دۆلار لە فڕۆکەخانەی نێودەوڵەتی سلێمانی وەربگرن.
