ژینگەپارێزانی چەمچەماڵ دەڵێن، دواکەوتنی موچەکانیان کاریگەری زۆری لەسەر ژیان و گوزەرانیان کردووە و لەسەروو ئەوەشەوە کارەکەیان رانەگرتووە و داوا دەکەن کێشەکەیان بۆ چارەسەر بکرێت، کۆمپانیای سەرپەرشتیاری پاککردنەوەی نەخۆشخانەکانی چەمچەماڵیش دەڵێت، حکومەتی ھەرێم بودجەی کۆمپانیاکەیانی راگرتووە.

بەڕێوەبەری گشتی بەنداوەکانیش دەڵێت، دەستپێکردنەوەی کارکردن لە بەنداوی "بێخمە" پێویستی بە ڕێککەوتنی سیاسی ھەیە، بەرێوەبەری ئاوی ھەولێریش ڕایدەگەیەنێت، گرفتی کەم ئاوی بەھۆی بەفیڕۆدانیەتی لەلایەن ھاووڵاتیانەوە.

سەرۆکی دەستەی دەروازە سنورییەکانیش داوا دەکات ھەرێمی کوردستان پابەندی یاسای ژمارە ١٣ی ساڵی ٢٠١٩ بێت بۆ کردنەوەی نوسینگەیەکی ھەماھەنگی نێوان ھەرێم ‌و بەغداد بۆ ئەوەی لەو ڕێگەیەوە ھەموو دەروازە سنورییەکان بە حکومەتی عێراقەوە ببەسترێتەوە.

ئەندامێکی لیژنەی چاودێری جێبەجێکردنی بەرنامەی حکومەتیش دەڵێت، ژمارەیەکی زۆر لە دەروازەی سنوری لە عێراق، لە ژێر دەسەڵاتی حکومەتدا نییە ‌و فەرمانی کردنەوەیان نییە.

 

بڕیاری کۆتاییھێنان بە کێشەی کەمئاویی چەمچەماڵ دوای کۆبوونەوەیەکی "قوباد تاڵەبانی" و وەزیری پلاندانان بوو، کە لە ئێستادا لایەنە پەیوەندیدارەکان ڕاسپێردراون لە ڕێگەی تەرخانکردنی ٧٧ ملیار و ٦٨٠ ملیۆن دینارەوە چارەسەری ڕیشەیی کەمئاوی لە چەمچەماڵ بکەن.

 

بەرپرسانی تەندروستیش ھۆکارەکەی بۆ بەرزبوونەوەی ھۆشیاری و دڵنییایی ھاوڵاتیان بە تیمەکانی تەندروستی دەگەڕێنێتەوە.

بەرپرسانی تەندروستی قەزاکەش داوا لە ھاوڵاتیان دەکەن، بە وەرگرتنی ڤاکسینی کۆرۆنا ڕێگە لە تەشەنەسەندنی ڤایرۆسەکە بگرن.

قائیمقامی ئاکرێش دەڵێت، بەرپرسانی سەرووی خۆیان لەو پرسە ئاگادارکردووەتەوە و لە ھەوڵی چارەسەرکردنی کێشەکەدان.