لەگەڵ ئەو پڕۆژەیەشدا و لەماوەیەکی نزیکدا چەند پڕۆژەیەکی تری بەرزە پرد لە سلێمانی دەکەوێتە بواری جێبەجێکردنەوە بەوەش بەشێک لە گرفتی ھاتووچۆ لە شەقامەکاندا چارەسەردەبن.

وەزیری دارایی و ئابوری حکومەتی ھەرێمی کوردستان، لە ژووری بازرگانی و پیشەسازی سلێمانی لەگەڵ بەشێک لە بازرگان و بەڵێندەران و خاوەنکارەکانی سلێمانی کۆبووەوە و لە کۆبونەوەکەدا کێشەو گرفتەکانی بەڵێندەران و بازرگان و خاوەن پیشەجیاکانی سلێمانی بە تایبەت گرفتی زیادکردنی باج و رسومات  تاوتوێکرا، وەزیری دارایی و ئابوری  بەڵێنی دا کاری پێویست بکەن بۆ ئەوەی ھێندەی تر خاوەن پیشەجیاکانی سلێمانی زیانیان پێ نەگات.