کوردستان
پەیامنێری کوردسات نیوز رایگەیاند، ئاگر لە یەکەیەکی نیشتەجێبوون لە گەڕەکی ئیتێکێی شاری دھۆک کەوتەوە، کە دوو ھاوسەر و منداڵێکی تێدا نیشتەجێبووە، بەھۆیەشەوە ژنێکی تەمەن ٢٨ ساڵ سوتاوە و لەکاتی گەیاندنی بۆ نەخۆشخانە گیانی لەدەستداوە. ھەروەھا ھاوسەرەکەشی تەمەنی ٣٤ ساڵە، بەشێکی جەستەی سووتاوە و رەوانەی نەخۆشخانە کراوە، بەپێی زانیارییەکان رێژەی سوتاوییەکەی ١٥٪یە.
وتیشی، منداڵی ئەو خێزانە سەلامەتە، بەڵام ماڵەکەیان بەتەواوی سوتاوە.
وەزارەتی بەرگری تورکیا لە ڕاگەیەندراوێکدا بڵاویکردەوە، لە ڕووبەڕووبوونەوەیەکدا لەگەڵ گەریلاکانی پەکەکە، پێنج سەربازیان لە ھەرێمی کوردستان کوژراوە و ھەشت سەربازی دیکەیشیان برینداربووە، ھاوکات ١٢ گەریلای پەکەکەش کوژراوان.
پەیامنێری کوردسات نیوز لە ئامێدی رایگەیاند، ڕووبەڕوونەوەکەی نێوان سوپای تورکیا و گەریلاکانی پەکەکە لە بەرزاییەکانی گوندی سگێرێ لە روژھەڵاتی ئامێدی روویدا و بەردەوام فڕۆکەی جەنگیش بەسەر ئاسمانی ناوچەکە دەسوڕایەوە.
پەیامنێری کوردسات نیوز رایگەیاند، بڕیارە رۆژی دووشەممەی داهاتوو وەفدێکی ئەنجوومەنی کۆمیسیارانی کۆمیسیۆنی باڵای سەربەخۆی ھەڵبژاردنەکانی عێراق، سەردانی ھەرێمی کوردستان بکات و لەگەڵ سەرۆکایەتی ھەرێمی کوردستان کۆببێتەوە.
وتیشی، وەفدەکە و سەرۆکی ھەرێم بەپێی خشتەی کاری کۆمیسیۆنی ھەڵبژاردن، وادەیەکی نوێ بۆ ئەنجامدانی ھەڵبژاردنی پەرلەمانی کوردستان دیاریدەکەن.
بەشی پێشبینییەکان لە وەزارەتی گواستنەوە و گەیاندنی ھەرێم رایگەیاند، بارانبارین و بەفربارین لە ناوچە شاخاوییەکان بە شێوەی بچڕ بچڕ بەردەوامە و پیشبینی دەکرێت لە دوای نیوە شەو بارانبارین درێژە بکێشێ بۆ زۆربەی ناوچەکانی تری ھەرێم.
پێشبینیش دەکرێت، تا پێش نیوەڕۆی رۆژی شەممە لە بەشێک لە ناوچە شاخاوییەکانی دھۆک و ھەولێر و ڕاپەڕین زۆرترین ڕێژەی باران ببارێت.
ئاماژەی بۆ ئەوەشکردووە، بۆ دوای نێوەڕۆ و ئێوارەی شەممە نمە باران بە شێوەی بچڕ بچڕ لە سەنتەری شارەکان و بەفر و باران لە ناوچە شاخاویەکان بەردەوام دەبێت.
دەقی پەیامەکە...
ھەڤاڵ لێپرسراوی مەکتەبی ڕاگەیاندن و ھۆشیاری
ھەڤاڵ لێپرسراوی بۆردی ڕاگەیاندن
ھەڤاڵانی مەکتەبی ڕاگەیاندن و ھۆشیاری
ھەڤاڵانی ئەندامانی دووەمین کۆنفرانس
سڵاوتکی گەرم
لەدڵەوە بەوپەڕی خۆشحاڵییەوە بەناوی لێپرسراو و تەواوی ھەڤاڵانی مەکتەبەکەمانەوە گەرمترین پیرۆزبایی بەستن و سەرکەوتنی دووەمین کۆنفرانسی ڕاگەیاندنتان لێدەکەین و ھیوای سەرکەوتنتان بۆدەخوازین.
ئومێدمانە ئەم کۆنفرانسە بەراسپاردە و پێشنیارو بۆچوون و ڕەخنە بنیاتنەرەکانی ئەندامانی کۆنفرانس، وە دەستنیشانکردنی ئەو گرفتانەی لەڕابردوودا بووبوونە ھۆکاری جۆرێک لەلاوازبوونی ڕاگەیاندنی یەکێتی بەگشتی، ھەنگاوێک و وەرچەرخانێکی گەورەبێت بۆ ڕاگەیاندن و میدیای بینرا و بیسترا و نووسراو و میدیای نوێ یەکێتی تابتوانێت داھێنان بکات و ببێتەوە یەکەمینی ڕاگەیاندنەکان و لەئاست خواست و داوای میدیاکاران و بینەر و بیسەرەکانیدا بێت، ئەو متمانە ڕاستگۆییەی ھەیەتی لای جەماوەرەکەی بەرەو زیاتری ببات خزمەتی زیاتر بە یەکێتی و کۆمەڵانی خەڵک بکات، ببێتە میدیای ھەموو چین و توێژە جیاجیاکان بەبێ جیاوازی.
خوازیاریشن ئەم کۆنفرانسە بەڕاسپاردەکانی ئاوڕدانەوەیەک بێت بۆ بار و ژیانی کادر و کارمەندەکانی تابتوانن باشترین خزمەت بکەن ئاواتیشمانە لەڕووی تەکنیک و تەکنەلۆژیاوە بگاتە ئاست میدیا ھاوچەرخەکانی دنیای ئێستای ڕاگەیاندن.
دووبارەپیرۆزە
مەکتەبی رێکخستنی یەکێتیی نیشتیمانیی کوردستان
لیوا ڕوکن بەختیار محەمەد ئەمینداری گشتی وەزارەتی پێشمەرگە رایگەیاند، یاداشتنامەیەکی تێگەشتن ھەیە لە نێوان وەزارەتی بەرگری ئەمەریکا و وەزارەتی پێشمەرگە بە ئاگاداری حکومەتی عێراق بۆ چوار ساڵ و ھەر مانگێک ٢٠ ملیۆن دۆلار و چەندین چەک و ئامێر و مەشق و ڕاھێنان لە خۆی دەگرێت، ساڵانەش ھاوکارییە ماددییەکان بەرێژەی ٢٥٪ کەم دەبێتەوە لە ساڵی ٢٠٢٦ یش بە تەواوی سفر دەبێتەوە.
جەختی لەوەشکردەوە، ئەو کەمکردنەوەکەیە سزا نییە، بەڵکو بەپێی ئەو لێکتێگەشتنەیە کە ھەیە لە نێوان ھەردوولادا ئیمزاکراوە، بەڵام کەمکردنەوەی ئەو ھاوکارییانە کاریگەری خراپی دەبێت لەسەر وەزارەت، ھەروەھا کەمبوونەوەی ھاوکاریەکانی ھاوپەیمانان بۆ ھێزی پێشمەرگە، کاریگەری دەبێت لە تازە بوونەوەی چەک و ئامێرەکانی پێشمەرگە، لەبەرئەوە دەبێت وەزارەتی پێشمەرگە و حکومەتی ھەرێم قەرەبووی ئەو کەمبوونەوەیە بکەنەوە و پلانیان ھەبێت بۆ پڕکردنەوەی ئەو کەمبوونەوەیە.
یاداشتنامەی لێکتێگەیشتن لە نێوان وەزارەتی پێشمەرگە و وەزارەتی بەرگری ئەمەریکا ساڵی ٢٠١٦ ئەنجامدرا و لە مانگی ١٠ی ٢٠٢٢ بۆ چوار ساڵ نوێکراوەتەوە، بەپێی لێکتێگەشتنەکە پێنتاگۆن مانگانە ٢٠ ملیۆن دۆلار و چەندین چەک و ئامێری جەنگی و مەشق و ڕاھێنان پێشکەش بە ھێزە ھاوبەشەکانی پێشمەرگە دەکات.
ئەو لێپرسراوە ئەمریکییە لە پۆستێکیدا لە تۆڕی ئێکس رایگەیاندووە، ئیدانەی دەرچوونی سزای لەسێدارەدان دەکەین، کە ئەم ھەفتەیە دژی چوار ھاوڵاتی کورد لە ئێران دەرچووە.
وتیشی، حکومەتی ئێران تۆمەتی بێبنەما دروست دەکەن بۆ ئەوەی ئۆپۆزسیۆن بێدەنگ بکەن و رێگری لە خۆپیشاندانی ئاشتییانە بکەن.
داواشی لە لێپرسراوانی ئێران کرد، سەرجەم زیندانییە سیاسییەکان ئازاد بکەن و سەرکوتکردن رابگرن.
بەپێی رێکخراوەکانی داکۆکی لە مافی مرۆڤ، ئێران لە دوای وڵاتی چینەوە زۆرترین سزای لەسێدارەدان جێبەجێ دەکات، بەشێوەیەک لە ساڵی ٢٠٢٣دا زیاتر لە ٧٠٠ کەس لەلایەن تارانەوە لەسێدارەدراون کە بەرزترین ئامارە لە ماوەی ٨ ساڵی رابردوودا.
لەو پەیامەدا سەرۆکی یەکێتی دوپاتیکردەوە کە میدیای یەکێتی رۆڵێکی گرنگ و کاریگەری گێڕا لە بەڕێوەبردنی ھەڵمەتی ھەڵبژاردن و سەرخستنی ھاوپەیمانیی کەرکووک ھێز و ئیرادەمانە.
دەشڵێت، ئەمڕۆ میدیا لە جیھاندا لەبەردەم گۆڕانکاری و بەرەوپێشچوونی بەردەوامدایە و نوێبوونەوە و داھێنان خواست و ئەرکی سەرەکی میدیاکانە لەپێناو خۆگونجاندن لەگەڵ دۆخەکە و ھەنگاونان لەگەڵ خواستی خەڵک و ململانێ پیشەییەکان.
ئاماژەی بۆ ئەوەشکردووە، پێویستە بە روانین و دیدگایەکی نوێوە، بە سوودوەرگرتن لە پێشکەوتنە تەکنەلۆجییەکان و پابەند بە بنەماکانی کاری رۆژنامەوانی، سیاسەت و ستراتیجێکی نوێ بۆ میدیا بنووسینەوە و ھاوشانی بەرەوپێشچوونە میدیاییەکان ھەنگاوبنێین.
دەشڵێت، میدیاکانمان پێویستیان بە بەخۆداچوونەوەی جدی و گۆڕانکاری ریشەیی ھەیە و پێویستە رووانینمان بەرەو داھاتوو بێت. بۆ ئەمەش پێویستە بە بیرێکی نوێگەر و داھێنەرانەوە مامەڵە لەگەڵ میدیا بکەین و بە ھەنگاوی کردەیی میدیاکانمان رێکبخەینەوە و سیاسەتێکی نوێی کاریی میدیایی دابڕێژین .
دەقی پەیامەکە...
پەیامی سەرۆک بافڵ جەلال تاڵەبانی بۆ (دووەمین کۆنفرانسی رێکخستنەوە و داڕشتنەوەی سیاسەتی میدیایی و ئامادەسازی بۆ قۆناغی نوێ)ی بۆردی راگەیاندن
ئامادەبووانی دووەمین کۆنفرانسی رێکخستنەوە و داڕشتنەوەی سیاسەتی میدیایی و ئامادەسازی بۆ قۆناغی نوێ
ھەڤاڵانی بۆردی راگەیاندن
میدیاکارانی خۆشەویست
سەرەتا پیرۆزبایی بەستنی کۆنفرانستان لێدەکەم و ھیوای سەرکەوتنتان بۆ دەخوازم.
بەڕێزان
دەمەوێت لە دڵەوە سوپاس و پێزانین ئاڕاستەی ئێوەی دڵسۆز و خۆشەویست بکەم بۆ ھەوڵەکانتان لە سەرخستنی ھاوپەیمانیی کەرکووک ھێز و ئیرادەمانە و یەکێتییەکەتان لە کەرکووکی قودسی کوردستان، بێگومان رۆڵێکی گرنگ و کاریگەرتان گێڕا لە بەڕێوەبردنی ھەڵمەتی ھەڵبژاردن و شانازیتان پێوەدەکەین.
ئامادەبووانی خۆشەویست
ئەمڕۆ میدیا لە جیھاندا لەبەردەم گۆڕانکاری و بەرەوپێشچوونی بەردەوامدایە، نوێبوونەوە و داھێنان خواست و ئەرکی سەرەکی میدیاکانە لەپێناو خۆگونجاندن لەگەڵ دۆخەکە و ھەنگاونان لەگەڵ خواستی خەڵک و ململانێ پیشەییەکان.
لەگەڵ وردبوونەوە و تێگەیشتنمان لە دۆخی میدیا لە جیھاندا، پێویستە ئێمەش بە روانین و دیدگایەکی نوێوە، بە سوودوەرگرتن لە پێشکەوتنە تەکنەلۆجییەکان و پابەند بە بنەماکانی کاری رۆژنامەوانی، سیاسەت و ستراتیجێکی نوێ بۆ میدیا بنووسینەوە و ھاوشانی بەرەوپێشچوونە میدیاییەکان ھەنگاوبنێین.
ھەڤاڵان و خوشک و برایان
ئێوە ھەمووتان قەڵەمی بەئەمەک و خۆنەویستی یەکێتی بوون و لە بەرگریکردن لە یەکێتی و دۆزی رەوای گەلەکەمان، دەنگی ئازا و دلێر بوون، ئەمە جگەلەوەی لە قۆناغی ئاشتیشدا رۆڵی گرنگتان لە ھۆشیارکردنەوەی کۆمەڵگە گێڕاوە و رەوتی رۆژنامەوانی و رۆشنبیریتان بەرەوپێشبردووە. ئێمە شانازیی بە ھەمووتانەوە دەکەین و لە توانا و لێھاتووییتان دڵنیاین، دڵنیام لەم کۆنفرانسەشدا سوود لە کەسانی پسپۆڕ و ئەکادیمی وەردەگرن و پێکەوە بەرەو قۆناغێکی نوێی میدیایی ھەنگاودەنێن کە لەئاست خواستی خەڵکدایە و ھاوتایە لەگەڵ میدیا پێشەنگەکانی جیھاندا.
ئازیزان
میدیاکانمان بە بینراو، نووسراو، بیسراوەوە پێویستیان بە بەخۆداچوونەوەی جدی و گۆڕانکاری ریشەیی ھەیە، دەزانین شانازیمان لە رابردوودا زۆرن، بەڵام ئەمە بەتەنیا بەس نییە و پێویستە رووانینمان بەرەو داھاتوو بێت. بۆ ئەمەش پێویستە بە بیرێکی نوێگەر و داھێنەرانەوە مامەڵە لەگەڵ میدیا بکەین و بە ھەنگاوی کردەیی میدیاکانمان رێکبخەینەوە و سیاسەتێکی نوێی کاریی میدیایی دابڕێژین کە لە خزمەت کوردستان و بەرژەوەندییە نیشتمانییەکاندا بێت.
دڵخۆشم کە بۆردی راگەیاندن کۆنفرانسەکەی سەرچاوەیەکە بۆ بەھێزکردنی رایەڵەی میدیایی لەسەرجەم ئۆرگانە حزبییەکان کە نوێنەرایەتیی راگەیاندنی تەواوی مەکتەب و مەڵبەندکانی لەخۆگرتووە .
لە کۆتاییدا جەخت لەوەدەکەمەوە نان و ئازادی بۆ رۆژنامەنووسان و نووسەران تەنیا درووشمێکی سیاسی نەبووە، بەڵکو فەرھەنگی سەنگینی سەرۆک مام جەلالە و دەیپارێزین. ئێوە بەرەو نوێبوونەوە و داھێنان ھەنگاوبنێن و ئێمەش بە دڵ پشتیوانتان دەبین.
شاد و سەرفرازبن
بافڵ جەلال تاڵەبانی
سەرۆکی یەکێتیی نیشتمانیی کوردستان
بەپێی راگەیەندراوی فەرمانگەی میدیا و زانیاری، ئەنجومەنی وەزسران کۆبوەتەوەو لەکۆبوونەوەکەدا، گفتوگۆ کراوە لەبارەی مووچەی مووچەخۆرانی ھەرێم و ھەموارکردنەوەی یاسای بودجەی فیدڕاڵ و دەستپێکردنەوەی ھەناردەکردنی نەوتی ھەرێمی کوردستان لەگەڵ تێچووی بەرھەمھێنان و گواستنەوەی نەوت.
ھەروەھا باسی لە خستنەڕووی پڕۆژە و پێشنیارەکانی حکومەتی ھەرێمی کوردستان کراوە کە بۆ ھەمواری بوودجە پێشکەش بە حکومەتی فیدراڵ کراوە.
دەشڵێت، ئەنجومەنی وەزیران خۆشحاڵە بەرامبەر تێگەیشتنەکانی ئەم دواییەی حکومەتی فیدڕاڵ و بەرەوپێشچوونەکان بە ئاڕاستەی ھەموارکردنەوەی یاسای بودجەی فیدڕاڵ، سەبارەت بە شایستە دواکەوتووەکانی مووچەی مووچەخۆران جەختی لەوەشکردۆتەوە، دەبێت حکومەتی فیدڕاڵ بەرپرسیارێتی خۆی بەجێ بگەیەنێت بۆ ناردنی ئەو مووچانەو بۆ ئەم مانگەش، ھاوشێوەی ناوچەکانی دیکەی عێراق، مووچەی مووچەخۆرانی ھەرێم خەرج بکات.
دەقی ڕاگەیەندراوەکەی خاوەن نانەواخانەکانی هەولێر...
بۆ بەڕێز سەرۆکی حکومەتی ھەرێمی کوردستان
ئێمە وەکو خاوەنی ٦١٠ نانەواخانەی ھەولێر کە ئەمڕۆ کارمان نەکردوە بەھۆی ئەو ھەموو فشارەی لەسەرمانە، دەست خراوەتە گیرفانمان و چاو بڕاوەتە نانی دەمی منداڵەکانمان، تکامان وایە ئەو بڕیارە بە بەرپرسانی ھەولێر رابگرە چونکە بەڕاستی ئەوان رێنادەن کار بکەین.
ئێمە دەمانەوێت کاری خۆمان بکەین راستە ئێستا ئارد ھەزران بووە، بەڵام کاتێک شەڕی ئۆکراینا و رووسیا بوو فەردەیەکی ئاردمان بە ٤٥ ھەزار دینار دەکڕی ئەو کات بۆ ئەوەی کاریگەری لەسەر ھاوڵاتیان نەکات ئێمە لە فرۆشتنی نان بە نرخی خۆی بەردەوام بووین، ئێستاش خاوەن نانەواخانە ھەیە زیاتر لە ٤٠ ملیۆن دینار قەرزی ئەو کاتەیە، بە نرخی ئاردی ئێستاش نە قازانجە نە زەرەرە.
بەپێی ئەو بڕیارەی پارێزگاری ھەولێر و قائیمقامی ھەولێر جێ بەجێ دەکەن دەیانەوێت ئێمە پێشێلی یاسای بکەن، چونکە بەو نرخەی نان دەبێت ئێمە کرێکاری خۆمان دەربکەین و کرێکاری تر بھێنین بۆ شوێنەکانیان ئەمەیش پێشێلی یاسای کار و دەستەبەری کۆمەڵایەتییە کە نازانین بۆچی ھێندە دژی کرێکاری خۆمان کار دەکەن و رقیان لێیان دەبێتەوە.
بەڕێزسەرۆکی حکوومەت، ئەمڕۆ ٦١٠ نانەواخانە کارمان نەکردووە واتا ١٨٣٠ کرێکار کاریان نەبووە، ئێمە دژی شاری خۆمان نین، دژی ھیچ کەسێک نین، بەڵکو قرقرتۆکمان گیراوە ناھێڵن کار بکەین، ئەو ھەموو ھەڕەشەیەی لەلایەن بەرپرسانی ھەولێر لێمان دەکرێت بەناوی بەڕێزت کە خۆمان بڕوا ناکەین ئەوە قسەی تۆ بێت و تۆ ھێندە لەگەڵ ئێمە توند بیت بۆیە تکامان وایە خۆت بیانوەستێنە چیتر بێزارمان نەکەن.
فەرمانگەی میدیا و زانیاری حکومەتی ھەرێم رایگەیاند، ئەنجومەنی وەزیران لە بڕگەی یەکەمدا، دەرئەنجامی سەردانی وەفدی دانوستانکاری ھەرێمی کوردستان تایبەت بە گفتوگۆکردن لەسەر مووچەی فەرمانبەرانی ھەرێم و ھەمواری یاسای گشتی بودجەی فیدراڵی و دەستپێکردنەوەی ھەناردەی نەوتی ھەرێمی کوردستان و تێچووی بەرھەمھێنان و گواستنەوەی نەوت دەخرێنەڕوو، ھەروەھا پڕۆژە و پێشنیارەکانی حکومەتی ھەرێم لەسەر ئەو پرسانە کە پێشکەشی حکومەتی فیدراڵی کردووە، دەخرێنەڕوو.
لە بڕگەی دووەمیشدا، ئەنجومەنی وەزیران بەدواداچوون دەکات سەبارەت بە رێکاری وەزارەتە پەیوەندیدارەکان بۆ لابردنی زیادەڕۆیی سەر رێگا و شەقام و شوێنە گشتییەکان.
بەگوێرەی دەستوری رۆژئاوای کوردستان، ئەندامانی دادگاکە لە دادوەر و شارەزایانی یاسایی پێکدێن و بەڕەچاوکردنی نوێنەرایەتی پێکھاتەیی و رەگەزیی دیاری دەکرێن، ھاوکات نابێت ژمارەی ئەندامەکانیشی لە ھەشت ئەندام کەمتر و لە ١٠ ئەندام زیاتر بێت.
دادگای دەستوری رۆژئاوای کوردستان ئەندامەکانی بە دەنگی دوو لەسەر سێی ئەنجومەنی گەلانی باکور و رۆژھەڵاتی سوریا ھەڵدەبژێردرێن و ئەرکیان شیکردنەوەی مادەکانی دەستور و یەکلاییکردنەوەی ناکۆکی نێوان بڕیار و رێنماییەکانی ئەنجومەنی گەلان و ئەنجومەنی جێبەجێکردن و ئەنجومەنی کانتۆنەکان دەبێت، بڕیارەکانیشی بۆ ھەمووان پابەندکاریین تانەیان لێنادرێت.
لەلایەکی دیکەشەوە دوای پەسەندکردنی دەستور، لەم کاتەدا رۆژئاوای کوردستان سەرقاڵی دەرکردنی یاسای کۆمیسیۆنی ھەڵبژاردنەکان، یاسای ھەڵبژاردن و یاسای ئەنجومەنی کانتۆنەکانە کە بەشێکن لە ھەنگاوەکانی جێبەجێکردنی ئەو دەستورەی رۆژی ١٢-١٢-٢٠٢٣ پەسەندکرا.
جەعفەر شێخ مستەفا جەختیکردەوە لە بەردەوامبوونی پەیوەندییەکانی ھەرێم و ھۆڵەندا، ھەروەھا گفتوگۆکانی نێوان لایەنە سیاسییەکانی عێراق و ھەرێمی بەپێویست زانی بۆ چارەسەری کێشەکان بەپێی دەستور و پاراستنی بەرژەوەندییەکانی دەوڵەت.
ھەروەھا تیشکی خستە سەر ھەنگاوەکانی پڕۆسەی چاکسازی و یەکخستنەوەی پێشمەرگە و خێراکردنی ئەو میکانیزمانەی کە گرنگە بۆ خزمەتکردنی پڕۆسەی یەکخستنەوەکە.
کونسوڵی ھۆڵەنداش جەختی کردەوە لەوەی، بەردەوام دەبن لە برەودان بە پەیوەندییەکانیان لەگەڵ ھەرێم، ھەروەھا یارمەتیدەر دەبن بۆ چارەسەرکردنی کێشەکان و پاراستنی سەقامگیری لە عێراق و ھەرێم، پاشان رۆڵی ھەرێم و پێشمەرگەیان لە بەرەنگاربوونەوەی داعش بەرز نرخاند، ھیواشی خواست گفتوگۆکانی نێوان بەغداد و ھەرێم ببێتە ھۆکارێک بۆ چارەسەرکردنی کێشەکان و جێگیربوونی سەقامگیری ئەمنی و سیاسی و ئابوری.
فەھمی بورھان سەرۆکی دەستەی ناوچە کوردستانییەکانی دەرەوەی ئیدارەی ھەرێم و سەفین دزەیی لێپرسراوی فەرمانگەی پەیوەندییەکانی دەرەوەی حکومەتی ھەرێم سەبارەت بە دواین پێشھات و رووداوەکانی کەرکووک کۆبوونەوە.
لە کۆبوونەوەکەدا فەھمی بورھان باسی لە رەوشی ناوچە کوردستانییەکان بە گشتی و شاری کەرکوک بە تایبەت کرد و رایگەیاند، پاڵپشتی و ھاوکاریی تەواوی خەڵکی کەرکوک دەکەن و دەیانەوێت دەنگیان بگەیەننە دوونیایی دەرەوە، چونکە سوپا ترس و تۆقاندن و بێڕێزی بە کوردی رەسەنی ئەو ناوچانە کردووە.
ھەروەھا باسی لە کێشەی سەربازگەی تۆبزاوە و کێشەی زمانی کوردی کرد و رایگەیاند، تەعریب لەو ناوچانەدا بەردەوامە.
لای خۆشیەوە سەفین دزەیی لێپرسراوی فەرمانگەی پەیوەندییەکانی دەرەوەی حکومەتی ھەرێم، جەختی لە کاری ھاوبەش و بەردەوام کرد لەو ناوچانەو رایگەیاند، پرسی خاک پرسێکی گرنگە و کارکردن لەسەری بەردەوامی پێویستە.
سەرۆکایەتی زانکۆی سلێمانی رایگەیاندوە، مامۆستایان و فەرمانبەران لەم رەوشە دژوارەدا بەوپەڕی بەرپرسارێتییەوە ئەرکەکانیان جێبەجێکردووە، ھەر بەھۆی لەخۆبردوویی ئەوانیشەوە، بەردەوام زانکۆی سلێمانی لە پێشەنگیدایە.
لە بەشێکی تری راگەیەنراوەکەدا ھاتووە، ئەنجومەنی زانکۆی سلێمانی لە ڕێگەی وەزارەتی خوێندنی باڵا و توێژینەوەی زانستیەوە داوا لە ئەنجومەنی وەزیرانی ھەرێم دەکات، وەک ھەستکردنیان بە بەرپرسیارێتی لە بەرامبەر ئەو رەوشە نەخوازراوە، لە زووترینکاتدا بەپێی یاسا بەرکارەکان دەستبە پلە بەرزکردنەوەی مامۆستایان و فەرمانبەران بکرێتەوە.
جەختیش لەوەدەکاتەوە، ئەنجومەنی زانکۆ ھەموو ھەوڵێک دەدات بۆ دەستەبەرکردنی مافی مامۆستایان و فەرمانبەران.
پەیامنێری کوردسات نیوز رایگەیاند، بە فڕۆکەی بێفڕۆکەوان ھێرشکراوەتەسەر فڕۆکەخانەی نێودەوڵەتی ھەولێر، گروپی مقاوەمەی ئیسلامیش لە عێراق بەرپرسیارێتی خۆی لەھێرشەکە راگەیاند.
ھێزە ئەمنییەکانی ھەولێر رایانگەیاند، درۆنێکی بۆمبڕێژکراو ئاڕاستەی بنکەی سەربازی ھاوپەیمانی نێودەوڵەتی دژی داعش لە فڕۆکەخانەی ھەولێر کرابوو، بەڵام درۆنەکەیان خستوەتە خوارەوە.
دوای ھەڵگیرسانی شەڕی ئیسرائیل و حەماس و چەندینجار بنکە و بارەگای ھێزەکانی ئەمریکا لە عێراق و سوریا کراونەتە ئامانج.
لە ھەرێمیش چەندجارێک بنکەکانی ئەمریکا لە فڕۆکەخانەکانی ھەریر و ھەولێر بۆردومان کراون گروپی مقاومەی ئیسلامیش بەرپرسیارێتی زۆرینەی ھێرشەکانی لە ئەستۆ گرتووە.