بۆ سێیەم رۆژ لەسەر یەک تورکیا ناوچە جیاجیاکانی باکور و رۆژھەڵاتی سوریا بۆردومان دەکات، بۆدومانەکانیش قوربانی لێکەتوەتەوە.

پەیامنێری کوردسات نیوز رایگەیاند، ئەمڕۆ سوپای تورکیا بە فڕۆکەی بێفڕۆکەوان لە قامیشلۆ و دێرک دوو بینایان کردوەتە ئامانج، لە شاری دێرک دووجار کارگەیەکی ماست و پەنیریان بە ناوی زۆزان لەبۆردومان کردوە، لە ئەنجامدا ٣ ژن برینداربوون، کە یەکێکیان بە سەختی بریندار بووە.

ھەروەھا سوپای تورکیا دەروازەی داداتیان لە نێوان مەنبەج و جەرابلوس تۆپبارانکردوە، لە ئەنجامدا ٢ منداڵ برینداربوون، بریندارەکان گواستراونەتەوە بۆ نەخۆشخانە.

سوپای تورکیا سێ رۆژە بەردەوام باکوور و ڕۆژھەڵاتی سووریا بۆردوومان دەکات، لە ئەنجامدا بێجگە لە زیانی ماددی، بۆردومانەکان ژمارەیەک شەھید و برینداری لێکەوتەوەتەوە.

 

بەھۆی ھێرشەکەی ئیسرائیل بۆ سەر ئێران بەھای تمەن بەرامبەر دۆلار دابەزی و ١٠٠دۆلار بە زیاتر لە شەش ملیۆن و ٩٠٠ ھەزار تمەن مامەڵەی پێوەکرا.

 
بەھای تمەن بەھۆی ھێرشەکەی بەرەبەیانی ئەمڕۆی ئیسرائیل بۆ سەر ئێران زیاتر دابەزی و لەکاتی ھێرشەکەدا ١٠٠دۆلار بە زیاتر لە شەش ملیۆن و ٩٠٠ ھەزار تمەن مامەڵەی پێوەکرا، بەڵام دوای کۆتایی ھاتنی ھێرشەکە ١٠٠دۆلار بە زیاتر لە شەش ملیۆن و ٦٠٠ ھەزار تمەن مامەڵەی پێوەکرا.

لە ساڵی ٢٠١٦ و دوای کشانەوەی ئەمریکا لە رێککەوتنی ئەتۆمی ئێران، گەمارۆی ئابوری خستەسەر ئێران و بەو ھۆیەوە بەھای تمەن رووی لە دابەزین کردووە و ھەڵئاوسانی ئابوری بەرچاو لە ئێران دروست بووە. 


 

وتەبێژی ئاسایشی نەتەوەیی ئەمریکا رایگەیاند، ئەمریکا بەشداری ھێرشەکەی ئیسرائیلی بۆ سەر ئێران نەکردووە و داواش دەکات ھێرشی راستەوخۆی ئێران و ئیسرائیل بۆ سەریەکتر بوەستێت. 

جۆن کێربی وتەبێژی ئاسایشی نەتەوەیی ئەمریکا رایگەیاند، ئامانجی ئەمریکا کەمکردنەوەی گرژیەکانی رۆژھەڵاتی ناوەڕاستە بە رێگەی دیبلۆماسی و دەیانەوێت بازنەی ئاڵۆزیەکان فراوانتر نەبێت.

داواشی لە ئێران کرد وەڵامی ھێرشەکەی ئیسرائیل نەداتەوە بۆ ئەوەی ھێرشی راستەوخۆی لەگەڵ ئیسرائیل کۆتایی بێت و دۆخەکە ھێمن ببێتەوە. رەتیشیکردەوە ئەمریکا بەشداری ھێرشەکەی سەر ئێرانی کردبێت.

ھاوکات شۆن ساڤێت وتەبێژی ئەنجومەنی ئاسایشی ئەمریکا رایگەیاند، ئیسرائیل بەرگری لە خۆی کردووە و وەڵامی ھێرشە موشەکییەکەی سەرەتای ئەم مانگەی داوەتەوە.