چوارچێوەی ھەماھەنگی ئاماژەی بەوەکردووە، داوا لە ھەموو پەرلەمانتاران و بە تایبەتیش کوتلەی سەدر دەکەن، گەورەترین کوتلەی پەرلەمانیی لە ئەنجومەنی نوێنەران دروست بکەن، بە مەبەستی پارێزگاریکردن لە مافی دەستوری و جێگرکردنی پڕۆسەی سیاسی لە وڵاتدا.


چوارچێوەی ھەماھەنگی ستایشی سەرجەم کوتلە و ھێزە سیاسییەکانی کردووە، کە سووربوون لەسەر پشتیوانی لە لێکتێگەیشتنە ھاوبەشەکان و قوڵنەکردنەوەی ھەڵویستە سیاسییەکان.


ئەوەش لە کاتێکدایە، تا ئێستا چوارچێوەی ھەماھەنگی کە زۆرینەی ھێزە شیعییەکان لەخۆدەگرێت، لەگەڵ کوتلەی سەدر کە زۆرترین کورسی پەرلەمانی دەستبەسەر کردووە، چەند کۆبوونەوەیەکی ھاوبەشیان کردووە، بە مەبەستی دروستکردنی گەورەترین کوتلەی پەرلەمانیی و پێکھێنانی حکومەتی داھاتوو، بەڵام تا ئێستا نەگەیشتوونەتە ڕێککەوتنێکی کۆنکرێتی لە نێوان خۆیاندا.