وەزارەتی ناوخۆی مەغریب لە راگەیەندراوێکدا بڵاویکردەوە، لە میانی گەڕان و بەدواداچوونەکانی تیمەکانی فریاگوزاری بۆ رزگارکردنی قوربانییانی بومەلەرزەکە، تائێستا دوو ھەزار و ٦٨١ حاڵەتی گیانلەدەستدان بەھۆی بومەلەرزەکەوە پشتڕاستکراوەتەوە و دوو ھەزار و ٥٣٠ برینداریش تۆمارکراوە.

ئەوەشی خستووەتەڕوو، گەڕان و بەدواداچوونی تیمەکانی فریاگوزاری و لایەنە پەیوەندیدارەکان بەردەوامن بۆ رزگارکردنی قوربانییانی بومەلەرزەکە و چارەسەرکردنی بریندارەکان.