دادگاییکردنی تۆمەتبارانی کوشتنی خێزانە کوردەکەی کۆنیا بەڕێوە چوو
کوردسات نیوز
١٤ی کانونی یەکەمی ٢٠٢١
٧٧٤
بکوژی خێزانە کوردەکە دەڵێت، بە ئامانجی ئاشتەوایی چووەتەوە ناو ماڵی خێزانە کوردەکە و ئامانجی کوشتنیان نەبووە و پەشیمانە لەو کارەی کردوویەتی. پارێزەر و کەسوکاری خێزانە کوردەکەش دەڵێن کوشتنی کەسوکارەکانیان بەھۆی کوردبوونیانەوە بووە.
٣٠ی تەموزی ئەمساڵ محەمەد ئاڵتون حەوت ئەندامی خێزانێکی کوردی لە کۆنیا کوشت کە بە دەدەئۆغوڵڵاری بەناوبانگن و دوای چەند رۆژێکیش لەلایەن ھێزە تایبەتەکانی تورکیاوە دەستگیرکرا. خێزانە کوردەکە ٣٠ ساڵ بەر لە ئێستا لە باکوری کوردستانەوە کۆچیان کردووە بۆ کۆنیا و تاکو ئێستاش چەند جارێک لەلایەن رەگەزپەرستەکانەوە پەلامار دراون.