لە سبەینێوە نرخی بەنزین لە سلێمانی دادەبەزێت
کوردسات نیوز
٢٤ی ئابی ٢٠٢٢
بەھمەن قادر وتەبێژی بەنزینخانەکانی سلێمانی بە کوردسات نیوزی راگەیاند، لە سبەینێوە ھەموو جۆرەکان بەنزین نرخەکەی دادەبەزێت وبەنزینی نۆرماڵ ٧٥ دینار و موحەسەن و سۆپەر ٥٠ دینار دادەبەزێت.
ھاوکات محەمەد حەسیب بەڕێوەبەری نەوت و کانزاکانی سلێمانی بە کوردسات نیوزی رایگەیاند، بەھۆی ئەو کارئاسانییەی لە دەروازەکان بۆ بازرگانان کراوە، رۆژانە بڕێکی زۆر بەنزین ھاوردەی پارێزگای سلێمانی دەکرێت و چاوەڕواندەکرێت لەچەند رۆژی داھاتووشدا نرخی بەنزین زیاتر دابەزێت.
وتیشی، دابەزینی نرخی سوتەمەنی لە بۆرسەکانی جیھان ھۆکارێکی دیکەیە بۆ دابەزینی نرخی بەنزین و لە رووی کوالێتیشەوە چاودێری ووردی ھەموو ئەو بەنزینە دەکرێت کە ھاوردە دەکرێت.
محەمەد حەسیب راشیگەیاند، جیا لە بەنزینی بازرگانی، رۆژانە ھەردوو جۆری بەنزینی ٦٩٠ دیناری و ٨٠٠ دیناری بە کوالێتییەکی باش لە سلێمانی دابەشدەکرێت.