بەڕێوەبەری گشتی ئاژانسی نێودەوڵەتی وزەی ئەتۆم و وەزیری دەرەوەی ئێران کۆبوونەوە
کوردسات نیوز
٢٤ی تشرینی دووەمی ٢٠٢١
١٬٥١٢
بەپێی راگەیەندراوێکی وەزارەتی دەرەوەی ئێران، "تاران" ویستی مامەڵە کردنی لەگەڵ ئاژانسی نێودەوڵەتی وزەی ئەتۆم ھەیە لە چوارچێوەی رێککەوتنەکان، ھاوکات وەزیری دەرەوەی ئێران ھیوای خواستووە سەردانی "گروسی" بۆ "ئێران" متمانە و ھەماھەنگی نێوانیان زیاتر بکات.
لای خۆشیەوە، "رافایل گروسی" رایگەیاندووە بەشێوەیەکی بێ لایەنانە مامەڵە دەکەن و سەردانەکەشی بۆ ئێران ئاماژەیەکە بۆ لێکتێگەیشتن و ھەنگاونان بەرەو چارەسەرکردنی پرسی ئەتۆمی.
لەمساڵدا، ئەوە سێیەمین جارە کە "گروسی" سەردانی ئێران بکات و بڕیاریشە ٢٩ی ئەم مانگە دانوستانەکان سەبارەت بە رێککەوتنی ئەتۆمی لە "ڤییەنا" دەستپێبکەنەوە.