ئیسرائیل هەنگاوەكانی گۆڕینی بڕیاری دەستگیركردنی ناتانیاهۆ تاوتوێ دەكات
کەژان
٢٢ی تشرینی دووەمی ٢٠٢٤
١٣
ئیسرائیل هەنگاوەكانی تایبەت بە گۆڕینی بڕیاری دەستگیركردنی ناتانیاهۆ تاوتوێ دەكات، بایدنیش دەڵێت بڕیاری دەستگیركردنی ناتانیاهۆ جێگەی شەرمەزارییە.
جۆ بایدن سەرۆكی ئەمریكا رایگەیاند، بڕیارەكەی ئەو دادگایە نازانرێت بە چی پاساوێك بووە، بەڵام ناكرێت هەرگیز ئیسرائیل و حەماس بەراورد بە یەك بكرێت ئەوە بڕیارێكی شەرمەزاركەرانەیە.
ئاماژەی بەوەشكرد، وڵاتەكەی هەمیشە لە پشتی حكومەتی ئیسرائیل دەوەستێت و وەڵامی هەر هێرشێك دەداتەوە كە لە لایەن تیرۆرستانەوە بكرێتە سەر ئەو وڵاتە.
هاوكات، دەستەی پەخشی ئیسرائیل لە زاری بەرپرسانی ئەو وڵاتەوە بڵاویكردەوە، ئیسرائیل هەنگاوەكانی تایبەت بە گۆڕینی بڕیاری دەستگیركردنی نەتانیاهۆ و گالانت تاوتوێ دەكات، لەرێگەی كردنەوەی لێكۆڵینەوەی جددی بۆ پابەندبوون بە یاسا نێودەوڵەتییەكان.
