وتیشی، دوای جیاكردنەوەی تەواوی دەنگەكان پێشبینی دەكرێت ژمارەكە بۆ سێ‌ كورسی بەرز ببێتەوە، ئاشكراشیكرد، پێشتر هۆشداریمان دابوو هێشتنەوەی كەمپی ئاوارەكانی موسڵ و شەنگال لە دهۆك تەنها بۆ هەڵبژاردنە ئەنجامەكانیشی دەریخست بۆ ئەم كەمپانە لە دهۆك و زاخۆن ئەگەر نا هیچ شەر و  مەترسی لە موسڵ و  شەنگال نەماوە تا رێگری لە گەرانەوەی ئاوارەكان بۆ شوێنەكانیان بكرێت.
 

وتیشی، لەبەرامبەر ساختەکارییەکان بێدەنگ نابن و بەڵگە و داتا رادەستی کۆمسیۆنی باڵای سەربەخۆی ھەڵبژاردنەکان دەکەن، وتیشی دەرەنجامی بازنەکانی سێ و چواری ھەولێر رەت دەکەنەوە، وتیشی لە دادگای فیدراڵی سکاڵا تۆمار دەکەن و ئەگەر ناچاریش ببن لایەنگرانیان دەبەنە سەر شەقامەکان و ھەموو رێگەیەک بەرامبەر بەو ساختەکارییە دەگرنەبەر.

 رۆژی ١ ی تشرینی یەکەمی ئەمساڵ  لە ئامەد  پۆلیسی تورکیا  ھەڵیان کوتاوەتە  سەرماڵان و لە ئەنجامدا  ١٢ کەسیان  بە تۆمەتی ئەندامی  رێکخراوی قەدەغەکرا و دەستگیرکردوە ، رۆژی سێشەممەش ١٢ی تشرینی یەکەم، لەلایەن دادگاوە  سزای زیندان بەسەر ٦ کەسیاندا سەپێنرا
بەپێی ھەواڵێکی ئاژنسەکانی باکوری کوردستان، رۆژی سێشەممە پۆلیسی تورکیا ھێرشیانکردۆتە سەر بارەگای حزبی سەرلەنوێ بنیاتنانەوەی سۆسیالیزم و بەڕێوەبەرانی پارتی کرێکارانی تورکیا و  چەند کەسێکیان  دەستگیرکردوە و  تا ئێستاش ھۆکاری دەستگیرکردنەکەیان ئاشکرا نەکراوە.

نازم دەباغ نوێنەری حکومەتی ھەرێم لە تاران لە ماڵپەڕی خۆی بڵاویکردەوە، حکومەتی ھەرێم دڵنیایی داوەتە حکومەتی ئێران، چیتر رێگە بە چالاکی لایەنە کوردییەکان نادات و ئیدانەی ھەر ھێرشێکیش دەکەن لە خاکی ھەرێمەوە بکرێتە سەر ئێران، ھەموو ھەوڵێکیش دەدەن کە خاکی ھەرێم بۆ ھێرشکردنە سەر ئێران بەکارنەھێنرێت. جەختیشیکردەوە، نابێت لایەنەکانی رۆژھەڵاتی کوردستان خاکی ھەرێم بۆ ھێرشکردن بەکاربھێنن. لەبارەی ھەڵوێستی ئەو لایەنانەش نازم دەباغ ئاشکرای کرد، ھەڵوێستی لایەنە کوردییەکانی رۆژھەڵاتی کوردستان ئەرێنی بووە و ئەو پەیامەیان بە حکومەتی ھەرێم داوە کە ھەوڵ دەدەن کۆنتڕۆڵی ھێزە چەکدارەکانیان بکەن.

بە پێی ئەنجامە بەراییەکان ھاوپەیمانی کوردستان لە پارێزگای سلێمانی ھەشت کاندیدی سەرکەوتنیان بەدەستھێناوە، کە بریتین لە نەرمین مەعروف،بڕیار رەشید،ئاسۆ فەرەیدوون، چرۆ حەمەشەریف، غەریب ئەحمەد، بەدریە حسین، سروە محەمەد، رزگار محەمەد.

لە ھەولێریش ھاوپەیمانی کوردستان یەک کورسی بەدەستھێناوەو کاندیدی سەرکەوتوو کوردە عومەرە، لە دھۆکیش ھاوپەیمانی کوردستان  یەک کاندیدی دەرچووە  کە ئیمان عەبدولرەزاقە.

لە کەرکوکیش کورد شەش کورسی بەدەستھێناوە و سێ کورسیان ھی ھاوپەیمانی کوردستانە و ھەریەکە لە دیلان غەفور و گەیلان قادر و سەباح حەبیب دەرچوون.

لە پارێزگای سەڵاحەدین کەریم شکور کاندیدی ھاوپەیمانی کوردستان سەرکەوتنی بەدەستھێناوە.

لە پارێزگای نەینەواش، دوو کاندیدی ھاوپەیمانی کوردستان دەرچوون کە بریتین لە ئەحلام  رەمەزان و رۆنزی زیاد.

لە پارێزگای دیالەش سۆزان مەنسور کاندیدی ھاوپەیمانی کوردستان سەرکەوتنی بەدەستھێناوە.

وەزارەتی کارەبای ھەرێم رایگەیاند، کۆمپانیای دانەغاز لە سەعات پێنج بەرەبەیانی رۆژی سێشەممە ١٢ی ١٠ی٢٠٢١  لەکێڵگەی کۆرمۆڵی غازی ھەڵدەستێت بەجێبەجێکردنی پڕۆژەیەکی چاکسازیی کە ماوەیەکی زۆرە لەبەر بەرژەوەندی بەرنامەی کارەبای ھاووڵاتیان راگیرابوو، بەوەش بۆ ماوەی ٢٤ سەعات بڕی ھەناردەی غازی سروشتی بۆ وێستگەکانی بەرھەمھێنانی کارەبا کەم دەبێتەوە، ئەوەش کاریگەریی دەبێت لەسەر کەمبوونەوەی کاتەکانی بوونی کارەبا.

لە بەشێکی تری راگەیەنراوەکەدا ھاتووە،  وەزارەتی کارەبا و وەزارەتی سامانە سروشتییەکان لەگەڵ کۆمپانیای دانەغاز بەرنامەیەکیان داناوە بۆ ئەوەی پڕۆژەکە بەسەرکەوتوویی لەماوەیەکی دیاریکراودا جێبەجێبکرێت و کەمترین کاریگەریی لەسەر ماوەکانی کارەبا ھەبێت.

بڕیارە رۆژی سێشەممە دادگایکردنی ھەریەک لە ئومێد بەڕۆشکی و بەدەل بەرواری دوو چالاکوانی بادینان لە شاری ھەولێر بە ڕێوەبچێت، کە بە تۆمەتی ناڕەوای سیخوڕیکردن و ئەنجامدانی کاری تێکدەرانە دەستگیرکراون.

ئەوەش لە کاتێکدا چەند جارێک دادگایکردنی ئەو چالاکوانانە دواخراوە، ھاوکات تیمی  رێکخراویسی پی تی بۆ داکۆکی لە رۆژنامەنوسان، داوای دادگاییەکی دەستبەجێ و دادپەروەرانە دەکات بۆ ئەو چالاکانەی بادینان، بۆ ئەوەی بتوانن بەزوویی بە خانەوادەکانیان شادببنەوە کە زیاتر لە ساڵێکە لەیەکتری دابڕاون.

ھەروەھا پێشتر کەسوکاری دەستگیرکراوانی بادینان لەھەولێر رایانگەیاند:دەیانەوێت لە رۆژی دادگایکردنەکەدا رێکخراوەکانی مافی مرۆڤ و فراکسیۆنەکانی پەرلەمان ئامادەی دانیشتنەکە بن و بەچاوی خۆیان ئەو تۆمەتانە ببینن کە دادگا روبەڕووی کەسوکاریان دەکاتەوە.

"شاناز ئیبراهیم ئەحمەد" كارگێڕی مەكتەبی سیاسی یەكێتیی نیشتمانیی كوردستان لە سلێمانی دەنگیدا و رایگەیاند، زۆر زۆر دڵخۆشە بە ئەم هەڵبژاردنە و هیواشی خواست هەمووان روو بكەنە سندوقەكانی دەنگدان و دەنگ بدەن.

 لە لێدوانێكیدا بۆ رۆنامەنوسان رایگەیاند ، هەڵبژاردنی ئەمجارە چارەنوسساز دەبێت ، بۆیە پێویستە هاوڵاتیان دەنگ بدەن و هیواشی خواست ئەم هەڵبژاردنە ببێتە هەوێنێك بۆ ئەوەی هەموو لایەنە سیاسییەكان لەسەر مێزی گفتوگۆ كێشە كەڵەكە بووەكان چارەسەر بكەن ..

 لەلێدوانێكیدا بۆ رۆژنامەنوسان قوباد تاڵەبانی رایگەیاند ، ئەركی ئێمەیە نوێنەری نوێ هەڵبژێرین و بینێرینە بەغداد و هیواشی خواست ئەوەی مافی دەنگدانی هەیە بچێتە سەر سندوقەكانی دەنگدان ، وتیشی هەڵبژاردن پڕۆسەیەكی دیموكراسییە و پڕۆسەكە بە گشتی لە بانگەشەوە تا دەنگدانی تایبەت ئارام بووە.