سەرۆكی ئۆكراین دەڵێت بە ئەندامبوونی وڵاتەكەی لە ناتۆ و رێگەدان بە روسیا بۆ پاراستنی ئەو ناوچانەی كۆنترۆڵی كردوون، دەبێتە سەرەتایەك بۆ راگرتنی ئەو شەڕەی ٣٣ مانگە بەردەوامە.

ڤۆلۆدیمیر زیلینسكی سەرۆكی ئۆكراین لە چاو پێكەوتنێكی تەلەفزیۆنیدا راگەیاند، تائێستا هیچ وڵات و لایەنێك بە هەر هۆكارێك بێت بە ئەندامبوونی لە ناتۆ نەخستووەتە بەردەم ئۆكراین و ئەوەی دەوترێت لەسەر ئەو بابەتە تەنها قسە و لێدوانی لێپرسراوان و میدیاكانە و هیچ پرۆژە و پێشنیازێكی رەسمی بۆ ئەو مەبەستە لەئارادا نییە.

وتیشی، بە ئەندامبوونی ئۆكراین لە ناتۆ و رێگەدان بە روسیا بۆ پاراستنی ئەو ناوچانەی كۆنترۆڵی كردوون، دەبێتە پلانێكی خێرا و سەرەتایەكی گرنگ بۆ كۆتایی هێنان بەو شەڕەی ٣٣ مانگە لە نێوان كیێڤ و مۆسكۆدا بەردەوامە.

هەسەدە دەڵێت لە نزیكەوە چاودێری پێشهاتەكانی باكووری ڕۆژئاوای سوریا دەكات و بەپێی پێویست كاردانەوەیان دەبێت.

فەرهاد شامی بەرپرسی ئۆفیسی ڕاگەیاندنی هێزەكانی سوریای دیموكرات لە تویتێكدا ئاماژەی بەوەكرد، پێشهاتەكانی باكووری ڕۆژئاوای سوریا هەستیارن و ڕاستەوخۆ گرنگی بۆ ئەوان هەیە، وتیشی لە نزیكەوە بەدواداچوون دەكەن و هەڵوێست و كاردانەوەیان بەپێی پێویستی بۆ پاراستنی گەل دەبێت.

حەلەب كە ئێستا بەشێكی كەوتووەتە ژێر دەستی گروپە چەكدارەكانەوە، لە ساڵی ٢٠١٦ وە لە ژێر دەسەڵاتی حكومەتی سوریا و هاوپەیمانەكانیدایە، بەڵام لە ناو حەلەبدا دوو گەڕەك بە ناوەكانی شێخ مەقسود و ئەشرفەییە كە كوردنشینن لە ژێر دەستی هێزە كوردییەكاندان.

 

سبەینێ ئەنجومەنی نوێنەرانی عیراق كۆدەبێتەوە و سێ پڕۆژە یاسای جێگەی مشتومڕ دەخاتە دەنگدانەوە، كە یەكێكیان تایبەتە بە هەڵوەشاندنەوەی بڕیارەكانی بەعس بۆ گەڕاندنەوەی خاوەندارێتی زەوییە لەناوچە جێناكۆكەكان بۆ خاوەنەكانیان.

فەرمانگەی راگەیاندنی ئەنجومەنی نوێنەرانی عیراق لە راگەیەنراوێكدا ئاماژەی بەوەكردووە، رۆژی یەكشەممە ئەنجومەنی نوێنەران كۆدەبێتەوە و سێ پرۆژەیاسا دەخاتە دەنگدانەوە و خوێندنەوە بۆ دوو پرۆژەیاساش دەكرێت.

ئەو سێ پڕۆژە یاسایەی دەخرێنە دەەنگدانەوە بریتین لە: هەمواركردنەوەی یاسای باری كەسێتی ساڵی ١٩٥٩ و پرۆژەیاسای گەڕاندنەوەی زەوییەكان بۆ خاوەنەكانیان كە بە چەند بڕیارێكی ئەنجومەنی سەركردایەتیی بەعس دەستیان بەسەردا گیراوە لەگەڵ پرۆژەیاسای هەمواری دووەمی یاسای لێبوردنی گشتی.

ئەو سێ پرۆژە یاسایە زۆرترین مشتومڕیان لەسەرە و پێشتر  فراكسیۆنەكانی شیعە و سوننە و كورد جەختیان كردبووەوە كەتێپەڕاندنی ئەو  پڕۆژە یاسایانە پێوستیان بە رێككەوتنی سیاسییە.