نید پرایس وتەبێژی وەزارەتی دەرەوەی ئەمریکا لە کۆنفڕانسێکی رۆژنامەوانیدا رایگەیاند، "سێ"ی ئەم مانگە خولی ھەشتەمی دانوستانەکانی ڤییەننا دەستیپێکردەوە، وەک پێشتر رایانگەیاندووە گفتوگۆکان بەڕەپێشچوونی کەمی بەخۆیەوە بینیوە و تا ئێستاش بەو شێوەیە بەردەوامە، بەڵام ھیواخوازن لە چەند رۆژی داھاتوودا زیاتر بەرەوپێش بچێت.
وتیشی، کات بەخێرایی دەڕوات و ئەگەر بەمنزیکانە لەبارەی کاراکردنەوەی رێککەوتنی ئەتۆمی لەگەڵ ئێران نەگەنە رێککەوتن، رێگەیەکی تر دەگرنەبەر.
حسێن ئەمیر عەبدوڵاھیان وەزیری دەرەوەی ئێرانیش رایگەیاند، ئەگەر لایەنی خۆرئاوا نیەت و ئیرادەی جددی ھەبێت، دەتوانن رێککەوتنێکی باش دەستەبەر بکەن.