بە مەبەستی گرنگیدان بە پرسی پەروەردە و فێرکردن، بە ئامادەبوونی لێپرسراوان و شارەزایانی بواری پەروەردە، دیبەیتێکی تایبەت بە "کۆرۆنا و لێکەوتە و چارەسەرییەکان"ی لە سلێمانی بەڕێوەدەچێت.

ئەوەش لە کاتێکدایە لە بەشێک لە ناوەندەکانی خوێندن، ژمارەیەک لە مامۆستایان و خوێندکاران تووشی ڤایرۆسی کۆرۆنا بوون.

لێپرسراوانی پەروەردەش ئاماژە بۆ ئەوە دەکەن، ھیچ بڕیارێک بۆ داخستنی ناوەندەکانی خوێندن نییە و ڤایرۆسەکە نەبووەتە ھۆی گرفت بۆ خوێندن.

بەشیر حەداد جێگری خولی پێشووی سەرۆکی ئەنجومەنی نوێنەرانی عێراق لە کۆنفرانسێکی ڕۆژنامەوانیدا ڕایگەیاند، ڕەوشی عێراق بە ئاڕاستەیەکی نادیاردا دەڕوات، تا ئێستا ئەنجامی ھەڵبژاردن لە لایەن دادگای فیدراڵییەوە پەسەند نەکراوە.

وتیشی، ئەو لایەنانەی ناڕازین لە ئەنجامەکان دەیانەوێت ئەو پەیامە بگەیەنن، کە ئەنجامی ھەڵبژاردن نەکرێت بە مەرجی پێکھێنانی حکومەت، بەڵکو ئەوانەی کورسی کەمیشیان ھێناوە بەشدارییان پێبکرێت.

 

 

لە دیدارێکدا، سکرتێری کۆمەڵەکە دەستخۆشی و پێزانینی خۆیانی پێشکەش بە شاناز ئیبراھیم ئەحمەد کرد لە پای ھاوکاری و پشتیوانییەکانی بۆ کۆمەڵەی داکۆکیکردن لە زیندانیانی سیاسی ناوخۆی ھەرێم، وتیشی: ئومێدمان بە ھەوڵ و پشتیوانییەکانتە و دەخوازین لە پشتگیرییەکانت بەردەوام بیت.

ئەمڕۆ بە پێویستمان زانی وەک پێزانین و وەفایەک سوپاس و پێزانینی خۆمانت پێشکەش بکەین بۆ ئەو خزمەت و ئاوڕدانەوەیەت بۆ کۆمەڵەکەمان و لە بیری ناکەین.

لە بەرامبەردا، شاناز ئیبراھیم ئەحمەد، سوپاسگوزاری خۆی نیشاندا بۆ ھەڵوێستەکەیان و وتی: خزمەت کردنی کەسوکاری سەربەرزی شەھیدان و زیندانیان و تێکۆشەران ئەرکی سەرشانمانە و وەک ھەمیشە درێغی ناکەین، بۆ کۆمەڵەکەشتان لە پشتیوانیتان بەردەوام دەبم.

"مەلا بەختیار" لە كۆنفرانسێكی ڕۆژنامەوانیدا لە فرۆكەخانەی نێودەوڵەتی سلێمانی ڕایگەیاند، ئەو پەرۆشییەی خەڵك بۆ پێشوازیكردنی لە بەرامبەر ئەو غەدرە گەورەیەیە كە لە خۆیی و بافڵ تاڵەبانی و وەستا حەسەن كراوە.
 وتیشی، رۆژی یەك شەممە لەسەر مەزاری سەرۆك مام جەلال كۆنفرانسێكی رۆژنامەوانی رێكدەخات و ووردەكاری پرسی ژەهرخواردكردنەكەی دەخاتەڕوو.

 

حەسەن نوری بە كوردسات نیوزی راگەیاند: دوای ئەوەی ئاگادار كراوەتەوە گومان دەكرێت ژەهر خوارد كرابێت لە ماوەی چەند هەفتەی رابردوو لە وڵاتی ئەڵمانیا پشكینینی بۆ كراوە و دەركەتووە كە ژەهر خواردكراوە و بەڵگەی پێویستیشی لە بەردەستدایە، وتیشی: بە پێی ئەو چارەسەر و پشكنینانەی كە بۆی كراوە تەندروستی باشە و مەترسی لە سەر ژیانی نەماوە ، جەختیشی كردەوە، هێشتا روون نیە ژەهرخوارد كردنەكەی پەیوەندی بە كەیسی سیاسی یاخود ئەمنییەوە هەیە, بەڵام بەڵگەی تەواوی لە بەردەستدایە و هەركاتێك پێویست بكات دەیخاتە بەردەم دادگا .

 

یەك لەو كۆچبەرانە بە كوردسات نیوزی راگەیاند، سەربازانی پۆڵەندا بە بڵندگۆ پێیان وتوون، ئەڵمانیا و پۆڵەندا رێككەوتوون لەسەر ئەوەی كۆچبەرانی سەر سنوری بیلاروس و پۆڵەندا بە پاس بگوازنەوە بۆ ئەڵمانیا، بەپێی ئەو گرتە ڤیدیۆیانەی بڵاوكراونەتەوە، ئەو  هەواڵە خۆشحاڵی كۆچبەرانی لێكەوتۆتەوەو دەستیان كردووە بە ئاهەنگ گێڕان.
ئەوەش لەكاتێكدایە تا ئێستا هەردوو حكومەتی پۆڵەندا و ئەڵمانیا هیچ شتێكی رەسمییان لەو بارەیەوە بڵاو نەكردۆتەوە.

 كۆنفرانسەكە ماوەی دوو رۆژ دەخایەنێت و 22 تەوەر لە بارەی نەشتەرگەری شكاوی جومگە و بڕبڕەی پشت و دەماری خوێن لەخۆ دەگرێت ، لای خۆشییەوە د. ئەریوان محەمەد سەرپەرشتیاری كۆنفرانسەكە رایگەیاند، لە كۆنفرانسەكە ئامێری نوێی نەشتەرگەری لەو بوارەدا خراونەتەروو بۆ ئەوەی پزیشكانی ناوخۆ ئاشنابن پێیان.

 

بەڕێوەبەرایەتی گشتیی تەندروستیی سلێمانی، بە رەسمی وەزارەتی تەندروستیی ھەرێمی کوردستانی لە کەمبوونەوەی بڕی دەرمان لە نەخۆشخانەکان ئاگادار کردووتەوە، چونکە لە ھەفتەی داھاتووەوە نەخۆشخانەکانی سلێمانی رووبەڕووی کەمی دەرمان دەبنەوە، کە ئەوەش مەترسی لەسەر ژیانیان دروست دەکات،
ھۆکاری کەمبوونەوەی دەرمان دەگەڕێتەوە بۆ نەدانی شایستەدارییەکانی چەندین مانگی ئەو کۆمپانیایانەی دەرمان دابین دەکەن، ھەربۆیە ئەوانیش بڕیاریانداوە دەرمان نەھێنن و ئەو دەرمانانەشی ھێناویان دەیکشێننەوە.

ئەمساڵ بەفربارین زووتر لە ساڵی ڕابردوو لە چیاکانی باڵەکایەتی و ناو سەنتەری قەزای حاجی ئۆمەران دەستیپێکرد، بەفر بارینەکە ھیچ ئاستەنگێکی بۆ جوڵەی بازرگانی و گەشتیاری لە دەروازەی نێودەوڵەتی حاجی ئۆمەران دروست نەکردووە.

بە پێی ئامارەکان، تا ئێستا ٤ کۆچبەری کورد لە سنوری نێوان ئەو دوو وڵاتە گیانیان لە دەستداوە و کۆچبەرێکیش بێسەروشوێنە.

ئێستا ھەزاران کۆچبەر کە لە ناویاندا ژمارەیەکی زۆر کۆچبەری کورد ھەیە لە سنورەکانی نێوان بێلاروس و پۆڵندا گیریانخواردووە و ئەمڕۆش دەیان کۆچبەری تری کورد گەیشتوونەتە ئەو سنورە.

بەردەوامی مانەوەی ئەو کۆچبەرانە لەو ناوچەیە لە کاتێکدایە، کۆچبەران خواردن و خواردنەوەکی کەمیان لایە و کەشوھەواش زۆر ساردە و شەوانیش پلەکانی گەرما دەچێتە خوار سفر پلەی سیلیزی.

ھەروەھا ھەر ھاوڵاتییەک ڤاکسینی پێکوتەی کۆرۆنای لەخۆی نەدابێت ئەوا پێویستە پشکنینی"پی سی ئار"ی پێبێت. 

لە بەشێکی تری رێنماییەکاندا ھاتووە، لەکاتی گەڕانەوە بۆ ھەرێمی کوردستان، ھەر ھاوڵاتیەک ھەردوو دۆزی ڤاکسینی کۆرۆنای بەکارھێنا بێت پشکنینی بۆ ناکرێت و تەنیا ڕێگەپێدانی بۆدەکرێت و ھیچ بڕە پارەیەکی لێوەر ناگیرێت، ھەروەھا بەرکەوتوانی چەکی کیمیایی و نەخۆشانی شێرپەنجە و ئەو خوێندکارانەی لەئێران دەخوێنن، پشکنینیان بۆ ئەنجام دەدرێت، بەڵام ھیچ بڕە پارەیەکیان لێ وەر ناگیرێت، منداڵانی خوار تەمەن ١٢ ساڵیش پشکنینیان بۆ ئەنجام نادرێت و تەنیا ڕێگەپێدانیان بۆ دەکرێت واتە ھیچ بڕە پارەیەک نادەن.

دەیڤد برونشتاین جێگری نێردەی ئەمریکا بۆ سوریا رایگەیاند، لەگەڵ وەفدێکی ئەنجومەنی نیشتمانی کوردی کۆبوونەتەوە و واشنتۆن پشتیوانی دەستپێکردنەوەی دانوستانەکان لەنێوان ئەنجومەنەکە و پارتەکانی تر دەکات، داواشی کرد پابەند بن بەو بەڵگەنامەیەی لەگەڵ مەزڵوم کۆبانێ ئیمزایان کردووە.

وتیشی، ئەمریکا بۆ رێگری کردن لە سەرھەڵدانەوەی تیرۆریستانی داعش، لە باکور و خۆرھەڵاتی سوریا دەمێننەوە و جەختی کردەوە لەسەر گرنگی پاراستنی سەقامگیری ناوچەکە و پشتیوانی چارەسەری سیاسی بەپێی بڕیارە نێودەوڵەتییەکانی تایبەت بە قەیرانی سوریا.

سەرۆک مام جەلال لە ٦ی نیسانی ساڵی ٢٠٠٥  بەزۆرینەی دەنگی ئەندامانی ئەنجومەنی نیشتمانی وەک یەکەم کورد بە سەرۆک کۆماری عێراق ھەڵبژێردرا، لەماوەی چوار ساڵدا بوو بە چەتر کۆکەرەوەی ھەموو لایەنە عێراقییەکان بە ھەموو پێکھاتەکانەوەو رۆڵی گەورەی ھەبوو لە راگرتنی سەقامگیری و دروستکردنی ھاوسەنگی لەنێوان پێکھاتەکاندا.

ھەر ئەوەش وایکرد، ھەموو ھێزوو لایەنە سیاسییەکان پشتیوانی بکەن بۆ وەرگرتنەوەی پۆستی سەرۆک کۆمار لەلایەن سەرۆک مام جەلالەوە و لە ١١ی ١١ی ٢٠١٠ بە زۆرینەی دەنگی ئەندامانی ئەنجومەنی نوێنەرانی عێراق بۆ جاری دووم بە سەرۆک کۆمار ھەڵبژێردرایەوە.

لە راگەیەندراوەکەی وەزارەتی داراییدا ھاتووە، سەرجەم ئەو جیاوازیی مووچانەی بۆ ئەو مانگانەی، کە مووچەی تێدا پاشەکەوت کراوە، دەگەڕێتەوە بۆ فەرمانبەران و مووچەخۆران.

ئاماژەی بۆ ئەوەشکردووە"پارەکە ھەرچەند بێت، بڕەکەی خەرج دەکرێت.

وەزارەتی دارایی ڕوونیکردوەتەوە، بابەتەکە پەیوەندی بە پاشەکەوتی مووچەوە نییە.