ھۆشداریدەدرێت لەبارەی ھەڵوەشاندنەوەی ئەنجومەنی نوێنەرانی عێراق
کوردسات نیوز
١٠ی نیسانی ٢٠٢٢
٦٠٢
مشعان جبوری سەرکردە لە ھاوپەیمانی سەروەری ڕایگەیاند، تێگەیشتنیان ھەیە بۆ ئەو قورساییەی دەکەوێتە سەر کۆمیسیۆنی ھەڵبژاردنەکان و دەوڵەت، ئەگەر ئەنجومەنی نوێنەران دەنگ بدات لەسەر ھەڵوەشاندنەوەی خۆی.
وتیشی، بەھۆی پێکنەھێنانی حکومەت و چەقبەستوویی سیاسییەوە، ماوەیەکە قسە لەسەر ھەڵوەشاندنەوەی ئەنجومەنی نوێنەران دەکرێت، بەڵام لێرەدا دەنگی شەقام گرنگە، کە بزانرێت ڕای چییە لەسەر ئەو ھەنگاوە.
مانگی شوباتی ڕابردووش ئەنجومەنی باڵای دادوەریی عێراق ڕایگەیاند، ھیچ لایەنێک بۆی نییە رەوشی سیاسی بگەیەنێتە بنبەست، مەگەر دەقێکی دەستوری لە پشتەوە بێت، چونکە دەتوانرێت بە گوێرەی مادەی ٦٤ی دەستور، ئەنجومەنی نوێنەران بە دەنگی زۆرینەی ڕەھا و لە سەر داوای سەرۆک وەزیران و بە ڕەزامەندی سەرۆک کۆمار، ھەڵبوەشێنرێتەوە.
نزیکەی ٦ مانگە ھەڵبژاردنی پەرلەمانی عێراق ئەنجامدراوە، بەڵام تاوەکو ئێستا سەرۆک کۆمار و سەرۆک وەزیرانی عێراق ھەڵنەبژێردراون.
بڕیار بوو ڕۆژی ٣٠ی مانگی ڕابردوو کۆبوونەوەی پەرلەمانی عێراق بۆ ھەڵبژاردنی سەرۆک کۆمار بەڕێوەبچێت بەڵام بۆ جاری سێھەم بەھۆی تەواو نەبوونی ڕێژەی یاسایی پەرلەمانتاران دانیشتنەکە بۆ کاتێکی نادیار دواخرا.
ھەروەھا ڕۆژێک دوای شکستەکەی پەرلەمانی عێراق بۆ کۆبوونەوە، موقتەدا سەدر ڕێبەری ڕەوتی سەدر پەیامێکی ئاراستەی لایەنەکانی عێراق کرد و داوای کرد دانوستاندن لەگەڵ لایەنەکانی دیکە جگە لە ڕەوتی سەدر بکەن بۆ پێکھێنانی حکومەت.
وتیشی، بەھۆی پێکنەھێنانی حکومەت و چەقبەستوویی سیاسییەوە، ماوەیەکە قسە لەسەر ھەڵوەشاندنەوەی ئەنجومەنی نوێنەران دەکرێت، بەڵام لێرەدا دەنگی شەقام گرنگە، کە بزانرێت ڕای چییە لەسەر ئەو ھەنگاوە.
مانگی شوباتی ڕابردووش ئەنجومەنی باڵای دادوەریی عێراق ڕایگەیاند، ھیچ لایەنێک بۆی نییە رەوشی سیاسی بگەیەنێتە بنبەست، مەگەر دەقێکی دەستوری لە پشتەوە بێت، چونکە دەتوانرێت بە گوێرەی مادەی ٦٤ی دەستور، ئەنجومەنی نوێنەران بە دەنگی زۆرینەی ڕەھا و لە سەر داوای سەرۆک وەزیران و بە ڕەزامەندی سەرۆک کۆمار، ھەڵبوەشێنرێتەوە.
نزیکەی ٦ مانگە ھەڵبژاردنی پەرلەمانی عێراق ئەنجامدراوە، بەڵام تاوەکو ئێستا سەرۆک کۆمار و سەرۆک وەزیرانی عێراق ھەڵنەبژێردراون.
بڕیار بوو ڕۆژی ٣٠ی مانگی ڕابردوو کۆبوونەوەی پەرلەمانی عێراق بۆ ھەڵبژاردنی سەرۆک کۆمار بەڕێوەبچێت بەڵام بۆ جاری سێھەم بەھۆی تەواو نەبوونی ڕێژەی یاسایی پەرلەمانتاران دانیشتنەکە بۆ کاتێکی نادیار دواخرا.
ھەروەھا ڕۆژێک دوای شکستەکەی پەرلەمانی عێراق بۆ کۆبوونەوە، موقتەدا سەدر ڕێبەری ڕەوتی سەدر پەیامێکی ئاراستەی لایەنەکانی عێراق کرد و داوای کرد دانوستاندن لەگەڵ لایەنەکانی دیکە جگە لە ڕەوتی سەدر بکەن بۆ پێکھێنانی حکومەت.
