مستەفا کازمی  سەرۆک وەزیرانی عێراق لە پەیامەکەیدا ئاماژەی بەوەکردوو، "بەڵێنی خۆمان بۆ ئەنجامدانی ھەڵبژاردنێکی پاک و بێگەرد و ئارام بەجێھێنا".

دەشڵیت، سوپاس بۆ گەلی عێراق و دەنگدەران و ھێزە سیاسیەکان.

بەیانی ئەمڕۆ قوباد تاڵەبانی و چیا نەوشیروان مستەفا بە یەکەوە سەردانی مەزاری سەرۆک مام جەلال و نەوشیوان مستەفایان کرد و چەپکە گوڵی وەفاداریان لەسەر مەزاری ھەردوو سەرکردە و رابەری مێژوویی کورد دانا، سەرەتا لە گردی زەرگەتە سەردانی گۆڕی نەوشیروان مستەفایان کرد و دواتر سەردانی مەزاری سەرۆک مام جەلالیان کرد لە دەباشان.
سەردانەکەی قوباد تاڵەبانی و چیا نەوشیروان مستەفا بە یەکەوە پەیامێکە بۆ ھەڵسوڕاوان و لایەنگرانی یەکێتی نیشتمانی کوردستان و بزوتنەوەی گۆڕان بۆ کاری پێکەوەیی و  بەھێزکردن و پتەوکردنی ھاوپەیمانی و پەیوەندییەکانی نێوان یەکێتی و گۆڕان لە دوای ھەڵبژاردن و قۆناغەکانی داھاتوو، پەیامێک بوو بۆ رۆشنکردن و تەواوکردنی رێگە و رێبازی سەرۆک مام جەلال و کاک نەوشیروان لە بەرنامە و کاری پێکەوەیی یەکێتی و گۆڕان.

لەسەر داوای کۆمسیۆنی باڵای سەربەخۆی ھەڵبژاردنەکانی عێراق، بە مەبەستی بەڕێوەچوونی دەنگدانی گشتی، ھەموو دەروازە سنورییەکانی ھەرێم و عێراق و فڕۆکەخانەکان لە سەعات ٩ی شەوی  شەممە بۆ ماوەی ٢٤ سەعات دادەخرێن و رێگە بە ھیچ جۆرە ھاتووچۆیەکی گەشتیاری و بازرگانی نادرێت.

"قوباد تاڵەبانی"جێگری سەرۆکی ھەرێمی کوردستان لە کۆنفرانسێکی رۆژنامەوانیدا لە سەیدسادق رایگەیاند، پشتیوانیان لە نۆژەنکردنەوەی یاریگای قەزای سەیدسادق کردوە، ھاوکات چەند پڕۆژەیەکیش لە قەزاکە تەواو نەکراون، بودجە بۆ ئەو پڕۆژانەش تەرخانراوە.
سەبارەت بە پڕۆسەی سیاسیش رایگەیاند، دەبێت بە ئومێدێکی زیاترەوە ھەرێم بگەیەننە کەناری ئارامی و کارەکان بگوازنەوە بۆ بەغداد.

خالید شوانی سەرپەرشتیاری بازنەی دووی ھەڵبژاردن لە کەرکوک لە کۆنفرانسێکی رۆژنامەوانیدا رایگەیاند، بە بەڵگە عەرەب و تورکمان پیلانگێڕی گەورە و فراوانیان دژی کورد لە کەرکوک دەستپێکردووە و بەشێک لە عەرەبەکان دەستکاریی تۆماری دەنگدانیان کردووە و ناوی تیرۆرستانی داعشیان لە سیستەمەکە تۆمارکردووە، ھەروەھا کارمەندانی کورد لە کۆمسیۆنی کەرکوک لابراون، ھەر بۆیە سکاڵایان لە دژی ئەو کەسانە تۆمارکردووە کە کەسایەتی سیاسی گەورەی عەرەب و چەندین کەسی تر لە پارێزگاکە دەستیان لە پشت ئەو کارەوە ھەیە.

عەبدولکەریم عومەر ھاوسەرۆکی فەرمانگەی پەیوەندییەکانی دەرەوەی خۆبەڕێوەبەری باکور و خۆرھەڵاتی سوریا پێشوازی لە وەفدێکی بەلجیکی کرد و ھەردولا باسیان لە قەیرانی سوریا و بەشداری نوێنەرانی خۆبەڕێوەبەری لە پرۆسەی سیاسی و چارەسەری قەیرانی سوریا کرد. 

جورج دالماغنی سەرۆکی وەفدی بەلجیکا ستایشی رۆڵی خۆبەڕێوەبەری کرد لە پاراستنی خێزانی تیرۆرستانی داعش لە ناو کەمپەکان و داواش لە وڵاتانی ئەوروپاش کرد ھاوڵاتییەکانیان بگەڕێننەوە بۆ وڵاتی خۆیان و دادگایی بکرێن. 

وەفدی بەلجیکا بەڵێنیشیدا بەردەوام بن لە ھاوکاریییەکانیان لە بواری ئەمنی و مرۆیی بۆ خەڵکی رۆژئاڤای کوردستان.

بەھۆی بەشداریکردنی ژمارەیەکی زۆری ھێزە ئەمنییەکان لە رۆژی دەنگدان بۆ پاراستنی ئارامی بنکەکانی دەنگدان و مانەوەی ژمارەیەک لە فەرمانبەران لەسەر سندووقەکانی دەنگدان تا ئەو کاتەی دەنگەکان جیا دەکرێنەوە و رۆشتنی دەنگدەرێکی زۆر بۆ دەرەوەی شارەکانیان بۆ دەنگدان، حکومەتی ھەرێمی کوردستان بڕیاریدا؛ رۆژی دووشەممە رێککەوتی ١١ـی ئۆکتۆبەر، لە پاڵ رۆژی یەکشەممە ١٢ـی ئۆکتۆبەر، بکاتە پشووی فەرمی.

ئاگاداری سەرجەم بازاڕو مۆڵ و مارکێت و خاوەنی ڕێستورانت و چێشتخانە و خوارنگە و کافتریا و چایخانە میللی و گەشتیاریەکان و سەرجەم پیشەوەران دەکەینەوە، بەھۆی بەڕێوەچوونی پرۆسەی دەنگدانی گشتی بەیانی یەکشەمەڕێکەوتی١٠-١٠-٢٠٢١ سەرجەم ئەو شوێنانە دادەخرێن.

‏‎ڕاگەیاندنی قایمقامیەتی قەزای ناوەندیی ھەولێر

قوباد تاڵەبانی ستایشی رۆڵی بازرگان و کاسبکارانی کرد کە لەماوەی چەند ساڵی قەیرانی داراییدا یارمەتیدەری حکومەتی ھەرێم بوون بۆ زاڵبوون بەسەر کێشەکاندا و وتیشی؛ لەمەودوا بازرگان و وەبەرھێنەرانی کوردستان رۆڵی گرنگ دەبینین لە پێشخستن کوردستان و بووژاندنەوەی ئابوری ھەرێم.

جێگری سەرۆک وەزیران لە بەشێکی تری کۆبوونەوەکەدا بەڵێنی بە بازرگان و وەبەرھێنەران-دا حکومەتی ھەرێم لەمەودوا کارئاسانی تەواویان بۆ بکات بۆ جێبەجێکردنی پڕۆژەکانیان و داواشی لێکردن ھەر کەس و لایەنێک کە بەرامبەر بە کار و پڕۆژەکانیان کەمتەرخەمی نواند یان کێشەی بۆ دروستکردن راستەوخۆ پەیوەندی بە خۆیەوە بکەن.

قوباد تاڵەبانی جەختی لەوەش کردەوە کە دەبێت حکومەتی ھەرێم کار و ژیان و ئاسایشی بازرگان و وەبەرھێنەرانی ناخۆ مسۆگەر بکات تا بازرگان و وەبەرھێنەری بیانیش ھەست بە دڵنیایی بکەن بۆ ئەوەی بێنە کوردستان و وەبەرھێنان بکەن.

لە ھەرێمی کوردستانی ٢٢٥ ھەزار و ٨٢٩ کەس مافی دەنگدانی تایبەتیان ھەیە، دابەشبوونیان بەسەر پارێزگاکان بە مشێوەیە، لە پارێزگای ھەولێر ٩٠ ھەزار و ٥٤ دەنگدەر، لە پارێزگای سلێمانیش ٨٤ ھەزار و ٧٧٥ دەنگدەر، لە پارێزگای دھۆکیش ٥١ ھەزار دەنگدەر، بۆ دەنگدانی تایبەت لە ھەولێر ٥٢ بنکە و لە سلێمانی ٤١ بنکە و لە دھۆک ٢٩ بنکە کراونەتەوە.

لەسەر ئاستی عێراقیش یەک ملیۆن و ٧٥ ھەزار و ٧٢٧ دەنگدەری تایبەت ھەیە، کە زیاتر لە ١٢٠ ھەزار کەسیان ئاوارەن، لە ٥٩٥ ناوەند و ٢ ھەزار و ٥٨٤ وێستگەی دەنگدان دەنگدەدەن.

بە پێی بڕیار و ڕێنماییەکانی کۆمسیۆن دەبێت دەنگدەر لە کاتی چوونی بۆ دەنگدان کارتی بایۆمەتری و یەکێک لە ناسنامەکانی" کارتی نیشتمانی یان پێناسی باری شارستانی یان ڕەگەزنامە"ی پێبێت.

ئاماژەی بەوەشکردووە، پێویستە لە قۆناغەکانی دەنگدانی تایبەت و گشتی و جیاکردنەوەی دەنگەکانیش، زەمینە خۆش بکرێت تا میدیاکارانی ناوخۆ و دەرەوە بە شێوەیەکی ئازادانە و پیشەییانە کارەکانیان ئەنجام بدەن.

لە بەرامبەریشدا داوا لە میدیا و ڕۆژنامەنوسانیش دەکات لە چوارچێوەی ھەمان ڕێنمایی ھەڵسوکەوت بکەن و ڕێز لە ئەرکی ئەو ھێزانە بگرن کە بۆ پاراستن و سەرکەوتنی پڕۆسەی ھەڵبژاردن و سەقامگیری و ئارامیی لە ئەرکدان.

 

بەو بۆنەیەوە داوا لە حکومەتی ئیتحادی  دەکەین کە ئەرکی دەستوری و نیشتمانی خۆی لەداکۆکی کردن لە خاکی عیراق بە کوردستانیشەوە راپەڕێنێ و لە رێگەی کەناڵە دیبلۆماسیەکانەوە حکومەتی تورکیا لەم پێشێلکارییە ئاگاداربکاتەوە.

مەکتەبی سیاسیی یەکێتیی نیشتمانیی کوردستان

دەقی پەیامەکە...
پەیامی کۆتایی مەکتەبی سیاسی یەکێتیی نیشتمانیی کوردستان بۆ ھەڵمەتی بانگەشەی ھەڵبژاردن
کوردستانیانی خۆشەویست…
لە دوایین ساتەکانی ھەڵمەتی بانگەشەی ھەڵبژاردنی پێشوەختەی ئەنجومەنی نوێنەرانی عێراق نزیک دەبینەوەو بە گڕوتینی دەستپێکردنەوەی شۆڕشی نوێی گەلەکەمان و رۆژانی راپەڕین و رزگارکردنی کوردستان لە چنگی بەعسی داگیرکەر و بەرەنگاربوونەوەی تاریکپەرستانی داعش بەرەو سندوقەکانی دەنگدان دەچین.
ئەمڕۆ پڕۆسەی دەنگدانی تایبەت بەڕێوەچوو، بە سوپاسێکی زۆرەوە پێشمەرگە قارەمانەکان، ھێزەکانی ناوخۆ بە گڕوتینەوە بەشداری پڕۆسەکە بوون و دەنگیان دا، ئومێدەوارین ئێمەش بە ھەمان رۆحیەتی ئەوانەوە لە پرۆسەکە بەشداربین.
خەڵکی قارەمان و تێکۆشەری کوردستان…
یەکێتیی نیشتمانیی کوردستان وەک ھێزێکی رەسەنی خاوەن مێژوویەکی پاک و پڕشنگدار، پێشەنگ لە خەبات و قوربانیدان، داھێنەر لە بەرەنگاربوونەوەی دوژمن و تێکشکێنەری پیلانەکان، بۆ ئەم ھەڵبژاردنە لەگەڵ ھەڤاڵانمان لە بزووتنەوەی گۆڕان لە چوارچێوەی ھاوپەیمانی کوردستان لە پڕۆسەکە بەشدارین، بە پشتیوانی و پاڵپشتی تێکۆشەرانی گەلەکەمان و خەڵکی دڵسۆزو قارەمانی کوردستان چاومان لە سەرکەوتنی گەورەیە، دەمانەوێ سەرکەوین و سەرکەوتنمان بکەینە دیاری بۆ رۆحی رابەرانمان مام جەلال و کاک نەوشیروان و سەرجەم تێکۆشەرانی گەلەکەمان.
وەک یەکێتیی نیشتمانیی کوردستان، ئامانجمانە لە خانەقینەوە تا زاخۆ، لە سلێمانی پایتەختی رۆشنبیری و شاری ھەڵمەت و قوربانی، لە کەرکوووکی قودسی کوردستان، لە ھەولێری قەڵاو منارەو لانەی شێران، لە دھۆکا رەنگین و ھەڵەبجەی بەناھەق شەھیدکراو، لە گەرمیانی ئەنفالکراو و راپەڕینی دەروازەی راپەرینەوە، لە بەغدای پایتەختی عێراق و لە موسڵی بریندار، متمانەی خەڵکی کوردستان بەدەستبێنین و نوێنەرانمان لە بەغدا، لە چوارچێوەی ستراتیژی روونی مام جەلال کاربکەن بۆ چەسپاندنی مافە نەتەوەییەکانمان و ببینە داکۆکیکاری سەرسەخت لە دابینکردن و پاراستنی قووتی خەڵکی کوردستان، خەبات بکەین لەپێناو زامنکردنی شایستە داراییەکانی ھەرێمی کوردستان و جێبەجێکردنی دەستووری عێراق.
کوردستانیانی ئازیز…
بەشداریکردنتان لە پڕۆسەی دەنگدان مافێکی سەرەتایی خۆتانەو بە بەشداریکردنتان لە پرۆسەکە دەتوانن ببنە بەشێک لە رێڕەوی بڕیاردان لەم وڵاتە، دەنگدانتان بە کاندیدانی ھاوپەیمانی کوردستان و یەکێتیی نیشتمانیی کوردستان بەھێزترکردنی پێگەی کوردە لە بەغدا، یەکێتییەکی بەھێز لە بەغدا زامنی ژیانێکی سەقامگیرە لە ھەرێمی کوردستان و راستکردنەوەی رێڕەوی بڕیاردانە لە بەرژەوەندی گەلەکەمان.
یەکێتییە خوێن سەوزەکان…
بە درێژایی مێژوو، یەکێتییەکەمان ھەورازو نشێوی زۆری بینیوە، ھەمیشە نەیارانمان خەونیان بە شکست و لەناوچوونی یەکێتی بینیوە، ئەوە ئێوەن نەتانھێشتووە خەونی نەیارانمان بێنەدی، ئەمجارەش بە بەشداری یەکێتیانەتان لە پڕۆسەکە و سەرخستنی کاندیدانمان دەتوانین بۆ یارو نەیاری بسەلمێنین کە یەکێتی ھێزێکی رەسەنەو خاوەنی جەماوەرێکی پۆڵاینەو ھەرگیز ناکەوێ، دەبێ ئەمجارە ھەموومان پێکەوە بیسەلمێنین کە یەکێتی ھێزێکە لەھەناوی خەڵکی کوردستانەوە ھەڵقوڵاوە، ھەر خەڵکی تێکۆشەرو بە شەرەفی کوردستانیشن یەکێتی سەردەخەن و دەیسەلمێنن کە مامی ھەموومان مام جەلال راستی فەرموو کە وتی سەفین لەبن بێ یەکێتی لەبن نایە.
داوا لە ھەموو کادیرو ئەندام و لایەنگرانی یەکێتی، کەسوکاری سەربەرزی شەھیدان و ئەنفالکراوان، کەسوکاری پێشمەرگە قارەمانەکان، زیندانیانی سیاسی و کەمئەندامانی سەنگەر، خاوەن پێداویستیە تایبەتەکان، بە تایبەت گەنجان و لاوان و ژنان، تەواوی کۆمەڵانی خەڵکی کوردستان دەکەین دەنگ بدەن بە ھاوپەیمانی کوردستان.
لەپێناو ئاسوودەکردنی رۆحی شەھیدانمان، لە پێناو سەرخستنی ھاوپەیمانیەکەی مام جەلال و کاک نەوشیروان
لەپێناو دابینکردنی ئایندەیەکی گەش بۆ نەوەکانی داھاتوو و زامنکردنی ژیانێکی شایستە بۆ گەنجان و لاوانمان
دەنگ بدەن بە ھاوپەیمانی کوردستان
بەیەکەوە بەھێزترین
مەکتەبی سیاسی 
یەکێتیی نیشتمانیی کوردستان

مستەفا چاورەش فەرماندەی ھێزەکانی ٧٠ لە پەیامەکەیدا سوپاسی ئەرک و ماندووبوونیانی کردوە کە بە شێوەیەکی دڵسۆزانە شارستانییانە و شایستە بە ناوو ناوبانگی خۆیان بەشدارییان کردوە، دووپاتیشی کردوەتەوە، کە وەک ئەرکێکی نیشتیمانی و مافێکی یاسایی و ئاسایی ئەرکی خۆیان جێبەجێکردوە وپرۆسەکەیان سەرخستوە.

فەرماندەی ھێزەکانی ٧٠ داوای لەو ھێزانە کردوە، بۆ دەنگدانی گشتی ھانی کەسوکاریان بدەن روو لە سندوقەکانی دەنگدان بکەن و کار بۆ سەرخستنی کاندیدانی لیستی ھاوپەیمانی کوردستان بکەن.