"مەجید تەخت روانجی" نێردەی ئێران بۆ نەتەوەیەکگرتوەکان رایگەیاند ، ھەموو ئەو تۆمەتانەی ئاراستەی ئێران دەکرێن سەبارەت بە پشتگیریکردنی ئەو گروپە چەکدارانەی ھێرش دەکەنە سەر ھێزەکانی ئەمریکا لە عێراق و سوریا ، دورن لە راستیەوە و وڵاتـەکەی ھیچ پەیوەندییەکی بەو ھێرشانەوە نییە ، دوپاتیشیکردۆتەوە کە ھێرشکردنە سەر ئەو گروپانە لەلایەن ئەمریکاوە بە بیانوی رێگریکردن لە ئێران ، ھیچ بنەمایەکی یاسایی نییە و پێشێلکردنی یاسا نێودەوڵەتییەکانە .
 ئەوە لە کاتێکدایە ئەمریکا ئێران تۆمەتبار دەکات بە ھاوکاریکردنی گروپە چەکدارەکانی عێراق و سوریا بۆ ئەنجامدانی ھێرش دژی ھێزە ئەمریکییەکان و سێشەممەی رابردووش واشنتۆن ئەنجومەنی ئاسایشی ئاگادارکردەوە لە ھێرشێک کە دژی ئەو گروپانە لە سنورەکانی عێراق و سوریا ئەنجامیداوە تا رێگرییان لێبکات لە بەردەوامییدان بەو ھێرشانەی دژی بەرژوەندییەکانی ئەمریکا ئەنجامی دەدەن .