محەمەد شیاع سودانی سەرۆك وەزیرانی عیراق بەسەردانێكی رەسمی لە ئیسپانیایە و لەگەڵ لێپرسراوانی ئەو وڵاتە ژمارەیەك لێكتێگەیشتن ئیمزا دەكات .
بێستون سەلام نێردراوی كوردسات نیوز بۆ ئیسپانیا لەبارەی سەردانەكەی سودانیەوە ووتی، سودانی لەگەڵ لێپرسراوانی ئیسپانیا  شەش لێكتێگەیشتن ئیمزا دەكات، لەبوارەكانی ئاڵوگۆری ئەزمونەكان لە وەزارەتی داد و بواری وەزرشی و ئابوری و ژوری بازرگانی نێوان هەردوو وڵات.

سەرۆکی زانکۆی سلێمانی ئاماژەی بەوەدا کە ٩٥٪ـی مامۆستا و فەرمانبەرانی زانکۆی سلێمانی فۆڕمی تەوتینیان پڕکردووەتەوە و ئەوانەی دیکەش بە هەمان شێوە دەتوانن فۆڕمەکە پڕبکەنەوە.

د.کۆسار محەمەد سەرۆکی زانکۆی سلێمانی لە کۆنفراسێکی رۆژنامەوانیدا رایگەیاند: ٩٥٪ی فەرمانبەرانی زانکۆی سلێمانی فۆڕمی تەوتینی موچەیان پڕکردووەتەوە، ئێمەش ئاڕاستەی لایەنی پەیوەندیدارمان کردووە تا بۆ بەغداد بنێردرێت".

ئاماژەی بەوەشدا: "هەرکەسێک کە پێشتر فۆڕمی (هەژماری من)ـی پڕکردووەتەوە دەتوانێت فۆڕمی تەوتینیش پڕبکاتەوە و هیچ کێشەیەکی بۆ دروست نابێت".
 

د.نەرمین مەعروف رایگەیاند لە وەزارەتی دارایی عیراق رێكارەكانی ناردنی موچەی موچەخۆرانی هەرێم دەستیپێكردووە.

د.نەرمین مەعروف ئەندامی ئەنجومەنی نوێنەرانی عیراق لە فراكسیۆنی یەكێتی بە كوردسات نیوزی راگەیاند، دوێنێ سەردانی وەزارەتی دارایی عیراقی كردوە و پێیان راگەیاندوە، رێكارەكانی ناردنی موچەی مووچەخۆرانی هەرێم لە وەزارەتەكەیانەوە دەستیپێكردوە، وتیشی بڕیارە لە ماوەی دوو رۆژدا بەغداد بری ٧٦٣ ملیار دینار رەوانەی هەرێم بكات.

وتیشی، ئەگەر رێكارەكان ئەمڕۆ تەواو بكرێت پێدەچێت ئەمرۆِ پارەكە بگاتە هەرێم.