سبەینێ دانوستانەکانی ڤییەنا لە بارەی رێککەوتنی ئەتۆمی دەستپێدەکاتەوە
کوردسات نیوز
٢ی کانوونی دووەمی ٢٠٢٢
٧٢٤
بە پێی زانیاری سەرچاوەکان کە ئاگاداری کۆبوونەوەکەن، ھێشتا چەندین ئاستەنگ لەبەردەم دانوستانەکان لە "ڤییەنا" ماون، بە تایبەت ھەڵگرتنی سزاکانی سەر "تاران" و گەڕانەوەی ئەمریکا بۆ نێو رێککەوتنەکە.
بەر لە راگرتنی دانوستانەکەش، دیبلۆماتکارانی ئەوروپا ھۆشدارییاندا لە ھەنگاوەکانی ئێران بۆ بەرھەمھێنانی چەکی ئەتۆمی و جەختیان کردەوە لە گرنگی چارەسەرکردنی کێشە سەرەکییەکان و بوژانەوەی رێککەوتنی ئەتۆمی.
ھەرچەندە ئێران و روسیاش گەشبینی خۆیان سەبارەت بەو دانوستانە دەربڕی، بەڵام ئەمریکا رایگەیاندبوو ھێشتا زووە باسی بەرەو پێشچوون لە دانوستانەکاندا بکرێت.