بانکی تی بی ئای: تەنیا لە رێگەی پێگەی رەسمی بانکەوە مامەڵەکان ئەنجامدەدرێن
کوردسات نیوز
٣٠ی تشرینی یەکەمی ٢٠٢٣
١٬٦٨٧
لەسەکۆ ئەلکترۆنیە جیاوازەکان چەندین پەیج و ئەکاونت بەناوی بانکی بازرگانی عێراق تی بی ئای کراونەتەوە و بانگەشەی پێدانی دۆلار بەبەھای بانکی ناوەندی دەکەن بە ھاووڵاتیان، بەوھۆیەوە چەندین ھاووڵاتیش زەرەرمەندبوون.
دوای بەدواداچونی کوردسات نیوز سەرچاوەیەک لەبانکی بازرگانی عێراق رایگەیاند، بێجگە لەپێگەی رەسمی ھاووڵاتیان متمانە بەھیچ پەیج و ئەکاونتێکی تر نەکەن، بەتایبەت بەو پێگانەی ژمارەی مۆبایل بەکاردەھێنن.
وتیشی، لەئێستادا ھاووڵاتیان دەتوانن لە لقە سەرەکیەکانی تی بی ئای مامەڵەی وەرگرتنی دۆلاری گەشتیاری بکەن و لە فرۆکەخانەی بەغداد دۆلار وەربگرن.
